ပြည်တွင်းကုန်သွယ်မှုသတင်း

     ရှမ်းပြည်နယ်(တောင်ပိုင်း)အောင်ပန်းဒေသတွင် ယခုအပတ်ပြောင်းသီးနှံမှာ အဟောင်းလက်ကျန်မရှိတော့ဘဲ အသစ်မှာအစိုဓာတ်လွတ်လျှင် အမြင့်ဈေး(၁၂၃၀)ကျပ် ဈေးပေါက်နေပြီး စီးဆင်းမှုမှာယခင်အပတ်တိုင်းပုံမှန်ဖြစ်နေပါသည်။ကြက်သွန်ဖြူသီးနှံမှာ တစ်ပိဿာလျှင်ထူး ၁-၉၅၀၀ကျပ်၊ ထူး ၂-၁၁၅၀၀ကျပ်၊ ထူး ၃-၁၁၇၀၀ကျပ်၊ ထူး ၄-၁၂၅၀၀ကျပ်၊ ထူး ၅-၁၃၀၀၀ကျပ်၊ ထူးလွန်-၁၃၅၀၀ကျပ် နှင့် ဥတစ်လုံးမှာ ၂၅၀၀၀ကျပ်ဖြင့် ဈေးပေါက်နေပြီး တောင်သူလက်ကျန်မှာမရှိတော့ဘဲ ပွဲစားငယ်များထံမှ ဈေးကွက်ဝင်ရောက်မှုရှိသဖြင့် စီးဆင်းမှုမှာပုံမှန်ဖြစ်နေပြီး ထူး ၅ နှင့် ထူးလွန်မှာ တစ်ပိဿာလျှင်(၅၀၀)ကျပ်ခန့် ဈေးတက်လာပါသည်။

   အာလူးသီးနှံမှာ မျက်နီ S2-၇၀၀၀ကျပ်၊ S1-၆၅၀၀ကျပ်၊ OK-၆၀၀၀ကျပ်၊ ဆွဲသီး-၄၅၀၀ကျပ် နှင့် ဂေါ်လီဆိုဒ်မှာ ၂၀၀၀ကျပ် ဈေးရှိနေပြီး စိုက်ခင်းများရေမြုပ်ကုန်သဖြင့် အာလူးအသစ်များဝင် ရောက်မှုမရှိဘဲ ဈေးမြင့်တက်လာကာ စီးဆင်းမှုမှာ ယခင်အပတ်တိုင်း ပုံမှန်ဖြစ်နေပါသည်။

   ချင်းသီးနှံမှာချင်းဥမမြေနီအကြီးစမှာတစ်ပိဿာလျှင်(၄၀၀၀)ကျပ် နှင့် အလတ်စမှာ (၃၅၀၀) ကျပ်ဖြင့် ဈေးနှုန်းထူးခြားစွာပြောင်းလဲမှုမရှိဘဲ ပြည်တွင်းဈေးကွက်သာရှိသဖြင့် ဈေးအေးနေပြီး ပုံ မှန်သာစီးဆင်းနေပါသည်။

      ကုန်စိမ်းသီးနှံများတွင် ဂေါ်ဖီ ၂၀၀၀-၂၅၀၀ကျပ်၊ ပန်းမုန်လာ ၂၅၀၀-၃၀၀၀ကျပ်၊ ခရမ်းချဉ် ဂွတ်ရှယ်သီး ၆၀၀၀ကျပ်၊ ဘိုစားပဲ ၁၂၀၀၀ကျပ်၊ မုန်လာဥနီ ၃၀၀၀-၃၅၀၀ကျပ်၊ ဖရုံသီး ၁၈၀၀ကျပ်၊ ရွှေပဲ ၁၈၀၀၀-၂၀၀၀၀ကျပ်၊ ငရုတ်ပွ ၁၂၀၀၀-၁၅၀၀၀ကျပ်၊ ခရမ်းသီး ၄၀၀၀-၅၀၀၀ကျပ်၊ မုန်ညှင်း ၇၀၀၀ကျပ် အသီးသီးဈေးပေါက်နေကြပြီး သီးနှံများရေနစ်ပျက်စီးမှုများကြောင့် ဈေးကွက်အဝင် နည်းပါးကာ အခါရက်များတွင်လည်း ဝယ်လိုအားကောင်းနေသဖြင့် ဈေးမြင့်တက်လာရခြင်းဖြစ်၍ စီးဆင်းမှုမှာ ယခင်အပတ်တိုင်း ပုံမှန်သာဖြစ်နေကြောင်း လေ့လာသိရှိရပါသည်။

