ပြည်တွင်းကုန်သွယ်မှုသတင်း

    အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)မှာ (၄၅)ပိဿာ(၁)အိတ်လျှင် ယခင်အပတ်(၂၅-၁၀-၂၀၂၃)ရက်နေ့တွင် ကျပ်(၂၇၀၀၀၀-၃၂၅၀၀၀)ဖြစ်ပြီး ယခုအပတ်(၃၁-၁၀-၂၀၂၃)ရက်နေ့တွင် ကျပ် (၂၇၀၀၀၀-၃၁၀၀၀၀)ဖြစ်၍ ကျပ်(၁၅၀၀၀)ဈေးလျော့ခဲ့ကြောင်း၊ နှမ်းပြာ ယခင်အပတ်တွင် ကျပ်(၂၇၀၀၀၀)ဖြစ်ပြီး ယခုအပတ်တွင် ကျပ်(၂၆၅၀၀၀)ဖြစ်၍ ကျပ်(၅၀၀၀) ဈေးလျော့ခဲ့ ကြောင်း၊ နှမ်းနီ ယခင်အပတ်တွင် ကျပ်(၂၉၀၀၀၀)ဖြစ်ပြီး ယခုအပတ်တွင် ကျပ်(၂၈၅၀၀၀)ဖြစ်၍ ကျပ် (၅၀၀၀)စသည်ဖြင့် အသီးသီးဈေးလျော့ခဲ့ပါသည်။  နှမ်းဖြူမှာ ယခင်အပတ်တွင် ကျပ်(၃၀၀၀၀၀-၃၁၀၀၀၀)ဖြစ်ပြီး ယခုအပတ်တွင်လည်း ကျပ် (၃၀၀၀၀၀-၃၁၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၄၅)ပိဿာဝင်အိတ်များဖြင့် နှမ်းနက်(စမုံ)(၁၁၅၀)အိတ်၊ နှမ်းနီ (၉၀)အိတ်၊ နှမ်းဖြူ(၈၀)အိတ်၊ နှမ်းပြာ(၁၂၅)အိတ်တို့ အရောင်းအဝယ်ရှိခဲ့ပါကြောင်း၊ ဝါကျွတ်ကာလ အခါသမယပိတ်ရက်များရှိခဲ့၍ အရောင်းအဝယ်နည်းပါးခဲ့ပါကြောင်း အောင်လံကုန်စည်ဒိုင်မှ သိရှိရပါသည်။

          ပဲမျိုးစုံဈေးကွက်အနေဖြင့် မတ်ပဲ(၂၀)ပိဿာ(၁)တင်းလျှင် ကုလားပဲ(H-L) ယခင်အပတ်တွင် ကျပ်(၉၂၅၀၀)ဖြစ်ပြီး ယခုအပတ်တွင် ကျပ်(၉၁၅၀၀)ဖြစ်၍ ကျပ်(၁၀၀၀)ဈေးလျော့ခဲ့ကြောင်း၊ ကုလားပဲ (မြကြေး) ယခင်အပတ်တွင် ကျပ်(၉၁၀၀၀) ဖြစ်ပြီး ယခုအပတ်တွင် ကျပ်(၉၀၅၀၀)ဖြစ်၍ ကျပ်(၅၀၀) ဈေးလျော့ခဲ့ကြောင်း၊ ပဲတီစိမ်း ယခင်အပတ်တွင် ကျပ်(၅၈၀၀၀)ဖြစ်ပြီး ယခုအပတ်တွင် ကျပ်(၅၇၀၀၀) ဖြစ်၍ ကျပ်(၁၀၀၀)စသည်ဖြင့် အသီးသီးဈေးလျော့ခဲ့ပါသည်။ မတ်ပဲမှာ ယခင်အပတ်တွင် ကျပ်(၉၀၀၀၀) ဖြစ်ပြီး ယခုအပတ်တွင်လည်း ကျပ်(၉၀၀၀၀)၊ ပဲကြီး ယခင်အပတ်တွင် ကျပ်(၁၁၀၀၀၀-၁၁၅၀၀၀) ဖြစ်ပြီး ယခုအပတ်တွင်လည်း ကျပ်(၁၁၀၀၀၀-၁၁၅၀၀၀)ဖြစ်၍ ဈေးနှုန်းပြောင်းလဲမှုမရှိဘဲ  အရောင်း အဝယ်ပမာဏအနေဖြင့်  (၃၀)ပိဿာဝင်အိတ်များဖြင့် မတ်ပဲ(၁၂၀)အိတ်၊ ကုလားပဲ(H-L)(၃၅၀)အိတ်၊ ကုလားပဲ(မြကြေး)(၁၉၀)အိတ်၊ ပဲကြီး(၂၇၀)အိတ်၊ ပဲတီစိမ်း(၁၈၀)အိတ်တို့ အရောင်းအဝယ်ဖြစ်ခဲ့ ပါသည်။

    မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၅၄၀၀)ဖြစ်ပြီး ယခုအပတ်တွင် ကျပ် (၅၆၀၀-၅၈၀၀)ဖြစ်၍ ကျပ်(၂၀၀-၄၀၀)ဈေးမြင့်ခဲ့ပါသည်။ မြေပဲတောင့်အစို(၁)တင်းလျှင် ယခင်အပတ် တွင်  ကျပ် (၁၆၀၀၀-၁၉၀၀၀) ဖြစ်ပြီး ယခုအပတ်တွင် ကျပ်(၁၃၀၀၀-၁၉၀၀၀)ဖြစ်၍ ကျပ်(၃၀၀၀)ဈေး လျော့ခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် မြေပဲလုံးဆံဖြူ(၂၇၀)အိတ်၊ မြေပဲတောင့်အစိုတင်း(၃၂၀၀)ခန့် အရောင်းအဝယ်ရှိခဲ့ပါကြောင်း၊ အပတ်စဉ်ပုံမှန်ရန်ကုန်မြို့နှင့် မန္တလေးမြို့များသို့ တင်ပို့ရောင်းချလျက်ရှိကြောင်း၊ ဝါသီးနှံမှာ အောက်တိုဘာလ(စတုတ္ထပတ်) အတွင်း စတင်အရောင်းအဝယ်ဖြစ်လျက်ရှိပြီး (၁)ပိဿာလျှင် ကျပ်(၂၈၅၀-၂၉၀၀)ဖြင့် ဝါပိဿာချိန် (၂၇၀၀)ပိဿာအရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင် စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့ နေ့စဉ် မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီလက်ကျန်  အခြေအနေများအား  အမှန်ကန်ဆုံး သိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ ကြက်သွန်နီပွဲရုံ (၄၀) အနက် Random ရွေးစနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှု စာရင်းများအရလည်းကောင်း၊ ကြက်သွန်နီလက်ကျန် အခြေအနေအားနေ့စဉ် စုံစမ်းလျက်ရှိ ပါသည်။ အောက်တိုဘာလ (၂၁) ရက်မှ အောက်တိုဘာလ (၂၇) ရက်နေ့အထိ ဘုရင့်နောင် ကုန်စည်ဒိုင်သို့ ကြက်သွန်နီဝင်ရောက်ရာ ဒေသများဖြစ်သည့် ဆိတ်ဖြူ၊ မြင်းခြံ၊ မြင်းခြံ(ကံဆင့်) ဒေသတို့မှ ကြက်သွန်နီ (၈၁၀၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့်ပြန်လည် စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၃၂၄၀၀၀) ကျန်ရှိ ကြောင်း ကုန်စည်ဒိုင်သတင်းအရ သိရှိရသည်။ ဆိတ်ဖြူ ကြက်သွန်နီ (အသစ်) အချော တစ်ပိဿာ ကျပ် ၁၉၀၀၊ အသန့်မှာ တစ်ပိဿာ ကျပ် ၂၇၅၀ ၊ အကြီးမှာ ကျပ် ၂၉၀၀၊ ရှယ်မှာ ကျပ် ၃၂၅၀၊ မြင်းခြံ ကြက်သွန်နီ (အသစ်) အချော တစ်ပိဿာ ကျပ် ၂၂၀၀၊ အသန့်မှာ တစ်ပိဿာ ကျပ် ၂၈၅၀ ၊ အကြီးမှာ ကျပ် ၃၀၅၀၊ ရှယ်မှာ ကျပ် ၃၃၀၀ ၊ မြင်းခြံ (ကံဆင့်) ကြက်သွန်နီ (အသစ်) အချော တစ်ပိဿာ ကျပ် ၂၃၀၀၊ အသန့်မှာ တစ်ပိဿာ ကျပ် ၂၉၅၀၊ အကြီးမှာ ကျပ် ၃၁၅၀၊ ရှယ်မှာ ကျပ် ၃၄၀၀ ဈေးတို့အသီးသီးရှိကြောင်း စုံစမ်းသိရှိရပါသည်။

