ပြည်တွင်းကုန်သွယ်မှုသတင်း

     သံပုရာသီးသည် မြန်မာနိုင်ငံတွင် အသုပ်သုပ်သည့်အခါ၊ မုန့်ဟင်းခါးနှင့် အုန်းနို့ခေါက်ဆွဲစားသည့်အခါ သံပုရာသီးညှစ်၍ စားသုံးလေ့ရှိပါသည်။ သံပုရာသီးကို သံပုရာသီး သနပ်၊ ဖျော်ရည် များပြုလုပ်၍လည်း စားသုံးကြပါသည်။ သံပုရာသီးကို အင်္ဂလိပ်လို Sour Lime ဟုခေါ်ပြီး အစာကြေဆေး၊ ပိုးသတ်ဆေး၊ သွေးတိုးကျဆေးစသည့် တိုင်းရင်းဆေးများဖော်စပ်ရာတွင် အသုံးပြုလေ့ရှိပါသည်။ ပြည်ခရိုင်၊ ပြည်မြို့တွင် သံပုရာသီးဈေးနှုန်းများအနေဖြင့် ခုရက်ပိုင်းတွင် ဈေးနှုန်းများကျဆင်းပြီး အရောင်းအဝယ်သွက်လျက်ရှိပါသည်။ တစ်နိုင်တစ်ပိုင် သံပုရာသီး စိုက်ပျိုးသူများအတွက် အပိုဝင်ငွေ ရလျက်ရှိပြီး သက်တမ်းရင့် သံပုရာပင် တစ်ပင်လျှင် အသီးလုံးရေ (၁၀၀၀)ခန့်သီးကြောင်း သိရပါသည်။ ယခုလိုမိုးရာသီတွင် သံပုရာခြံများမှ သံပုရာသီးများ လှိုင်လှိုင်ထွက်လာပြီး သံပုရာသီးတစ်လုံးလျှင် (၃၀)ကျပ်ဖြင့် ပြည်ဈေးကွက်တွင် အရောင်းအဝယ်ဖြစ်လျက် ရှိပါသည်။

DOCA(ပဲခူး)

    ပြည်ခရိုင်၊ ပြည်မြို့တွင် ၂၀၂၃ခုနှစ်၊ ဇူလိုင်လပထမပတ်အတွင်း အခြေခံစားကုန်ဈေးနှုန်းများဖြစ်သော ရွှေဘိုပေါ်ဆန်း(၂၄)ပြည်တစ်အိတ်လျှင် (၁၁၆၀၀၀)ကျပ်၊ ဧည့်မထအဟောင်း တစ်အိတ်လျှင် (၇၆၀၀၀)ကျပ်၊ ကရင်မဆန် တစ်အိတ်လျှင် (၆၂၀၀၀)ကျပ်၊ မှော်ဘီစမ်း တစ်အိတ်လျှင် (၆၅၀၀၀)ကျပ် ဈေးနှုန်းများဖြင့် အရောင်းအဝယ်ဖြစ်လျက်ရှိပါသည်။

    ကြက်သွန်နီဈေးများမှာ လက်လီဈေး တစ်ပိဿာလျှင် (အကြီး) ၂၄၀၀ကျပ်၊ (အလတ်) ၂၃၀၀ကျပ်၊ (အသေး)တစ်ပိဿာလျှင် ၂၂၀၀ကျပ်နှုန်းဖြင့် အရောင်းအဝယ်ဖြစ်လျက်ရှိပါသည်။ ကြက်သွန်ဖြူ လက်လီဈေးမှာ (ကြူကုတ်)တစ်ပိဿာလျှင် (၉၀၀၀)ကျပ်၊ (ရှမ်း) တစ်ပိဿာလျှင် (၁၂၀၀၀)ကျပ်၊ ငရုတ်ခြောက်ရှည် တစ်ပိဿာလျှင် (၁၇၀၀၀)ကျပ်၊ ငရုတ်ခြောက် (ပု)တစ်ပိဿာလျှင် (၂၂၀၀၀)ကျပ်၊ ပဲနီလေးတစ်ပိဿာလျှင်(၇၀၀၀)ကျပ်၊ နနွင်းတက်တစ်ပိဿာ လျှင် (၄၀၀၀)ကျပ်၊ အာလူးတစ်ပိဿာလျှင် (၃၀၀၀)ကျပ်၊ ချင်းတစ်ပိဿာလျှင် (၈၀၀၀)ကျပ်၊ ဆားတစ်ပိဿာလျှင် (၅၀၀)ကျပ်၊ မြေပဲဆန် (၁၅)ကျပ်သား(၁၀၀၀)ကျပ်၊ ကုလားပဲတစ်ပိဿာလျှင် (၆၀၀၀)ကျပ်၊ သကြား တစ်ပိဿာ (၃၂၀၀)ကျပ်၊ မန်ကျည်းမှည့် တစ်ပိဿာ (၃၀၀၀)ကျပ်၊ ခရမ်းချဉ်သီး ကိုင်းသီး တစ်ပိဿာလျှင် (၂၄၀၀)ကျပ်၊ ရှမ်းသီးတစ်ပိဿာလျှင် (၂၀၀၀)ကျပ် ဈေးတို့ဖြင့် အရောင်းအဝယ် ဖြစ်လျက်ရှိပါသည်။

