၄.၁၂.၂၀၂၃ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၄.၁၂.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မန္တလေးတိုင်းဒေသကြီး၊ ကျောက်ဆည်ခရိုင်တွင် ကွမ်းပင်များကို စီးပွားဖြစ်အပိုဝင်ငွေရအောင် အလေးထားစိုက်ပျိုးလာကြသည်ကိုသိရှိရပါသည်။ ကွမ်းစိုက်ပျိုးမှုအနေဖြင့် ကျောက်ဆည်မြို့နယ်တွင် (၄၀၀)ဧက၊ စဉ့်ကိုင်မြို့နယ်တွင် (၁၄၇)ဧက၊ မြစ်သားမြို့နယ်တွင် (၃၅)ဧက ၊ စုစုပေါင်း (၅၈၂)ဧကစိုက်ပျိုးခဲ့ပြီး (၄၉၂)ဧကခူးဆွတ်နိုင်ခဲ့ကြောင်း ခရိုင်လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန၏ စာရင်းများအရသိရှိရပါသည်။ ကွမ်းကို တစ်နှစ်ပတ်လုံးစိုက်ပျိုးနိုင်သော်လည်း ကွမ်းခြံပိုင်ရှင်များအနေဖြင့် ဇွန်လနှင့် ဇူလိုင်လတို့တွင် အစိုက်များသည်ကိုတွေ့ရှိရပြီး မိုးတွင်းကာလဖြစ်သည့်အတွက် အပင်အမြစ်စွဲလွယ်ပြီး ကြီးထွားနှုန်းမြန်၍ အောင်မြင်ဖြစ်ထွန်သောကြောင့်ဖြစ်ပါသည်။ ကွမ်းမျိုးအနေဖြင့် ကွမ်းနုဝါမျိုးနှင့် အထွက်တိုးမျိုး (ဥဓမ)မျိုးဟူ၍စိုက်ပျိုးကြပြီး ခြံပိုင်ရှင်များအနေဖြင့် ကွမ်းနုဝါမျိုးကိုသာ အဓိကစိုက်ပျိုးကြပါသည်။ ကွမ်းနုဝါမျိုးမှာ ဈေးကွက်ကောင်းမွန်၍ ကွမ်းစားသူများကြိုက်နှစ်သက်ပြီး ပွဲရုံများ၌ အရောင်းအဝယ်ကောင်းသောကြောင့် ကွမ်းနုဝါမျိုးကို အဓိကထားစိုက်ပျိုးရခြင်းဖြစ်ပါသည်။ ကွမ်းအပင်(၁၀၀၀)စိုက်လျှင် ပိဿာချိန်အနေဖြင့် နွေရာသီနှင့် မိုးရာသီကာလများတွင် အချိန်(၇၀-၈၀) အထိထွက်ရှိပြီး ဆောင်းရာသီတွင်(၂၅-၃၀)ပိဿာထွက်ရှိပါသည်။ ကွမ်းဈေးနှုန်းအနေဖြင့် နွေရာသီနှင့် မိုးရာသီတို့တွင် တစ်ပိဿာလျှင် (၃၀၀၀-၃၅၀၀)ကျပ်ဈေးနှုန်းရှိပြီး ဆောင်းရာသီတွင် တစ်ပိဿာလျှင် (၁၂၀၀၀-၁၃၀၀၀)ကျပ်ဈေးနှုန်းဖြင့် အရောင်းအဝယ်ဖြစ်ကြောင်း၊ နွေရာသီနှင့် မိုးရာသီတွင် ကွမ်းဈေးနှုန်းနိမ့်သော်လည်း အထွက်နှုန်းကောင်းမွန်ပြီး ဆောင်းရာသီတွင် အထွက်နှုန်းလျော့နည်းပြီး