ပြည်တွင်းကုန်သွယ်မှုသတင်း

   ဆန်းသစ်သောအသွင်သဏ္ဍာန်ကြောင့် ဒီဇိုင်းလက်ရာအမျိုးမျိုးကိုပြုလုပ်နိုင်သော ပန်းထိမ် ပညာရှင်တို့ပင် ငိုကြွေးရသည်အထိ တုပ၍မပြုလုပ်နိုင်သောကြောင့် “ပန်းထိမ်ငိုပန်း”ဟု ခေါ်တွင် ကြောင်း ငယ်စဉ်ကပင်ကြားဖူးခဲ့ပါသည်။ ဈေးကွက်အတွင်း ရောင်းချလျက်ရှိသည့် ပန်းထိမ်ငိုပန်းမှာ အရောင်အသွေးစုံလင်သဖြင့် လူအများကြိုက်နှစ်သက်သလို၊ ဘုရားပန်းအဖြစ်လည်းကောင်း၊ အလှ ပန်းအိုးထိုးအဖြစ်လည်းကောင်း အသုံးပြုကြပါသည်။

    ယခုအခါ “ပန်းထိမ်ငိုပန်း”များကို ကန့်ဘလူခရိုင်၊ ကန့်ဘလူမြို့၊ အမှတ်(၂)ရပ်ကွက်၊ ဦးမိုး၏ခြံတွင်  တပိုင်တနိုင်စိုက်ပျိုးလျက်ရှိရာ ကန့်ဘလူမြို့နယ်တာဝန်ခံနှင့် ဝန်ထမ်းတစ်ဦးသည် (၁၆.၇.၂၀၂၃) ရက်နေ့တွင် ကွင်းဆင်းလေ့လာဆောင်ရွက်ခဲ့ပါသည်။ ခြံပိုင်ရှင်၏ ပြောပြချက်အရ ပန်းထိမ်ငိုပန်းကို ဥ ဖြင့်သော်လည်းကောင်း၊ ကိုင်းများကိုဖြတ်၍လည်း စိုက်ပျိုးနိုင်ပါသည်။ ဥများကို မတ်လတွင် စတင်စိုက်ပျိုးပြီး မေလကုန်တွင် ပန်းများကို  စတင်ခူးဆွတ်ရောင်းချရသည်။ ဇွန်၊ ဇူလိုင်လများတွင် လှိုင်လှိုင်ထွက်ရှိပြီး ဩဂုတ်လကုန် စက်တင်ဘာလဆန်းပိုင်းအထိ ခူးဆွတ်ရကြောင်း သိရှိရသည်။ ပန်းထိမ်ငိုပန်းအမျိုးအစား(၃)မျိုးအနက် တစ်ထပ်ပန်းထိမ်ငို၊ နှစ်ထပ်ပန်း ထိမ်ငိုများကို ဥပိဿာချိန် (၃၀)စိုက်ပျိုးထားရှိသည်။ ပန်းထိမ်ငိုပန်းများကို တစ်ကြိမ် စိုက်ပျိုးပြီးလျှင် (၃)နှစ်အထိ ခူးဆွတ်ရောင်းချရသည့်အတွက် စီးပွားဖြစ်စိုက်ပျိုးသင့်သော ပန်းတစ်မျိုးဖြစ် ကြောင်း သိရသည်။

    ခြံမှထွက်ရှိသော ပန်းထိမ်ငိုပန်းများကို ဖောက်သည်များပေးသလို ကိုယ်တိုင်လည်း မြို့မစည်ပင်ဈေးသို့ သွားရောက်ရောင်းချလျက်ရှိသည်။ နေ့စဉ်ရောင်းချရာတွင် (၃)ခက်ပါတစ်စည်းလျှင် ကျပ် (၅၀၀)နှုန်းဖြင့်ရောင်းချ၍ တစ်ရက်လျှင် ပန်းအစည်း(၃၀)ရောင်းချရပြီး တစ်ရက်ဝင်ငွေကျပ် (၁၅၀၀၀)ရရှိသဖြင့် စိုက်ပျိုးရန်သင့်တော်သော ပန်းတစ်မျိုး ဖြစ်ပါသည်။ ပန်းစိုက်တောင်သူများအနေဖြင့်လည်း ကုသိုလ်လည်းရ ဝမ်းလည်းဝသည့်အလုပ်ဖြစ်သဖြင့် ပန်းထိမ်ငိုပန်းများကို ပိုမိုတိုးချဲ့ စိုက်ပျိုးလျှင် အကျိုးဖြစ်ထွန်းမည်ဖြစ်ကြောင်း အကြံပြုရေးသားတင်ပြလိုက်ရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး ၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကအား ထားလုပ်ကိုင်သော ဒေသတစ်ခုဖြစ်ပါသည်။ ရှေးယခင်ကတည်းက သီးနှံစိုက်ပျိုးရာတွင် သဘာဝမြေဩဇာတစ်မျိုးဖြစ်သည့် နွားချေးကို အသုံးပြုစိုက်ပျိုးခဲ့ကြသော်လည်း ယခုအခါတွင် အထွက်နှုန်းများ ပိုမိုကောင်းမွန်စေရေးအတွက် စိုက်ပျိုးရေးသုံး ဓာတ်မြေဩဇာနှင့် ပိုးသတ်ဆေးများကို စိုက်ပျိုးသူတောင်သူများ ဝယ်ယူအသုံးပြုလျက်ရှိပါသည်။

