ပြည်တွင်းကုန်သွယ်မှုသတင်း

    ကျွန်းလှမြို့နယ်အတွင်းရှိ ကျေးရွာများတွင် ဒေသထွက် ပေါ်ဦးပေါ်ဖျား မျှစ်စိမ်းများကို  ရှာဖွေ၍ ဈေးကွက် အတွင်းသို့ ရောင်းချကာ ဈေးကောင်းရရှိလျက်ရှိကြောင်း သိရသည်။

         ၂၀၂၅ ခုနှစ်၊ ယခင် ဇူလိုင်လ ပထမပတ်အတွင်း သစ်ရာမြိုင်ဈေး၌ ဖြစ်ပေါ် နေသော မျှစ်စိမ်း ဈေးနှုန်းမှာ လက္ကား တစ်ပိဿာလျှင်(၆၅၀၀)ကျပ်၊ လက်လီ တစ် ပိဿာလျှင်(၇၀၀၀)ကျပ်၊ (၅၀)ကျပ်သားလျှင်(၃၅၀၀)ကျပ်၊ မျှစ်စိမ်း(၂၅)ကျပ်သားလျှင်(၂၀၀၀) ကျပ် နှင့် မျှစ်ပြုတ် လက္ကား တစ်ပိဿာလျှင်(၈၀၀၀ )ကျပ်နှင့် မျှစ်ပြုတ် လက်လီ တစ်ပိဿာလျှင် (၁၀၀၀၀)ကျပ်၊ မျှစ်ပြုတ်(၅၀)ကျပ်သားလျှင်(၅၀၀၀)ကျပ် နှင့် မျှစ်ပြုတ်(၂၅)ကျပ်သားလျှင် (၂၅၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး  ယခု ဇူလိုင်လ တတိယပတ်တွင် မျှစ်စိမ်း ဈေးနှုန်းမှာ လက္ကား တစ်ပိဿာလျှင်(၄၅၀၀) ကျပ်၊ လက်လီ တစ်ပိဿာလျှင်(၅၀၀၀)ကျပ်၊ (၅၀)ကျပ်သားလျှင်(၂၅၀၀)ကျပ်၊ (၂၅)ကျပ်သားလျှင်(၁၅၀၀)ကျပ် နှင့် မျှစ်ပြုတ် လက္ကား တစ်ပိဿာလျှင်(၆၀၀၀)ကျပ်နှင့် လက်လီ တစ်ပိဿာလျှင် (၇၀၀၀)ကျပ်၊ (၅၀)ကျပ်သားလျှင်(၃၅၀၀)ကျပ် နှင့် (၂၅)ကျပ်သားလျှင်(၂၀၀၀)ကျပ် ဈေးနှုန်းတို့ဖြင့် ရောင်းချလျက်ရှိသောကြောင့် ယခင် အပတ်ထက် မျှစ်ဈေးနှုန်း ဆက်လက်ကျဆင်း လာပြီး အရောင်းအဝယ် ဖြစ်နေကြောင်း သိရပါသည်။

DOCA(စစ်ကိုင်း)

     ကျွန်းလှမြို့၊ ပိတောက်မြိုင်ဈေးတွင် ဘုရားပန်း အမျိုးမျိုးဖြစ်သော  ဂန္ဓာမာပန်း၊ သစ္စာပန်း၊ နှင်းဆီ၊ မေမြို့ပန်း(အက်စတာ)၊ မြေမြို့ပန်း(ကြက်လည်ဆံ) သပြေပန်း(အောင်သပြေ)အငုတ်၊ အောင်သပြေ အခက်များ၊ ရှင်မွေးလွန်းပန်း၊ ခရေပန်း၊ စံပါယ်ပန်း၊ စကားဖြူပန်း၊ စကားဝါပန်းနှင့် အာစီယံသပြေ တို့ကို ရောင်းချနေကြောင်း သိရှိရပါသည်။