ဈေးကောင်းရသောကြောင့် ဆတူအကျိုးအမြတ်ရရှိကြောင်းသိရှိရပါသည်။ ဈေးကွက်အနေဖြင့် ထွက်ရှိလာသောကွမ်းများအား မန္တလေး၊ မိထ္ထီလာ၊ ပျော်ဘွယ်နှင့် ရမည်းသင်းမြို့နယ်များသို့ အဓိကတင်ပို့ရောင်းချလျက်ရှိသည်။ တစ်နှစ်ပတ်လုံးခြုံကြည့်လျှင် ကွမ်းပင်(၁၀၀၀)စိုက်ပျိုးထားသော ကွမ်းခြံပိုင်ရှင်များအနေဖြင့် တစ်လလျှင် ပျမ်းမျှအားဖြင့် (၃၀၀၀၀၀-၃၅၀၀၀၀)ကျပ်ဝင်ငွေရှိပြီး တစ်နှစ်လျှင် (၃၆၀၀၀၀၀-၃၇၀၀၀၀၀)ကျပ်ခန့်ဝင်ငွေရရှိမည်ဖြစ်ပါသည်။ ကွမ်းခြံတစ်ခြံ၏ သက်တမ်းမှာ ပြုစုကောင်းပါက (၁၀-၁၂)နှစ်အထိသက်တမ်းရှိ၍ အပိုဝင်ငွေရရှိကာ အကျိုးအမြတ်ရရှိသောကြောင့် ကွမ်းပင်စိုက်ပျိုးပြီး စီးပွားရေးအောင်မြင်ဖြစ်ထွန်း၍ ကွမ်းနုဝါများကို စိုက်ပျိုးသင့်ကြောင်း ရေးသားတင်ပြလိုက်ရပါသည်။
DOCA(မန္တလေး)
ကျောက်ဆည်ခရိုင်အတွင်း၌ စားဖိုဆောင်သီးနှံများကိုစိုက်ပျိုးလျက်ရှိရာ စားဖိုဆောင်သီးနှံတစ်မျိုးဖြစ်သော ငရုတ်သီးနှံကိုလည်းစိုက်ပျိုးလျက်ရှိပါသည်။ ခရိုင်အတွင်း ငရုတ်စိုက်ဧက (၂၆၉)ဧကစိုက်ပျိုးထားရှိကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရှိရပါသည်။ ဆောင်းငရုတ်ကို ကျောက်ဆည်ခရိုင်အတွင်းရှိ မြို့နယ်များ၌ စတင်စိုက်ပျိုးလျက်ပြီး စဉ့်ကိုင်မြို့နယ်၌ အများဆုံးစိုက်ပျိုးလျက်ရှိသည့်အပြင် ကျောက်ဆည်နှင့် မြစ်သားမြို့နယ်များ၌လည်း စတင်စိုက်ပျိုးလာကြပါသည်။ ဆောင်းငရုတ် (၁)ဧကလျှင် ကုန်ကျစရိတ်အနေဖြင့် သွင်းအားစု၊ လုပ်သားခအပါအဝင် စုစုပေါင်း(၁၀)သိန်းကျပ်ခန့်ကုန်ကျကြောင်း၊ အများဆုံးစိုက်ပျိုးသောမျိုးများမှာ (၆၉၂)မျိုးများဖြစ်ကြောင်း၊ ၂၀၂၃ခုနှစ်၊ နိုဝင်ဘာလ နောက်ဆုံးပတ်တွင် ငရုတ်သီးဈေးနှုန်းအနေဖြင့် ငရုတ်ခြောက်အညှာပါ တစ်ပိဿာလျှင် (၁၀၅၀၀)ကျပ်နှင့် ငရုတ်အညှာခြွေတစ်ပိဿာလျှင် (၁၂၅၀၀)ကျပ်၊ ငရုတ်သီးမှုန့်တစ်ဘူးလျှင် (၁၂၀၀)ကျပ်ဈေးနှုန်းတို့ဖြင့် ရောင်းဝယ်လျက်ရှိပါသည်။ ငရုတ်သီးပေါ်ချိန်တွင်လည်း ဈေးနှုန်းနှင့်အထွက်နှုန်းကောင်းမွန်ပါက တောင်သူများအကျိူးအမြတပိုမိုရရှိနိုင်မည်ဖြစ်ကြောင်း ရေးသားတင်ပြလိုက်ရပါသည်။
