ပြည်တွင်းကုန်သွယ်မှုသတင်း

    သပြေငုတ်သည် အပွင့်မျိုးမဟုတ်၊ ရိုးတံအသစ်များမှ အရွက်နုကလေးများသည် ပန်းရောင်၊ အနီရောင်အဆင်းရှိပြီး လူကြိုက်များ၍ မြန်မာလူမျိုးတို့သည် သပြေငုတ်ကို အခြားသောပန်းများထက် ပိုမိုကြိုက်နှစ်သက်ကြသည်။ သပြေငုန်ပင်များကို ခြံဖွဲ့၍စိုက်ပျိုးကြပြီး ရောင်းချလျက်ရှိကြောင်း  ပန်းရောင်းချသူများထံမှ သိရသည်။

   အဆိုပါသပြေငုတ်ကြီး(၁)ငုတ်လျှင် (၆၀၀၀)ကျပ်နှင့် သပြေငုတ်သေး(၁)ငုတ်လျှင် (၄၀၀၀)ကျပ်ဖြင့် ရောင်းချကြောင်း လူကြိုက်များသော ပန်းဖြစ်သည့်အတွက် အရောင်းသွက်လျက်ရှိကြောင်း ပန်းရောင်းချသူများထံမှ သိရှိရပါသည်။

DOCA(ဧရာဝတီ)

    ဂေါ်ဖီထုပ်သည် ဟင်းသီးဟင်းရွက်အုပ်စုတွင် အပါအဝင်ဖြစ်ပြီး စားသုံးသူများကြိုက်နှစ်သက်သည့် ဟင်းရွက်တစ်မျိုးဖြစ်ပါသည်။ ဂေါ်ဖီထုပ်ကို လူအများစုက ဟင်းချိုချက်ခြင်း၊ အသား တစ်မျိုးမျိုးဖြင့် အစိမ်းကြော်၍စားသုံးခြင်း၊ အသုပ်ထဲထည့်၍စားသုံးခြင်း၊ အကြော်စုံများနှင့်တွဲဖက် စားသုံးခြင်းနှင့် တို့စရာအဖြစ်စားသုံးခြင်းဖြင့် အမျိုးမျိုးစားသုံးကြပါသည်။ ဂေါ်ဖီထုပ်သည် ရာသီပေါ် အစားအစာမဟုတ်ပဲ တစ်နှစ်ပတ်လုံးဝယ်ယူစားသုံး၍ရရှိသော သီးနှံတစ်မျိုးဖြစ်ပါသည်။

    ပုသိမ်မြို့အတွင်းရှိဈေးကွက်များတွင် ဂေါ်ဖီထုပ်ရောင်းချသော ဈေးနှုန်းများမှာ ဂေါ်ဖီထုပ် တစ်ထုပ်လျှင် (၁၀၀၀-၁၅၀၀)ကျပ်ဈေးများဖြင့် ရောင်းချလျက်ရှိကြောင်း သိရှိရပါသည်။

DOCA(ဧရာဝတီ)

   ပုသိမ်မြို့ရှိ ကန်စွန်းရွက်များကို စိုက်ပျိုးကြပြီး ကန်စွန်းရွက်များကို ပုသိမ်မြို့မဈေးတွင် ရောင်းချ၍ ကန်စွန်းရွက်မှာ အမျှင်ဓါတ်တွေ ပါဝင်ပြီး အစာခြေစနစ်ကို ကောင်းမွန်စေတဲ့အပြင် အစာအိမ်လမ်းကြောင်းမှာ ပြဿနာတွေ မဖြစ်အောင်လည်း ကာကွယ်ပေးပါသည် နောက်တစ်ခုကတော့ ဝမ်းချုပ်တာကို ပျောက်ကင်းစေပါတယ်။ ဝမ်းချုပ်တဲ့အခါမှာ ကန်စွန်းရွက်ကို ကြော်စားပေးရပါသည်။

   ထို့အပြင်၂၀၂၅ ခုနှစ်၊ ဧပြီလ ကန်စွန်းရွက်(၁)စည်းလျှင်(၂၀၀)ကျပ်၊ ကန်စွန်းရွက်(၃)စည်းလျှင်(၅၀၀)ကျပ်ဖြင့်ရောင်းချကြောင်း၊  ကန်စွန်းရွက်များကို  အိမ်ရှင်မများဟင်းချက်ရာတွင်လည်း ကောင်း၊စားသောက်ဆိုင်များနှင့် အထောင်းစုံရောင်းသည့်ဆိုင်များမှ ဝယ်ယူကြသဖြင့်ကန်စွန်း ရွက်များ အရောင်းအဝယ်သွက်လျက်ရှိကြောင်း သိရှိရပါသည်။    

