ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ သရက်ခရိုင်၊ကံမမြို့နယ် မြောက်ချောင်းဘက်ရှိ ကျေးရွာများဖြစ်သော ရေနံ့သာ၊ ဆုံကုန်း၊ ခြောက်ပင်၊ သံပရာ၊ ကျောက်ပတောင်း၊ ကျောက်ဆောင်း၊ ကျီးမီး၊ ရွာသာယာ စသည့် ကျေးရွာများမှ ထွက်ရှိသည့် သီးနှံများအနက် ဆောင်းမြေပဲသီးနှံများ စတင်‌ ပေါ်ထွက်လျက် ရှိရာ ၂၀၂၄ခုနှစ်၊ ဖေဖော်ဝါရီလ(ပထမပတ်)တွင် (၁)ပိဿာလျှင် ကျပ်(၆၂၀၀-၆၃၀၀) ဈေးဖြင့် ယခင်အပတ် ကျပ်(၆၀၀၀မှ၆၁၀၀)ဈေးထက် (၁၀၀ မှ၂၀၀)ဈေးအမြင့်ဖြင့် တစ်နေ့လျှင် ပိဿာ (၈၀၀ မှ ၁၁၀၀)ဝန်းကျင်ခန့် အ‌ရောင်းအဝယ်ဖြစ်လျက်ရှိကြောင်း၊ ပဲခူးတိုင်းဒေသကြီး ပြည်မြို့သို့ နေ့စဉ်‌ တင်ပို့ရောင်းချလျက်ရှိပါကြောင်း ကုန်သည်ကိုထိုက်သူအောင်ထံမှ သိရပါသည်။

     ကံမမြို့နယ်၌ ၂၀၂၃-၂၀၂၄ ဘဏ္ဍာနှစ်တွင် ဆောင်းမြေပဲသီးနှံများကို လျာထားဧက (၄၆၃၁)ဧက၊ စိုက်ပျိုးပြီးဧက(၅၂၃၇)ဧကဖြစ်ပြီး ၂၀၂၄ခုနှစ်၊ ဇန်နဝါရီလ(၃၁)ရက်နေ့ထိ ရိတ်သိမ်း ဧက(၄၄၉)ဧက၊ အထွက်နှုန်း(၆၈.၁၂)တင်း၊ အထွက်တင်း (၃၀၅၈၆)တင်း ဖြစ်ကြောင်း၊ ကုလားပဲ သီးနှံ စိုက်ပျိုးပြီးဧက(၈၀၉၇)ဧကဖြစ်ပြီး ဇန်နဝါရီလ(၃၁)ရက်နေ့ထိ ရိတ်သိမ်းဧက(၄၀)ဧက၊ အထွက်နှုန်း(၁၆.၉၈)တင်း၊ အထွက်တင်း(၆၇၉)တင်း ဖြစ်ပါကြောင်း မြို့နယ်စိုက်ပျိုး‌ရေးဦးစီးဌာနမှ သိရပါသည်။

DOCA(မကွေး)