    ကြက်ဥလက်လီဈေးမှာ တစ်လုံးလျှင် (၂၃၀)ကျပ် မှ (၂၅၀)ကျပ်အထိဖြစ်၍ ဘဲဥတစ်လုံးလျှင် (၃၃၀/၃၅၀)ကျပ်ထိ ဖြစ်ပြီး (CP) ကြက်သားတစ်ပိဿာလျှင် (၁၂၀၀၀)ကျပ်၊ (ဗမာ) ကြက်သား တစ်ပိဿာလျှင် (၁၉၀၀၀)ကျပ်၊ ဝက်သားတစ်ပိဿာလျှင် (၂၀၀၀၀)ကျပ်၊ အမဲသား တစ်ပိဿာလျှင် (၁၄၀၀၀)ကျပ်၊ ငါးကြင်းတစ်ပိဿာလျှင် (၁၆၀၀၀)ကျပ်၊ ငါးမြစ်ချင်း တစ်ပိဿာလျှင် (၂၂၀၀၀)ကျပ် ဈေးတို့ဖြင့် ရောင်းဝယ်လျက်ရှိကြောင်း သိရပါသည်။

    စားသုံးဆီဈေးနှုန်းများမှာ ပဲဆီတစ်ပိဿာလျှင် (၁၃၅၀၀)ကျပ်၊ နှမ်းဆီတစ်ပိဿာလျှင် (၁၃၀၀၀)ကျပ်၊ စားအုန်းဆီတစ်ပိဿာလျှင် (၇၇၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

DOCA(ပဲခူး)

    စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦးခရိုင်များမှ ‌ကလေး၊ ကန့်ဘလူနှင့် မုံရွာခရိုင်တို့တွင် ဈေးအနည်းငယ်တက်နေပြီး ကျန်ခရိုင်များတွင် ဈေးအေးနေပါကြောင်းသိရှိရပါသည်။

  စစ်ကိုင်းတိုင်းဒေသကြီးအတွင်း ၂၀၂၃ခုနှစ်၊ ဇူလိုင်လ (တတိယပတ်) တွင် ဖြစ်ပေါ်နေသော စပါး/ဆန်ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)  တင်း၁၀၀လျှင် ကျပ် ၂၉၀၀၀၀၀၊ ပေါ်ဆန်း (ဆန်) ၂၄ပြည်ပါတစ်အိတ်လျှင် ၁၀၀၀၀၀ကျပ်၊ ဧရာမင်း (စပါး) တင်း၁၀၀လျှင် ကျပ်၂၅၀၀၀၀၀၊  ဧရာမင်း (ဆန်) ၂၄ပြည်ပါတစ်အိတ်လျှင် ၁၀၀၀၀၀ကျပ်၊ နွေစပါး (ရွှေဝါထွန်း) စပါးတင်း (၁၀၀) လျှင် ကျပ်၁၅၅၀၀၀၀၊  ရွှေဝါထွန်း (နွေစပါး) ၂၄ပြည်ပါတစ်အိတ်လျှင် ကျပ်၆၄၀၀၀ဖြင့် အရောင်းအဝယ်ဖြစ်နေကြောင်းသိရပါသည်။ ရေဦးခရိုင်၊ ရေဦးမြို့နယ်မှ ပေါ်ဆန်း (စပါး) တင်း၁၀၀လျှင် ကျပ်၂၉၀၀၀၀၀၊ ပေါ်ဆန်း (ဆန်) တစ်အိတ်လျှင် ကျပ်၁၀၀၀၀၀၊  ဧရာမင်း (စပါး) တင်း၁၀၀လျှင် ၂၅၀၀၀၀၀၊ ဧရာမင်း (ဆန်) ၂၄ပြည်ပါ တစ်အိတ်လျှင် ၁၀၀၀၀၀ကျပ်၊ နွေစပါး (ရွှေဝါထွန်း) စပါးတင်း (၁၀၀) လျှင် ကျပ်၁၅၅၀၀၀၀၊  နွေစပါး (ရွှေဝါထွန်း) (ဆန်) ၂၄ပြည်ပါတစ်အိတ်လျှင် ကျပ်၆၄၀၀၀တို့ဖြင့် အရောင်းအဝယ်ဖြစ်နေကြောင်း သိရပါသည်။

