ပြည်တွင်းကုန်သွယ်မှုသတင်း

 ရေစကြိုမြို့ပေါ်တွင် ၂၀၂၃ခုနှစ်၊ စက်တင်ဘာလ(ဒုတိယပတ်)အတွင်းအရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ဈေးနှုန်းများမှာ Decolgen(၁၀)လုံးပါ (၁)ကတ်လျှင် ကျပ် (၁၇၀၀)၊ Civit အလုံး(၁၀၀)ပါ (၁)ဘူးလျှင်  ကျပ်(၃၅၀၀)၊ Paracetamol (၁၀)လုံးပါ (၁)ကတ်လျှင် ကျပ်(၃၅၀)၊ Biogesic (၁၀)လုံးပါ (၁)ကတ်လျှင် ကျပ်(၁၂၀၀)၊ Amoxicillin (၁၀)လုံးပါ (၁)ကတ်လျှင် ကျပ်(၇၀၀)၊ Enervon-C (၄)လုံးပါ (၁)ကတ်လျှင် ကျပ်(၁၆၀၀)၊ Burmeton အလုံး(၁၀၀)ပါ (၁)ဘူးလျှင် ကျပ်(၃၅၀၀)၊ Cetrine (၁၀)လုံးပါ (၁)ကတ်လျှင် ကျပ်(၃၀၀)၊ ဓာတ်ဆား MPF (၁)ထုပ်လျှင် ကျပ်(၄၀၀)၊ သီးစုံဓာတ်ဆား Royal-D (၁)ထုပ်လျှင် ကျပ်(၄၀၀)၊ Oramin-G (၅)လုံးပါ (၁)ကတ် လျှင် ကျပ်(၃၆၀၀)၊ Becozinc (၁၀)လုံးပါ (၁)ကတ်လျှင် ကျပ်(၄၀၀၀)၊ Vitahome (၁၀)လုံးပါ (၁) ကတ်လျှင် ကျပ်(၂၀၀၀)၊ SaRa (၁၀)လုံးပါ (၁)ကတ်လျှင် ကျပ်(၈၀၀)၊ Vitacee (၁၅)လုံးပါ (၁)ကတ်လျှင် ကျပ်(၅၀၀၀)၊ Flemex (၁၀)လုံးပါ (၁) ကတ်လျှင် ကျပ်(၂၅၀၀)၊ Solumux (၄)လုံးပါ (၁)ကတ် လျှင် ကျပ်(၁၅၀၀)၊ Woods (၁)ဘူးလျှင် ကျပ်(၆၅၀၀)၊ Alexal (၁၀)လုံးပါ(၁)ကတ်လျှင် ကျပ်(၂၅၀၀)၊ Mixagrip (၆)လုံးပါ (၁)ကတ်လျှင်  ကျပ်(၁၃၀၀)၊ Vitamin-C 100 mg (၁)လုံးလျှင် ကျပ်(၄၀)၊ Vitamin-D  400 IU (၁၅)လုံးလျှင် ကျပ်(၄၀၀၀)၊ Vitamin-K   (၁)လုံးလျှင် ကျပ်(၂၀၀)၊ Vitamin-K2   (၁)လုံးလျှင် ကျပ်(၂၅၀)၊ Zinc (၁)လုံးလျှင် ကျပ်(၁၀၀)၊  Zincovit (၁၅)လုံးလျှင် ကျပ်(၄၀၀၀) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

   ယခုအချိန်အခါသည် မိုးရာသီကာလဖြစ်သဖြင့် ဖျားနာမှုများအတွက် အိမ်သုံးဆေးဝါးတို့ကို အဓိကဝယ်ယူလျက်ရှိကြောင်း ဆေးနှင့်ဆေးပစ္စည်းရောင်းချသူများထံမှသိရှိရပါသည်။

DOCA(မကွေး)