          ၂၀၂၅ ခုနှစ်၊ ဇူလိုင်လ(တတိယပတ်)တွင်  ပိတောက်မြိုင်ဈေး၌ ဖြစ်ပေါ်နေသော ဘုရားပန်းအမျိုးမျိုး၏ ဈေးနှုန်းဖြင့် ခရေပန်း တစ်ကုံးလျှင်(၂၅၀)ကျပ်၊ ခရေပန်း(၂)ကုံးလျှင်(၅၀၀)ကျပ်  ဇွန်ပန်း တစ်ကုံးလျှင်(၃၀၀)ကျပ် (၂)ကုံးလျှင်(၅၀၀)ကျပ်၊ စကားဖြူပန်း ဈေးနှုန်းအနေဖြင့် စကားဖြူပန်း (၃)ပွင့်ပါ တစ်ကုံးလျှင်(၃၅၀)ကျပ်၊ စကားဖြူပန်း(၃)ကုံးလျှင်(၁၀၀၀)ကျပ် ၊ ရှင်မွေးလွန်းပန်း တစ်ကုံး လျှင်(၃၀၀)ကျပ်၊ (၂)ကုံးလျှင်(၅၀၀)ကျပ်ဈေးနှုန်းတို့ဖြင့် လည်းကောင်း စကားဝါပန်း ဈေးနှုန်းအနေဖြင့် စကားဝါပန်း(၃)ပွင့်ပါ တစ်ကုံးလျှင်(၂၀၀)ကျပ်၊ (၃)ကုံးလျှင်(၅၀၀)ကျပ် ဈေးနှုန်း တို့ဖြင့် လည်းကောင်း၊ ဇီဇဝါပန်း (၁၀)ပွင့်ပါ တစ်စီးလျှင်(၁၀၀၀)ကျပ်၊ဂန္ဓမာပန်းဈေးနှုန်းအနေဖြင့် ဂန္ဓမာ(အပွင့်ကြီး) တစ်စီး လျှင်(၃၅၀၀)ကျပ်၊ ဂန္ဓာမာပန်း(အပွင့်သေး) တစ်စီး လျှင်(၁၀၀၀)ကျပ်ဈေးနှုန်းဖြင့်လည်းကောင်း၊ သပြေ ပန်းဈေးနှုန်း အနေဖြင့် သပြေပန်းအငုတ်(အသေး၊ အကြီး) အရွယ်အစားအလိုက် (၂၅၀၀/၃၀၀၀/ ၄၀၀၀ /၅၀၀၀)ကျပ်၊  နှင်းဆီပန်း ဈေးနှုန်းအနေဖြင့် နှင်းဆီပန်း အပွင့်ကြီး တစ်ပွင့်လျှင်(၇၀၀)ကျပ်၊ နှင်းဆီပန်း အပွင့်(အလတ်) တစ်ပွင့်လျှင်(၅၀၀)ကျပ် နှင်းဆီပန်း အပွင့် (အသေး)တစ်ပွင့်လျှင်(၄၀၀)ကျပ်၊ အောင် သပြေ အခက် တစ်စီးလျှင်(၁၅၀၀)ကျပ် နှင့် အာစီယံသပြေ အခက်တစ်စီးလျှင်(၅၀၀)ကျပ် ဈေးနှုန်း တို့ဖြင့် အရောင်း အဝယ်ဖြစ်နေကြောင်း သိရပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာ ဝန်ခံရုံးအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုး တိုးတက် ရေးလုပ်ငန်းများကိုပါဆောင်ရွက်လျက်ရှိရာ ကန့်ဘလူခရိုင် ၊ ကျွန်းလှမြို့နယ်၊ ရှမ်းစုကျေးရွာတွင် တစ်ပိုင်တစ်နိုင်အနေဖြင့် မိသားစုအပိုဝင်ငွေရရှိစေရန်အတွက် သီးနှံမျိုးစုံစိုက်ပျိုးလျက်ရှိရာ စားဖိုဆောင်သီးနှံများဖြစ်သော ကြက်သွန်၊ ငရုတ်အပြင် နနွင်းပင်များကိုလည်း စိုက်ပျိုးကြပါသည်။

    နနွင်းပင်များကို  တောင်ယာမြေများတွင် သီးသန့်စိုက်ပျိုးကြ၍ နှစ်ရှည်ပင်များဖြစ်သည့် သရက်ပင်၊ ဇီးချိုပင်နှင့် လျှော်ဖြူပင်များအကြားတွင်လည် သီးညှပ်စိုက်ပျိုးပါကြောင်း နနွင်းသည် ဈေးကွက်ဝင် အပင် တစ်မျိုးဖြစ်သည့်အပြင် နနွင်းတက်အပေါ်မီ နနွင်းဖူးများကိုလည်း ခူးဆွတ်ရောင်းချလျက်ရှိပါကြောင်း ၂၀၂၅ ခုနှစ်၊ ဇူလိုင်လ ပထမပတ် ကျွန်းလှမြို့တွင် ဖြစ်ပေါ်နေသော နနွင်းတက်ဈေးနှုန်း တစ်ပိဿာလျှင်(၁၇၀၀၀)ကျပ်၊ (၅၀)ကျပ်သားလျှင်(၈၅၀၀)ကျပ်နှင့် နနွင်းတက် (၂၅)ကျပ်သားလျှင် (၄၅၀၀)ကျပ်၊ နနွင်းမှုန့်အစစ်ဈေးနှုန်း တစ်ပိဿာလျှင် (၂၀၀၀၀)ကျပ်၊ (၅၀)ကျပ်သား လျှင်(၁၀၀၀၀) ကျပ်နှင့် နနွင်းမှုန့်အစစ် (၂၅)ကျပ်သားလျှင်(၅၀၀၀)ကျပ် ဈေးနှုန်းတို့ဖြင့် အ‌‌ရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