       ကန့်ဘလူခရိုင်အတွင်းရှိ စိုက်ပျိုးသူတောင်သူများ ဝယ်ယူအသုံးပြုလျက်ရှိသော စိုက်ပျိုးရေး သုံးဓာတ်မြေဩဇာနှင့် ပိုးသတ်ဆေးများ၏ ဇူလိုင်လ( ၁ )ရက်နေ့မှ (၁၅)ရက်နေ့အတွင်း ဖြစ်ပေါ်ခဲ့ သော ဈေးနှုန်းများမှာ ပန်းဖူးသစ်(50)kg တစ်အိတ်လျှင် (၉၁၀၀၀)ကျပ်၊ မျှားကမ္ဘာ(50)kg တစ်အိတ်လျှင်(၇၁၀၀၀)ကျပ်၊ ကွန်ပေါင်း(10:10:5) (50)kg တစ်အိတ်လျှင်(၇၁၅၀၀) ကျပ်၊ ကွန်ပေါင်း(15:15:15) (50)kg တစ်အိတ်လျှင်(၁၂၂၀၀၀)ကျပ်၊ ပိုတက် (50)kg တစ်အိတ်လျှင်(၁၂၀၀၀၀)နှင့် ရွှေတောနစ် (၅၀၀)စီစီ တစ်ပုလင်းလျှင် (၁၀၅၀၀)ကျပ်၊ မိုရယ်မုန်း (၅၀၀)စီစီ တစ်ပုလင်းလျှင် (၂၂၅၀၀)ကျပ်၊ ဒီမင်း (၁)လီတာ တစ်ပုလင်းလျှင် (၂၀၅၀၀) ၊ အမ်မို (၁)လီတာ တစ်ပုလင်းလျှင် (၂၁၀၀၀)ကျပ်ဖြင့် ရောင်းချလျက်ရှိကြောင်း စိုက်ပျိုးရေးသုံးဆေးနှင့် ဆေးပစ္စည်းရောင်းချသည့် လုပ်ငန်းရှင်ထံမှ သတင်းရရှိပါသည်။

DOCA(စစ်ကိုင်း)       

  ကရင်ပြည်နယ်၊ ဘားအံမြို့၊ ရေပေါ်ဈေးတွင် အခြေခံစားသောက်ကုန်များ၏ နေ့စဉ်ကုန်ဈေးနှုန်းအခြေအနေများကို ကွင်းဆင်းကောက်ယူစာရင်းပြုစုလျက်ရှိရာ (၁၃-၇-၂၀၂၃) ရက်‌နေ့၏ ကွင်းဆင်းကောက်ယူမှုအရ ကြက်သွန်နီလက်လီဈေးနှုန်းအနည်းငယ်ကျဆင်းခဲ့ကြောင်းသိရသည်။

    ယခင်လတွင် ဈေးကွက်၌ ကြက်သွန်နီ (မြစ်သား) အလတ်စ ၁ပိဿာလျှင် လက်လီဈေး ၂၇၀၀ကျပ်၊ ၁၀ ပိဿာအိတ်ဆွဲတစ်တွဲလျှင် ၂၅၀၀၀ကျပ်ဖြင့် အရောင်းအဝယ်ဖြစ်ခဲ့သော်လည်း ယခုဇူလိုင်လ၊ ပထမအပတ်နှင့် ဒုတိယအပတ်အတွင်း ဈေးနှုန်းများပြန်လည်ကျဆင်းခဲ့ရာ (၁၃-၇-၂၀၂၃) ရက်နေ့၏ စာရင်းကောက်ယူမှုအရ လက်လီ ၁ပိဿာဈေးနှုန်းမှာ ၂၅၀၀ကျပ်နှင့် ၁၀ပိဿာအိတ်ဆွဲတစ်ဆွဲလျှင် ၂၃၀၀၀ကျပ်တို့ဖြစ်၍ ဈေးနှုန်းကျဆင်းခဲ့ကြောင်းသိရပါသည်။