DOCA(ရှမ်း)

   ၂၀၂၄ ခုနှစ် ၊အောက်တိုဘာလ ၁၄ရက် နံနက်(၀၉:၀၀)နာရီအချိန်တွင် စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ကန့်ဘလူမြို့ပေါ်ရှိ ဘိလပ်မြေနှင့် အိမ်ဆောက်ပစ္စည်းရောင်းချသည့်ဆိုင်များသို့ အပတ်စဉ်ကွင်းဆင်းစစ်ဆေးခြင်း ဆောင်ရွက်လျက်ရှိကြောင်း သိရသည်။

    ထိုသို့ကွင်းဆင်းစစ်ဆေးရာတွင် ကန့်ဘလူမြို့ပေါ်ရှိ ဘိလပ်မြေရောင်းချသည့်ဆိုင်များ၏ ဘိလပ်မြေဝယ်ယူရရှိမှုအခြေအနေ၊ လက်ကျန်အခြေအနေနှင့် ဈေးနှုန်း၊ ဈေးကွက်အခြေအနေတို့အား ကွင်းဆင်းစိစစ်ခဲ့ရာ ဘိလပ်မြေနှင့်ဆောက်လုပ်ရေးလုပ်ငန်းသုံးပစ္စည်းများကို မန္တလေးမြို့မှ ဝယ်ယူရကြောင်း၊ ဈေးနှုန်းအနေဖြင့် “CROWN”အမှတ်တံဆိပ် ဘိလပ်မြေ‌တစ်အိတ်လျှင် ငွေကျပ် (၂၀၅၀၀)နှင့် “ကြံ့နှစ်ကောင်” အမှတ်တံဆိပ် ဘိလပ်မြေဈေးနှုန်းမှာ တစ်အိတ်လျှင်ငွေကျပ် (၁၉၅၀၀)ဖြင့်ရောင်းချကြောင်း၊ အောက်တိုဘာလဒုတိယပတ် ဈေးနှုန်းများနှင့်နှိုင်းယှဉ်ပါက ယခု ပတ်အတွင်း ဘိလပ်မြေဈေးနှုန်းများအနည်းငယ်ကျဆင်း၍ အရောင်းအဝယ်ဖြစ်လျက်ရှိကြောင်း လုပ်ငန်းရှင်များထံမှ သိရသည်။

DOCA(စစ်ကိုင်း)

    ရွှေဘိုမြို့ပေါ်ရှိဈေးများတွင် ရာသီပေါ်ဈေးကောင်းရနေသည့် ပိန်းဥနှင့်ကန်စွန်းဥများကို ရောင်းချလျက်ရှိရာ ပိန်းဥနှင့် ကန်စွန်းဥများသည် စက်တင်ဘာလနောက်ဆုံးပတ်တွင် ဈေးကွက် အတွင်းသို့ စတင်ရောင်းချပြီး အောက်တိုဘာလတွင် လှိုင်လှိုင်ထွက်ရှိ၍ ဈေးကောင်းရလျက်ရှိကြောင်း၊ ပိန်းဥကို ဟင်းချိုရည်အဖြစ်လည်းကောင်း၊ သားရေစာအဖြစ်လည်းကောင်း စားသုံးကြပြီး၊ ကန်စွန်းဥကိုလည် သားရေစာ၊ ကန်စွန်းယိုနှင့် ပူတင်းအဖြစ်လည်းကောင်း စားသုံးကြကြောင်း သိရှိရပါသည်။

