ပြည်တွင်းကုန်သွယ်မှုသတင်း

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါ ဆောင်ရွက်လျက်ရှိရာ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကန့်ဘလူမြို့၊ အမှတ်(၂)ရပ်ကွက်တွင် တစ်ပိုင်တစ်နိုင်အနေဖြင့် လည်းကောင်း ၊ မိသားစုစားဝတ်နေရေး အပိုဝင်ငွေရရှိရန်အတွက်လည်းကောင်း မုံညှင်း/ ကန်စွန်းတို့ကို စိုက်ပျိုးကြပြီး စိုက်ပျိုးချိန် (၁)လကျော်လျှင် စတင်ခူးဆွတ်ရပါသည်။

   မုံညှင်းပင်ကို ဝါဆိုလတွင် စိုက်ပျိုးကာ တော်သလင်းလကျော်လျှင် စတင်ခူးဆွတ် ရောင်းချ ရပါသည်။ မုံညှင်းပင်ကို မြေဘောင်များပြုပြင်၍ စိုက်ပျိုးပြီး တစ်ခါစိုက်လျှင် ဘောင် (၂/၃)ဘောင်ခန့် စိုက်ပျိုးထားပါသည်။ မုံညှင်းပင်ကို မြေအောက်ရေတင်စနစ်ဖြင့် စိုက်ပျိုးကာ မုံညှင်းပင်၏ စတင်စိုက်ပျိုးရန် မျိုးစေ့ဖိုး၊ မြေပြုပြင်ခ၊ ဓါတ်မြေဩဇာနှင့် ရေသွင်းခြင်း စသည်တို့၏ စုစုပေါင်းကုန်ကျစရိတ်မှာ ကျပ်(၂၀၀၀၀)ကျော် ကျပ်(၃၀၀၀၀)ခန့် ကုန်ကျပြီး  တစ်ခါစိုက်ပျိုးလျှင်(၂)လကြာအောင် ခူးဆွတ် ရောင်းချရပါသည်။ တစ်ခါခူးဆွတ်လျှင် အစည်း (၂၀/၃၀)အထိ ပုံမှန်ခူးဆွတ်ရပြီး ရက်ခြားခူးဆွတ် ရပါသည်။

   ထို့ကြောင့် မုံညှင်းပင်သည် သူ့ရာသီအလိုက် စိုက်ပျိုးနိုင်ပြီး ရာသီချိန်ဆိုလျှင် အမြဲမပြတ် စိုက်ပျိုးနိုင်သော သီးနှံပင်ဖြစ်၍ စီးပွားရေးအရ စိုက်ပျိုးသင့်သော သီးနှံပင်ဖြစ်ကြောင်းနှင့် မုံညှင်းတစ်စည်းလျှင် (၃၀၀)ကျပ်၊ (၂)စည်း (၅၀၀)ကျပ်ဈေးရောင်းရကာ စိုက်ပျိုးသင့်ကြောင်းနှင့် မုံညှင်းဖူးများကို မြို့မစည်ပင်သာယာဈေးရှိ ဖောက်သည်များထံ ပို့ဆောင်ရောင်းချကာ အရောင်းအဝယ်ဖြစ်ပြီး မိသားစု ဝင်ငွေရရှိကာ အဆင်ပြေလျက်ရှိကြောင်း ကန့်ဘလူမြို့ အမှတ်(၂)ရပ်ကွက်ရှိ မုံညှင်း၊ ကန်စွန်းစိုက်တောင်သူဒေါ်ကြည်ခင်ထံမှ သိရှိရပါသည်။

DOCA(စစ်ကိုင်း)

   ၂၀၂၃ခုနှစ်၊ စက်တင်ဘာလ (၆)ရက်နေ့၊ နံနက်(၀၉:၀၀)နာရီအချိန်မှစတင်၍ မကွေးတိုင်းဒေသကြီးအစိုးရအဖွဲ့၏စီစဉ်ကြီးကြပ်မှုဖြင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း၊ ဆန်ကုန်သည်အသင်းတို့ပူးပေါင်း၍ ဆန်(၁)ပြည်လျှင် ကျပ်(၂၆၅၀)၊ စားအုန်းဆီ(၁)ပိဿာလျှင် ကျပ် (၄၅၀၀)တို့ဖြင့် မကွေးမြို့၊ သိင်္ဂါဂီရိရပ်ကွက်၊ ဓမ္မာရုံရှေ့၌ အိမ်ထောင်စု(၁၁၀၀)စုအတွက် ဆန်(၃၀၀) ပြည်၊ စားအုန်းဆီ(၁၁၀၀)ပိဿာ၊ မင်္ဂလာစျေးရှေ့တွင် အိမ်ထောင်စု(၁၁၀၀)စုအတွက် စားအုန်းဆီ (၁၁၀၀)ပိဿာ၊ ဆန်(၇၂၀)ပြည်၊ ဆားရွှေကင်းရပ်ကွက်၊ ကင်းကျောင်းဓမ္မာရုံရှေ့တွင် အိမ်ထောင်စု (၅၅၀)စုအတွက် ဆန်(၁၈၀)ပြည်၊ စားအုန်းဆီ (၅၅၀)ပိဿာနှင့် မယ်လှတောင်ကျေးရွာအုပ်စု၊ ချောင်းဖြူကျေးရွာ၊ ရွာလယ်ဓမ္မာရုံရှေ့တွင် အိမ်ထောင်စု(၅၅၀)စုအတွက် စားအုန်းဆီ(၅၅၀)ပိဿာတို့ အားရောင်းချပေးခဲ့ရာ စုစုပေါင်းအိမ်ထောင်စု(၃၃၀၀)စုအား ဆန်(၁၂၀၀)ပြည်၊ စားအုန်းဆီ(၃၃၀၀) ပိဿာတို့ရောင်းချပေးနိုင်ခဲ့ကြောင်းသိရှိရပါသည်။