    စာရင်းဇယားများအရ ကရင်ပြည်နယ်အတွင်း ကြက်သွန်နီဈေးနှုန်းများမှာ ၂၀၂၂ခုနှစ်၊ ဒီဇင်ဘာလအတွင်း ၁ပိဿာလျှင် ၄၅၀၀ကျပ်မှာ ဈေးနှုန်းအမြင့်ဆုံးဖြစ်ခဲ့ပြီး ယခုနှစ် ဧပြီလ၊ သင်္ကြန်မတိုင်မီအချိန်တွင်  ၁ပိဿာလျှင် ၁၂၅၀ကျပ်ဖြင့် အရောင်းအဝယ်ဖြစ်ခဲ့ကြောင်းသိရှိရပါသည်။

DOCA(ကရင်)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများကိုဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့်တွေ့ဆုံ၍ အခြေခံစားကုန်ဈေးနှုန်းများ၊ ဓာတ်မြေဩဇာနှင့် ပိုးသတ်ဆေးဈေးနှုန်းများကိုအပတ်စဉ်တင်ပြလျက်ရှိပါသည်။

   ရွှေဘိုခရိုင်အနေဖြင့် စိုက်ပျိုးရေးကိုအဓိကဆောင်ရွက်သော ခရိုင်တစ်ခုဖြစ်သဖြင့် စိုက်ပျိုးရေးလုပ်ငန်းတွင် အဓိကအသုံးပြုရသည့်ဓာတ်မြေဩဇာနှင့် ပိုးသတ်ဆေးဈေးနှုန်းများကို အရောင်းဆိုင်များမှ တာဝန်ရှိသူများနှင့်ဆက်သွယ်မေးမြန်းခဲ့ရာ ၂၀၂၃ခုနှစ်၊ ဇူလိုင်လ၊ ဒုတိယအပတ်တွင် ရွှေဘိုမြို့၌ရောင်းချလျက်ရှိသော ဓာတ်မြေဩဇာဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅) ကွန်ပေါင်း ဓာတ်မြေဩဇာ 50kg တစ်အိတ်လျှင် (၁၄၀၀၀ဝိ/-) ကျပ်၊ MC တံဆိပ် (၁၅:၁၅:၁၅) ကွန်ပေါင်းဓာတ်မြေဩဇာ 50kg တစ်အိတ်လျှင် (၁၁၅၀၀ဝိ/-) ကျပ်၊ ဇာမဏီတံဆိပ် (၁၃:၅:၇) ကွန်ပေါင်းဓာတ်မြေဩဇာ 50kg တစ်အိတ်လျှင် (၇၆၅၀ဝိ/-) ကျပ်၊ အာမို၊ ပုလဲတံဆိပ် ကွန်ပေါင်းဓာတ်မြေဩဇာ 50kg တစ်အိတ်လျှင် (၈၂၀၀ဝိ/-) ကျပ်နှင့် ပန်းဖူးတံဆိပ် ဓာတ်မြေဩဇာ 50kg တစ်အိတ်လျှင် (၇၁၀၀ဝိ/-) ကျပ်တို့ဖြစ်ပြီး ပိုးသတ်ဆေးဈေးနှုန်းများမှာ ရှောင်လင်တံဆိပ် ထိသေ/စားသေ (အဆိပ်ငွေ့) 1Liter တစ်ဘူးလျှင် (၁၅၅၀ဝိ/-) ကျပ်၊ ဒီမွန် 1.8 တံဆိပ် ထိသေ/စားသေ (အဆိပ်ငွေ့) 500cc တစ်ဘူးလျှင် (၁၂၅၀ဝိ/-) ကျပ်၊ ငှက်ကြီးတောင်တံဆိပ် ထိသေ/စားသေ (အဆိပ်ငွေ့) 250cc တစ်ဘူးလျှင် (၂၈၅၀ဝိ/-) ကျပ်၊ ဇိုင်ကလုံးတံဆိပ် ပင်လုံးပြန့် 1Liter တစ်ဘူးလျှင် (၂၉၅၀ဝိ/-) ကျပ်၊ အင်ဖာနိုတံဆိပ် ပင်လုံးပြန့် 500g