၂၀.၉.၂၀၂၃ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။
၂၀.၉.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
တောင်ငူမြို့၊ ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုတ်သီးစိမ်း (ကျောက်စိမ်းသီး)မှာ ယခင်အပတ်တွင် တစ်ပိဿာလျှင် ၃၀၀၀ကျပ်မှ ၄၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၂၅၀၀ကျပ်မှ ၃၅၀၀ကျပ်အထိဈေးနှုန်းဖြစ်၍ အနည်းငယ်ကျဆင်းလာခဲ့ပြီး ငရုတ်သီးစိမ်း (မိုးထောင်သီး)မှာ တစ်ပိဿာလျှင် ၆၀၀၀ကျပ်မှ ၇၀၀၀ကျပ်၊ ကုလားအော်သီးမှာ တစ်ပိဿာလျှင် ၁၆၀၀၀ကျပ်မှ ၁၈၀၀၀ကျပ်ဖြင့် ဈေးနှုန်းတည်ငြိမ်နေပါသည်။
ခရမ်းသီး (အဖြူ)မှာ ယခင်အပတ်တွင် တစ်ပိဿာလျှင် ၂၀၀၀ကျပ်မှ ၂၅၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၁၈၀၀ကျပ်မှ ၂၀၀၀ကျပ်အထိဖြစ်၍ ဈေးနှုန်း အနည်းငယ်ကျဆင်းလာခဲ့ပြီး ခရမ်းသီး(အညို)မှာ တစ်ပိဿာလျှင် ၂၀၀၀ကျပ်မှ ၂၅၀၀ ကျပ်အထိဖြင့် ဈေးနှုန်းတည်ငြိမ်နေပါသည်။
ဒေသသခွားသီးမှာ ယခင်အပတ်တွင် တစ်ပိဿာလျှင် ၁၅၀၀ကျပ်မှ ၁၆၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၁၀၀၀ကျပ်မှ ၁၂၀၀ကျပ်အထိ၊ ရှမ်းပြည်သခွားသီးမှာ ယခင်အပတ်တွင် တစ်ပိဿာလျှင် ၁၈၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၁၃၀၀ကျပ်အထိ ဈေးနှုန်းကျဆင်းပြီး တစ်ပိဿာလျှင် ၈၀၀ကျပ်မှ ၁၀၀၀ကျပ်အထိဖြင့် ဈေးနှုန်းတည်ငြိမ်နေပါသည်။
ခရမ်းချဉ်သီး(ရှမ်းပြည်သီး)မှာ ယခင်အပတ်တွင် တစ်ပိဿာလျှင် ၁၈၀၀ကျပ်မှ ၂၂၀၀ ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၁၂၀၀ကျပ်မှ ၁၅၀၀ကျပ်၊ ခရမ်းချဉ်သီး (ဒေသသီး)မှာ ယခင်အပတ်တွင် တစ်ပိဿာလျှင် ၃၅၀၀ကျပ်မှ ၄၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၃၀၀၀ကျပ်မှ ၃၅၀၀ကျပ်အထိ ဈေးနှုန်းပြန်လည်ကျဆင်းပါသည်။
နံနံပင်မှာ ယခင်အပတ်တွင် တစ်ဆယ်ကျပ်သားလျှင် ၅၀၀ကျပ်ရှိခဲ့ရာမှ ယခုအပတ်တွင် တစ်ဆယ်ကျပ်သားလျှင် ၄၀၀ကျပ်၊ မုန်ညင်းဖြူမှာ ယခင်အပတ်တွင် တစ်ပိဿာလျှင် ၂၅၀၀ကျပ်မှ ၂၈၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၂၀၀၀ကျပ်မှ ၂၂၀၀ကျပ်၊ မုံလာဥဖြူမှာ ယခင်အပတ်တွင် တစ်ပိဿာလျှင် ၂၂၀၀ကျပ်မှ ၂၅၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၂၀၀၀ကျပ်မှ ၂၂၀၀ကျပ်အထိ ဈေးနှုန်းကျဆင်းပြီး မုံလာဥနီမှာ တစ်ပိဿာလျှင် ၂၅၀၀ကျပ်မှ ၂၈၀၀ကျပ်အထိဖြင့် ဈေးနှုန်းတည်ငြိမ်နေပါသည်။