     မိတ္ထီလာကုန်စည်ဒိုင်တွင်ဖြစ်ပေါ်လျက်ရှိသော ဆီထွက်သီးနှံစျေးနှုန်းများမှာ    ဖေဖော်ဝါရီလ ပထမပတ်၌ နှမ်း (ညို) တစ်တင်းလျှင် (၁၀၀၀၀၀-၁၀၂၀၀၀) ကျပ်၊ နှမ်းဖြူတစ်တင်းလျှင် (၁၁၀၀၀၀-၁၁၅၀၀၀) ကျပ်၊ နေကြာစေ့တစ်တင်းလျှင် (၄၀၀၀-၄၁၀၀) ကျပ်၊ နှမ်းဆီတစ်ပိဿာလျှင် (၁၄၀၀၀-၁၄၅၀၀) ကျပ်၊ မြေပဲဆီတစ်ပိဿာလျှင် (၁၄၀၀၀-၁၄၅၀၀) ကျပ်၊ နေကြာဆီတစ်ပိဿာလျှင် (၁၃၀၀၀) ကျပ်၊ နှမ်းဖတ်တစ်ပိဿာလျှင် (၂၅၅၀) ကျပ်၊ ပဲဖတ်တစ်ပိဿာလျှင် (၂၉၅၀) ကျပ်၊ နေကြာဖတ်တစ်ပိဿာလျှင် (၁၈၃၀) ကျပ်ဖြင့်ရောင်းဝယ်ဖြစ်လျက်ရှိပြီး ယခင်ဇန်နဝါရီလ ပထမပတ်တွင် နှမ်းညို(သစ်)တစ်တင်းလျှင် (၈၈၀၀၀-၈၉၀၀၀)ကျပ်၊ နှမ်းဖြူတစ်တင်းလျှင်  (၁၀၀၀၀-၁၀၅၀၀၀)ကျပ်၊ နေကြာစေ့တစ်ပိဿာလျှင် (၄၂၀၀-၄၃၀၀)ကျပ်၊ နှမ်းဆီတစ်ပိဿာလျှင် (၁၄၀၀၀) ကျပ်၊ မြေပဲဆီတစ်ပိဿာလျှင် (၁၄၀၀၀)ကျပ်၊ နေကြာဆီတစ်ပိဿာလျှင် (၁၃၅၀၀)ကျပ်၊ နှမ်းဖတ်တစ်ပိဿာလျှင် (၂၅၀၀)ကျပ်၊ နေကြာဖတ်တစ်ပိဿာလျှင် (၁၈၀၀)ကျပ်၊ ပဲဖတ်တစ်ပိဿာလျှင် (၂၅၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်လနှင့် ယခုလ ဈေးနှုန်းတို့ကိုနှိုင်းယှဉ်လျှင် ဆီထွက်သီးနှံဈေးနှုန်းများမှာ မြင့်တက်လျက်ရှိပြီး ကုန်ချောဈေးနှုန်းများတည်ငြိမ်လျက်ရှိပါသည်။

     ယခုဖေဖော်ဝါရီလ ပထမပတ်အတွင်း ပဲမျိုးစုံစျေးနှုန်းများမှာ ကုလားပဲ (V2) နှင့် ပဲစဉ်းငုံသီးနှံများသာ အရောင်းအဝယ်ဖြစ်လျက်ရှိပြီး ကုလားပဲ (V2) တစ်တင်းလျှင် (၉၇၀၀၀) ကျပ်၊ ပဲစဉ်းငုံတစ်တင်းလျှင် (၁၃၂၀၀၀)ကျပ်စျေးနှုန်းဖြင့်ရောင်းဝယ်လျက်ရှိပြီး ယခင်ဇန်နဝါရီလ ပထမပတ်အတွင်း ကုလားပဲ (V2) တစ်တင်းလျှင် (၈၈၀၀၀-၉၀၀၀၀) ကျပ်၊ ပဲစဉ်းငုံအသစ်တစ်တင်းလျှင် (၁၀၃၀၀၀)ကျပ်စျေးနှုန်းရှိခဲ့ရာ ယခင်လနှင့် ယခုလကာလတူဈေးနှုန်းတို့ကိုနှိုင်းယှဉ်လျှင် ကုလားပဲများမှာ ဒေသတွင်းသုံးစွဲမှုများလာခြင်းကြောင့် ကုလားပဲ (V2)စျေးနှုန်းမှာ တစ်တင်းလျှင် (၇၀၀၀) ကျပ်ခန့်မြင့်တက်ခဲ့ပြီး ပဲစဉ်းငုံမှာ ရာသီချိန်ဖြစ်သော်လည်း ပြည်ပလိုအပ်ချက်များရှိသဖြင့် ပဲစဉ်းငုံတစ်တင်းလျှင် (၂၇၀၀၀) ကျပ်ခန့်စျေးနှုန်းမြင့်တက်လာကြောင်းသိရှိရပါသည်။