DOCA(မန္တလေး)
မန္တလေးတိုင်းဒေသကြီး၊ ကျောက်ဆည်ခရိုင်တွင်း၌ သီးနှံမျိုးစုံစိုက်ပျိုးလျက်ရှိရာ ငှက်ပျောသီးနှံကိုလည်း စီးပွားဖြစ်စိုက်ပျိုးလျက်ရှိပါသည်။ (၂၀၂၃-၂၀၂၄) ဘဏ္ဍာနှစ်တွင် ငှက်ပျောစိုက်ဧက (၂၉၃၃)ဧကစိုက်ပျိုးနိုင်ခဲ့ပြီး ယခုလက်ရှိတွင် ရိတ်သိမ်းဧက (၁၂၁၀)ဧကရိတ်သိမ်းပြီးစီးကြောင်း၊ ပျမ်းမျှအထွက်နှုန်းအနေဖြင့် (၉၆၀၀၀၀)ခိုင်ထွက်ရှိကြောင်း၊ လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန၏ စာရင်းများအရသိရှိရပါသည်။ ငှက်ပျောတစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း(၁၅၀၀၀၀၀)ကျပ်ကုန်ကျပြီး (၁)ဧကလျှင် ငှက်ပျော(၈၀၀)ခိုင်ထွက်ရှိကြောင်း၊ ယခုလက်ရှိဈေးနှုန်းအနေဖြင့် အခိုင်(၄၀)ပါ ငှက်ပျောလှည်းတစ်စည်းလျှင် (၄၀၀၀၀၀)ကျပ်ခန့်ဖြင့်ရောင်းချရကြောင်း၊ ငွေအဆင်မပြေသောတောင်သူများမှာ ငှက်ပျောကြိုတင်ရောင်းလှည်းတစ်စီးလျှင် (၃၀၀၀၀၀)ကျပ်ဖြင့်ရောင်းချကြကြောင်း၊ ယခင်တွင် ငှက်ပျောသီး ဖီးကြမ်းလက်ရင်းတစ်ဖီးလျှင် (၂၈၀၀)ကျပ်၊ လက်ဖျားတစ်ဖီးလျှင် (၂၃၀၀)ကျပ်၊ ယခုလက်ရှိ၌ ငှက်ပျောသီး ဖီးကြမ်းလက်ရင်းတစ်ဖီးလျှင် (၃၀၀၀)ကျပ်၊ လက်ဖျားတစ်ဖီးလျှင် (၂၅၀၀)ကျပ် ဈေးနှုန်းတို့ဖြင့် ရောင်းဝယ်လျက်ရှိပါသည်။ ငှက်ပျောဈေးနှုန်းများကောင်းမွန်သောကြောင့် တောင်သူများအကျိုးအမြတ်ပိုမိုရရှိကြောင်း ငှက်ပျောအများဆုံးစိုက်ပျိုးသော တောင်သူတစ်ဦး၏ ပြောကြားချက်အရသိရှိရပါသည်။
DOCA(မန္တလေး)
_1.jpg?itok=2rkyCoR4)
ပန်းတနော်မြို့နယ်တွင် ကျေးရွာအုပ်စု(၅၂) အုပ်စုရှိပြီး စပါးစိုက်ပျိုးထုတ်လုပ်မှုသည် ဒေသစီးပွားရေး၏ (၇၀%) ခန့်ရှိကြောင်း လေ့လာသိရှိရပါသည်။ စိုက်ပျိုးထုတ်လုပ်ပြီးသည့်စပါးများ အရည်အသွေးကောင်းဆန်များရရှိရေးသည်လည်း ဆန်စက်များ၏ ဆန်စက်အဆင့်မြှင့်တင်မှုအပေါ် တွင် မူတည်လျက်ရှိကြောင်း ဆန်စက်ပိုင်ရှင်များ၏ ဆွေးနွေးမှုများအရ ရလဒ်တစ်ခုအဖြစ် သိရှိခဲ့ရပါသည်။