ကန်စွန်းရွက်မတစ်စည်းလျှင် ၁၅၀ကျပ်၊ ၁၀စည်းယူလျှင် ၁၂၀၀ကျပ်၊ ချဉ်ပေါင်ရွက်တစ်စည်းလျှင် ၁၀၀ကျပ်၊ ၁၀စည်းယူလျှင် ၈၀၀ကျပ်၊ ကင်မွန်းချဉ်ရွက် တစ်စည်းလျှင် ၂၀၀ကျပ်၊ ၁၀စည်းယူလျှင် ၁၆၀၀ကျပ်တို့ရှိကြောင်းသိရပါသည်။
DOCA(ပဲခူး)
တောင်ငူမြို့၊ အမှတ်(၁၁)ရပ်ကွက်၊ ဈေးလမ်းရှိ “ထက်” ဆိုင်ကယ်အရောင်းဆိုင်တွင် ဆိုင်ကယ်အမျိုးအစား (၇)မျိုးကို ရောင်းချလျက်ရှိရာ NCX Wave 100 နှင့် 125 Click ဘီးများမှာ လူကြိုက်များ၍ အရောင်းအဝယ်သွက်လျက်ရှိပါသည်။
၂၀၂၃ခုနှစ်၊ ဩဂုတ်လတွင် NCX Wave 100 တစ်စီးလျှင် ကျပ်သိန်း ၂၀နှင့် 125 Click တစ်စီးလျှင် ကျပ်သိန်း ၄၀ဖြင့်အရောင်းအဝယ်ဖြစ်ခဲ့ပြီး ယခုလတွင် NCX Wave 100 တစ်စီးလျှင် ကျပ်၂၅သိန်းနှင့် 125 Click တစ်စီးလျှင် ကျပ်သိန်း ၅၀ဖြစ်၍ ဈေးနှုန်းအနည်းငယ်မြင့်တက်လာခဲ့ပါသည်။
“ထက်” ဆိုင်ကယ်အရောင်းဆိုင်အနေဖြင့် ဝယ်ယူအားပေးသူများကို ဈေးနှုန်းသက်သာစွာရောင်းချပေးသည့်အပြင် အရစ်ကျစနစ်ဖြင့် ဝယ်ယူလိုသူများကိုလည်း ဘဏ်များနှင့်ချိတ်ဆက်ပေးကြောင်း၊ ယခင်လတွင် ဆိုင်ကယ်အရောင်းအဝယ်သွက်သော်လည်း ယခုလတွင် အရောင်းအဝယ်အေးကြောင်းသိရပါသည်။
DOCA(ပဲခူး)
ပဲခူးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ရေတာရှည်မြို့နေပြည်သူများ အခြေခံစားကုန်များကို ဈေးနှုန်းသင့်တင့်စွာဝယ်ယူနိုင်ရေးအတွက် ကိုယ်တိုင်စိုက်ပျိုးမွေးမြူထုတ်လုပ်သူများက ရေတာရှည်မြို့၊ စည်ပင်သာယာဈေးကြီး၏ အနောက်ဘက်တွင် ဆန်၊ ဆီ၊ သားငါးနှင့် ဟင်းသီးဟင်းရွက်များတိုက်ရိုက်အရောင်းဈေးဖွင့်လှစ်၍ ရောင်းချပေးလျက်ရှိပါသည်။
၂၀၂၃ခုနှစ်၊ စက်တင်ဘာလ ၆ရက်နေ့တွင် ရေတာရှည်မြို့နယ် ဆန်စက်ပိုင်ရှင်များအသင်းက ဆန်တစ်ပြည်လျှင် ၂၅၀၀ကျပ်ဖြင့် လူတစ်ဦးလျှင် နှစ်ပြည်နှုန်း၊ ဆီကုန်သည်များက စားအုန်းဆီတစ်ပိဿာလျှင် ၅၀၀၀ကျပ်နှုန်းဖြင့် ရောင်းချပေးပါသည်။