   ကလေးခရိုင်၊ ကလေးမြို့နယ်မှ ဧည့်မထ (စပါး) တင်း၁၀၀လျှင် ကျပ်၁၉၀၀၀၀၀၊ ဧည့်မထ (ဆန်) ‌၂၄ပြည်ပါတစ်အိတ်လျှင် ကျပ်၇၂၀၀၀၊ ငစိန် (စပါး) တင်း၁၀၀လျှင် ကျပ်၁၈၀၀၀၀၀၊ ငစိန် (ဆန်)၂၄ပြည်ပါတစ်အိတ်လျှင် ကျပ်၇၀၀၀၀၊ ဧရာမင်း (စပါး) တင်း၁၀၀လျှင် ကျပ်၂၀၀၀၀၀၀၊ ဧရာမင်း (ဆန်) ၂၄ပြည်ပါတစ်အိတ်လျှင် ကျပ်၈၀၀၀၀၊ နွေစပါး (ဒေသမျိုး) (စပါး) တင်း၁၀၀လျှင် ကျပ်၉၀၀၀၀၀၊ နွေစပါး (ဒေသမျိုး) (ဆန်) ၂၄ပြည်ပါတစ်အိတ်လျှင် ကျပ်၈၂၀၀၀တို့ဖြင့် အရောင်းအဝယ်ဖြစ်နေကြောင်း သိရပါသည်။

 ကသာခရိုင်၊ အင်းတော်မြို့နယ်မှ မှော်ဘီ (၂) (စပါး) တင်း၁၀၀လျှင် ကျပ်၁၉၀၀၀၀၀၊ မှော်ဘီ (၂) ဆန်၂၄ပြည်ပါတစ်အိတ်လျှင် ကျပ်၈၀၀၀၀၊ ဆင်းဧကရီ (၃) (စပါး)  တင်း၁၀ လျှင် ကျပ်၁၆၅၀၀၀၀၊ ဆင်းဧကရီ-၃ဆန်၂၄ပြည်ပါတစ်အိတ်လျှင် ကျပ်၇၂၀၀၀၊ ဧရာမင်း (စပါး) တင်း၁၀၀လျှင် ကျပ်၂၀၀၀၀၀၀၊ ဧရာမင်း(ဆန်)၂၄ပြည်ပါဆန်တစ်အိတ်လျှင် ကျပ်၉၃၀၀၀၊ နွေစပါး (ဆင်း-၃) (စပါး) တင်း၁၀၀လျှင် ကျပ်၁၃၀၀၀၀၀၊ နွေစပါး (ဆင်း-၃) (ဆန်) ၂၄ပြည်ပါတစ်အိတ်လျှင် ကျပ်၆၅၀၀၀တို့ဖြင့် အရောင်းအဝယ်ဖြစ်နေကြောင်းသိရပါသည်။

   မုံရွာခရိုင်၊ မုံရွာမြို့တွင် ဧရာမင်း (စပါး) တင်း၁၀၀လျှင် ကျပ်၂၅၀၀၀၀၀၊  ဧရာမင်း (ဆန်) ၂၄ပြည်ပါတစ်အိတ်လျှင် ကျပ်၉၇၀၀၀၊ ပေါ်ဆန်း (စပါး) တင်း၁၀၀လျှင် ကျပ်၂၉၀၀၀၀၀၊  ပေါ်ဆန်း (ဆန်) ၂၄ပြည်ပါတစ်အိတ်လျှင် ကျပ်၁၀၀၀၀၀၊ မနောသုခ (စပါး) တင်း၁၀၀လျှင် ကျပ်၁၉၀၀၀၀၀၊ မနောသုခ (ဆန်) ၂၄ပြည်ပါတစ်အိတ်လျှင် ကျပ်၈၀၀၀၀တို့ဖြင့် အရောင်းအဝယ်ဖြစ်နေကြောင်းသိရပါသည်။