၂၀၂၃ခုနှစ်၊ နိုဝင်ဘာလ တတိယပတ်တွင် မအူပင်ခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့်ဝန်ထမ်းများသည် ပန်းတနော်မြို့နယ်၊ ရန်ကုန်ပုသိမ်လမ်းမကြီးဘေးရှိ မြသိန်းတန် (၂) ဆန်စက်ပိုင်ရှင် ဦးစအေးမင်းစိုးနှင့်တွေ့ဆုံ၍ ပန်းတနော်မြို့နယ်၏ ဆန်စပါးဈေးကွက်အခြေအနေ၊ ဆန်စက်အဆင့်မြှင့်တင်ရေးနှင့် ရန်ကုန်တင်ပို့မှုအခြေအနေများကို အပြန်အလှန်ဆွေးနွေးခဲ့ကြသည်။
ပန်းတနော်မြို့နယ်၊ မြသိန်းတန်(၂) ဆန်စက်သည် ပန်းတနော်မြို့နယ်မှထွက်ရှိသော ဆင်းသုခစပါးနှင့် ကရင်မစပါးများကို ဝယ်ယူကြိတ်ခွဲလျက်ရှိပြီး ဆင်းသုခစပါးတင်း (၁၀၀) လျှင် ၁၈၇၀၀၀၀/-ကျပ်နှင့် ကရင်မစပါး တင်း(၁၀၀)လျှင် ၁၈၂၀၀၀၀/-ကျပ်ဖြင့်ဝယ်ယူပြီး စပါးများကို ဆန်စက်ကြိတ်ခွဲရန် သင့်လျော်သောအစိုဓာတ်အထိအခြောက်ခံပြီး ဆန်ကွဲ၊ ဖွဲ၊ မျိုးကွဲများပါခွဲထုတ်သည့် အဆင့်မြင့်ဆန်စက်တစ်ခုအဖြစ် တည်ဆောက်ခဲ့ကြောင်း၊ ထွက်ရှိလာသောဆန်များမှ ထိပ်စ၊ အလတ်စနှင့် အနိမ့်စများကို အလိုက်အလျောက် သီးခြားစီ ခွဲခြားထွက်ရှိကြောင်း၊ ဆန်သား(၇၅%) နှင့် ဆန်သား(၉၀%) အထိထွက်ရှိအောင် ကြိတ်ခွဲနိုင်သော အဆင့်မြှင့်ဆန်စက်ဖြစ်ကြောင်း ဆန်စက်ပိုင်ရှင် ဦးစအေးမင်းစိုးက ရှင်းပြခဲ့ပါသည်။
ဆန်ဈေးကွက်အနေဖြင့် ဆင်းသုခစပါးများ ကြိတ်ခွဲရရှိသော ဧည့်မထဆန်အလတ်စများကို ပန်းတနော်နှင့် ကျောင်းကုန်းဒေသများအထိ ဖြန့်ချိလျက်ရှိပြီး ကရင်မစပါးကြိတ်ခွဲထုတ်လုပ်မှုမှ ရရှိသောဆန်များ၊ ထိပ်စဆန်များကို GoodBrother ကုမ္ပဏီသို့တင်ပို့ပြီး ပိုလျှံသောဆန်များကို ရန်ကုန်၊ ဘုရင့်နောင်ဈေးကွက်သို့ တင်ပို့လျက်ရှိကြောင်းသိရပါသည်။
