ပြည်တွင်းကုန်သွယ်မှုသတင်း

    တောင်ငူမြို့၊ ညောင်ပင်ဈေးတွင်၊ အင်ဥများပေါ်နေပြီဖြစ်ပါသည်။ အင်ဥသည် အင်ပင်များ၏ အောက်ရှိအမြစ်များနှင့် ဆက်စပ်နေသောမှိုတစ်မျိုးဖြစ်ကြောင်း လေ့လာသိရှိရပါသည်။ အင်ဥများကို ပဲခူးရိုးမတစ်ကြောတွင် ယခုကဲ့သို့ မိုးဦးကာလတွင် တွေ့ရပြီး တစ်နှစ်ပတ်လုံးတွင် တစ်ကြိမ်သာတွေ့ရှိရပါသည်။

    အင်ဥတူးသူများအနေဖြင့် မြေကြီးထဲရှိ အင်ဥအား ဝါးပြားနှင့်ကလော်ယူ၍ ရရှိလာသောအင်ဥများအား စုဆောင်းပြီး မြို့ပေါ်ရှိဈေးများသို့ ကိုယ်တိုင်လာရောက်ရောင်းသူများရှိသကဲ့သို့ ဖောက်သည်သွင်း၍ ရောင်းချသူများလည်းရှိပါသည်။ တောင်ငူမြို့သည် ပဲခူးရိုးမတောင်တန်းကြီး၏အနီးတွင် တည်ရှိသောကြောင့် ယခုကဲ့သို့ အင်ဥပေါ်သောရာသီတွင် တောင်ငူမြို့ပေါ်ရှိဈေးများ၌ အင်ဥရောင်းချသူများပေါများလျက်ရှိပါသည်။

    အင်ဥအား ရေ (၂) နာရီခန့်စိမ်ပြီးမှ စကာနှင့်တိုက်၍ ဆေးကြောသန့်စင်ပြီးလျှင် ဓားဖြင့်ပါးပါးလှီး၍ ကြော်စားရသောဟင်းလျာတစ်မျိုးဖြစ်ပါသည်။ တောင်ငူမြို့၊ ညောင်ပင်ဈေးတွင် အင်ဥအား နို့ဆီဘူး (၁) ဘူးလျှင် (၁၀၀၀) ကျပ်ဖြင့်ရောင်းချပေးနေပါသည်။ ပေါ်ခါစဖြစ်သောကြောင့် ဈေးနှုန်းအနည်းငယ်မြင့်မားနေသော်လည်း အင်ဥလှိုင်လှိုင်ပေါ်သော ရှေ့လများတွင် ဈေးနှုန်းကျဆင်းနိုင်ကြောင်း သိရှိရပါသည်။

DOCA(ပဲခူး)

   ၂၉.၆.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

    တောင်ငူခရိုင်၊ အုတ်တွင်းမြို့နယ်ရှိ ငှက်ပျောသီးဈေးကွက်တွင် ယခု၂၀၂၃ခုနှစ်၊ ဇွန်လ၊ နောက်ဆုံးအပတ်တွင် ရခိုင်ငှက်ပျောသီးများမှာ ဈေးကောင်းရနေပါသည်။ ရခိုင်ငှက်ပျောသီးမှာ ဘာသာရေးပွဲများဖြစ်သည့် ဘုရားပွဲ၊ နတ်ပွဲများတွင် အသုံးပြုသဖြင့် အလှူမင်္ဂလာပွဲရာသီချိန်များနှင့် နတ်ပွဲရာသီချိန်များတွင် ရောင်းအားကောင်းပါသည်။

   အုတ်တွင်းမြို့နယ်၊ ရန်ကုန်-မန္တလေး အမြန်လမ်းမကြီး၏ အနောက်ဘက် ပဲခူးရိုးမတောင်ပေါ်ရှိ တောင်ယာစိုက်ခင်းများမှထွက်ရှိသော ရခိုင်ငှက်ပျောသီးများကို ဆိုင်ကယ်ကယ်ရီများဖြင့်သယ်ယူ၍ အုတ်တွင်းမြို့နယ်ရှိ အုတ်တွင်းမြို့မဈေး၊ ကျွဲပွဲဈေးနှင့် ညောင်ခြေထောက်ဈေးများသို့ လာရောက်ရောင်းချကြပါသည်။

  ယခုအချိန်တွင် မြန်မာ့ရိုးရာဓလေ့ထုံးစံအရ ဝါတွင်းကာလမရောက်မီ နတ်ပွဲများတင်ပြီး ပူဇော်ပသသည့်အချိန်ဖြစ်သဖြင့် ရခိုင်ငှက်ပျောသီးများရောင်းအားကောင်းလျက်ရှိရာ အဖီးအကြီးတစ်ဖီးလျှင် ၁၀၀၀ကျပ်၊ အဖီးအလတ်တစ်ဖီးလျှင် ၈၀၀ကျပ်နှင့် အဖီးအသေးတစ်ဖီးလျှင် ၆၀၀ကျပ်တို့ဖြင့်ရောင်းချနေကြကြောင်း သိရပါသည်။