     ကျွန်းလှမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေး လုပ်ငန်းကို အဓိကထား လုပ်ကိုင်ကြရာတွင် နှစ်ရှည်သီးနှံပင်များ၊ ဆီထွက်သီးနှံများနှင့် စားဖိုဆောင်သီးနှံပင် များကို မိမိတို့ နေအိမ်ခြံဝင်များတွင်လည်းကောင်း တောင်ယာများတွင်လည်းကောင်း စိုက်ပျိုးကြသည့်အပြင် ခရမ်းသီးပင်ကိုလည်း စိုက်ပျိုးပါကြောင်း စိုက်ပျိုးပြီး ရရှိလားအသီးများကို ရှားပါးသော ရာသီတွင် ရောင်းချရန်အတွက်အသီးမျိုးစုံကို  အခြောက်လှမ်းထားပြီး  ဈေးများရှိရာသို့ လာရောက် ရောင်းချကြောင်း သိရသည်။

     ခရမ်းသီးခြောက်ကို မြို့ပေါ်ရပ်ကွက်များနှင့် အနီးနားရှိကျေးရွာများဖြစ်သည့် ရှမ်းစုကျေးရွာ ပေးကုန်ကျေးရွာတို့မှ လာရောက်ရောင်းချပါကြောင်း၊ ခရမ်းသီးခြောက်အပြင် ရာသီအလိုက် သီးနှံများဖြစ်သည့် ဇီးဖြူသီးခြောက်၊ ဘူးသီးခြောက်၊ ကြောင်လျှာသီးခြောက်တို့ကိုပါ အခြောက် လှမ်းထားပြီး ရောင်းချလျက်ရှိပါကြောင်း၊  ခရမ်းသီးခြောက်ကို ပိန္နဲသီးပြုတ်၊ ဆူပုတ်ရွက် တို့ဖြင့် ရောနှောချက်စားခြင်း၊ မျှစ်သို့၊ မျှစ်ခြောက်တို့ဖြင့် ရောနှောချက်စားခြင်း၊ အသီးခြောက် အမျိုးမျိုးတို့ဖြင့်   ချက်ပြုတ်စားသောက်ကြပါသည်။ ၂၀၂၅ ခုနှစ်၊ ဇူလိုင်လ တတိယပတ်အတွင်း ခရမ်းသီးခြောက် လက္ကား(၁)ပိဿာလျှင်(၃၅၀၀)ကျပ်၊ ခရမ်းသီးခြောက် လက်လီ တစ်ပိဿာလျှင် (၄၀၀၀)ကျပ်၊ ခရမ်း သီးခြောက်(၅၀)ကျပ်သားလျှင်(၂၀၀၀)ကျပ်၊ ခရမ်းသီးခြောက် (၂၅)ကျပ်သား လျှင် (၁၀၀၀)ကျပ်နှင့် ခရမ်းသီးခြောက် (၁၀)ကျပ်သားခန့် တစ်ပုံလျှင်(၅၀၀)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

     ကျွန်းလှမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို အဓိကထား လုပ်ကိုင်ကြရာတွင် နှစ်ရှည်သီးနှံများ၊ ဆီထွက်သီးနှံနှင့် စားဖိုဆောင် သီးနှံပင်များကို မိမိတို့နေအိမ်ခြံဝင်များတွင်လည်းကောင်း တောင်ယာများတွင် လည်းကောင်း စိုက်ပျိုးကြသည့်အပြင် ခရမ်းကြွပ်သီးပင်ကိုလည်း စိုက်ပျိုးကြပြီး ကျွန်းလှမြို့နယ်ဈေးများတွင် ရောင်းချလျက်ရှိပါကြောင်း သိရသည်။

    ခရမ်းကြွပ်သီးများကို မြို့ပေါ်ရပ်ကွက်များနှင့် အနီးနားရှိကျေးရွာများဖြစ်သည့် ရှမ်းစုကျေးရွာ ပေးကုန်ကျေးရွာတို့မှ လာရောက်ရောင်းချလျက်ရှိပါကြောင်း ခရမ်းကြွပ်သီးကို ချက်ပီးလည်း စားကြသလို ငပိရည်နှင့် တို့စရာအဖြစ်စားသောက်ပါကြောင်း၊ ထမင်းဆိုင်များတွင် အသုံးများသည့် အတွက် ရောင်းအားကောင်းလျက်ရှိကြောင်း၊ ၂၀၂၅ ခုနှစ်၊ ဇူလိုင်လ တတိယပတ်အတွင်း ခရမ်း ကြွပ်သီး လက္ကား(၁)ပိဿာလျှင်(၃၅၀၀)ကျပ်၊ ခရမ်းကြွပ်သီး လက်လီ တစ်ပိဿာလျှင်(၄၀၀၀)ကျပ်၊ ခရမ်းကြွပ်သီး(၅၀)ကျပ်သားလျှင်(၂၀၀၀)ကျပ်နှင့် ခရမ်းကြွပ်သီး(၂၅)ကျပ်သားလျှင်(၁၀၀၀)ကျပ် ဈေးနှုန်းတို့ဖြင့်အရောင်းအဝယ် ဖြစ်လျက်ရှိကြောင်းကုန်စိမ်းရောင်းချသူထံမှ သိရှိရပါသည်။

DOCA(စစ်ကိုင်း)