    ယခုဖေဖော်ဝါရီလ ပထမပတ်အတွင်း ဝါတစ်ပိဿာလျှင် (၃၀၀၀-၃၂၀၀)ကျပ်၊ ငရုတ်သစ်တစ်ပိဿာလျှင် (၉၅၀၀-၁၀၀၀၀)ကျပ်ရှိပြီး ယခင်ဇန်နဝါရီလ ပထမပတ်အတွင်း ဝါတစ်ပိဿာလျှင် (၃၀၀၀ -၃၃၀၀)ကျပ်၊ ကြက်သွန်နီ(သစ်) တစ်ပိဿာလျှင် (၂၇၀၀-၃၀၀၀)ကျပ်၊ ငရုတ်သစ်တစ်ပိဿာလျှင် (၉၅၀၀-၁၀၀၀၀)ကျပ်ရှိပြီး ယခင်လနှင့် ယခုလဈေးနှုန်းတို့ကိုနှိုင်းယှဉ်လျှင် ငရုတ်သစ်ဈေးနှုန်းမှာ ဈေးငြိမ်နေပြီး၊ ဝါသီးနှံမှာ ဝါအရည်အသွေးကျဆင်းသောကြောင့် ဝါတစ်ပိဿာလျှင် (၁၀၀)ကျပ်ဈေးနှုန်းကျလာကြောင်းသိရှိရပါသည်။

DOCA(မန္တလေး)

    ၁၅.၂.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

    မကွေးတိုင်းဒေသကြီး၊  သရက်ခရိုင်၊ကံမမြို့နယ် မြောက်ချောင်းဘက်ရှိ ရေနံ့သာ၊ ဆုံကုန်း၊ ခြောက်ပင်၊ သံပရာ၊ ကျောက်ပတောင်း၊ ကျောက်ဆောင်း၊ ကျီးမီး၊ ရွာသာယာ စသည့်ကျေးရွာများမှ ထွက်ရှိသည့်သီးနှံများအနက် ပဲတီစိမ်းသီးနှံမှာ ၂၀၂၄ခုနှစ်၊ ဖေဖော်ဝါရီလ(ပထမပတ်)တွင် (၃၀) ပိဿာဝင် တစ်အိတ်လျှင် ကျပ်(၁၀၃၅၀၀၀-၁၀၅၀၀၀)ဖြင့် သီးနှံအရည်အသွေးပေါ်မူတည်၍  တစ်နေ့လျှင် အိတ်ရေ (၂၀ မှ ၃၀) ဝန်းကျင်ခန့် ဝင်ရောက်ပြီး အ‌ရောင်းအဝယ်အေးလျက်ရှိကြောင်း၊ ဆောင်းမတ်ပဲသီးနှံများမှာလည်း ဖေဖော်ဝါရီလ(ပထမပတ်)တွင် (၃၀)ပိဿာဝင် တစ်အိတ်လျှင် ကျပ်(၁၃၇၅၀၀မှ၁၆၅၀၀၀)ဖြင့် အတက်ဈေးကျပ်(၉၀၀၀)ဖြင့် တစ်နေ့လျှင်အိတ်ရေ (၁၀၀ မှ ၁၃၀) ဝန်းကျင်ခန့် ဝင်‌ရောက်လျက်ရှိပြီး ပဲခူးတိုင်းဒေသကြီး ပြည်မြို့သို့ နေ့စဉ်‌ တင်ပို့ရောင်းချလျက်ရှိပါကြောင်း ကုန်သည်ကိုထိုက်သူအောင်ထံမှ သိရပါသည်။