ထို့နောက် စားသုံးသူရေးရာဦးစီးဌာန၊ ခရိုင်ဦးစီးမှူး ဦးဇော်မင်းက ဆန်စပါးဈေးနှုန်း၊ ဈေးကွက်ရရှိမှုစေရေးနှင့် အရည်အသွေးမြင့်ဆန်များထုတ်လုပ်ပြီး ဈေးကွက်ခိုင်မာမှုရှိစေရေးတို့အတွက် လိုအပ်သောနည်းလမ်းများကို အသေးစိတ်ဆွေးနွေးရုံသာမက ဒေသတွင်းထုတ်လုပ်သောစပါးများ အရည်အသွေးကောင်းမွန်စေရန်အတွက် သက်ဆိုင်ရာစိုက်ပျိုးရေးဦးစီးဌာနနှင့် ပူးပေါင်းဆောင်ရွက်နိုင်ရေးနှင့် နည်းပညာလိုအပ်မှုကို သက်ဆိုင်ရာစိုက်ပျိုးရေးအသိပညာရှင်များနှင့် ပူးပေါင်းဆောင်ရွက်နိုင်ရေးတို့ကို ပြန်လည်ဆွေးနွေးခဲ့ပါသည်။
မြသိန်းတန်(၂) ဆန်စက်သည် ပန်းတနော်မြို့နယ်ရှိ တောင်သူများအတွက် အရည်အသွေးကောင်းသောစပါးများကို စိုက်ပျိုးထုတ်လုပ်ရောင်းချနိုင်ရေး၊ ဝင်ငွေတိုးတက်စေရေးနှင့် စပါးမျိုးကောင်းမျိုးသန့်ဖြစ်ပါက ဈေးပိုမိုရရှိကြောင်းကို စပါးအမျိုးအစားအလိုက် ဈေးနှုန်းကွဲပြားစွာဝယ်ယူမှုနှင့် မိမိဆန်စက်မှထွက်ရှိသော ဆန်များကိုလည်း အရည်အသွေးအလိုက် ထိပ်စ၊ အလတ်စ၊ အနိမ့်စ၊ ဆန်၊ ဆန်ကွဲ၊ ဖွဲ စသည်ဖြင့် အရည်အသွေးအလိုက် ဈေးကွက်နှင့် ဈေးကောင်းရရှိနေမှုသည် ဆန်စက်အဆင့်မြှင့်တင်မှုကြောင့်ဖြစ်ကြောင်း ဆန်စပါးဈေးကွက် ဈေးကောင်းရရှိနေမှုကို စံပြုရေးသားတင်ပြလိုက်ရပါသည်။
DOCA(ဧရာဝတီ)
ဘားအံမြို့၊ မြို့မဈေးတွင်ရောင်းချနေသော သစ်သီးဝလံများမှာ ရှမ်းပြည်နယ်၊ တောင်ကြီးမြို့၊ မန္တလေးမြို့၊ ရန်ကုန်မြို့နှင့် မြဝတီမြို့ရှိ သစ်သီးဝလံပွဲရုံများမှ အသီးသီးဝင်ရောက်လျက်ရှိကြောင်းသိရှိရပါသည်။
၂၀၂၃ခုနှစ်၊ နိုဝင်ဘာလ စတုတ္ထပတ်တွင် အရောင်းအဝယ်ဖြစ်လျက်ရှိသော သစ်သီးဝလံဈေးနှုန်းများမှာ နဂါးမောက်သီး(သေး) တစ်လုံးလျှင် (၂၀၀၀) ကျပ်၊ နဂါးမောက်သီး(ကြီး) တစ်လုံးလျှင် (၃၀၀၀) ကျပ်၊ စပျစ်သီး(အလုံးကြီး) တစ်ပိဿာလျှင် (၂၅၀၀၀) ကျပ်၊ စပျစ်သီး (အလုံးသေး) တစ်ပိဿာလျှင် (၂၀၀၀၀) ကျပ်၊ စပျစ်သီးအစေ့လွတ်တစ်ပိဿာလျှင် (၂၅၀၀၀) ကျပ် ပန်းသီး(ရိုးရိုး) တစ်လုံးလျှင် (၁၀၀၀ မှ ၁၅၀၀)ကျပ်၊ ပန်းသီး(ယိုးဒယား) တစ်လုံးလျှင် (၂၅၀၀)ကျပ်၊ ပန်းသစ်တော်သီးတစ်လုံးလျှင် (၁၇၀၀ မှ ၂၀၀၀)ကျပ်၊ ကြွေသစ်တော်သီးတစ်လုံးလျှင် (၂၅၀၀) ကျပ်၊ သရက်သီးတစ်လုံးလျှင် (၁၀၀၀)ကျပ်၊ မာလကာသီးတစ်လုံးလျှင် (၁၀၀၀)ကျပ်၊ ဆန်းကစ်သီးတစ်လုံးလျှင် (၁၅၀၀)ကျပ်၊ ဖီးကြမ်းငှက်ပျောတစ်ဖီးလျှင် (၂၀၀၀ မှ ၂၅၀၀)ကျပ်၊ သီးမွှေးငှက်ပျောတစ်ဖီးလျှင် (၃၀၀၀ မှ ၃၅၀၀)ကျပ်၊ ဩဇာသီးတစ်လုံးလျှင် (၅၀၀) ကျပ်၊ ထောပတ်သီးတစ်လုံးလျှင် (၁၀၀၀ မှ ၁၅၀၀)ကျပ်၊ ကြက်မောက်သီးတစ်ကီလိုလျှင် (၈၀၀၀) ကျပ်၊ ဖရဲသီးတစ်လုံးလျှင် (၃၀၀၀ မှ ၅၀၀၀)ကျပ်၊ နာနတ်သီး(ကြီး)တစ်လုံးလျှင် (၃၅၀၀) ကျပ်၊ နာနတ်သီး (သေး)တစ်လုံးလျှင် (၂၀၀၀)ကျပ်၊ ကျွဲကောသီး(သေး) တစ်လုံးလျှင် (၁၅၀၀)ကျပ်၊ ကျွဲကောသီး(ကြီး) တစ်လုံးလျှင် (၂၅၀၀)ကျပ်ဈေးနှုန်းတို့ဖြင့် အသီးသီးအရောင်းအဝယ်ဖြစ်လျက်ရှိကြောင်း ဘားအံမြို့၊ မြို့မဈေးတွင်ရောင်းချလျက်ရှိသော သစ်သီးဆိုင်များထံမှသိရှိရပါသည်။
DOCA(ကရင်)
၂၀၂၃ ခုနှစ်၊ နိုဝင်ဘာလ စတုထ္ထအပတ်အတွင်း ကန့်ဘလူ၊ ကျွန်းလှမြို့တို့တွင် အခြေခံစားကုန် ဈေးနှုန်းများမှာရွှေဘိုပေါ်ဆန်း တစ်ပြည် (၅၂၀၀)ကျပ်၊ ဧရာမင်း တစ်ပြည် (၅၃၀၀)ကျပ်ဖြင့် တည်ငြိမ်ပြီး အရောင်းအဝယ်ဖြစ်လျှက်ရှိသည်။ ကြက်သွန်နီ လက်လီဈေးမှာ အကြီး /အသေးပါ်မူတည်၍ တစ်ပိဿာ လျှင်(၃၅၀၀)ကျပ် ၊ကြက်သွန်ဖြူ လက်လီဈေးမှာ(ဗမာ) အလုံးကြီး တစ်ပိဿာ (၁၅၀၀၀)ကျပ် ၊ အလုံးသေးတစ်ပိဿာ (၁၃၀၀၀)ကျပ် ၊ ကြက်သွန်ဖြူ (ကြူကုတ်) တစ်ပိဿာ (၁၅၀၀၀) ကျပ် ၊ဂျင်း တစ်ပိဿာလျှင် (၅၅၀၀) ကျပ်၊ ငရုတ်သီးခြောက် တစ်ပိဿာ (၁၆၀၀၀)ကျပ် ၊ အာလူး အသေး/အကြီး အမျိုးအစားအလိုက် တစ်ပိဿာ (၃၅၀၀)ကျပ် ဖြင့် အရောင်းအဝယ် ဖြစ်လျက်ရှိပါသည်။
ငရုပ်သီးစိမ်း တစ်ပိဿာ (၅၀၀၀)ကျပ် ၊ ခရမ်းချဉ်သီး တစ်ပိဿာအကြီး/ အသေးပေါ်တူတည်ပြီး (၁၈၀၀/၂၀၀၀)ကျပ် ၊ ခရမ်းသီး တစ်ပိဿာ (၇၀၀) ကျပ် ၊ ပန်းဂေါ်ဖီ တစ်ပွင့် (၁၈၀၀/၂၀၀၀) ကျပ် ၊ ဂေါ်ဖီထုတ် တစ်ထုပ် လျှင် (၁၈၀၀/၂၀၀၀) ကျပ် ၊ ခါကြက်ဥ(တရုတ်) တစ်ပိဿာ (၆၀၀၀)ကျပ် ၊ ခါကြက်ဥ (ဗမာ) တစ်ပိဿာလျှင် (၄၀၀၀)ကျပ် ၊ သံပုရာသီး တစ်လုံးလျှင် (၁၅၀) ကျပ် မှ (၃၀၀) ကျပ် ၊ ကန်ဇွန်းရွက် တစ်စီးလျှင် (၁၅၀) ကျပ်၊ ပဲတောင့်ရှည် တစ်စီးလျှင်(၃၀၀)ကျပ်နှုန်းဖြင့် အရောင်းအဝယ် ဖြစ်နေကြောင်း သိရှိရပါသည် ။