DOCA(ဧရာဝတီ)

    စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တာဝန်ခံရုံးအနေဖြင့် တိုင်းဒေသကြီးဦးစီးမှူးရုံး၏ လမ်းညွှန်မှု  ခရိုင်းစီးမှူး၏ကြီးကြပ်မှုတို့ဖြင့် ဒေသတွင်း စိုက်ပျိုးထွက်ရှိသည့် သီးနှံအထွက်နှုန်းများ၊ သီးနှံဈေးနှုန်းများ၊ တစ်ဧကုန်ကျစရိတ်များနှင့် ရာသီပေါ်အစားအစာများ၏ ဈေးနှုန်း/ဈေးကွက်အခြေအနေတို့အား ရေးသားတင်ပြလျက်ရှိကြောင်း သိရသည်။

    ယခု ကျွန်းလှမြို့ပေါ်ရပ်ကွက်များရှိ ကုန်မျိုးစုံရောင်းဝယ်ရေးဆိုင်များတွင် ရောင်းချလျက်ရှိသည့် ကြံသကာများကို မန္တလေးမြို့နှင့် ရွှေဘိုမြို့တို့မှ ဝယ်ယူရောင်းချကြောင်း၊ ၂၀၂၅ ခုနှစ်၊ ဧပြီလ ပထမပတ်တွင် ရောင်းချနေသော ကြံသကာဈေးနှုန်းမှာ တစ်ပိဿာလျှင် ၅၈၀၀ကျပ် ၊ (၅၀)ကျပ် သားလျှင် ၃၀၀၀ ကျပ်နှင့် (၂၅)ကျပ်သားလျှင် ၁၅၀၀ကျပ်တို့ဖြင့်ရောင်းချကြောင်း လုပ်ငန်းရှင်များထံမှ သိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့ရှိ ဈေးများတွင် ၂၀၂၅ခုနှစ်၊ ဇန်နဝါရီလ (ဒုတိယ)အပတ်မှ စတင်၍ ကြက်သွန်နီ (အသစ်)များ စတင်ဝင်ရောက်လျက်ရှိပါသည်။ ကြက်သွန်နီ(အသစ်)များမှာ ဝက်လက်မြို့နယ်ရှိ သမံသာရွာ၊ မင်းကျီရွာနှင့် ကျောက်တိုင်ရွာများမှ လာရောက် ရောင်းချကြသည့်အပြင် ရေဦးမြို့နယ်များမှလည်း လာရောက်ရောင်းချကြကြောင်း သိရှိရပါသည်။ ကြက်သွန်နီအမျိုးအစားများမှာ ရွှေဖလားမျိုးနှင့် မြစ်သားမျိုးဟူ၍ (၂)မျိုးရှိကြောင်း၊ ကြက်သွန်နီ (အသစ်)များလှိုင်လှိုင်ပေါ်၍ ဈေးနှုန်းများကျဆင်းနေသည့်အပြင် ယခုအချိန်တွင် ကြက်သွန်နီ (အသစ်)များမှာ ရေကုန်ပြီးခြောက်သွေ့၍ လှောင်ထားနိုင်သည့်အနေအထားရှိသည့်အတွက် စားသုံးသူများနှင့် တစ်ဆင့်ပြန်လည်ရောင်းချသူများမှ လှောင်ထားရန်အတွက်သော်လည်းကောင်း၊ အခါကြီးရက်ကြီးဖြစ်သည့် သင်္ကြန်တွင် ဘုန်းကြီးကျောင်းလှူရန်အတွက်သော်လည်းကောင်း၊ မိဘ ဆွေမျိုးများ ကန်တော့ရန်အတွက် ကြိုတင်၍ စုထားကြကြောင်း၊ ၂၀၂၅ခုနှစ်၊ ဧပြီလ (ပထမပတ်) တွင် ရောင်းချသည့် ကြက်သွန်နီ (အသစ်) ဈေးနှုန်းများမှာ အရွယ်အစားပေါ်မူတည်၍ (၁)ပိဿာလျှင် (၁၅၀ဝိ/-)ကျပ်မှ (၂၅၀ဝိ/-)ကျပ်ထိ ‌အရောင်းအဝယ် ဖြစ်လျက်ရှိကြောင်း ရောင်းချသည့်လုပ်ငန်းရှင်ထံမှ သိရှိရပါသည်။  

DOCA(စစ်ကိုင်း)