ပြည်တွင်းကုန်သွယ်မှုသတင်း

   ကသာမြို့နယ်အတွင်း ၂၀၂၃-ခုနှစ် ဩဂုတ်လ နောက်ဆုံးအပတ်  ဈေးကွက်အသီးသီး၌ ရောင်းချလျက်ရှိသော ဆန်ဈေးနှုန်းများမှာ ရွှေဘိုပေါ်ဆန်းတစ်အိတ်လျှင် (၁၃၀၀၀၀)ကျပ်၊ ဧရာမင်းဆန်တစ်အိတ် (၁၁၀၀၀၀)ကျပ်၊ ဧည့်မထ(ဆင်း-၃) တစ်အိတ်လျှင် (၈၅၀၀၀)ကျပ်ဖြင့် ရောင်းချလျက်ရှိပြီး စားသုံးဆီ ဈေးနှုန်းမှာ မြေပဲဆီတစ်ပိဿာ (၁၆၀၀၀)ကျပ်၊ နှမ်းဆီတစ်ပိဿာ (၁၅၀၀၀)ကျပ်နှင့် စားအုန်းဆီတစ်ပိဿာ(၁၂၀၀၀)ကျပ်ရှိကြောင်းသိရသည်။ ဩဂုတ်လ စတုတ္ထအပတ်နှင့် ဈေးနှုန်းနှိုင်းယှဉ်ကြည့်ပါက စားသုံးဆီဈေးနှုန်းများမှာ တည်ငြိမ်လျက်ရှိပြီး ရွှေဘိုပေါ်ဆန်း ဆန်တစ်အိတ်ဈေးနှုန်းမှာ ကျပ်(၁၀၀၀၀)ခန့် မြှင့်တက်လာကြောင်းတွေ့ရှိရသည်။

  စားဖိုဆောင်သီးနှံလက်လီဈေးနှုန်းများမှာ ကြက်သွန်နီ (အသစ်) အလုံး အသေး/အကြီးပေါ်မူတည်၍ တစ်ပိဿာ (၃၅၀၀ မှ ၄၀၀၀)ကျပ်၊ ကြက်သွန်ဖြူ(ရှမ်း) တစ်ပိဿာ (၁၀၀၀၀) ကျပ်၊ အာလူး တစ်ပိဿာ (၃၂၀၀)ကျပ်၊ ခရမ်းချဉ်သီးတစ်ပိဿာ အလုံးအသေး/အကြီးပေါ် မူတည်၍ (၃၅၀၀ မှ ၃၈၀၀)ကျပ်၊ ဂျင်းတစ်ပိဿာ (၇၂၀၀) ကျပ်၊ ကုလားပဲတစ်ပိဿာ (၆၈၀၀)ကျပ်၊ ပဲနီလေးတစ်ပိဿာ (၇၂၀၀)ကျပ်၊ ငရုတ်သီးခြောက်(ပု) တစ်ပိဿာ (၂၅၀၀၀) ကျပ်၊ ငရုတ်(စို) တစ်ပိဿာ (၅၀၀၀)ကျပ်ဖြင့် ရောင်းချလျက်ရှိသည်။

  အသားငါးဈေးနှုန်းများမှာ ကြက်သား(CP) တစ်ပိဿာ (၁၀၀၀၀ မှ ၁၁၀၀၀)ကျပ်၊ ဝက်သားတစ်ပိဿာ (၂၂၀၀၀) ကျပ်၊ အမဲသားတစ်ပိဿာ(၁၆၀၀၀)ကျပ်၊ ဆိတ်သားတစ်ပိဿာ (၂၄၀၀၀) ကျပ်နှင့် ငါးကြင်းတစ်ပိဿာ(၉၀၀၀)ကျပ်၊ ကြက်ဥတစ်လုံး (၃၀၀)ကျပ်နှင့် ဘဲဥတစ်လုံး(၃၅၀)ကျပ်ဖြင့် ရောင်းချလျက်ရှိသည်။ အခြေခံစားသောက်ကုန်ဈေးနှုန်းများမှာ ဩဂုတ်လ စတုတ္ထအပတ်ရှိ ဈေးနှုန်းများနှင့်နှိုင်းယှဉ်ကြည့်ပါက ကြက်သွန်နီတစ်ပိဿာ ကျပ်(၈၀၀)ခန့်၊ ခရမ်းချဉ်သီးတစ်ပိဿာ ကျပ် (၃၀၀)ခန့်၊ ငရုတ်စို ဈေးနှုန်းမှာ ကျပ်(၁၀၀)ခန့်နှင့် ဂျင်း တစ်ပိဿာဈေးနှုန်းမှာ ကျပ်(၁၂၀၀)ခန့်မြှင့်တက်လာပြီး ပဲနီလေးနှင့် အာလူးဈေးနှုန်းမှာ ကျပ်(၈၀၀)ခန့် ကျဆင်းလျက်ရှိကြောင်းသိရသည်။ အသား/ငါးဈေးနှုန်းအနေဖြင့် ငါးကြင်းတစ်ပိဿာ ကျပ်(၁၀၀၀) ခန့်မြှင့်တက်လာပြီး ကျန်စားသောက်ကုန်များမှာ ဈေးနှုန်းတည်ငြိမ်လျက်ရှိကြောင်းသိရှိရသည်။

