ပြည်တွင်းကုန်သွယ်မှုသတင်း

   ကိုဗစ် (၁၉) ကပ်ရောဂါများကြောင့် (၂) နှစ်ကျော်ကြာ မကျင်းပနိုင်ခဲ့သည့် ကျောက်တော်ကြီးဘုရားပွဲတော်ကို ယခုနှစ်တွင် စည်ကားသိုက်မြိုက်စွာ ကျင်းပသွားမည်ဖြစ်ရာ ယခုအခါ ပွဲဈေး လာရောက်ရောင်းချသူများနှင့် စည်ကားနေပြီဖြစ်ပါသည်။ ဘုရားပွဲတော်သို့ လာရောက်ရောင်းချသည့် ဘုရားပွဲဈေးသည်များမှာ မြန်မာမုန့်စုံများ၊ ကလေးကစားစရာအရုပ်ဆိုင်များ၊ လူသုံးကုန် ပစ္စည်းဆိုင်များ၊ အကြော်စုံဆိုင်များအပြင် သင်ဖြူးဖျာဆိုင်များလည်း ပါဝင်သည်။ သင်ဖြူးဖျာဆိုင်များကို ကျောက်တော်ကြီးဘုရားပွဲ မကျင်းပဖြစ်သည့်နှစ်များမှလွဲ၍ နှစ်စဉ်လာရောက်ရောင်းချ      ကြောင်း သိရှိရပြီး ယခုနှစ်တွင်  ဧရာဝတီတိုင်းဒေသကြီး၊ ပန်းတနော်မြို့မှ လာရောက်ရောင်းချသည့်ဆိုင် (၂) ဆိုင်နှင့် မန္တလေးမှရောင်းချသည့် ဆိုင်(၂)ဆိုင် စုစုပေါင်း (၄) ဆိုင်ဖွင့်လှစ်ကြောင်း သိရှိရသည်။ သင်ဖြူးဖျာဆိုင်များတွင် ထန်းချောဖျာများ၊ သင်ဖြူးဖျာအချော၊ အကြမ်းများကို ဆိုဒ်အမျိုးအစားစုံလင်စွာဖြင့် ရောင်းချနေပြီး ဆိုဒ်အကြီးအသေးပေါ်မူတည်၍ ၁၅၀၀၀ ကျပ်မှ ၆၀၀၀၀ ကျပ်ထိရောင်းချကြောင်း သိရှိရပြီး ပွဲတော်ရက်မှသင်ဖြူးဖျာများ ဝယ်ယူစုဆောင်းသော ဒေသခံများ ၊ ဘုရားဖူးဧည့်သည်များကြောင့် အရောင်းသွက်လျက်ရှိကြောင်း သိရှိရပါသည်။

DOCA(မန္တလေး)

     မုံရွာခရိုင်အတွင်းရှိ စားသုံးသူပြည်သူများ စားသုံးဆီပြတ်လပ်မှုမရှိစေရေး၊ ဈေးနှုန်းချိုသာ၍ အရေအတွက်၊ အလေးချိန်နှင့် အရည်အသွေးပြည့်ဝမှန်ကန်စွာရရှိနိုင်ရေးအတွက် စားသုံးသူရေးရာဦးစီးဌာန၊ မြန်မာနိုင်ငံဆီကုန်သည်များနှင့်ဆီလုပ်ငန်းရှင်များအသင်း၊  မုံရွာခရိုင်၊ စားသုံးဆီကုန်သည်များနှင့် စားသုံးဆီလုပ်ငန်းရှင်များအသင်းတို့ပူးပေါင်း၍ စားအုန်းဆီများဖြန့်ဖြူးရောင်းချပေးလျက်ရှိကြောင်းသိရသည်၊၊

    စားအုန်းဆီများရောင်းချရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက ထုတ်ပြန်ပေးလျက်ရှိသော စားအုန်းဆီတစ်ပိဿာရည်ညွှန်းဈေးအပေါ်အခြေခံ၍ သယ်ယူပို့ဆောင်ခအပါ ကုန်ကျစရိတ်တွင် အမြတ် ၂ရာခိုင်နှုန်းတွက်ချက်၍ ရောင်းချပေးခြင်းဖြစ်ပြီး လူတစ်ဦးလျှင် ၁ပိဿာနှုန်းရောင်းချပေးကြောင်းသိရသည်။

