ပြည်တွင်းကုန်သွယ်မှုသတင်း

    ရန်ကုန်တိုင်းဒေသကြီး၊ မင်္ဂလာ‌တောင်ညွန့်မြို့နယ်၊ သိမ်ဖြူဈေးကြီးသို့ ဘုရင့်နောင်ကုန်စည်ဒိုင်နှင့် ရှမ်းပြည်နယ်တို့မှ ကြက်သွန်ဖြူ၊ ကြက်သွန်နီများသည် ကား/ရထားတို့ဖြင့် နေ့စဉ် ဝင်ရောက်လျက်ရှိပြီး လက်လီ/လက်ကားပြန်လည်ရောင်းချလျက်ရှိရာ (၁၆-၁၁-၂၀၂၃) ရက်နေ့မှ (၂၂-၁၁-၂၀၂၃) ရက်နေ့အတွင်း ကြက်သွန်နီ(ဆိပ်ဖြူ) အဝင် ၃၃၁၀၀ပိဿာနှင့် ကြက်သွန်ဖြူ (ကြူကုတ်) ၇၇၅၀ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ) လက်ကားဈေးမှာ တစ်ပိဿာလျှင်  ၂၉၀၀/-ကျပ်မှ ၃၉၀၀/-ကျပ်ထိဖြစ်ပြီး  ကြက်သွန်ဖြူ (ကြူကုတ်) လက်ကားဈေးမှာ တစ်ပိဿာလျှင်  ၁၁၀၀၀/-ကျပ်မှ ၁၂၅၀၀/-ကျပ်ထိဖြစ်ပေါ်ခဲ့ပြီး ကြက်သွန်ဖြူဈေးနှုန်းမှာ အနည်းငယ်ကျဆင်းကြောင်းသိရှိရပါသည်။

DOCA(ရန်ကုန်)                           