DOCA(ရန်ကုန်)

    ရန်ကုန်မြို့တော်စည်ပင်သာယာရေးကော်မတီ၏ ကြီးကြပ်ကွက်ကဲမှုအောက်ရှိ ရန်ကုန်အရှေ့ပိုင်းခရိုင်၊ အထက်ပုဇွန်တောင်လမ်း၊ မင်္ဂလာတောင်ညွန့်မြို့နယ်ရှိ ကြက်/ဘဲဈေးဒိုင်မှ စားသုံးသူပြည်သူများသို့  နေ့စဉ် ကြက်/ဘဲများကို လက်လီ/လက်ကား ရောင်းချပေးလျက်ရှိကြောင်း သိရှိရပါသည်။

 ရန်ကုန်အရှေ့ပိုင်းခရိုင်၊ စားသုံးသူရေးရာဦးစီးမှူးရုံးမှ ဝန်ထမ်းများသည် မင်္ဂလာတောင်ညွန့်မြို့နယ်ရှိ ကြက်/ဘဲဈေးဒိုင်တွင် ရောင်းချလျက်ရှိသော ကြက်/ဘဲဈေးနှုန်းများအား ဈေးကွက်ဈေးနှုန်းစုံစမ်းခြင်းများ ပြုလုပ်ခဲ့ရာ ကြက်အရှင် အိမ်မွေးကြက် ၁ ပိဿာလျှင် (၁၂၅၀၀/၁၃၀၀၀)ကျပ်၊ အသားတိုးကြက် ၁ပိဿာလျှင် (၅၁၀၀/၅၂၀၀) ကျပ်၊ မွေးမြူရေးကြက် (ထီး/မ) ၁ ပိဿာလျှင်(၇၅၀၀/၉၀၀၀) ကျပ်၊ ဘဲအရှင် ၁ ပိဿာလျှင် (၇၅၀၀/ ၇၆၀၀) ကျပ်၊ ချယ်ရီဘယ်ရီ ဘဲ ၁ ပိဿာလျှင် (၉၀၀၀) ကျပ်တို့ဖြင့်  (၃၀.၁၀.၂၀၂၃) ရက်နေ့တွင်‌တစ်ရက်လျှင် ကုန်ချိန် (၆၈၉၀၀) ပိဿာခန့် အဝင်ရှိနေကြောင်း ရန်ကုန်တိုင်းဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်းကောင်း၊ အခြားတိုင်းနှင့် ပြည်နယ်များမှ အရောက်ပို့စနစ်ဖြင့်လည်းကောင်း တင်ပို့ရောင်းချလျက်ရှိရာ ၂၀၂၃ ခုနှစ် အောက်တိုဘာလအတွင်း ဈေးနှုန်းများမှာ ပြောင်းလဲမှုမရှိကြောင်း သိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ ဘုရင့်နောင်ကုန်စည်ဒိုင်၌ ၂၆.၁၀.၂၀၂၃ မှ ၁.၁၁.