   ကန့်ဘလူခရိုင်၊ ကန့်ဘလူမြို့တွင်  ဧရာမင်း (စပါး) တင်း၁၀၀လျှင် ကျပ်၂၄၀၀၀၀၀၊  ဧရာမင်း (ဆန်) ၂၄ပြည်ပါတစ်အိတ်လျှင် ကျပ်၉၇၅၀၀၊ ပေါ်ဆန်း (စပါး) တင်း၁၀၀လျှင် ကျပ်၂၉၀၀၀၀၀၊ ပေါ်ဆန်း (ဆန်) ၂၄ပြည်ပါတစ်အိတ်လျှင် ကျပ်၉၈၀၀၀၊ ရွှေဝါထွန်း (နွေစပါး) တင်း၁၀၀လျှင် ကျပ်၁၅၀၀၀၀၀၊  ရွှေဝါထွန်း (ဆန်) ၂၄ပြည်ပါတစ်အိတ်လျှင် ကျပ်၆၀၀၀၀တို့ဖြင့် အရောင်းအဝယ်ဖြစ်နေကြောင်းသိရပါသည်။

    စစ်ကိုင်းတိုင်းဒေသကြီးမှ ဇူလိုင်လ (ဒုတိယပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၁၆၅၀၀အိတ်၊ မန္တလေးသို့ အိတ်ရေ ၂၉၉၀၀အိတ်၊ မကွေးသို့ အိတ်ရေ ၆၀၀အိတ်၊ နေပြည်တော်သို့ အိတ်ရေ ၇၀၀၀အိတ်၊ ရှမ်း (တောင်) သို့ အိတ်ရေ ၄၅၀၀အိတ်၊ ရှမ်း (မြောက်) သို့ အိတ်ရေ ၄၅၀၀အိတ်၊ ကချင်သို့ အိတ်ရေ ၁၀၀၀အိတ်၊ စုစုပေါင်း အိတ်ရေ (၆၄၀၀၀) အိတ်၊ တန်အားဖြင့် (၃၂၀၀) တန်စီးထွက်ခဲ့ပြီး ယခုဇူလိုင်လ (တတိယပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၁၄၅၀၀အိတ်၊ မန္တလေးသို့ အိတ်ရေ ၂၉၄၀၀အိတ်၊ မကွေးသို့ အိတ်ရေ ၆၀၀အိတ်၊ နေပြည်တော်သို့ အိတ်ရေ ၆၅၀၀အိတ်၊ ရှမ်း (တောင်) သို့ အိတ်ရေ ၅၀၀၀အိတ်၊ ရှမ်း(မြောက်) သို့ အိတ်ရေ ၅၀၀၀အိတ်၊ ကချင်သို့ အိတ်ရေ ၃၀၀အိတ်၊ စုစုပေါင်းအိတ်ရေ (၆၁၃၀၀) အိတ်၊ တန်အားဖြင့် (၃၀၆၅) တန်စီးထွက်ခဲ့သည့်အတွက် ယခင်အပတ်နှင့်နှိုင်းယှဉ်လျှင် ယခုအပတ်တွင် အိတ်ရေ (၂၇၀၀) အိတ်၊ တန်အားဖြင့် (၁၃၅) တန်လျော့နည်းစီးထွက်ခဲ့ပါကြောင်း သိရှိရပါသည်။ 

DOCA(စစ်ကိုင်း)                                                                                                                                 