     ရန်ကုန်တိုင်းဒေသကြီး၊ ဘုရင့်နောင်ကုန်စည်ဒိုင်၌ (၁၄-၁၁-၂၀၂၃) ရက်နေ့မှ (၂၃-၁၁-၂၀၂၃) ရက်နေ့အတွင်း ဖြစ်ပေါ်ခဲ့သောအခြေခံစားသောက်ကုန်ဈေးနှုန်းများမှာ ကြက်သွန်ဖြူ(ကြူကုတ်-ရှယ်) ၁ပိဿာလျှင် အမြင့်ဈေး ၁၂၀၀၀/-ကျပ်မှ အနိမ့်ဈေး ၁၁၅၀၀/-ကျပ်ထိလည်းကောင်း၊  ကြက်သွန်ဖြူ(အောင်ပန်း ထူး-၂) ၁ပိဿာလျှင် ၁၀၃၀၀/-ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၃) ၁ပိဿာလျှင် ၁၀၈၀၀/-ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၄) ၁ပိဿာလျှင် ၁၁၃၀၀/-ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၅) ၁ပိဿာလျှင် ၁၁၈၀၀/-ကျပ်ဖြင့်လည်းကောင်း၊ ငရုတ်သီး (ဆင်ဖြူကျွန်း-ပု) ၁ပိဿာလျှင် ၁၄၀၀၀/-ကျပ်မှ ၁၆၀၀၀/-ကျပ်ထိလည်းကောင်း၊ ငရုတ်သီး (အိမ်မဲ-ရှည်) ၁ပိဿာလျှင် ၆၀၀၀/-ကျပ်မှ ၇၀၀၀/-ကျပ်ထိ လည်းကောင်း၊ ငရုတ်သီး(ပန်းရဲ-သစ်) ၁ပိဿာလျှင် ၇၀၀၀/-ကျပ်မှ ၉၀၀၀/-ကျပ်ထိလည်းကောင်း၊ ငရုတ်သီး မြစ်ဝ(ပု)    တစ်ပိဿာလျှင် ၁၄၀၀၀/-ကျပ်မှ ၁၆၀၀၀/-ကျပ်ထိလည်းကောင်း၊ မန်ကျည်းသီး (ကပ်ပွင့်)  ၁ပိဿာလျှင် ၁၁၀၀/-ကျပ်မှ ၁၂၀၀/-ကျပ်ထိလည်းကောင်း၊ မန်ကျည်းသီး (အသား) ၁ပိဿာလျှင် ၁၉၀၀/-ကျပ်မှ ၂၅၀၀/-ကျပ်ထိလည်းကောင်း၊ ကြံသကာ (အိတ်သွတ်စ) ၁ပိဿာလျှင် ၃၃၀၀ကျပ်ဖြင့်လည်းကောင်း၊ ကြံသကာ (သစ်) ၁ပိဿာလျှင် ၄၁၅၀/-ကျပ်မှ ၄၂၀၀/-ကျပ်ဖြင့်လည်းကောင်း၊  သကြား (ပြည်တွင်း) ၁ပိဿာလျှင် ၃၈၀၀/-ကျပ်မှ ၃၈၅၀/-ကျပ်ထိလည်းကောင်း၊ ထန်းလျက် (တောင်သာ) ၁ပိဿာလျှင် ၃၉၀၀/-ကျပ်မှ ၄၀၀၀/-ကျပ်ထိလည်းကောင်း၊ ထန်းလျက် (ညောင်ဦး) ၁ပိဿာလျှင် ၄၂၀၀/-ကျပ်မှ ၄၃၀၀/-ကျပ်ထိလည်းကောင်း၊ ရေစကြိုထန်းလျက် ၁ပိဿာလျှင် ၅၆၀၀/-ကျပ်မှ ၅၇၀၀/-ကျပ်ထိလည်းကောင်း၊ အာလူး (တရုတ်) ၁ပိဿာလျှင် ၃၆၀၀/-ကျပ်မှ ၃၇၀၀/-ကျပ်ထိလည်းကောင်း၊ ကြက်သွန်နီ (ဆိပ်ဖြူ) ၁ပိဿာလျှင် ၂၆၀၀/-ကျပ်မှ ၃၉၀၀/-ကျပ်ထိလည်းကောင်း အသီးသီးဖြစ်ပေါ်ခဲ့ပြီး အခြေခံစားသောက်ကုန်များမှာ ဈေးနှုန်းအနည်းငယ်သာအတက်အကျဖြစ်လျက်ရှိပြီး ကြက်သွန်ဖြူဈေးနှုန်းများမှာ ပြန်လည်ကျဆင်းလာကြောင်းတွေ့ရှိရပါသည်။      

 DOCA(ရန်ကုန်)

    ၃၀.၁၁.၂၀၂၃ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

 မိုးကာလ ခြံပြုပြင်ထိန်းသိမ်းခြင်းလုပ်ငန်းများ ဆောင်ရွက်၍ ကာလအတန်ကြာရပ်နားထားသော ကရင်ပြည်နယ်ရှိ ရာဘာစိုက်ပျိုးရေးခြံများမှာ ပွင့်လင်းရာသီရောက်ပြီဖြစ်၍ ၂၀၂၃-၂၀၂၄ နိုဝင်ဘာလဆန်းမှစ၍ ရာဘာအစေးခြစ်လုပ်ငန်းများ ပြန်လည်စတင်လျက်ရှိပြီဖြစ်ကြောင်း ရာဘာစိုက်တောင်သူ ဦးဝေလင်းအောင်ထံမှ သိရသည်။