အိမ်ရှင်မများအတွက် မရှိမဖြစ်စားဖိုဆောင်သီးနှံတစ်မျိုးဖြစ်သည့် ကြက်သွန်နီမှာ ဈေးမြင့်တက်လျက်ရှိပါသည်။ ၂၀၂၃ခုနှစ်၊ စက်တင်ဘာလ(ဒုတိယပတ်)တွင် ကြက်သွန်နီကုန်ဝယ်ဒိုင်သို့ အနယ်နယ်အရပ်ရပ်မှ ကြက်သွန်နီများအရောင်းအဝယ်ဖြစ်လျက်ရှိပြီး ဈေးနှုန်းအနေဖြင့် ဒိုင်ဖြတ်လက်ကားဈေးမှာ ယောစ(ဂျွန်) ထိပ်စတစ်ပိဿာလျှင် ကျပ်(၂၈၅၀-၂၆၅၀)၊ အလတ်စတစ်ပိဿာလျှင် ကျပ် (၂၅၅၀ -၂၄၅၀)၊ အနိမ့်စတစ်ပိဿာလျှင်  ကျပ်(၂၃၀၀ -၂၀၀၀)၊ မုံရွာပုလဲစ  ထိပ်စတစ်ပိဿာလျှင် ကျပ် (၂၇၅၀)၊ အလတ်စတစ်ပိဿာလျှင် ကျပ်(၂၆၅၀)၊ အနိမ့်စတစ်ပိဿာလျှင် ကျပ်(၂၅၀၀)ဈေးဖြင့် အရောင်းအဝယ်ဖြစ်ခဲ့ပြီး အဝင်ကုန်ချိန်အနေဖြင့် တစ်နေ့လျှင် ကုန်ချိန် (၂၅၀၀၀) မှ ကုန်ချိန် (၆၅၀၀၀)ထိ အရောင်းအဝယ်ဖြစ်နေကြောင်း ကုန်သည်များထံမှသိရှိရပါသည်။

          ဆိပ်ဖြူကုန်စည်ဒိုင်၏ ဒိုင်ပြတ်လက်ကားဈေးမှာ ထိပ်စတစ်ပိဿာလျှင် ကျပ်(၂၇၅၀)၊ အလတ်စတစ်ပိဿာလျှင် ကျပ်(၂၆၀၀)၊ အနိမ့်စတစ်ပိဿာလျှင် ကျပ်(၂၅၀၀)ဖြစ်ပြီး ကုန်အဝင်ပိဿာချိန်မှာ နေ့စဉ် ပိဿာချိန် (၁၀၀၀၀)မှ(၂၀၀၀၀)ထိ အရောင်းအဝယ်ဖြစ်နေပါသည်။  ပခုက္ကူမြို့မစည်ပင်သာယာဈေးတွင် ရောင်းချနေသောလက်လီဈေးမှာ  ကြက်သွန်နီအရည်အသွေးကိုလိုက်၍ ထိပ်စတစ်ပိဿာလျှင် ကျပ်(၃၅၀၀)၊ အလတ်စတစ်ပိဿာလျှင် ကျပ်(၃၂၀၀) အနိမ့်စတစ်ပိဿာလျှင်  ကျပ်(၃၀၀၀)ဖြင့် ရောင်းချလျက်ရှိပါသည်။ တင်ပို့မှုအနေဖြင့်  မြန်မာပြည်အောက်ပိုင်း၊ မြဝတီမြို့များသို့တင်ပို့လျက်ရှိကြောင်း ကုန်သည်ပွဲစားများထံမှသိရှိရပါသည်။

DOCA(မကွေး)

   ၂၀၂၃ခုနှစ်၊ စက်တင်ဘာလ တတိယအပတ်တွင် ကျိုင်းတုံမြို့ဈေးကွက်ရှိ ဘိလပ်မြေနှင့် ဓာတ်မြေဩဇာဈေးနှုန်းအနေဖြင့် ဘိလပ်မြေကျားတံဆိပ် (40)kg တစ်အိတ်လျှင် (၁၆၀၀၀)ကျပ်၊ ဆင်တံဆိပ် (50)kg တစ်အိတ်လျှင် (၁၇၆၀၀)ကျပ်၊ စိန်တံဆိပ် (50)kg တစ်အိတ်လျှင် (၁၇၉၀၀)ကျပ်ဖြစ်ပါသည်။ ဓာတ်မြေဩဇာဈေးနှုန်းများမှာ ပုလဲ (MEP) (50)kg တစ်အိတ်လျှင် (၈၅၀၀၀)ကျပ်၊ တီဆူပါ (လေဆာ) (50)kg တစ်အိတ်လျှင် (၂၅၀၀၀) ကျပ်၊ ချာန (သုံးမျိုးစပ်) (50)kg တစ်အိတ်လျှင် (၁၅၅၀၀၀)ကျပ်ဖြစ်ပါသည်။