    မုံရွာခရိုင်အတွင်း (၂-၁၀-၂၀၂၃) ရက်နေ့မှ (၁၄-၁၀-၂၀၂၃) ရက်နေ့အထိ စားအုန်းဆီပိဿာချိန် (၃၈၅၀၀) ပိဿာခန့်ကို တစ်ပိဿာလျှင် ၄၈၀၀ကျပ်ဖြင့်လည်းကောင်း၊ (၁၅-၁၀-၂၀၂၃) ရက်နေ့မှ (၂၁-၁၀-၂၀၂၃) ရက်နေ့အထိ စားအုန်းဆီပိဿာချိန် (၁၉၂၅၀) ပိဿာခန့်ကို တစ်ပိဿာလျှင် ၄၇၀၀ကျပ်ဖြင့်လည်းကောင်း၊ (၂၂-၁၀-၂၀၂၃) ရက်နေ့မှ (၂၈-၁၀-၂၀၂၃) ရက်နေ့အထိ စားအုန်းဆီပိဿာချိန် (၁၉၂၅၀) ပိဿာခန့်ကို တစ်ပိဿာလျှင် ၅၂၀၀ကျပ်ဖြင့်လည်းကောင်း၊ (၂၉-၁၀-၂၀၂၃) ရက်နေ့မှ (၃၁-၁၀-၂၀၂၃) ရက်နေ့အထိ စားအုန်းဆီပိဿာချိန် (၃၈၅၀) ပိဿာခန့်ကို တစ်ပိဿာလျှင် ၅၀၀၀ကျပ်ဖြင့်လည်းကောင်း၊   စုစုပေါင်းပိဿာချိန် (၈၀၈၅၀) ပိဿာခန့်ကို လူစည်ကားရာရပ်ကွက်များ၊ ဈေးများအပြင် ဌာနဆိုင်ရာများ၊ တပ်ရင်းတပ်ဖွဲ့များ၊ မြို့စွန်ရပ်ကွက်များသို့ပါ ဈေးကားများဖြင့် လှည့်လည်ရောင်းချလျက်ရှိကြောင်း မုံရွာခရိုင်၊ စားသုံးဆီကုန်သည်များနှင့် စားသုံးဆီလုပ်ငန်းရှင်များထံမှ သတင်းရရှိပါသည်။

DOCA(စစ်ကိုင်း)

   ၂.၁၁.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

     ရေစကြိုမြို့ပေါ်တွင် ၂၀၂၃ခုနှစ်၊  အောက်တိုဘာလ(စတုတ္တပတ်)တွင် အရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ ဈေးနှုန်းများမှာ Decolgen (၁၀) လုံးပါ (၁)ကတ်လျှင် ကျပ်(၁၈၀၀)၊ Civit အလုံး (၁၀၀)ပါ (၁)ဘူးလျှင်  ကျပ်(၃၃၀၀)၊ Paracetamol (၁၀)လုံးပါ (၁)ကတ်လျှင် ကျပ်(၄၅၀)၊ Biogesic (၁၀)လုံးပါ (၁)ကတ်လျှင် ကျပ်(၁၂၀၀)၊ Amoxicillin (၁၀)လုံးပါ (၁)ကတ်လျှင် ကျပ်(၇၀၀)၊ Enervon-C (၄)လုံးပါ (၁)ကတ်လျှင် ကျပ်(၁၆၀၀)၊ Bermeton အလုံး (၁၀၀)ပါ (၁)ဘူးလျှင် ကျပ်(၂၂၀၀)၊ Cetrine (၁၀)လုံးပါ (၁)ကတ်လျှင် ကျပ်(၂၅၀)၊ ဓာတ်ဆား MPF (၁)ထုပ်လျှင် ကျပ်(၃၅၀)၊ သီးစုံဓာတ်ဆား Royal-D (၁)ထုပ်လျှင် ကျပ်(၃၅၀)၊ Oramin-G (၅)လုံးပါ (၁)ကတ်လျှင် ကျပ်(၃၅၀၀)၊ Becozinc (၁၀)လုံးပါ (၁)ကတ်လျှင် ကျပ်(၄၅၀၀)၊ Vitahome (၁၀)လုံးပါ (၁)ကတ်လျှင် ကျပ်(၂၀၀၀)၊ Supradyn (၃၀) လုံးပါ(၁)ကတ်လျှင် ကျပ်(၄၅၀၀)၊ SaRa (၁၀)လုံးပါ (၁)ကတ်လျှင် ကျပ်(၈၀၀)၊ Vitacee (၁၅)လုံးပါ (၁)ကတ်လျှင် ကျပ်(၃၅၀၀)၊ Flemex (၁၀)လုံးပါ (၁)ကတ်လျှင် ကျပ်(၂၀၀၀)၊ Solmux (၄)လုံးပါ (၁)ကတ်လျှင် ကျပ်(၁၃၀၀)၊ Wood's (၁)ဘူးလျှင် ကျပ်(၅၅၀၀)၊ Alexal (၁၀)လုံးပါ (၁)ကတ်လျှင် ကျပ်(၂၅၀၀)၊ Mexagrip (၆)လုံးပါ (၁)ကတ်လျှင် ကျပ်(၁၃၀၀)၊ Vitamin-C 100 mg (၁)လုံးလျှင် ကျပ်(၃၅)၊ Zinc (၁)လုံးလျှင် ကျပ်(၁၀၀)၊ Zincovit (၁၅)လုံးလျှင် ကျပ်(၆၅၀၀) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