ကြက်ဥ လက်လီဈေးနှုန်းမှာ (အကြီး)တစ်လုံး (၂၅၀)ကျပ်၊ (အသေ)တစ်လုံး (၂၃၀) ကျပ် ၊ ဘဲဥ တစ်လုံ (၂၈၀)ကျပ်ရှိသည်။ ကန့်ဘလူ၊ ကျွန်းလှမြို့တို့၏ အသား /ငါး ဈေးနှုန်းများမှာ ကြက်သား(cp) တစ်ပိဿာ(၁၂၀၀၀) ကျပ် ၊ ကြက်သား(ဗမာ) (၁၃၀၀၀)ကျပ် ၊ ဝက်သား တစ်ပိသာ (၁၆၅၀၀) ကျပ် ၊ အမဲသာ တစ်ပိသာ (၁၄၀၀၀) ကျပ်ဖြင့် အရောင်းအဝယ် ဖြစ်လျက်ရှိကြောင်း တွေ့ရှိရပါသည်။ ငါးကြင်း အကောင်လိုက် တစ်ပိဿာ (၉၀၀၀) ကျပ်၊ ငါးကြင်းခုတ်သားဈေးမှာ တစ်ပိဿာ (၁၆၀၀၀) ကျပ်၊ တီလား ဗီးယားငါးအသေး တစ်ပိဿာ (၅၀၀၀)ကျပ် ၊ အကြီး တစ်ပိဿာ (၈၅၀၀)ဖြင့် အရောင်းအဝယ် ဖြစ်နေကြောင်း သိရှိရပါသည်။
စားသုံးဆီဈေးနှုန်းမှာ မြေပဲဆီသန့် တစ်ပိသာလျှင် (၁၄၀၀၀)ကျပ် ၊စားအုန်းဆီတစ်ပိသာလျှင် (၅၅၀၀) ကျပ် ဖြင့်အရောင်းအဝယ် ဖြစ်နေကြောင်း သိရသည်။
နိုဝင်ဘာလ စတုထ္ထအပတ်အတွင်း အခြေခံစားကုန်ဈေးနှုန်းများအား ယခင်အပတ်ဈေးနှုန်းများ နှင့် နှိုင်းယှဉ်ကြည့်လျှင် အခြားအခြေခံစားကုန်ဈေးနှုန်းများ ကွာဟမှုမရှိကြောင်းနှင့် အသားဈေးများ တည်ငြိမ် လျက်ရှိနေပြီး ငါးဈေးနှုန်းများ အနည်းငယ်လျော့ကျလာသည်။ ကြက်သွန်ဖြူဈေးနှုန်း အနည်းငယ် မြင့်တက်လာကာ အသီးအနှံဈေးများ အနည်းငယ်လျော့ကျလျက်ရှိကြောင်း ကန့်ဘလူမြို့မဈေး ရောင်းချသူ များထံမှ သိရှိရပါသည်။
DOCA(စစ်ကိုင်း)
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ခရိုင်စီမံအုပ်ချုပ်ရေးအဖွဲ့၏ အစီအစဉ်ဖြင့် ကန့်ဘလူမြို့နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူများ၏ကြီးကြပ်မှုဖြင့် ဆီကုန်သည်များနှင့်ပူးပေါင်းကာ (၂၈-၁၁-၂၀၂၃) ရက်နေ့၊ နံနက် (၀၈:၀၀) နာရီအချိန်တွင် ကန့်ဘလူမြို့၊ စည်ပင်သာယာခန်းမ၌ စားအုန်းဆီများကို ကန့်ဘလူမြို့ပေါ်ရပ်ကွက်ရှိ ပြည်သူများအား ဈေးနှုန်းသက်သာစွာရောင်းချပေးခဲ့ကြောင်းသိရသည်။
