ပြည်တွင်းကုန်သွယ်မှုသတင်း

     ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ လက်ပံတန်းမြို့နယ်မှ ဒု-ဦးစီးမှူး ဦးကိုကိုနိုင်သည် လက်ပံတန်းမြို့နယ်၊ တော်လသကျေးရွာရှိ တောင်သူဦးမောင်မြင့်ထံသို့ (၁၄-၂-၂၀၂၄) ရက်နေ့တွင်သွားရောက်၍ မေးမြန်းကွင်းဆင်းခဲ့ရာ မတ်ပဲအထွက်နှုန်းမှာလည်း ယခင်နှစ်ထက်သာလွန်၍ထွက်ရှိပြီး အကျိုးအမြတ်များစွာရရှိ‌နေကြောင်း၊ သာယာဝတီခရိုင်အတွင်းရှိ မြို့နယ်များတွင်လည်း ရေလိုက်မတ်ပဲတို့လှိုင်လှိုင်ထွက်ရှိနေပြီး ဈေးနှုန်းမှာ ပေါ်စအချိန်မှစတင်ပြီး ယခုအချိန်ထိ ဈေးကောင်းရရှိနေကြကြောင်းသိရှိရပါသည်။

     ရေလိုက်မတ်ပဲများကိုစိုက်ပျိုးရာ ကိုင်းမြေများသည် မြစ်မခမြစ်ရေကြီး/ရေလျှံဖြစ်ပေါ်ပါက နုန်းတင်မြေနုများပေါ်တွင်စိုက်ပျိုးသော မတ်ပဲများမှာ သန်စွမ်းပြီး အထွက်နှုန်းကောင်းကြကာ ရေကြီးရေလျှံမဖြစ်ပေါ်သောနှစ်များတွင် နုန်းတင်မြေနုမဖြစ်ပေါ်သဖြင့် မတ်ပဲများမှာ အပင်သန်စွမ်းပြီး ပုံမှန်ထွက်ရှိကြောင်း၊ ယခင်နှစ်အထွက်နှုန်းမှာ ၁၅တင်းနှုန်းထွက်ရှိခဲ့ပြီး ယခုနှစ်တွင် ရေကြီး/ ရေလျှံမှုဖြစ်ပေါ်ခဲ့သဖြင့် အထွက်နှုန်းမှာ ၂၅တင်းနှုန်းနှင့်အထက်ထွက်ရှိကြောင်းသိရှိရပါသည်။

     ရေလိုက်မတ်ပဲစိုက်ပျိုးရာတွင် ထွန်ယက်ချိန်မှ စိုက်ပျိုးချိန်နှင့် ရိတ်သိမ်းချိန်အထိ ကုန်ကျစရိတ်မှာ ပုံမှန်ထွန်ယက်ခထက် တစ်ဝက်နှုန်းသက်သာပြီး လယ်ယာမြေထွန်ယက်ခြင်းအတွက် (၃၅၀၀၀)ကျပ်၊ (ပေါင်းသတ်ဆေး၊ ပိုးသတ်ဆေး၊ အသီးအပွင့်အားဆေး) သွင်းအားစုကုန်ကျစရိတ်မှာ (၃၀၀၀၀၀)ကျပ်၊ ပဲနှုတ်ခ  (၇၀၀၀၀)ကျပ်၊ စက်ဖြင့်ချွေလှေ့ခမှာ တစ်တင်းလျှင် (၅၀၀၀/)ကျပ်နှုန်းဖြင့် (၂၅) တင်းထွက်ရှိသည့်အတွက် (၁၂၅၀၀၀)ကျပ်၊ သယ်ယူစရိတ်နှင့် လုပ်သားခ (၃၀၀၀၀) ကျပ်၊ ဆေးဖြန်းခ (၅)ကြိမ် (၂၀၀၀၀)ကျပ်၊ မျိုးတစ်တင်းလျှင် (၉၀၀၀၀)ကျပ်နှုန်းဖြင့် မျိုး(၃)စိတ် (၃/၄)တင်းအတွက် ကုန်ကျစရိတ်မှာ (၇၀၀၀၀)ကျပ်၊ စုစုပေါင်းတစ်ဧကကုန်ကျစရိတ်မှာ (၆၅၀၀၀၀) ကျပ်ခန့်ကုန်ကျပါသည်။ တစ်ဧကလျှင် အထွက်နှုန်း (၂၅)တင်းနှုန်းထွက်ရှိပြီး တစ်တင်းရောင်းဈေးနှုန်းမှာ (၁၀၀၀၀၀) ကျပ်ခန့်ဈေးနှုန်းဖြင့်ရောင်းချရသဖြင့် တစ်ဧကဝင်ငွေ (၂၅၀၀၀၀၀)ကျပ်ရရှိပါသည်။ တစ်ဧကအကျိုးအမြတ်အနေဖြင့် (၁၈၅၀၀၀၀)ကျပ်အမြတ်ရရှိကြောင်း တောင်သူထံမှသိရှိရပါသည်။ ရေလိုက်မတ်ပဲသည် အစောဆုံးထွက်ရှိသော မတ်ပဲများဖြစ်ပြီး နှစ်စဉ်ဈေးကောင်းလည်းရရှိကြပါသည်။ ယခင်နှစ် မတ်ပဲတစ်တင်းရောင်းဈေးမှာ ၅၄၀၀၀ကျပ်၊ ယခုနှစ်ရေလိုက်မတ်ပဲတစ်တင်းရောင်းဈေးမှာ ၁၀၀၀၀၀ကျပ်နှင့်အထက်ဖြင့် ရောင်းချရကြောင်းသိရှိရပြီး တောင်သူများလည်းအကျိုးအမြတ်များစွာရရှိကြောင်းသိရှိရပါသည်။