    ၂၀၂၃ခုနှစ်၊ စက်တင်ဘာလ တတိယအပတ်တွင် တာချီလိတ်မြို့ဈေးကွက်ရှိ ဘိလပ်မြေနှင့် ဓာတ်မြေဩဇာဈေးနှုန်းမှာ ဘိလပ်မြေ ကျားတံဆိပ် (40)kg တစ်အိတ်လျှင် (၁၄၁၀၀)ကျပ်၊ ဆင်တံဆိပ် (50)kg တစ်အိတ်လျှင် (၁၅၃၀၀)ကျပ်၊ စိန်တံဆိပ် (50)kg တစ်အိတ်လျှင် (၁၅၇၀၀)ကျပ်ဖြစ်ပါသည်။ မြင်းပျံ(ရိုးရိုး) (50)kg တစ်အိတ်လျှင် (၉၀၀၀၀)ကျပ်၊ တီဆူပါ May လီတာတစ်အိတ်လျှင် (၄၀၀၀၀)ကျပ်ဖြစ်ပါသည်။

   ရှမ်းပြည်နယ်(အရှေ့ပိုင်း)၊ ကျိုင်းတုံ၊ တာချီလိတ်ဒေသ ဘိလပ်မြေဈေးနှုန်းမှာ ယခင်စက်တင်ဘာလ ဒုတိယအပတ်ထက် အနည်းငယ်မြင့်တက်လျက်ရှိပြီး ဓာတ်မြေဩဇာဈေးနှုန်းများမှာ တည်ငြိမ်လျက်ရှိကြောင်းသိရှိရပါသည်။

DOCA(ရှမ်း)

    မြန်မာလူမျိုးတို့၏ မြန်မာရိုးရာအစားအစာဖြစ်သော မုန့်ဟင်းခါးသည် မြန်မာလူမျိုးတိုင်းကြိုက်နှစ်သက်သော အစားအစာတစ်ခုဖြစ်ပါသည်။ မုန့်ဟင်းခါးခေါက်ဆွဲသည် ဆန်ကိုအခြေခံ၍ပြုလုပ်သောဆန်ကို အချဉ်ဖောက်ပြုလုပ်သည့် ခေါက်ဆွဲမုန့်ဖတ်လေးများနှင့် ငါးဖြင့်အဓိကချက်လုပ်သော မုန့်ဟင်းခါးဟင်းရည်ခေါ်  ဟင်းငါးရည်တို့ကို တခြားသော အစာပလာများနှင့်အတူ တွဲဖက်စားသုံးရသည့် သားရည်စာတစ်မျိုးဖြစ်သည်။ မုန့်ဟင်းခါးအစားအစာကို မြန်မာပြည်၏ မြန်မာရိုးရာအစားအစာအဖြစ် အသိအမှတ်ပြုကြသည်။ မုန့်ဟင်းခါးကို မြန်မာလူမျိုးများက အလွန်ကြိုက်နှစ်သက်ကြ၍ မုန့်ဟင်းခါးကိုရောင်းချကြပြီး နံနက်စာ၊ နေ့လယ်စာ ထမင်းလွတ်စားသောက်ခြင်း၊ နေ့လယ်နေ့ခင်း ညလယ်စာအဖြစ်ပါ နှစ်ခြိုက်စွာစားသုံးလေ့ရှိကြပါသည်။