DOCA(ပဲခူး)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ် တင်ပြလျက်ရှိပါသည်။

    ၂၀၂၃ခုနှစ်၊ ဇွန်လ (တတိယပတ်) အတွင်း ရွှေဘိုမြို့နယ်၏ အခြေခံစားကုန်ဈေးနှုန်းများမှာ  ရွှေဘိုပေါ်ဆန်းဆန် (၁)ပြည်လျှင် (၄၈၀ဝိ/-)ကျပ်နှင့် ဧရာမင်းဆန်(သစ်) (၁)ပြည်လျှင် (၄၈၀ဝိ/-) ကျပ်တို့ဖြင့် အရောင်းအဝယ် ဖြစ်လျက်ရှိပါသည်။ ကြက်သွန်နီ(သစ်) လက်လီဈေးမှာ (ကြီး) (၁)ပိ ဿာလျှင် (၂၀၀ဝိ/-)ကျပ်၊ (လတ်) (၁)ပိဿာလျှင် (၁၈၀ဝိ/-)ကျပ်နှင့် (သေး) (၁)ပိဿာလျှင် (၁၅၀ဝိ/-)တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်ဖြူလက်လီဈေးမှာ (ဗမာ)(၁)ပိ ဿာလျှင် (၈၀၀ဝိ/-)ကျပ်မှ (၉၀၀ဝိ/-)ကျပ်ထိ၊ ရှမ်းကြက်သွန်ဖြူ (၁)ပိဿာလျှင် (၇၀၀ဝိ/-)ကျပ် မှ (၈၀၀ဝိ/-)ကျပ်ထိ၊ (ကြူကုပ်) (၁)ပိဿာလျှင် (၅၀၀ဝိ/-)ကျပ်မှ (၆၀၀ဝိ/-)ကျပ်ထိ၊ ချင်း (၁)ပိဿာလျှင် (၇၀၀ဝိ/-)ကျပ်မှ (၁၀၀၀ဝိ/-)ကျပ်၊ ငရုတ်သီးခြောက် (၁)ပိဿာလျှင် အမျိုးအစားအလိုက် (၁၇၀၀ဝိ/-) ကျပ်မှ (၁၈၀၀ဝိ/-)ကျပ်ထိ၊ အာလူး (၁)ပိဿာလျှင် (၂၄၀ဝိ/-) ကျပ်မှ (၃၂၀ဝိ/-)ကျပ်ထိနှင့် ခရမ်းချဉ်သီး (၁)ပိဿာလျှင် (၁၅၀ဝိ/-)ကျပ်တို့ဖြင့် အရောင်းအဝယ် ဖြစ်နေပါသည်။

     ကြက်ဉလက်လီဈေးနှုန်းမှာ (ကြီး) (၁)လုံးလျှင် (၃၀ဝိ/-)ကျပ်၊ (သေး) (၁)လုံးလျှင် (၂၅ဝိ/-) ကျပ်၊ ဘဲဉ(ကြီး) (၁)လုံးလျှင် (၃၀ဝိ/-)ကျပ်နှင့် (သေး) (၁)လုံးလျှင် (၂၅ဝိ/-)ကျပ်တို့ ရှိပါသည်။

    ရွှေဘိုမြို့၏ အသားငါးဈေးနှုန်းများမှာ ကြက်သား (CP) (၁)ပိဿာလျှင်(၁၀၀၀ဝိ/-)ကျပ်မှ (၁၂၀၀ဝိ/-)ကျပ်ထိ၊ ကြက်သား (ဗမာ) (၁)ပိဿာလျှင် (၁၃၀၀ဝိ/-)ကျပ်မှ (၁၅၀၀ဝိ/-)ကျပ်ထိ၊ ဝက်သား (၁)ပိဿာလျှင် (၂၀၀၀ဝိ/-)ကျပ်မှ (၂၂၀၀ဝိ/-)ကျပ်ထိ၊ အမဲသား (၁)ပိဿာလျှင်(၁၆၀၀ဝိ/) ကျပ်၊ ငါးမြစ်ချင်း (၁)ပိဿာလျှင် (၇၅၀ဝိ/-)ကျပ်နှင့် ငါးကြင်း (၁)ပိဿာလျှင်  (၇၀၀ဝိ/-)ကျပ်တို့ဖြင့် အရောင်းအဝယ်ဖြစ်ကြောင်း သိရှိရ၍ပါသည်။

     စားသုံးဆီဈေးနှုန်းများမှာ ပဲဆီသန့် (၁)ပိဿာလျှင် (၁၅၀၀ဝိ/-)ကျပ်၊ စားအုန်းဆီ (၁)ပိဿာလျှင် (၇၆၀ဝိ/-)ကျပ်နှင့် နှမ်းဆီ (၁)ပိဿာလျှင် (၁၅၀၀ဝိ/-)တို့ဖြင့် အရောင်းအဝယ်ဖြစ်ကြောင်း  သတင်းရရှိပါသည်။

DOCA(စစ်ကိုင်း)