မွေးမြူရေးလုပ်ငန်းရှင်များက ကြက်သား ၁၀ကျပ်သားလျှင် ၁၀၀၀ကျပ်၊ ဝက်သား ၁၀ကျပ်သားလျှင် ၁၂၀၀ကျပ်၊ အမဲသား ၁၀ကျပ်သားလျှင် ၁၀၀၀ကျပ်၊ ဆိတ်သား ၁၀ကျပ်သားလျှင် ၂၀၀၀ကျပ်၊ ငါး ၁၀ကျပ်သားလျှင် ၇၀၀ကျပ်နှင့် ကြက်ဥတစ်လုံးလျှင် ၂၅၀ကျပ်ဖြင့်ရောင်းချလျက်ရှိရာ မည်သူမဆို လွတ်လပ်စွာဝယ်ယူနိုင်ပါသည်။
ကိုယ်တိုင်စိုက်ပျိုးမွေးမြူထုတ်လုပ်သူများ၏ တိုက်ရိုက်အရောင်းဈေးမှ အခြေခံစားသောက်ကုန်များရောင်းချရာနေရာသို့ သက်ဆိုင်ရာဌာနဆိုင်ရာများမှ ဝန်ထမ်းများက ကြီးကြပ်ကူညီဆောင်ရွက်ပေးကြောင်းနှင့် နေ့စဉ်ရောင်းချနိုင်ရေးအတွက် သက်ဆိုင်ရာဌာနဆိုင်ရာများက လုပ်ငန်းရှင်များနှင့်ညှိနှိုင်းဆောင်ရွက်ထားကြောင်း သိရပါသည်။
DOCA(ပဲခူး)
ရှမ်းပြည်နယ်(တောင်ပိုင်း) ညောင်ရွှေမြို့နယ် အနောက်ဘက်ခြမ်းရှိ ခေါင်တိုင်ကျေးရွာတွင် အဓိကတွင်တွင်ကျယ်ကျယ်လုပ်ကိုင်ကြသော ဒေသထွက်အစားအစာ ပဲကြော်လုပ်ငန်းကို လုပ်ကိုင်ကြပါကြောင်း၊ ပဲကြော်ပြုလုပ်ရာတွင် ကုလားပဲမှုန့်နှင့် ကော်မှုန့်ကို ဆတူရောစပ်ပြီး ပြောင်းဖူးမှုန့် အနည်းငယ်ရောကာ ကြော်ရပါကြောင်း၊ ပြောင်းဖူးမှုန့် အနည်းငယ်ထည့်ကြော်ရခြင်းမှာ ပဲကြော်များအား စားသုံးလျှင် မွမွလေးနှင့် ကြွပ်ရွနေမှုကိုဖြစ်စေကြောင်း၊ ပဲခွေကြော် (အကြီး)မှာ အခွေတစ်ခုချင်းကို သေချာချိန်ဆပြီး ကြော်ရ၍ တစ်ခါကြော်လျှင် ဝါးခြင်း တောင်းကြီး တစ်တောင်းခန့်သာထွက်၍ ပဲကြော်(အသေး)မှာ တစ်ခါကြော်လျှင် ဝါးခြင်းဆောင်း (၃) တောင်းခန့် ထွက်ကြောင်း၊ ဝါးခြင်းတောင်း တစ်တောင်းလျှင် ပဲကြော်ပိဿာချိန် (၇)ပိဿာခန့် ဆန့်ဝင်ကြောင်း၊ ပဲခွေကြော်(အကြီး) တစ်ပိဿာလျှင် (၉၅၀ဝိ/-)ကျပ်၊ ပဲကြော်(အသေး) တစ်ပိဿာလျှင်(၉၀၀ဝိ/-)ကျပ် ဈေးရှိပါကြောင်း၊ ပဲခွေကြော်မှာ ရှမ်းပြည်နယ်ထွက် ဒေသအစားအစာဖြစ်၍ လူကြိုက်များပြီး ဒေသတွင်းသာမက အခြားဒေသများသို့ပါ တင်ပို့ ရောင်းချလျက်ရှိကြောင်း၊ ပဲကြော်ကို (၅)ရက် တစ်ဈေးလျှင် ကုန်ချိန်(၂၀)ခန့် အရောင်းအဝယ် ဖြစ်ကြောင်း သိရှိရပါသည်။
DOCA(ရှမ်း)