   မုန့်ဟင်းခါးရည်ချက်ပြုတ်ရန်အတွက် ငါးပြုတ်၍ အသားအရိုးကိုခွဲခြားကာ ကုလားပဲဆန်ပြုတ်၊ ချင်း၊ စပါးလင်၊ ငရုတ်ကောင်းတို့ကို အချိုးကျစီမံချက်ပြုတ်ပြီး ရရှိလာသောမုန့်ဟင်းခါးဟင်းရည်ရရှိမှု၏ လုပ်ငန်းပမာဏမှာ ဝယ်ယူချက်ပြုတ်မှုအဆင့်များစွာရှိသဖြင့် စားကောင်းသော်လည်း ကိုယ်တိုင် အသင့်ချက်ပြုတ်စားသောက်နိုင်ရန် ဝယ်ယူသူများရှိသည်ကို လေ့လာသိရှိရကြောင်းနှင့် မုန့်ဟင်းရည်ချက်ဝါသနာအိုးများနှင့် မုန့်ဟင်းခါးကြိုက်နှစ်သက်သူများအတွက်မူ တားမရပါကြောင်းသိရှိရပါသည်။

     မုန့်ဟင်းခါးကိုကြိုက်သော်လည်း မုန့်ဟင်းခါးချက်ပြုတ်ရန် အချိန်မပေးနိုင်ကြသော မြန်မာလူမျိုးများအတွက် ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်မှ ဇကာကြီးသူ မုန့်ဟင်းခါးအနှစ်ထုပ်နှင့်မိတ်ဆက်ပေးချင်ပါသည်။

    ငါး၊ ကုလားပဲ၊ ငါးဖယ်ခြစ်၊ ချင်း၊ စပါးလင်၊ ငရုတ်သီးမှုန့်၊ ငရုတ်ကောင်း၊ မြေပဲ၊ ငံပြာရည်တို့ကို အချိုးကျပေါင်းစပ်ထားပြီး အသင့်စားအစားအစာပြုလုပ်ရန်အတွက် ခြောက်နေအောင်လုံးထားပြီး လင်ဗန်းထဲထည့်၍ ပန်ကာလေဖြင့် သင့်တော်သောအနေအထားတွင် ရိုးရိုးအိတ်မဟုတ်ဘဲ လေစုတ်အိတ်ထဲသို့ထည့်၍ အသေအချာထုပ်ပိုးထားရှိပါသည်။ စားသုံးသူများအတွက် အသေအချာထုပ်ပိုးထားသော ဇကာကြီးသူ မုန့်ဟင်းခါးအနှစ်ထုပ်၏ အညွှန်းပါအတိုင်း ရေနွေးဆူဆူတွင်ထည့်၍ လိုအပ်သလောက် မွေပေးပြီးပါက အရသာရှိသောမုန့်ဟင်းခါးဟင်းရည်တစ်ခွက်ကို အလွယ်တကူရရှိနိုင်ပြီး မုန့်ဟင်းခါးဖတ်နှင့်တွဲဖက်စားသုံးနိုင်ပါသည်။

    ဇကာကြီးသူ မုန့်ဟင်းခါး ၂၀ကျပ်သားပါ တစ်ထုပ် (ကျပ်၄၀၀၀/-) ကို မုန့်ဟင်းခါးဖတ် ၄၀ကျပ်သားနှင့် ပေါင်းစပ်စားနိုင်ပြီး ၄၀ကျပ်သားပါ တစ်ထုပ်လျှင် မုန့်ဟင်းခါးဖတ် ၈၀ကျပ်သားနှင့် စားနိုင်ပြီး ၇၀ကျပ်သားပါ တစ်ထုပ်လျှင် ၁၁၀၀၀/-ကျပ်ကို မုန့်ဟင်းခါးဖတ် ၁ပိဿာလျှင် ၄၀ကျပ်သားဖြင့် စားသုံးနိုင်ပါသည်။