       ယခုအချိန်အခါသည် မိုးရာသီကာလဖြစ်သဖြင့် ဖျားနာမှုများအတွက် အိမ်သုံးဆေးဝါးများ အဓိကဝယ်ယူလျက်ရှိကြောင်း ဆေးနှင့်ဆေးပစ္စည်းရောင်းချသူများထံမှ သိရှိရပါသည်။

DOCA(မကွေး)

    မွန်ပြည်နယ်အတွင်းသို့  ဆန်အိတ် အဝင်နှင့်အထွက် ( စီးဝင်/ စီးထွက်)လျက်ရှိသည်။ အခြားတိုင်းဒေသကြီးများမှ  မွန်ပြည်နယ်သို့ ဆန်စီးဝင်မှုများမှာ ၂၀၂၃ခုနှစ် အောက်တိုဘာလ(ဒုတိယအပတ်)တွင် ပဲခူးမှ (၂၉၈၀)အိတ်၊ ရန်ကုန်မှ (၁၉၉၀)အိတ်၊ စစ်ကိုင်းမှ (၁၅၂၀)အိတ်၊ မန္တလေးမှ (၁၃၀၀)အိတ် စုစုပေါင်း ဆန်အိတ် (၇၇၉၀)အိတ် တန်အားဖြင့် ၃၈၉.၅ တန် စီးဝင်ခဲ့ကြောင်း၊ အောက်တိုဘာလ(တတိယအပတ်)တွင် ပဲခူးမှ (၂၆၅၀)အိတ်၊ ရန်ကုန်မှ (၁၉၈၀)အိတ်၊ စစ်ကိုင်းမှ(၁၄၃၀)အိတ်၊ မန္တလေးမှ (၁၃၅၀)အိတ် စုစုပေါင်း ဆန်အိတ် (၇၄၁၀)အိတ် တန်အားဖြင့် ၃၇၀.၅ တန် စီးဝင်ခဲ့ကြောင်း သိရသည်။

  ထို့ပြင် မွန်ပြည်နယ်မှ အခြားတိုင်းဒေသကြီးနှင့်ပြည်နယ်များသို့ ဆန်စီးထွက်ရာတွင် ၂၀၂၃ခုနှစ် အောက်တိုဘာလ(ဒုတိယအပတ်)တွင် သထုံမှ ဘားအံသို့(၁၆၅၅)အိတ်၊ မုဒုံမှ ကြာအင်းဆိပ်ကြီးမြို့သို့ (၁၇၀၀)အိတ် စုစုပေါင်း ၃၃၅၅အိတ်၊ တန်အား ဖြင့် ၁၆၇.၇၅တန် စီးထွက်ခဲ့ကြောင်းနှင့်  အောက်တိုဘာလ(တတိယအပတ်)တွင် ဆန်စီးထွက်မှုမှာ သထုံမှ ဘားအံသို့ (၁၆၇၈)အိတ်၊ မုဒုံမှ ကြာအင်းဆိပ်ကြီးမြို့ (၁၈၄၅)အိတ် စုစုပေါင်း (၃၅၂၃)အိတ်၊ တန်အားဖြင့် ၁၇၆.၁၅တန် စီးထွက်ကြောင်း သိရသည်။

   အဆိုပါ ဆန်စီးဝင်/စီးထွက်မှုမှာ အောက်တိုဘာလ(ဒုတိယအပတ်)နှင့် (တတိယအပတ်) ၏ နှိုင်းယှဉ်ပါက စီးဝင်မှု ဆန်အိတ်(၃၈၀)အိတ်၊ တန်အားဖြင့် ၁၉ တန် လျော့နည်းစီးဝင်ခဲ့ကြောင်းနှင့်  စီးထွက်မှု ဆန်အိတ်(၁၆၈)အိတ်၊ တန်အားဖြင့် ၈.၄ တန်ပိုမို စီးထွက်ခဲ့ကြောင်း သိရှိရပါသည်။

DOCA(မွန်)