  ကရင်ပြည်နယ်တွင် ရာဘာစိုက်ပျိုးသည့်ဧကက ပြည်နယ်ချုပ် ၂၇၁၂၇၁ ဧကဖြစ်၍ အစေးလှီးဧက ၂၆၀၄၈၁ဧက ဖြစ်ကြောင်းနှင့် တစ်ဧကအထွက်နှုန်းမှာ တစ်နှစ်  ၁၅၈.၅၄ ပေါင်ရှိပြီး ပြည်နယ်ချုပ် စုစုပေါင်း အထွက်တန် ၁၈၇၃၇ တန်ထွက်ရှိကြောင်း၊ကရင်ပြည်နယ်ဒေသထွက် ရာဘာဈေးနှုန်းများမှာ ယခင်နှစ်က Rss 3 တစ်ပေါင်လျှင်          ၁၄၃၀ ကျပ်ဈေးနှုန်းဖြင့် ဈေးပိတ်ခဲ့ပြီး ၂၀၂၃-၂၀၂၄ ရာသီဈေးအဖွင့်မှာ တစ်ပေါင်လျှင် ၁၈၀၀ကျပ်နှုန်းဖြင့် ဈေးဖွင့်ခဲ့ကြောင်းနှင့် လက်ရှိ Rss 3 ၁ပေါင်ဈေးနှုန်းမှာ ၁၅၅၀ ကျပ်ခန့်ဖြင့် အရောင်းအဝယ်ဖြစ်လျက်ရှိသောကြောင့် ရာသီပေါ် အဖွင့်ဈေးမှာပင် ယမန်နှစ်ထက် ဈေးပိုရကြောင်း သတင်းရရှိသည်။

DOCA(ကရင်)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မဈေးတွင် ငါးမျိုးစုံရောင်းချလျက်ရှိပြီး နိုဝင်ဘာလ စတုတ္ထပတ်အတွင်းဖြစ်ပေါ်နေသော ငါးလက်လီဈေးနှုန်းများမှာ ငါးရံ့အ ကောင်လိုက်တစ်ပိဿာလျှင် (၁၂၀၀၀)ကျပ်၊ တီလားဗီးယားအကောင်သေးတစ်ပိဿာလျှင် (၅၀၀၀)ကျပ်၊ တီလားဗီးယားအကောင်ကြီးတစ်ပိဿာလျှင် (၈၅၀၀)ကျပ်၊ ငါးကြင်းတစ်ပိဿာလျှင် (၉၅၀၀)ကျပ်၊ ငါးဖယ်တစ်ပိဿာလျှင် (၈၀၀၀)ကျပ်၊ ငါးမုတ်တစ်ပိဿာလျှင် (၆၅၀၀)ကျပ်၊ ငါးမြင်းတစ်ပိဿာလျှင် (၆၅၀၀)ကျပ်၊ ငါးဘတ်တစ်ပိဿာလျှင် (၂၀၀၀၀)ကျပ်၊ ငါးဂျောင်းတစ်ပိ ဿာလျှင် (၁၂၀၀၀)ကျပ်၊ ငါးအုံတုံတစ်ပိဿာလျှင် (၁၁၀၀၀)ကျပ်၊ ငါးအုံတုံခုတ်သားတစ်ပိဿာလျှင်  (၁၈၀၀၀)ကျပ်၊ ငါးမြင်းခုတ်သားတစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သားတစ်ပိဿာလျှင် (၁၆၀၀၀)ကျပ်၊ ငါးဖယ်ခြစ်တစ်ပိဿာလျှင် (၂၀၀၀၀)ကျပ်၊  ပုစွန်ထုပ်တစ်ပိဿာလျှင် (၃၅၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

      ငါးဈေးနှုန်းများအား နိုဝင်ဘာလ တတိယပတ်ဈေးနှုန်းတို့နှင့်နှိုင်းယှဉ်ပါက တီလားဗီးယားအကောင်သေးတစ်ပိဿာလျှင် (၂၀၀၀)ကျပ်နှင့် တီလားဗီးယားအကောင်ကြီးတစ်ပိဿာလျှင် (၁၅၀၀) ကျပ်ဈေးနှုန်းကျဆင်းပြီး ကျန်ငါးဈေးနှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိကြောင်း  ကန့်ဘလူမြို့မဈေးအတွင်း ရောင်းချလျက်ရှိသောငါးဒိုင်များမှ သတင်းရရှိပါသည်။

DOCA(စစ်ကိုင်း)