DOCA(ပဲခူး)

      စစ်ကိုင်းတိုင်းဒေသကြီး ကန့်ဘလူခရိုင်၌ ၂၀၂၄ ခုနှစ်၊ ဖေဖော်ဝါရီလ ၁ ရက်နေ့မှ  ၁၅ ရက် နေ့အတွင်း ဖြစ်ပေါ်ခဲ့သော စပါး၊ ဆန်ဈေးနှုန်းများမှ ရွှေဘိုပေါ်ဆန်းစပါးတင်း(၁၀၀)လျှင် ငွေကျပ် ၃၅၀၀၀၀၀ ၊ ဧရာမင်းစပါတင်း(၁၀၀)လျှင် ငွေကျပ်၂၇၀၀၀၀၀ နှင့် ရွှေဘိုပေါ်ဆန်းဆန် ၂၄ ပြည်ပါ တစ်အိတ်လျှင် ငွေကျပ် ၁၃၀၀၀၀ ၊ ဧရာမင်းဆန်၂၄ ပြည်ပါ တစ်အိတ်လျှင် ၁၂၀၀၀၀ကျပ်ဖြင့် အရောင်းအဝယ်ဖြစ်ခဲ့ပြီး  ဖေဖော်ဝါရီလ တတိယပတ်တွင် ရွှေဘိုပေါ်ဆန်းစပါးတင်း(၁၀၀)လျှင် ငွေကျပ် ၃၇၀၀၀၀၀ ၊ ဧရာမင်းစပါးတင်း(၁၀၀)လျှင် ငွေကျပ် ၂၇၅၀၀၀၀ နှင့် ရွှေဘိုပေါ်ဆန်းဆန်၂၄ ပြည်ပါ တစ်အိတ်လျှင် ငွေကျပ် ၁၃၅၀၀၀ ၊ ဧရာမင်းဆန်၂၄ ပြည်ပါ တစ်အိတ်လျှင် ငွေကျပ် ၁၂၅၀၀၀ ဖြင့် အရောင်းအဝယ်ဖြစ်ခဲ့ရာ  ရွှေဘိုပေါ်ဆန်းစပါး တင်း(၁၀၀)လျှင် ငွေကျပ် ၂၀၀၀၀၀ နှင့် ၂၄ပြည် ပါ ဆန်တစ်အိတ်လျှင် ငွေကျပ် ၅၀၀၀ ၊ ဧရာမင်းစပါးတင်း (၁၀၀)လျှင် ငွေကျပ် ၅၀၀၀၀ နှင့် ၂၄ ပြည်ပါ ဆန်တစ်အိတ်လျှင်  ၅၀၀၀ ကျပ် မြင့်တက်ခဲ့ကြောင်း ၊ အခြားတိုင်းဒေသကြီးများသို့ ဆန်စီးထွက်မှုအနေဖြင့် မန္တလေးတိုင်းဒေသကြီးသို့ ဆန်အိတ်ရေ ၂၂၀၀ အိတ်၊ ရန်ကုန်တိုင်းဒေသ ကြီးသို့အိတ်ရေ ၄၅၀၀ အိတ် တန်အားဖြင့် ၃၃၅ တန် စီးထွက်ခဲ့ကြောင်း ဒေသခံဆန်စက် လုပ်ငန်းရှင်များထံမှ သိရသည်။