    ရှမ်းပြည်နယ် အောင်ပန်းဒေသထွက် ပိန်းဥနှင့်ကန်စွန်းဥများကို မန္တလေးမြို့မှ မှာယူရောင်းချကြောင်း၊ ယခင်နှစ်တွင် ပိန်းဥနှင့် ကန်စွန်းဥဈေးနှုန်းမှာ (၁)ပိဿာလျှင် (၁၃၀ဝိ/-)ကျပ်မှ (၁၅၀ဝိ/-) ကျပ်ဖြစ်ခဲ့ပြီး၊ ယခုနှစ်တွင် ပိန်းဥနှင့်ကန်စွန်းဥဈေးနှုန်းမှာ (၁)ပိဿာလျှင်(၂၃၀ဝိ/-)ကျပ်မှ (၂၅၀ဝိ/-) ကျပ်အထိ အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

ပဲခူးတိုင်းဒေသကြီး၊သာယာဝတီခရိုင်၊ မင်းလှမြို့နယ်အတွင်းရှိ ရောင်းချနေသောဟင်းသီးဟင်းရွက်များမှာ မင်းလှမြို့နယ်ပတ်ဝန်းကျင်ရှိ ကျေးရွာများမှဝင်ရောက်သည့်အပြင် ပုတီးကုန်း၊ သဲကုန်း၊ ပေါင်းတည်စသည့်မြို့နယ်များမှလည်း ဝင်ရောက်ရောင်းချနေကြောင်း သိရှိရပါသည်။
ထိုသို့ဝင်ရောက်ရာတွင် အောက်တိုဘာလဒုတိယပတ်အတွင်း ခရမ်းချဉ်သီး ၁ပိဿာ ၂၀၀၀ ကျပ်၊ ဂေါ်ဖီထုပ် ၁ထုပ်လျှင် (၁၅၀၀-၂၀၀၀) ကျပ်၊ ပန်းဂေါ်ဖီ ၁ထုပ် ၂၀၀၀ ကျပ်၊ အာလူး ၁ပိဿာ ၆၀၀၀ မှ ၈၀၀၀ ကျပ်၊ ရွှေဖရုံသီး အသေး၁လုံးလျှင် ၈၀၀ မှ ၁၀၀၀ ကျပ်၊ ဗူးသီး ၁လုံးလျှင် ၂၅၀၀ ကျပ်၊ ငရုတ်ပွ ၁ပိဿာ ၁၃၀၀၀ ကျပ်၊ ချဉ်ပေါင်ရွက် ၁စည်းလျှင် ၂၀၀ ကျပ်၊ ပဲသီး ၁၀တောင့် ၁စည်းလျှင် ၄၀၀ ကျပ်၊ ကန်စွန်းရွက် ၁စည်းလျှင် ၂၀၀ ကျပ်၊ ခရမ်းရှည်သီး ၁လုံးလျှင် ၃၀၀ မှ ၄၀၀ ကျပ်၊ ဆလပ်ရွက် ၁စည်းလျှင် ၂၀၀ မှ၃၀၀ ကျပ်၊သံပုရာသီး ၁လုံးလျှင် (၁၀၀-၁၅၀)ကျပ်၊ ဖရဲသီး ၁လုံးလျှင် ၃၀၀၀ ကျပ်၊ ငရုတ်သီးစိမ်း ၁ပိဿာလျှင် ၁၆၀၀ မှ ၂၀၀၀ ကျပ်၊ရုံပတီသီး ၁စည်းလျှင် ၂၀၀ မှ ၂၅၀ ကျပ်၊ငှက်ပျော်သီးဖီးကြမ်းသီးတစ်ဖီးလျှင်(၃၀၀၀)ကျပ်၊ ခဝဲသီး ၁တောင့်လျှင် ၄၀၀ မှ ၄၅၀ ကျပ်ဖြင့် အရောင်းအဝယ်ဖြစ်လျက်ရှိကြောင်း ဟင်းသီးဟင်းရွက်ရောင်းချနေသော ကုန်သည်များထံမှ သိရှိရပါသည်။
DOCA(ပဲခူး)

