ရွှေဘိုဈေးကွက်တွင် အရောင်းအဝယ်ဖြစ်လျက်ရှိသည့် တရုတ်ပဲကြီးဈေး
စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ တရုတ်ပဲကြီးစိုက်ပျိုးမှုမရှိကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် တရုတ်ပဲကြီးများ ကိုမန္တလေးမြို့မှ ဝယ်ယူရောင်းချကြောင်း၊ ရွှေဘိုမြို့ ဈေးကွက်အတွင်း ဧပြီလ၊ ပထမအပတ်တွင် ရောင်းချသည့် တရုတ်ပဲကြီးဈေးနှုန်းမှာ (၁)ပြည်လျှင်(၉၀၀ဝိ/-)ကျပ်နှင့် တစ်တင်းလျှင်(၁၄၁၀၀ဝိ/-) ကျပ် ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါ ယခင်အပတ်၌ တရုတ်ပဲကြီး(၁)ပြည်လျှင် (၉၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများ၊ ကိုယ်တိုင်ကြော်ရောင်းသည့် ပဲကြော်ဖိုများ၊ အလှူမင်္ဂလာပွဲလမ်း ဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။
DOCA(စစ်ကိုင်း)
ငါးရှဉ့်တွင် ပရိုတင်းဓာတ်၊ ဗီတာမင်၊ သတ္တုဓာတ်များစွာ ပါဝင်၍ သွေးအားကောင်းစေပြီး ကျန်းမာရေးအတွက် ဆေးဖက်ဝင်အစားအစာ တစ်ခုအဖြစ် ပြည်ပနိုင်ငံများတွင် စားသုံးမှုရှိကြောင်း ၊ ပြည်တွင်းတွင် ဟိုတယ်စာအဖြစ် စားသုံးလျက်ရှိကြောင်း သိရသည်။ ငါးရှဉ့်မှာ တစ်နှစ်ပတ်လုံး ဈေးကွက်တွင် အရောင်းအဝယ်ဖြစ်သော်လည်း ယခုလို နွေရာသီတွင် ငါးရှဉ့် အဝင်နည်း၍ မိုးတွင်းမှာ ငါးရှဉ့်သားပေါက်ရာသီဖြစ်ပြီး ငါးရှဉ့်အဝင်ပို၍ များကြောင်း၊ မိုးတွင်းငါးရှဉ့် လှိုင်လှိုင်ပေါ်ချိန် (၁) ပိဿာကို ကျပ် ၈၀၀၀/ ၁၀၀၀၀ အတွင်းရှိပြီး ယခုလိုနွေရာသီတွင် ငါးရှဉ့် (၁) ပိဿာကို ကျပ် ၂၅၀၀၀ နှုန်းဖြင့် ဈေးနှုန်း ပိုမိုရရှိကြောင်း သိရသည်။ ကျိုက်လတ်မြို့နယ်အတွင်းရှိ ကျေးရွာများမှ ငါးရှဉ့်များ ဖမ်းဆီး၍ မြို့ပေါ်အဝယ်ဒိုင်များသို့ လာရောက်ရောင်းချလျက်ရှိရာ ယခုလို နွေရာသီတွင် တစ်နေ့လျှင် ၄ / ၅ ပိဿာခန့် ဝယ်ယူရရှိပြီး မိုးတွင်းကာလများတွင် တစ်နေ့ ပိဿာချိန် ၄၀ / ၅၀ အထိ ဝယ်ယူရရှိကြောင်း ၊ ကျိုက်လတ်မြို့နယ်အတွင်းတွင် ငါးရှဉ့်အဝယ်ဒိုင် ၁၀ ဒိုင်ခန့်ရှိ၍ ဝယ်ယူထားသော ငါးရှဉ့်များကို ရေနှစ်ထပ် ၊ သုံးထပ် လဲလှယ်ပြီး ဖော့ပုံး၊ ပလတ်စတစ်ပုံးများတွင် ငါးရှဉ့် ၁၅ ပိဿာထည့်သွင်းပြီး ရန်ကုန်မြို့ရှိ လှိုင်သာယာ၊အင်းစိန်၊ ကြို့ကုန်း ငါးရှဉ့်အဝယ်ဒိုင်များသို့ တင်ပို့လျှက်ရှိပါသည်။ ရန်ကုန်မှ တဆင့် တရုတ်နိုင်ငံသို့ တင်ပို့ပြီး ပြည်ပဝင်ငွေ ရှာဖွေပေးလျက်ရှိကြောင်း ဈေးကွက်မှ သိရသည်။