    ပြည်ပဲဈေးကွက်မှာ လက်လီ/လက်ကား ပဲမျိုးစုံရောင်းဝယ်လျက်ရှိရာ ပြည်ပဝယ်လိုအား ပဲအားလုံး ဈေးကောင်းရနေပြီး ပြည်တွင်းဝယ်လက်ပဲများထဲမှာ ပဲနီပြား၊ ထောပတ်ပဲ၊ ဘိုကိတ်ပဲ စသည့် ပဲများဈေးကောင်းနေသော်လည်း ပဲလွမ်းဖြူသီးနှံမှာ ဈေးအေးဖြင့် ရောင်းဝယ်နေခဲ့ကြပါသည်။ လက်လီ/လက်ကားရောင်းဝယ်နေကြ၍ လက်ကားသမားများ အဝယ်လိုက်သည့်ရက်တွင် အိတ် (၁၀၀)ကျော်ရောင်းချမှုရှိပြီး လက်လီသမားမှာ နေ့စဉ်အဝယ်ရှိ၍ အိတ် (၂၀/၃၀) ပုံမှန် ရောင်းဝယ်မှုဖြစ်ခဲ့ကြပါသည်။ ပဲဈေးအနေဖြင့် ပိဿာ(၂၀)တစ်တင်း (၅၀၀၀၀)ကျပ်ဖြင့်သာ အခြားပဲများ အားလုံးထက် ဈေးအေးရောင်းဝယ်ခဲ့ပါသည်။ ယခင်နှစ်က ဇူလိုင်လအတွင်း ပဲလွမ်းဖြူတစ်တင်း (၃၈၀၀၀)ကျပ်ဖြင့် ရောင်းဝယ်ခဲ့သည့်အတွက် ယခုနှစ်ဈေးအေးနေသည်ဆိုသော်လည်း ယခင်နှစ်ထက် ကျပ်(၁)သောင်းကျော် ပိုရလျက်ရှိကြောင်း သိရပါသည်။

DOCA(ပဲခူး)

    ပြည်သစ်သီးဝလံဈေးကွက်အတွင်း အသီးမျိုးစုံရောင်းဝယ်ကြလျက်ရှိရာ သရက်သီးမှည့် ရာသီကုန်ခါနီးပြီဖြစ်သည့်အတွက် ဈေးကွက်မှာ သရက်သီးအမျိုးအစားမစုံတော့ဘဲ ဒေသထွက် မန္တလေး ရင်ကွဲသီးများသာ ရောင်းချမှုများကြသည်ကိုတွေ့ရပါသည်။ မေလနှင့် ဇွန်လအတွင်း သရက်သီးမှည့်လှိုင်ချိန်ကဆိုလျှင် မြကျောက်နှင့် စိန်တလုံးသရက်သီးများမှာ ဒေသထွက်အပြင် မန္တလေးဘက်မှလည်း ဝင်ရောက်လာ၍ အဆိုပါကာလများတွင် သရက်သီးမှည့်များ ပေါများစွာ ရောင်းချမှုရှိခဲ့ကြပြီး စိန်တလုံး သရက်သီးမှာ ပေါ်စရာသီတွင် တစ်လုံး(၅၀၀)ကျပ်မှ (၇၀၀/၈၀၀) ကျပ်အထိ အရွယ်အစားလိုက်၍ ဈေးပေးဝယ်ယူစားသုံးကြသလို မြကျောက်သရက်သီးများကလည်း တစ်လုံး ၄၀၀/၅၀၀ကျပ်မှ ၇၀၀ကျပ်ထိဈေးပေးဝယ်ယူကြရပါသည်။ ယခုအခါမှာတော့ မြကျောက်သရက်သီးများ ဈေးကွက်အတွင်း ပစ္စည်းမရှိတော့ဘဲ စိန်တလုံးသရက်သီးနှင့် ပတ္တမြား င‌မောက်သရက်သီး အချို့သာအနည်းငယ်ရောင်းချမှုရှိပြီး ဒေသထွက်မန္တလေးရင်ကွဲ သရက်သီးများလည်း ရောင်းချနေကြကြောင်း တွေ့ရှိရပါသည်။ စိန်တလုံး သရက်သီးတစ်လုံး ၄၀၀ ကျပ် မှ ၅၀၀ကျပ်၊ ပတ္တမြားငမောက်သရက်သီးမှာ တစ်လုံး ၃၅၀ကျပ်မှ ၄၀၀ကျပ်၊ မန္တလေး ရင်ကွဲသရက်သီးမှာ တစ်လုံး (၁၀၀/၁၅၀)ကျပ်ဖြင့် ရောင်းချမှုရှိကြောင်း လေ့လာသိရှိရပါသည်။

DOCA(ပဲခူး)