DOCA(စစ်ကိုင်း)

     ပြည်ကုန်စည်ဒိုင်တွင် ပဲမျိုးစုံရောင်းဝယ်လျက်ရှိပြီး မတ်ပဲ၊ ပဲတီစိမ်း၊ ပဲစင်းငုံ၊ ကုလားပဲ၊ ပဲကြီး၊ ဘိုကိတ်နှင့် စားတော်ပဲသီးနှံများရောင်းဝယ်လျက်ရှိပါသည်။

    ၂၀၂၄ခုနှစ်၊ ဖေဖော်ဝါရီလ ပထမပတ်တွင် မတ်ပဲတစ်တင်းကို ၁၁၁၇၀၀ကျပ်ဖြင့် တစ်ရက်လျှင် ရန်ကုန်အဝယ်အိတ်(၃၀၀)ခန့်ရှိပါသည်။ ပဲတီစိမ်းတစ်တင်းကို ၇၃၀၀၀ကျပ်ဖြင့် မန္တလေး အဝယ်တစ်ရက်လျှင် အိတ်၄၀၀ခန့်ရှိပါသည်။ ပဲစင်းငုံတစ်တင်းကို ၁၂၂၅၀၀ကျပ်ဖြင့် ရန်ကုန်အဝယ်တစ်ရက်လျှင် အိတ်၄၀၀ခန့်ရှိပါသည်။ ကုလားပဲ(HL) တစ်တင်းကို ၉၉၀၀၀ကျပ်၊ မြကြေးမှုန်တစ်တင်းကို ၉၈၀၀၀ကျပ်ဖြင့် မြို့တွင်းခွဲစက်အဝယ်တစ်ရက်ကို အိတ်၃၀၀ခန့်ရှိပါသည်။ ပဲကြီး(ရွှေကျွန်း) တစ်တင်းကို ၁၂၅၀၀၀ကျပ်၊ ကုန်းပဲတစ်တင်းကို ၁၂၀၀၀၀ကျပ်ဖြင့် တစ်ရက်လျှင် အိတ်၃၀၀ခန့် ပဲကြော်သမားများနှင့် မြို့တွင်းအဝယ်ရှိပါသည်။ စားတော်ပဲ(ကျွန်း)တစ်တင်းကို ၁၂၀၀၀၀ကျပ်ဖြင့် မြို့တွင်းအဝယ်တစ်ရက်လျှင် အိတ်၅၀ခန့်ရှိပါသည်။ ဘိုကိတ်ပဲတစ်တင်းကို ၈၀၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်လျှင် အိတ်၁၀၀ခန့်အဝယ်ရှိပါသည်။

      ပြည်ကုန်စည်ဒိုင်တွင် ပဲမျိုးစုံအရောင်းအဝယ်သွက်လျက်ရှိကာ မတ်ပဲ၊ ပဲစင်းငုံ၊ ကုလားပဲဈေးနှုန်းများမြင့်တက်လျက်ရှိပြီး ကျန်ပဲဈေးနှုန်းများမှာ ဈေးအေးလျက်ရှိကြောင်းသိရှိရပါသည်။

DOCA(ပဲခူး)

    တောင်ငူမြို့တွင် ယခု၂၀၂၄ခုနှစ်၊ ဖေဖော်ဝါရီလ တတိယပတ်တွင် ရွှေဘိုပေါ်ဆန်းတစ်အိတ်လျှင် ၁၅၀၀၀၀ကျပ်၊ ဧည့်မထဆန်တစ်အိတ်လျှင် ၈၇၀၀၀ကျပ်မှ ၉၀၀၀၀ကျပ်ဖြင့် ဈေးနှုန်းတည်ငြိမ်နေပြီး ဖျာပုံပေါ်ဆန်းမှာ ယခင်ဖေဖော်ဝါရီလ ဒုတိယအပတ်တွင် တစ်အိတ်လျှင် ၁၂၅၀၀၀ကျပ်မှ ယခု ဖေဖော်ဝါရီလ တတိယပတ်တွင် တစ်အိတ်လျှင် ၁၃၅၀၀ကျပ်၊ ဒေသပေါ်ဆန်းမှာ ယခင်ဖေဖော်ဝါရီလ ဒုတိယအပတ်တွင် တစ်အိတ်လျှင် ၁၁၅၀၀၀ကျပ်ရှိခဲ့ရာမှ ယခုဖေဖော်ဝါရီလ တတိယပတ်တွင် တစ်အိတ်လျှင် ၁၂၀၀၀၀ကျပ်ဖြင့် ဈေးနှုန်းအနည်းငယ်မြင့်တက်လာခဲ့ပါသည်။  