     ကံမမြို့နယ်၌ ၂၀၂၃-၂၀၂၄ ဘဏ္ဍာနှစ်တွင် ဆောင်းပဲတီစိမ်းသီးနှံများကို လျာထားဧက (၆၈၂၃)ဧက၊ စိုက်ပျိုးပြီးဧက(၃၉၅၉)ဧကဖြစ်ပြီး ၂၀၂၄ခုနှစ်၊ ဇန်နဝါရီလ (၃၁)ရက်နေ့အထိ ရိတ်သိမ်း ဧက(၄၈၆)ဧက၊ အထွက်နှုန်း(၁၂.၂၃)တင်း၊ အထွက်တင်း(၅၉၄၄)တင်း ဖြစ်ကြောင်း၊  ဆောင်းမတ်ပဲ သီးနှံလျာထားဧက(၇၂၀၉)ဧက၊ စိုက်ပျိုးပြီးဧက(၂၂၅၃၇)ဧကဖြစ်ပြီး ဇန်နဝါရီလ(၃၁) ရက်နေ့ အထိ ရိတ်သိမ်းပြီးဧက(၁၀၁၅၇)ဧက၊ အထွက်နှုန်း(၁၄.၈၉)တင်း၊ အထွက်တင်း(၁၅၁၂၃၈) တင်းဖြစ်ပါကြောင်း မြို့နယ်စိုက်ပျိုး‌ရေးဦးစီးဌာနမှ သိရှိရပါသည်။

DOCA(မကွေး)

    မကွေးတိုင်းဒေသကြီး၊ မကွေးခရိုင်၊ မကွေးမြို့၊ ကုန်သည်များနှင့် စက်မှုလက်မှုလုပ်ငန်းရှင်များ အသင်းမကွေးကုန်စည်ဒိုင်သို့ စလင်း၊ ဆင်ဖြူကျွန်း၊ သစ်ရာကောက်၊ နတ်မောက်၊ မိကျောင်းရဲ၊ လျောင်းတော်ဦး၊ ကံသစ်၊ ရွာဟောင်းကန်တို့မှ ထွက်ရှိသော ပဲနှင့်နှမ်းမျိုးစုံတို့ အများဆုံးဝင်‌‌ရောက်လျက်ရှိကြောင်း သိရှိရပါသည်။

    ၂၀၂၄ခုနှစ်၊ ဖေဖော်ဝါရီလ(ဒုတိယပတ်)တွင် ကုလားပဲ(HL)၊ ကုလားပဲ(929)၊ မတ်ပဲ၊ ပဲစဉ်း ငုံနီတို့မှာ အရောင်း အဝယ်အများဆုံး ဖြစ်ကြောင်း၊  ကုလားပဲ (HL) (၁၉)ပိဿာ (၁)တင်းလျှင် ကျပ်(၉၅၀၀၀)ရှိပြီး (ပထမပတ်)တွင် ကျပ် (၉၄၀၀၀)ဖြစ်၍ ကျပ်(၁၀၀၀)စျေးမြင့်ခဲ့ကြောင်း၊  ကုလားပဲ(929) (၁၉)ပိဿာ(၁)တင်းလျှင် ကျပ်(၉၆၀၀၀)ရှိပြီး (ပထမပတ်)တွင် ကျပ် (၉၅၀၀၀) ဖြစ်၍ ကျပ်(၁၀၀၀)စျေးမြင့်ခဲ့ကြောင်း၊  ကုလားပဲ (HL)နှင့် ကုလားပဲ (929)မှာ (၁)ပတ်အတွင်း အိတ်ပေါင်း(၁၀၀၀)ခန့် အရောင်းအဝယ်ဖြစ်ခဲ့ကြောင်း၊  မန္တလေးမှ အများဆုံးဝယ်ယူလျက်ရှိကြောင်း သိရှိရပါသည်။

    မတ်ပဲ(၂၀)ပိဿာ (၁)တင်းလျှင် ကျပ်(၁၀၅၀၀၀)ရှိပြီး (ပထမပတ်)တွင် ကျပ် (၉၆၀၀၀) ဖြစ်၍ ကျပ်(၉၀၀၀)စျေးနှုန်းမြင့်ခဲ့ကြောင်း၊ (၁)ပတ်အတွင်း အိတ်ပေါင်း (၄၀၀)ခန့်အရောင်းအဝယ်ဖြစ်ခဲ့ကြောင်း၊ မန္တလေးမှအများဆုံးဝယ်ယူလျက်ရှိကြောင်း၊  ပဲစဉ်းငုံနီ (၂၀)ပိဿာ(၁)တင်းလျှင် ကျပ်(၁၂၆၀၀၀-၁၂၇၀၀၀)ရှိပြီး (ပထမပတ်)တွင် ကျပ်(၁၂၂၃၀၀-၁၂၂၅၀၀)ဖြစ်၍ ကျပ်(၃၇၀၀-၄၅၀၀) စျေးမြင့်ခဲ့ကြောင်း၊ ပဲစဉ်းငုံနီ (၁)ပတ်အတွင်း အိတ်ပေါင်း (၆၀၀၀)ခန့် အရောင်းအဝယ်ဖြစ်ခဲ့ကြောင်း၊ ရန်ကုန်မှအများဆုံးဝယ်ယူလျက်ရှိကြောင်း သိရှိရပါသည်။