ခရမ်းချဉ်သီးကို ရှမ်းပြည်နယ်(တောင်ပိုင်း)အတွင်းရှိ ဒေသအများအပြားတွင် စိုက်ပျိုးလျက်ရှိပါကြောင်း၊ ရှမ်းပြည်နယ်(တောင်ပိုင်း)တွင် ခရမ်းချဉ်သီးစိုက်ဧက (၁၁၆၄၁)ကျော် စိုက်ပျိုးမှုရှိသည့်အနက် ညောင်ရွှေမြို့နယ်တွင် အများဆုံးစိုက်ပျိုးကြပါကြောင်း၊ ညောင်ရွှေမြို့နယ်မှ စိုက်ပျိုးထွက်ရှိသော ခရမ်းချဉ်သီးများကို ဒေသတွင်းစားသုံးပြီး ပိုလျှံသည်များကို မြန်မာနိုင်ငံအနှံ့သို့ တင်ပို့ရောင်းချလျက် ရှိပါကြောင်း၊ ခရမ်းချဉ်သီးကို မိုး/ဆောင်းခွဲပြီးစိုက်ပျိုးလျက်ရှိပါကြောင်း၊ မိုးခရမ်းချဉ်သီးကို ဇွန်လတွင် စတင်ပျိုးထောင်ပြီး (၂၀-၂၅)ရက်ခန့်တွင် စတင်စိုက်ပျိုးပါကြောင်း၊ အသီးကို ဩဂုတ်လတွင် စတင် ခူးဆွတ်နိုင်ပါကြောင်း၊ ဆောင်းခရမ်းချဉ်သီးကို အောက်တိုဘာလတွင် စတင်ပျိုးထောင်ပြီး အောက်တိုဘာ (၂၀-၂၅)ရက်တွင် စတင်စိုက်ပျိုးကြပါကြောင်း၊ ဒီဇင်ဘာလကုန်တွင် အသီးရင့်မှည့်၍ စတင်ခူးဆွတ်နိုင်ပါကြောင်း၊ ခရမ်းချဉ်သီး၏ သက်တမ်းမှာ (၃)လရှိပြီး သက်တမ်းအားဖြင့် ရက်ပေါင်း (၁၂၀)ခန့်ထိ သက်တမ်းရှိပါကြောင်း သိရသည်။
ရှမ်းပြည်နယ်(တောင်ပိုင်း)ဈေးကွက်အတွင်း ခရမ်းချဉ်သီးများအဝင်နည်းလာသဖြင့် ဈေးအနည်းငယ် တက်လာပါကြောင်း၊ ခရမ်းချဉ်သီးဈေးမှာ ယခုကာလများတွင် နှစ်စဉ်ဈေးတက်လေ့ရှိပြီး ဈေးတက်ရခြင်းမှာလည်း အင်းလေး ဖောင်တော်ဦးဘုရားပွဲကို စက်တင်ဘာလနှင့် အောက်တိုဘာလများတွင် နှစ်စဉ် ကျင်းပလေ့ရှိရာ ဘုရားပွဲကာလများတွင် ညောင်ရွှေမြို့နယ်နှင့် အနီးတဝိုက်ဒေသများရှိ ခရမ်းချဉ်သီးစိုက်ပျိုးထုတ်လုပ်သူတောင်သူများမှာ ဘုရားပွဲအတွက်ပြင်ဆင်မှုများဆောင်ရွက်ကြသဖြင့် လုပ်ငန်းများကို ခေတ္တရပ်နားထားကြောင်း၊ ခရမ်းချဉ်သီးများမှာ ဈေးကွက်အတွင်း ဝင်ရောက်မှု နည်းလာခြင်းကြောင့် သို့ဖြစ်ပါ၍ ခရမ်းချဉ်သီးဈေးများတက်လာခြင်းဖြစ်ကြောင်း၊ ခရမ်းချဉ်သီးတစ်ပိဿာ၏ ပေါက်ဈေးမှာ ကျပ်(၂၄၀ဝိ/- မှ ၂၆၀ဝိ/-)ထိဈေးရှိကြောင်း သိရှိရပါသည်။
DOCA(ရှမ်း)
၂၀၂၃ ခုနှစ်၊ စက်တင်ဘာလ ဒုတိယပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံ-မိုင်းလား နယ်စပ်လမ်းကြောင်းမှ သွင်းကုန်များအနေဖြင့် အားကစားဘောင်းဘီ၊ ရေမြှုပ်ဖိနပ်၊ မိုးကာအင်္ကျီနှင့် စွပ်ကျယ်အင်္ကျီတို့ဖြစ်၍ သွင်းကုန်တန်ဖိုး အမေရိကန်ဒေါ်လာ (၀.