      စပါးတင်း၁၀၀လျှင် ၂၄၀၀၀၀၀ကျပ်၊ ဆန်ကွဲကြီး တစ်အိတ်လျှင် ၅၅၀၀၀ကျပ်၊ ဆန်ကွဲသေးတစ်အိတ်လျှင် ၄၇၀၀၀ကျပ်ဖြင့် ဈေးနှုန်းတည်ငြိမ်နေပြီး ဖွဲနုမှာ ယခင်ဖေဖော်ဝါရီလ ဒုတိယအပတ်တွင် တစ်အိတ်လျှင် ၂၀၀၀၀ကျပ်ရှိခဲ့ရာမှ ယခုဖေဖော်ဝါရီလ တတိယပတ်တွင် တစ်အိတ်လျှင် ၁၈၀၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ပါသည်။

      မတ်ပဲ(၃၀ပိဿာဝင်အိတ်)မှာ ယခင်ဖေဖော်ဝါရီလ ဒုတိယအပတ်တွင် တစ်အိတ်လျှင် ၁၅၇၀၀၀ကျပ်ရှိခဲ့ရာမှ ယခုဖေဖော်ဝါရီလ တတိယပတ်တွင် တစ်အိတ်လျှင် ၁၄၉၅၀၀ကျပ်၊  ပဲတီစိမ်းမှာ ယခင်ဖေဖော်ဝါရီလ ဒုတိယအပတ်တွင် တစ်အိတ်လျှင် ၁၁၇၀၀၀ကျပ်ရှိခဲ့ရာမှ ယခုဖေဖော်ဝါရီလ တတိယပတ်တွင် တစ်အိတ်လျှင် ၁၀၅၀၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ပြီး ပဲလွန်းဖြူမှာ တစ်အိတ်လျှင် ၁၁၀၀၀၀ကျပ်ဖြင့် ဈေးနှုန်းတည်ငြိမ်နေကြောင်းသိရှိရပါသည်။

DOCA(ပဲခူး)

     စစ်ကိုင်းတိုင်းဒေသကြီးအတွင်းရှိ  ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦး၊ ကသာခရိုင်(အင်းတော်မြို့နယ်)နှင့် မုံရွာခရိုင်များအနေဖြင့် စပါး၊ ဆန် အသစ်များ ပေါ်လာပြီး  ဈေးနှုန်းများမြင့်တက်နေပါကြောင်း သိရှိရပါသည်။

    စစ်ကိုင်းတိုင်းဒေသကြီးအတွင်း ဖေဖော်ဝါရီလ  (တတိယ) ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း ၁၀၀လျှင် ကျပ် ၄၀၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၀၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၆၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၃၂၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင်၁၄၀၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

     ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း ၁၀၀လျှင် ကျပ် ၄၀၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၀၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၆၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင်  ကျပ် ၃၂၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

     ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်)တင်း၁၀၀ လျှင် ၂,၆၅၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ် ၈၅,၀၀၀၊ ဧည့်မထ(စပါး)(‌ဟောင်း) တင်း၁၀၀ လျှင် ၂,၉၀၀,၀၀၀၊ ဧည့်မထ (ဆန်) ‌၂၄ပြည်ပါ တစ်အိတ်မှာ ကျပ် ၁၀၅,၀၀၀၊ ငစိန်(စပါး)(ဟောင်း)တင်း၁၀၀လျှင် ၂၈၀၀,၀၀၀၊ ငစိန် (ဆန်)(ဟောင်း)၂၄ပြည်ပါ တစ်အိတ်မှာ ၉၅,၀၀၀၊ ငစိန်(စပါး)(သစ်)တင်း၁၀၀လျှင် ၂၄၅၀,၀၀၀၊ ငစိန် (ဆန်)(သစ်)၂၄ပြည်ပါ တစ်အိတ်မှာ ၇၀,၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၂,၇၀၀,၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ်၉၅,၀၀၀၊ ဧရာမင်း(စပါး) (ဟောင်း)တင်း ၁၀၀ လျှင် ကျပ် ၃,၁၀၀,၀၀၀၊ ဧရာမင်း(ဆန်)(‌ဟောင်း)၂၄ပြည်ပါ တစ်အိတ်မှာ ကျပ် ၁၃၀,၀၀၀ ဖြင့် အရောင်းအဝယ်ဖြစ်နေကြောင်း သိရပါ သည်။

      ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း၁၀၀ လျှင် ကျပ် ၁,၅၀၀,၀၀၀၊ ဆင်းဧကရီ-၃ ဆန် (သစ်) ၂၄ပြည်တစ်အိတ်မှာကျပ် ၈၀,၀၀၀၊ ဆင်းဧကရီ(၃)(စပါး) (ဟောင်း) တင်း၁၀၀ လျှင် ကျပ် ၂,၀၀၀,၀၀၀၊ ဆင်းဧကရီ-၃ ဆန် (ဟောင်း) ၂၄ပြည်တစ်အိတ်မှာကျပ် ၉၅,၀၀၀ ဧရာမင်း (စပါး) သစ် တင်း ၁၀၀လျှင် ကျပ် ၂,၀၀၀,၀၀၀၊ ဧရာမင်း(ဆန်) ၂၄ပြည် ဆန်တစ်အိတ်လျှင် ကျပ် ၉၀၀၀၀၊ ဧရာမင်း (စပါး) (ဟောင်း) တင်း ၁၀၀လျှင် ကျပ် ၂,၅၀၀,၀၀၀၊ ဧရာမင်း(ဆန်) (ဟောင်း)  ၂၄ပြည် ဆန်တစ်အိတ်လျှင် ကျပ် ၁၂၀၀၀၀ ဖြင့်အရောင်းအဝယ်ဖြစ် နေကြောင်း သိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း ၁၀၀ လျှင် ကျပ် ၃,၀၀၀,၀၀၀၊  ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၁၃၀၀၀၀၊ ဧရာမင်း(စပါး)(ဟောင်း)တင်း ၁၀၀ လျှင် ကျပ် ၃,၆၀၀,၀၀၀၊  ဧရာမင်း (ဆန်)(ဟောင်း) ၂၄ပြည် တစ်အိတ်မှာ ကျပ် ၁၅၀၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

    ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)(သစ်)တင်း ၁၀၀ လျှင် ကျပ် ၂၆၀၀,၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၁၂၀၀၀၀၊ ပေါ်ဆန်း(စပါး)(သစ်) တင်း ၁၀၀လျှင် ကျပ် ၃၄၀၀၀၀၀ ပေါ်ဆန်း (ဆန်)၂၄ပြည် တစ်အိတ်လျှင် ကျပ် ၁၃၀၀၀၀ ဖြင့် အရောင်း အဝယ်ဖြစ်နေကြောင်း သိရပါသည်။

   စစ်ကိုင်းတိုင်းဒေသကြီးမှ ဖေဖော်ဝါရီလ  (ဒုတိယ) ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၃၀၀၀၊ မန္တလေး သို့ အိတ်ရေ ၂၇၂၀၀ နေပြည်တော်သို့ အိတ်ရေ ၃၃၀၀၊ ရှမ်း (တောင်)သို့ အိတ်ရေ ၂၈၀၀၊ မွန်သို့ အိတ်ရေ ၉၉၀၀၊ ကချင်သို့ အိတ်‌ရေ ၃၉၅၀၊ ပခုက္ကူသို့ အိတ်ရေ ၆၀၀  စုစုပေါင်း အိတ်ရေ (၇၀၇၅၀)  အိတ်၊ တန်အား ဖြင့် (၃၅၃၇)  စီးထွက်ခဲ့ပြီး ယခု  ဖေဖော်ဝါရီလ  (တတိယ) ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၅၀၀၀၊ မန္တလေး သို့ အိတ်ရေ ၂၉၅၀၀ နေပြည်တော်သို့ အိတ်ရေ ၃၀၀၀၊ ရှမ်း (တောင်)သို့ အိတ်ရေ ၂၀၀၀၊ မွန်သို့ အိတ်ရေ ၆၁၂၀၊ ကချင်သို့ အိတ်‌ရေ ၁၅၈၀၊ ပခုက္ကူသို့ အိတ်ရေ ၁၀၀၀  စုစုပေါင်း အိတ်ရေ (၆၈၂၀၀)  အိတ်၊ တန်အား ဖြင့် (၃၄၁၀) စီးထွက်ခဲ့သည့်အတွက်  ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၂၅၅၀) အိတ်၊ တန်အားဖြင့် ( ၁၂၇) လျော့နည်းစီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)