    စားသုံးသူရေးရာဦးစီးဌာန၊ ဓနုဖြူမြို့နယ်၏ မြို့နယ်တာဝန်ခံ ဦးဝင်းမင်းစိုးနှင့်ဝန်ထမ်းများသည် ၂၀၂၃ခုနှစ်၊ စက်တင်ဘာလ တတိယပတ်တွင် ဇကာကြီးသူ မုန့်ဟင်းခါးအနှစ်ထုပ်လုပ်သည့်လုပ်ငန်းခွင်သို့သွားရောက်၍ ကွင်ဆင်းလေ့လာခဲ့ပြီး ဓနုဖြူမြို့နယ်နှင့် တခြားမြို့များတွင် ဈေးကွက်ရရှိနိုင်ရေးအတွက် အရသာနှင့် အရည်အသွေးကောင်းမွန်သော ဇကာကြီးသူ မုန့်ဟင်းခါးအနှစ်ထုပ်တွင် ကုန်အညွှန်းအမှတ်အသားဆောင်ရွက်ထားရှိမှုနှင့် အသေးစားကုန်ထုတ်လုပ်ငန်းများဖွံ့ဖြိုးတိုးတက်နိုင်ရေးနည်းလမ်းများကို ထည့်သွင်းဆွေးနွေးခဲ့ကြောင်း သတင်းရရှိခဲ့ပါသည်။

    ဧရာဝတီတိုင်းဒေသကြီး မအူပင်ခရိုင်၊ ဓနုဖြူမြို့နယ်မှ ဇကာကြီးသူမုန့်ဟင်းခါးအနှစ်ထုပ်လုပ်ငန်းသည် ဓနုဖြူမြို့အတွက်သာမက မအူပင်ခရိုင်မှ တိုးတက်ဖွံ့ဖြိုးလာတော့မည့်လုပ်ငန်းတစ်ခုအဖြစ် အလားအလာကောင်းများကို ဂုဏ်ယူဖွယ်တွေ့ရှိခဲ့ရပါသည်။

DOCA(ဧရာဝတီ)

   မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်အတွင်း ကျေးရွာနေအခြေခံလူတန်းစားပြည်သူများသို့ မကွေးတိုင်း‌ဒေသကြီးအစိုးရအဖွဲ့၏ စီစဉ်ကြီးကြပ်မှု၊ မြို့နယ်စီမံအုပ်ချုပ်ရေးအဖွဲ့၏  အနီးကပ်ကြီးကြပ်မှု၊ ဌာနဆိုင်ရာတာဝန်ရှိသူများ၏ ပူးပေါင်းပါဝင်ဆောင်ရွက်မှုတို့ဖြင့် မြို့သစ်မြို့နယ်ဆီကုန်သည်များအသင်းနှင့် ဆီ‌ရောင်းဝယ်ရေးလုပ်ငန်းရှင်များပူးပေါင်း၍ ပြည်သူများအား စားအုန်းဆီစျေးနှုန်းချိုသာစွာဝယ်ယူစားသုံးနိုင်စေရေးအတွက် ဆက်လက်ရောင်းချပေးခြင်းကို (၁၅-၉-၂၀၂၃) ရက်နေ့၊ နံနက် (၁၀:၀၀)နာရီအချိန်တွင် ကွက်သစ်ရပ်ကွက်၊ ဗိုလ်မင်းရောင်လမ်းပေါ်ရှိ “စိန်ရတနာ”ဆီစက်နှင့် ဆီရောင်းဝယ်ရေး၌ ရောင်းချပေးခဲ့သည်။

   အဆိုပါ စားအုန်းဆီများကို စျေးကွက်အတွင်း ပြန့်နှံရောက်ရှိစေရန်နှင့် စားသုံးသူများသက်သာသောစျေးဖြင့် ဝယ်ယူရရှိနိုင်ရန်အတွက် စီစဉ်ဆောင်ရွက်လျက်ရှိရာ စားအုန်းဆီ(၁)ပိဿာလျှင် ကျပ်(၄၈၀၀)ဖြင့် မြို့သစ်မြို့နယ်အတွင်း ကျေးရွာများတွင် နေထိုင်လျက်ရှိသော အခြေခံလူတန်းစား အိမ်ထောင်စု(၇၇၀)စုအတွက် စားအုန်းဆီဆီပိဿာချိန် (၇၇၀)ပိဿာကို ရောင်းချပေးခဲ့ကြောင်းသိရှိရပါသည်။

DOCA(မကွေး)