   ထိုသို့ ရောင်းချပေးနိုင်ရေးအတွက် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၊ မကွေးခရိုင်ဦးစီးမှူးနှင့်ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ မကွေးတိုင်းဒေသကြီးဆီကုန်သည်နှင့်ဆီလုပ်ငန်းရှင်များအသင်းနှင့် မကွေးမြို့၊ ဆန်ကုန်သည်များအသင်းတို့နှင့် ပူးပေါင်းချိတ်ဆက်ဆောင်ရွက်ခဲ့ကြပြီး ဆန်၊ ဆီရောင်းချပေးရာနေရာများသို့ မကွေးတိုင်းဒေသကြီးအစိုးရအဖွဲ့ဝန်ကြီးချုပ် သီရိပျံချီဦးတင့်လွင်နှင့် အစိုးရအဖွဲ့ဝင်ဝန်ကြီးများ လာရောက်ကြည့်ရှုအားပေးခဲ့ကြောင်းသိရှိရပါသည်။

DOCA(မကွေး)

   နေပြည်တော်၊ ရန်ကုန်၊ မန္တလေး နှင့် ပုသိမ်မြို့ကြီးများ၏ အခြေခံစားကုန်(လက်လီ)၊ ပြည်ပပို့ကုန်၊ စက်သုံးဆီ နှင့် ရွှေဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယနေ့ ကာလတူ နှိုင်းယှဉ်၍ ပြုစုတင်ပြအပ်ပါသည်။

   ၁၅.၉.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

    ပခုက္ကူခရိုင်၊ ပခုက္ကူမြို့နယ်တွင် အညာဒေသမှ စိုက်ပျိုးထွက်ရှိသောပဲများမှာ ပဲစဉ်းငုံနီ၊ ကုလားပဲအမျိုးမျိုး၊ ပဲကြီး၊ ပဲယင်း၊ ပဲနီပြား၊ ပဲလွန်းပြာ၊ စွန်တာနီ စသည့်အခြားပဲမျိုးစုံများစိုက်ပျိုးလျက်ရှိပါသည်။ အညာဒေသ၏ အဓိကစိုက်ပျိုးသီးနှံဖြစ်သည့် ပဲစဉ်းငုံနီမှာ ဈေးကောင်းရနေကြောင်း ပခုက္ကူကုန်စည်ဒိုင်မှသိရှိရပါသည်။  ပခုက္ကူကုန်စည်ဒိုင်၌ အရောင်းအဝယ်ဖြစ်ပေါ်ခဲ့သည့်ဈေးနှုန်းများမှာ (၂၈-၈-၂၀၂၃)ရက်နေ့တွင် ဖြစ်ပေါ်နေသောဈေးနှုန်းများမှာ ပဲစဉ်းငုံနီတစ်တင်းလျှင် ကျပ်(၁၀၉၅၀၀)၊ (၂၉-၈-၂၀၂၃) ရက်နေ့၌ တစ်တင်းလျှင် ကျပ်(၁၁၁၄၀၀)နှင့်  (၁-၉-၂၀၂၃) ရက်နေ့နှင့် (၂-၉-၂၀၂၃)ရက်နေ့တွင် တစ်တင်းလျှင် ကျပ်(၁၂၃၀၀၀-၁၂၄၀၀၀)တို့ဖြင့် အရောင်းအဝယ်ဖြစ်နေကြောင်း၊ စက်တင်ဘာလ (ပထမပတ်) တွင်  ကုန်စည်ဒိုင်၌ ပဲစဉ်းငုံနီ၊ ပဲတီစိမ်းအမျိုးမျိုး၊ ပဲလွန်းပြာနှင့် နှမ်းမျိုးစုံတို့အရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။ ပဲတီစိမ်းသေးတစ်တင်းလျှင် ကျပ်(၆၁၀၀၀)၊ ပဲလွန်းပြာတစ်တင်းလျှင် ကျပ်(၆၁၀၀၀)၊ နှမ်းဝါတစ်တင်းလျှင် ကျပ်(၁၁၅၀၀၀)၊ နှမ်းညိုတစ်တင်းလျှင် ကျပ်(၁၀၅၀၀၀)ဖြင့် ဥပုသ်နေ့မှလွဲ၍ အရောင်းအဝယ်ဖြစ်နေကြောင်း ပခုက္ကူကုန်စည်ဒိုင်မှသိရှိရပါသည်။

   ယခုတစ်ပတ်အတွင်း အရောင်းအဝယ်ဖြစ်နေသောအိတ်ရေများမှာ ပဲစဉ်းငုံနီ(၂၅၀၀)အိတ်၊ ပဲတီစိမ်းသေး(၇၅၀)အိတ်၊ နှမ်းဝါ(၅၀၀)အိတ်၊ နှမ်းညို(၇၀၀)အိတ်ဖြစ်ခဲ့ပြီး တင်ပို့မှုအနေဖြင့် မြန်မာပြည်အောက်ပိုင်းနှင့် အိန္ဒိယ၊ တရုတ်နိုင်ငံများသို့တင်ပို့ကြောင်း ကုန်သည်များထံမှသိရှိရပါသည်။

DOCA(မကွေး)