၀၁၃)သန်းဖြစ်ပြီး ကုန်ပစ္စည်းတင်ပို့မှုမရှိကြောင်း သိရှိရပါသည်။ ကုန်သွယ်မှုပမာဏ အမေရိကန်ဒေါ်လာ(၀.၀၁၃) သန်း ဆောင်ရွက်နိုင်ခဲ့ပါသည်။ ယခင်အပတ်နှင့် နှိုင်းယှဉ်ပါက ပို့ကုန်တန်ဖိုး အမေရိကန်ဒေါ်လာ (၀.၀၂၄)သန်း၊ သွင်းကုန်တန်ဖိုးမှာ အမေရိကန်ဒေါ်လာ(၀.၀၁၃)သန်း လျော့နည်းသွားကြောင်း သိရှိရပါသည်။
တာချီလိတ်နယ်စပ်လမ်းကြောင်းမှ ပို့ကုန်တင်ပို့မှုမှာ ကြက်သွန်ဖြူ၊ စာရွက်အပိုင်းအစ၊ ကြက်သွန်နီ၊ ရော်ဘာ၊ ဆေးရွက်ကြီး၊ ပလတ်စတစ်တို့ဖြစ်ပြီး ပို့ကုန်တန်ဖိုး အမေရိကန်ဒေါ်လာ (၀.၅၁၃)သန်း တင်ပို့နိုင်ခဲ့ကြောင်း သိရှိရပါသည်။ သွင်းကုန်များအနေဖြင့် ဒီဇယ်၊ ဓာတ်ဆီ၊ ဘိလပ်မြေ၊ ပိုက်နှင့် အိမ်ဆောက်ပစ္စည်းတို့ဖြစ်ပြီး သွင်းကုန်တန်ဖိုး အမေရိကန်ဒေါ်လာ(၁.၆၂၂)သန်း ဖြစ်ကြောင်း သိရှိရပါသည်။ ကုန်သွယ်မှုပမာဏ အမေရိကန်ဒေါ်လာ(၀.၆၆၃)သန်း ဆောင်ရွက်နိုင်ခဲ့ပါသည်။ ယခင်အပတ်နှင့်နှိုင်းယှဉ်ပါက ပို့ကုန်တန်ဖိုး အမေရိကန်ဒေါ်လာ (၀.၀၀၆)သန်း ပိုမိုတင်ပို့ခဲ့ပြီး သွင်းကုန်တန်ဖိုး အမေရိကန်ဒေါ်လာ(၀.၆၅၇)သန်း တင်သွင်းမှု တိုးလာသောကြောင့် ကုန်သွယ်မှုပမာဏတန်ဖိုး အမေရိကန်ဒေါ်လာ(၀.၆၆၃)သန်း တိုးလာကြောင်း သိရှိရပါသည်။
DOCA(ရှမ်း)
ပဲခူးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် တောင်ငူမြို့ရှိ အခြေခံလူတန်းစားများအား အခြေခံစားကုန်များဖြစ်သော ဆန်နှင့်စားအုန်းဆီတို့ကို သင့်တင့်သောဈေးနှုန်းဖြင့် ရောင်းချပေးလျက်ရှိရာ ၂၀၂၃ခုနှစ်၊ စက်တင်ဘာလ ၄ရက်နေ့တွင် တောင်ငူမြို့၌ ဆန်အိတ် ၇၅အိတ်နှင့် စားအုန်းဆီ ၇၅၀ပိဿာရောင်းချပေးခဲ့ပါသည်။
တောင်ငူခရိုင်ဆန်ကုန်သည်များနှင့်ဆန်စက်လုပ်ငန်းရှင်များက တောင်ငူမြို့၊ ဘုရင့်နောင်ဈေးအနီးရှိ ကိုယ်တိုင်မွေးမြူစိုက်ပျိုးထုတ်လုပ်သူများ၏ တိုက်ရိုက်အရောင်းဈေးတွင် ဆန်အိတ် ၃၅အိတ်ကိုလည်းကောင်း၊ အမှတ်(၃)ရပ်ကွက်ရှိ အခြေခံလူတန်းစားများအား ညောင်ဝိုင်း၊ ဘုရားဓမ္မာရုံတွင် ဆန်အိတ် ၂၀အိတ်ကိုလည်းကောင်း၊ အမှတ်(၈)ရပ်ကွက်ရှိ အခြေခံလူတန်းစားများအား ရပ်ကွက်အုပ်ချုပ်ရေးမှူးရုံးရှေ့တွင် ဆန်အိတ် ၂၀အိတ်ကိုလည်းကောင်း၊ စုစုပေါင်းဆန်အိတ် ၇၅အိတ်ကို တစ်ပြည်လျှင် ၂၅၀၀ကျပ်နှုန်း၊ လူတစ်ဦးလျှင် ၂ ပြည်နှုန်းဖြင့် ရောင်းချပေးပါသည်။