အဆိုပါ စားအုန်းဆီများရောင်းချပေးရာတွင် ပြည်သူများ သက်သာသောဈေးနှုန်းဖြင့် စားအုန်းဆီများဝယ်ယူရရှိစေရန် လူတစ်ဦးလျှင် ဆီ(၅၀)ကျပ်သားကို ၂၇၀၀ကျပ်ဖြင့် ပြည်သူများ၏လက်ဝယ်အရောက် ရောင်းချပေးခဲ့ပြီး လူဦးရေ(၁၄၄၀)ဦးအတွက် စားအုန်းဆီ ၇၂၀ပိဿာရောင်းချပေးခဲ့ကြောင်း ဆီလုပ်ငန်းရှင်ထံမှသိရှိရပါသည်။
DOCA(စစ်ကိုင်း)
မုံရွာမြို့၊ သီရိရတနာစျေးရှိ သစ်သီးဝလံများမှာ ရှမ်းပြည်နယ်၊ တောင်ကြီး၊ မြစ်ကြီးနား၊ သီပေါ၊ စစ်ကိုင်း၊ ပြင်ဦးလွင်နှင့် ဒေသတွင်းတို့မှ အသီးသီးဝင်ရောက်လျက်ရှိကြောင်းသိရပါသည်။
၂၀၂၃ခုနှစ်၊ နိုဝင်ဘာလ စတုတ္ထပတ်တွင် ရွှေလိမ္မော်(၁)ပိဿာလျှင် ကျပ်(၇၀၀၀မှ ၈၀၀၀)ကြား၊ ပျားလိမ္မော်(၁)ပိဿာလျှင် ကျပ်(၇၀၀၀မှ ၉၀၀၀)ကြား၊ လိမ္မော်(ရိုးရိုး) (၁)ပိဿာလျှင် ကျပ်(၉၀၀၀မှ ၁၀၀၀၀) ကြား၊ စတော်ဘယ်ရီ(၁)ပိဿာလျှင် ကျပ်(၈၀၀၀မှ ၉၅၀၀)ကြား၊ ပန်းသစ်တော် (၁)လုံးလျှင် ကျပ်(၁၀၀၀မှ ၁၅၀၀)ကြား၊ ပန်းသီး (၁)လုံးလျှင် ကျပ်(၇၀၀မှ ၁၅၀၀)ကြား၊ ထောပတ်သီး (၁)လုံးလျှင် ကျပ်(၇၀၀ မှ ၁၅၀၀)ကြား၊ ကျွဲကောသီး (၁)လုံးလျှင် ကျပ်(၁၀၀၀မှ ၁၅၀၀)ကြား၊ တည်သီး (၁)လုံးလျှင် ကျပ်(၈၀၀မှ ၁၀၀၀)ကြား၊ သခွားမွှေး (၁)လုံးလျှင် ကျပ်(၁၅၀၀မှ ၃၅၀၀)ကြား၊ ဖရဲသီး(ကြီး) (၁)လုံးလျှင် ကျပ်(၁၅၀၀မှ ၂၅၀၀)ကြား၊ ဖရဲသီး(သေး) (၁)လုံးလျှင် ကျပ်(၈၀၀မှ ၁၅၀၀)ကြား၊ နာနတ်သီး (၁)လုံးလျှင် ကျပ်(၇၀၀မှ ၁၅၀၀)ကြား၊ နှင်းသီး(၁)ပိဿာလျှင် ကျပ်(၅၀၀၀မှ ၇၀၀၀)ကြား၊ နဂါးမောက်သီး (၁)လုံးလျှင် ကျပ်(၈၀၀မှ ၁၅၀၀)ကြား၊ မင်းဂွတ်သီး(၁)လုံးလျှင် ကျပ်(၁၅၀မှ ၃၀၀)ကြား၊ ငှက်ပျောသီး ဖီးကြမ်းတစ်ဖီးလျှင် ကျပ်(၁၅၀၀မှ ၂၅၀၀)ကြား၊ ငှက်ပျောသီးမွှေးတစ်ဖီးလျှင် ကျပ်(၁၅၀၀မှ ၂၀၀၀)ကြား၊ စပျစ်သီး (၁)ပိဿာလျှင် ကျပ်(၁၀၀၀၀မှ ၁၃၀၀၀)ကြားဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။
DOCA(စစ်ကိုင်း)