၂၀၂၃ ရက်နေ့အတွင်း ဖြစ်ပေါ်ခဲ့သော အခြေခံစားသောက်ကုန်ဈေးနှုန်းများမှာ ကြက်သွန်ဖြူ(ကြူကုတ်-ရှယ်) ၁ ပိဿာလျှင် အမြင့်ဈေး ၁၅၀၀၀/- ကျပ်မှ အနိမ့်ဈေး ၁၀၂၀၀/- ကျပ်ထိလည်းကောင်း၊ ပဲကြီး(ကုန်း) ၅၃၉၀/- ကျပ်မှ ၅၅၇၀/- ကျပ်ထိလည်းကောင်း၊ ပဲကြီး(ရွှေကျွန်း) ၅၆၆၀/- ကျပ်မှ ၅၈၄၅/- ကျပ်ထိလည်းကောင်း၊ ကုလားပဲခြမ်း ၁ ပိဿာလျှင် ၅၈၀၀/- ကျပ်မှ ၆၁၀၀/- ကျပ်ထိလည်းကောင်း၊ ငရုတ်သီး (ဆင်ဖြူကျွန်း-ပု) ၁ ပိဿာလျှင် ၁၄၀၀၀/- ကျပ်မှ ၁၆၀၀၀/- ကျပ်ထိလည်းကောင်း၊ ငရုတ်သီး (အိမ်မဲ-ရှည်) ၁ ပိဿာလျှင် ၆၀၀၀/- ကျပ်မှ ၇၀၀၀/- ကျပ်ထိလည်းကောင်း၊ မန်ကျဉ်းသီး (ကပ်ပွင့်-သစ်) ၁ ပိဿာလျှင် ၁၁၅၀/- ကျပ်မှ ၁၂၅၀/- ကျပ်ထိလည်းကောင်း၊ မန်ကျဉ်းသီး (အသား-သစ်) ၁ ပိဿာလျှင် ၁၉၀၀/- ကျပ်မှ ၂၅၀၀/- ကျပ်ထိ လည်းကောင်း၊ ကြံသကာ (အိတ်သွတ်စ) ၁ ပိဿာလျှင် ၃၁၀၀/- ကျပ်မှ ၃၂၀၀/- ကျပ်ထိလည်းကောင်း၊ ကြံသကာ (သစ်) ၁ ပိဿာလျှင် ၄၀၀၀/- ဖြင့် လည်းကောင်း၊  သကြား (ပြည်တွင်း) ၁ ပိဿာလျှင် ၃၇၃၀/- ကျပ်မှ ၃၇၆၀/- ကျပ်ထိလည်းကောင်း၊ ထန်းလျက် (တောင်သာ) ၁ ပိဿာလျှင် ၃၇၀၀/- ကျပ်မှ ၃၈၀၀/- ကျပ်ထိလည်းကောင်း၊ ထန်းလျက် (ညောင်ဦး) ၁ ပိဿာလျှင် ၄၂၀၀/- ကျပ်မှ ၄၃၀၀/- ကျပ်ထိလည်းကောင်း၊ အာလူး (တရုတ်) ၁ ပိဿာလျှင် ၃၀၀၀/- ကျပ်မှ ၃၃၀၀/- ကျပ်ထိလည်းကောင်း၊ ကြက်သွန်နီ (ဆိပ်ဖြူ) ၁ ပိဿာလျှင် ၂၆၀၀/- ကျပ်မှ ၃၇၀၀/- ကျပ်ထိလည်းကောင်း အသီးသီးဖြစ်ပေါ်ခဲ့ပြီး ထန်းလျက်(ညောင်ဦး) မှာအနည်းငယ်ဈေးတက်၍ ကြက်သွန်ဖြူ(ကြူကုတ်)၊ အာလူး (တရုတ်)နှင့် ကြက်သွန်နီ (ဆိတ်ဖြူ)တို့မှာ ဈေးနှုန်း မြင့်တက်လျက်ရှိပြီး   အခြားအခြေခံစားသောက်ကုန်များမှာ ဈေးနှုန်း အနည်းငယ်သာ အတက်အကျ ဖြစ်လျက်ရှိကြောင်း တွေ့ရှိရပါသည်။

DOCA(ရန်ကုန်)        

    ၅.၁၁.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-