First Top ကုမ္ပဏီက ဘုရင့်နောင်ဈေးအနီးရှိ ကိုယ်တိုင်မွေးမြူစိုက်ပျိုးထုတ်လုပ်သူများ၏ တိုက်ရိုက်အရောင်းဈေးတွင် စားအုန်းဆီပိဿာ ၂၅၀နှင့် အမှတ်(၃)ရပ်ကွက်ရှိ ပြည်သူများအား စားအုန်းဆီပိဿာ ၂၅၀ကိုလည်းကောင်း၊ အမှတ်(၈)ရပ်ကွက်ရှိ ပြည်သူများအား စားအုန်းဆီပိဿာ ၂၅၀ကိုလည်းကောင်း စုစုပေါင်းစားအုန်းဆီ ၇၅၀ပိဿာကို တစ်ပိဿာလျှင် ၄၅၀၀ကျပ်နှုန်း၊ လူတစ်ဦးလျှင် ၅၀ကျပ်သားနှုန်းဖြင့် ရောင်းချပေးပါသည်။
ဆန်နှင့်စားအုန်းဆီများရောင်းချရာသို့ စားသုံးသူရေးရာဦးစီးဌာနနှင့် သက်ဆိုင်ရာဌာနဆိုင်ရာများမှ တာဝန်ရှိသူများနှင့် ဝန်ထမ်းများက ကြီးကြပ်ဆောင်ရွက်ပေးကြောင်းနှင့် အဆိုပါ ဆန်နှင့် စားအုန်းဆီများရောင်းချရာနေရာသို့ တိုင်းဒေသကြီးဝန်ကြီးချုပ်က လာရောက်ကြည့်ရှုအားပေးကြောင်းသိရှိရပါသည်။
DOCA(ပဲခူး)
ပဲခူးတိုင်းဒေသကြီး၊ တောင်ငူမြို့၌ ၂၀၂၃ခုနှစ်၊ စက်တင်ဘာလ (ပထမပတ်) တွင် 92 RON တစ်လီတာလျှင် ၂၃၅၀ကျပ်၊ 95 RON တစ်လီတာလျှင် ၂၄၆၅ကျပ်၊ ဒီဇယ်တစ်လီတာလျှင် ၂၅၅၅ကျပ်နှင့် ပရီမီယံဒီဇယ်တစ်လီတာလျှင် ၂၆၃၀ကျပ်ရှိပါသည်။
ယခုအပတ်တွင် တောင်ငူမြို့ ဖြိုးဝေကျော်စက်သုံးဆီဆိုင်၌ 92 RON တစ်လီတာလျှင် ၂၃၀၀ကျပ်၊ 95 RON တစ်လီတာလျှင် ၂၄၁၀ကျပ်၊ ဒီဇယ်တစ်လီတာလျှင် ၂၄၅၀ကျပ်နှင့် ပရီမီယံဒီဇယ်တစ်လီတာလျှင် ၂၅၃၀ကျပ်ရှိပါသည်။
အုတ်တွင်းမြို့၊ Max စက်သုံးဆီအရောင်းဆိုင်တွင် 92 RON တစ်လီတာလျှင် ၂၃၀၀ကျပ်၊ 95 RON တစ်လီတာလျှင် ၂၄၁၀ကျပ်၊ ဒီဇယ်တစ်လီတာလျှင် ၂၄၅၀ကျပ်နှင့် ပရီမီယံဒီဇယ်တစ်လီတာလျှင် ၂၅၃၀ကျပ်ရှိပါသည်။
ရေတာရှည်မြို့၊ Petro K စက်သုံးဆီအရောင်းဆိုင်တွင် 92 RON တစ်လီတာလျှင် ၂၃၀၀ကျပ်၊ 95 RON တစ်လီတာလျှင် ၂၄၁၅ကျပ်၊ ဒီဇယ်တစ်လီတာလျှင် ၂၄၅၅ကျပ်နှင့် ပရီမီယံဒီဇယ်တစ်လီတာလျှင် ၂၅၃၅ကျပ်ရှိပါသည်။
သို့ဖြစ်၍ ယခုအပတ်တွင် 92 RON တစ်လီတာလျှင် ၅၀ကျပ်၊ 95 RON တစ်လီတာလျှင် ၅၅ကျပ်၊ ဒီဇယ်တစ်လီတာလျှင် ၁၀၅ကျပ်နှင့် ပရီမီယံဒီဇယ်တစ်လီတာလျှင် ၁၀၀ကျပ်ခန့် ဈေးနှုန်းကျဆင်းကြောင်းသိရပါသည်။
DOCA(ပဲခူး)