DOCA(စစ်ကိုင်း)

     ၂၀၂၃ ခုနှစ် စက်တင်ဘာလ ပထမအပတ်တွင် ကရင်ပြည်နယ်ဘားအံမြို့တွင် ဖြစ်‌ပေါ်လျက်ရှိသော သွင်းအားစုမြေဩဇာအချို့ ဈေးနှုန်းများမှာ15-15-15 ၅၀ ကီလိုတစ်အိတ်လျှင် ၁၄၅၀၀၀ ကျပ်၊ ရွှေကောမတ် 20-12-12 ၅၀ ကီလိုတစ်အိတ်လျှင် ယခင်၁၁၅၀၀၀ ကျပ်၊  THAI ၅၀ကီလို တစ်အိတ်လျှင်၈၅၀၀၀ ကျပ်ဖြင့်လည်းကောင်း၊  ပုလဲသာရွှေနဂါး ၅၀ကီလို တစ်အိတ်လျှင် ၇၈၀၀၀ ကျပ် ဖြင့်လည်းကောင်း အရောင်းအဝယ်ဖြစ်လျက်ရှိကြောင်း သိရသည်၊၊

   ယခင်လဈေးနှုန်းများနှင့် နှိုင်းယှဉ်ချက်အရ ကရင်ပြည်နယ်တွင် ယခုနှစ် စက်တင်ဘာလအတွင်း၌ သွင်းအားစု မြေဩဇာများ ဈေးနှုန်းပြောင်းလဲမှု မရှိဘဲဈေးနှုန်း တည်ငြိမ်လျက်ရှိကြောင်းနှင့် ဂျစ်ဆန်၊ ဆိုက်ပါ၊ အလန်း 15W၊ ဆာလဖာတို့လည်း ဈေးနှုန်းတည်ငြိမ်လျက်ရှိကြောင်း သိရသည်။

DOCA(ကရင်)                                                                                      

    ကယားပြည်နယ်တွင်  ချင်းကို လွိုင်ကော်မြို့နယ်၊ ကုန်းသာကျေးရွာနှင့် ကယားပြည်နယ်၊ အနောက်ပိုင်းတွင်ရှိသော လွိုင်နန်းဖကျေးရွာ၊ ပန်ပတ်ကျေးရွာ၊ လိုဘာခိုကျေးရွာ၊ ဒေါရောက်ခူကျေးရွာဘက်တို့မှ အဓိကစိုက်ပျိုးလျက်ရှိပြီး ယခုအချိန်တွင် ဒေသအခြေအနေအရ စိုက်ပျိုးနိုင်ခြင်းမရှိသဖြင့် ရှမ်းပြည်နယ်၊ ပင်လောင်းမြို့နယ်၊ ဆီဆိုင်မြို့နယ်၊ ဆိုက်ခေါင်းမြို့၊ ဖယ်ခုံမြို့တို့မှ မှာယူတင်သွင်းရောင်းချလျက်ရှိပါသည်။

   ၂၀၂၃ခုနှစ်၊ စက်တင်ဘာလ (ပထမပတ်) တွင် ချင်းတစ်ပိဿာလျှင် (၄၅၀၀) ကျပ်ဖြင့်‌ ဈေးကွက်အတွင်းရောင်းချလျက်ရှိပြီး ယခင်ဩဂုတ်လ (ပထမပတ်) တွင် ရောင်းချလျက်ရှိသောချင်းဈေးနှုန်းမှာ  ချင်းတစ်ပိဿာလျှင် (၅၅၀၀) ကျပ်မှ (၆၀၀၀) ကျပ်အထိရောင်းချခဲ့ရာ ယခုစက်တင်ဘာလ (ပထမပတ်) နှင့် ယခင်ဩဂုတ်လ (ပထမပတ်) ဈေးနှုန်းတို့ကိုနှိုင်းယှဉ်လျှင် ချင်းတစ်ပိဿာလျှင် (၁၀၀၀) ကျပ်မှ (၁၅၀၀) ကျပ်အထိဈေးနှုန်းကျဆင်းလာခဲ့ပြီး ထိုသို့ ဈေးနှုန်းကျဆင်းလာရခြင်းမှာ ချင်းစိုက်ဧကများပြားလာခြင်းကြောင့်ဖြစ်သည်ဟု နောင်ယားဈေးအတွင်းရှိ ချင်းရောင်းချသူတစ်ဦးထံမှသိရှိရပါသည်။

DOCA(ကယား)

    ၈.၉.၂၀၂၃ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

     ၁၀.၉.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-