တစ်ဘူးလျှင် (၉၀၀ဝိ/-) ကျပ်ဖြစ်ကြောင်း၊ ယခုတစ်ပတ်အတွင်း ဓာတ်မြေဩဇာနှင့် ပိုးသတ်ဆေးများမှာ အရောင်းအဝယ်အေးနေသည့်အပြင် အာမို၊ ကျွဲနက်တံဆိပ် (၁၅:၁၅:၁၅) ကွန်ပေါင်းဓာတ်မြေဩဇာမှာ ရွှေဘိုဈေးကွက်အတွင်း ပစ္စည်းပြတ်လပ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ရွှေဘိုခရိုင်သည် စပါးအဓိကစိုက်ပျိုးသည့်ခရိုင်တစ်ခုဖြစ်ပြီး (၂၀၂၂-၂၀၂၃) ခုနှစ်တွင် နွေစပါး (၈၁၀၄၈) ဧကစိုက်ပျိုးခဲ့ရာ ဇွန်လ၊ လဝက်ခန့်မှစတင်၍ စိုက်ပျိုးထားသည့်စပါးများကိုရိတ်သိမ်းခဲ့ကြပါသည်။ နွေစပါးများကို ရွှေဘိုဈေးကွက်တွင် ဇွန်လ၊ တတိယအပတ်မှစတင်၍ BG နှင့် 747 စပါးများအရောင်းအဝယ်ဖြစ်ခဲ့ပြီး ၎င်းစပါးများကို ကြိတ်ခွဲ၍ထွက်ရှိသောဆန်များမှာ ထမင်းအဖြစ် ချက်ပြုတ်စားသုံးရသည့်ဆန်မဟုတ်ဘဲ သားရေစာအဖြစ်စားသုံးသည့်ခေါက်ဆွဲနှင့် မုန့်အမျိုးမျိုးပြုလုပ်ရာတွင် အသုံးပြုကြကြောင်း၊  ဇွန်လ၊ လကုန်အပတ်တွင် ရွှေဝါထွန်းစပါးများ ဈေးကွက်အတွင်း စတင်အရောင်းအဝယ်ဖြစ်ခဲ့ကြောင်း၊ ဇူလိုင်လ၊ တတိယအပတ်အတွင်း အရောင်းအဝယ်ဖြစ်သည့် နွေစပါး၊ ဆန်‌နှင့် ဆန်ထွက်ပစ္စည်းဈေးနှုန်းများမှာ ရွှေဝါထွန်းစပါးတင်း (၁၀၀) လျှင် (၁၅၅၀၀၀ဝိ/-) ကျပ်ဖြစ်၍ ရွှေဝါထွန်းစပါးကိုကြိတ်ခွဲပါက ဆန်၊ ဆန်လတ်၊ ဆန်ကွဲနှင့် ဖွဲနုများထွက်ရှိပြီး (၁၀၉) ပေါင်ဝင်ဆန်အိတ်တစ်အိတ်လျှင် (၆၄၀၀ဝိ/-) ကျပ်၊ ဆန်လတ်တစ်အိတ်လျှင် (၄၆၅၀ဝိ/-) ကျပ်၊ ဆန်ကွဲတစ်အိတ်လျှင် (၄၅၀၀ဝိ/-) ကျပ်နှင့် ဖွဲနု (၁၈) ပိဿာဝင်တစ်အိတ်လျှင် (၂၃၅၀ဝိ/-) ကျပ်တို့ဖြင့် အရောင်းအဝယ်ဖြစ်လျက်ရှိကြောင်း၊ ရွှေဝါထွန်းဆန်သည် ထမင်းချက်ပြုတ်စားသုံးရသည့်ဆန်ဖြစ်သဖြင့် ဒေသတွင်းစားသုံးသူများက အများဆုံးဝယ်ယူကြကြောင်း၊ ဆန်စက်လုပ်ငန်းရှင်များအနေဖြင့် စပါးဝယ်ယူရာတွင် စိုက်ပျိုးသည့်ဒေသများသို့ ကိုယ်တိုင်သွားရောက်၍ ဝယ်ယူခြင်းမပြုလုပ်ဘဲ ပွဲစားများလာရောက်ပေးပို့သည့်စပါးကို ကားခအပါအဝင် ဈေးညှိ၍ဝယ်ယူကြကြောင်း ဆန်စက်လုပ်ငန်းရှင်ထံမှသတင်းရရှိပါသည်။

DOCA(စစ်ကိုင်း)