မြန်မာနိုင်ငံသည် မြစ်ချောင်းအင်းအိုင်ပေါများပြီး ယင်းတို့မှ ထွက်ရှိသည့် ငါးကိုအခြေခံထုတ်ထုတ်လုပ်ထားသည့် ငါးပိ၊ ငါးခြောက်များသည် လူတန်းစားမရွေးစားသုံးလေ့ရှိသလို လူကြီးများအနေဖြင့် မနက်ခင်းစာအဖြစ် စားသောက်လေ့ရှိသည် စားသောက်ကုန်တစ်မျိုးလည်းဖြစ်သောကြောင့် လူကြီးများအား ဂါရဝပြု လက်ဆောင်ပေးအပ်ရာတွင် အသင့်တော်ဆုံးသော စားသောက်ကုန် ဖြစ်ပေသည်။ ပဲခူးတိုင်းဒေသကြီးသည် မြစ်ချောင်း၊ အင်းအိုင်ပေါများသလို ငါးပိ၊ ငါးခြောက်၊ ငါးချဉ်လုပ်ငန်းများသည်လည်းပေါများပါသည်။ ပဲခူးတိုင်း၊ ပျဉ်ပုံကြီးရွာရှိ မိုးယွန်းကြီး ငါးရံ့ခြောက်သည် ဆားပေါ့၍ ကျန်းမာရေးနှင့် ညီညွတ်သောကြောင့် လူကြိုက်များသော ဒေသထွက်ကုန်တစ်မျိုးလည်းဖြစ်သည်။ ငါးရံ့ခြောက်ပြုလုပ်သည့် ငါးရံ့များကို ပဲခူး၊ ဒိုက်ဦး၊ ဝေါ၊ သနပ်ပင် မြို့နယ်များရှိ ငါးဒိုင်များမှ ဝယ်ယူကြောင်းသိရှိရပြီး ငါးရံ့အစိုတစ်ပိဿာအား ခွဲခြမ်းပြီးနေလှန်းပါက ငါးခြောက် ၂၅ ကျပ်သားမှ ၃၀ သားခန့် ထွက်ရှကြောင်းသိရှိရသည်။ ငါးရံ့ခြောက်များကို တစ်ပိဿာလျှင် အကောင်အရွယ်အစားပေါ် မူတည်၍ ၇၀၀၀၀ကျပ်မှ ၁၃၀၀၀၀ကျပ်ထိ ဈေးနှုန်းအမျိုးမျိုးရှိပြီး အသင့်စားမီးကင်ငါးရံ့ခြောက်များကို တစ်ဆယ်သားတစ်ဘူးလျှင် ၃၀၀၀၀ ကျပ်ဖြင့် ရောင်းချလျက်ရှိကြောင်းသိရှိရသည်။ ပုံမှန်အရောင်းအဝယ် ဖြစ်လျက်ရှိပြီး ထိုက်သင့်သောအကျိုးအမြတ်ရရှိကြောင်းလည်း သိရှိရသည်။ ရောင်းအားအနေဖြင့် တစ်နေ့လျှင် ၁၅ ပိဿာမှ ၃၀ ပိဿာခန့် ရောင်းချရကြောင်း ပဲခူးမြို့ ၃၉ မိုင်၊ ပဲခူးမြို့ ၃၉မိုင်၊ ဘုရားကြီး၊ ပျဉ်ပုံတို့တွင် အဓိကထားရောင်းချလျက်ရှိပြီး နိုင်ငံအတွင်းရန်ကုန်၊ မန္တလေးနှင့် မှာယူသည့်မြို့များသို့ တင်ပို့ရောင်းချပြီး ထိုင်း၊မလေး၊စင်္ကပူစသည့်မြို့များသို့ လက်ဆောင်‌ပေးရန် ဝယ်ယူမှုများလည်းရှိကြောင်း၊ ယခုအချိန်ကာလသည် ဝါလကင်းလွတ်သီတင်းကျွတ်ရာသီ ဖြစ်သောကြောင့် ရောင်းအားအနေဖြင့် ပိုမိုများပြားလာကြောင်း မိုးယွန်းကြီး ငါးရံ့ခြောက်ပိုင်ရှင် ဦးတင်ကိုကိုလှိုင်၏ ပြောကြား ချက်အရ သိရှိရပါသည်။
DOCA(ပဲခူး)