     (၈.၂.၂၀၂၄)ရက်နေ့တွင် မကွေးကုန်စည်ဒိုင်၌ အရောင်းအဝယ်ဖြစ်ပေါ်နေသော သီးနှံစျေးနှုန်းများမှာ နှမ်းနက်စမုံ (၁၅)ပိဿာ (၁) တင်းလျှင် ကျပ်(၁၃၀၀၀၀)၊ နှမ်းဖြူ (၁၅)ပိဿာ (၁) တင်းလျှင် ကျပ် (၁၃၁၀၀၀)၊ နှမ်းနီ (မကွေး) (၁၅)ပိဿာ (၁)တင်းလျှင် ကျပ် (၁၁၃၀၀၀-၁၁၄၀၀၀)၊ နှမ်းညိုကြား (၁၅)ပိဿာ (၁) တင်းလျှင် ကျပ် (၁၀၇၀၀၀)၊ နှမ်းနီ (နယ်စ) (၁၅)ပိဿာ (၁) တင်းလျှင် ကျပ် (၁၁၀၀၀၀-၁၁၁၀၀၀)၊ ပဲမျိုးစုံအနေဖြင့် ပဲတီစိမ်း (၂၀)ပိဿာ (၁)တင်းလျှင် ကျပ်(၇၂၀၀၀-၇၃၀၀၀)၊ ပဲနောက်(၂၀)ပိဿာ (၁)တင်းလျှင် ကျပ်(၆၃၀၀၀)၊ ကုလားပဲ(929)(၁၉)ပိဿာ (၁)တင်း လျှင် ကျပ်(၉၆၀၀၀)၊ ကုလားပဲ (HL) (၁၉)ပိဿာ (၁)တင်းလျှင် ကျပ်(၉၅၀၀၀)၊ ပဲကြီးဖြူ(လတ်) (၁၉)ပိဿာ (၁)တင်းလျှင် ကျပ် (၁၀၀၀၀၀)၊ ပဲကြီးဖြူ (သေး) (၁၉)ပိဿာ (၁)တင်းလျှင် ကျပ် (၉၅၀၀၀)၊ ပဲကြီးဖြူ(ပြားကြီး) (၁၉)ပိဿာ (၁)တင်းလျှင် ကျပ် (၁၀၅၀၀၀)၊ ပဲကြီးမဲ(ချင်း) (၁၉)ပိဿာ (၁)တင်းလျှင် ကျပ် (၈၅၀၀၀)၊ ပဲစဉ်းငုံနီ(၂၀)ပိဿာ (၁)တင်း လျှင် ကျပ် (၁၂၆၀၀၀-၁၂၇၀၀၀)၊ မတ်ပဲ (၂၀)ပိဿာ(၁)တင်းလျှင် ကျပ် (၁၀၅၀၀၀)၊ စားတော်ပဲ (၂၀)ပိဿာ(၁)တင်းလျှင် ကျပ်(၁၂၀၀၀၀)၊ မြေပဲလုံးဆံနီ(၁)ပိဿာလျှင် ကျပ်(၈၀၀၀-၈၂၀၀)၊ လုံးဆံဖြူ(၁)ပိဿာလျှင် ကျပ် (၆၈၀၀-၆၉၀၀)၊ မြေပဲဆံ(အောက်ကျ) (၁)ပိဿာလျှင် ကျပ်(၅၂၀၀-၅၄၀၀)တို့ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)