ပြည်တွင်းကုန်သွယ်မှုသတင်း

       မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မဈေးကြီးအတွင်းတွင် သီးနှံမျိုးစုံ အများဆုံးစိုက်ပျိုးထွက်ရှိသော ပခုက္ကူကျွန်းကျေးရွာများ၊ မြစ်ခြေ၊ ကမ္မ၊ ကျောက်ပန်းတောင်း၊ ပုပ္ပါးထွက် သီးနှံများ အများဆုံးဝင်ရောက်  ရောင်းဝယ်ဖောက်ကားလျက်ရှိပါသည်။

          ပခုက္ကူမြို့မဈေးကြီးအတွင်း၌ (၂၀၂၃)ခုနှစ်၊ ဧပြီလ(၁)ရက် မှ (၄)ရက်နေ့ထိ အရောင်းအဝယ် ဖြစ်လျက်ရှိသော အခြေခံစားကုန် ဈေးနှုန်းများမှာ ခရမ်းချဉ်သီး(၁)ပိဿာလျှင် ကျပ်(၁၈၀၀ မှ ၂၀၀၀) ၊ ခရမ်းသီး (၁)ပိဿာလျှင်ကျပ်(၁၀၀၀ မှ ၁၂၀၀)၊ အာလူး(၁)ပိဿာလျှင် ကျပ်(၁၇၀၀ မှ ၂၂၀၀)၊ ငရုတ်သီး (စိမ်း) (၁)ပိဿာလျှင် ကျပ်(၄၀၀၀)၊ ငရုတ်သီးခြောက်(အရှည်) (၁)ပိဿာလျှင်ကျပ်(၁၅၀၀၀ မှ ၁၆၀၀၀)၊ ငရုတ်သီးခြောက်(အပု) (၁)ပိဿာလျှင်ကျပ်(၁၈၀၀၀)၊ ကြက်သွန်နီ (၁)ပိဿာလျှင် ကျပ်(၄၀၀ မှ ၁၃၀၀)၊ ကြက်သွန်ဖြူ(ရှမ်းစ) (၁)ပိဿာလျှင် ကျပ်(၅၀၀၀ မှ ၇၀၀၀)၊ ကြက်သွန်ဖြူ (ကြူကုတ်) (၁)ပိဿာလျှင် ကျပ်(၄၅၀၀ မှ ၅၀၀၀)၊ ဂေါ်ဖီ(၁)ထုပ်လျှင်ကျပ်(၁၂၀၀ မှ ၁၅၀၀)၊ ပဲတောင့်ရှည် (၁)ပိဿာလျှင် ကျပ်(၁၆၀၀ မှ ၁၈၀၀)၊ ပဲရာဇာ(ပဲနီလေး) (၁)ပြည်လျှင် ကျပ်(၈၅၀၀ မှ ၉၀၀၀)၊ ကန်စွန်းရွက်(၃)စည်းလျှင် ကျပ်(၂၀၀)၊ သကြားပြောင်းဖူး(၁)ဖူးလျှင် ကျပ်(၃၀၀)၊ ဂျင်းတက်  /ပေါက်(၁)ပိဿာလျှင်ကျပ်(၂၄၀၀ မှ ၂၅၀၀)၊ မန်ကျည်းသီးမှည့်(အစေ့လွတ်) (၁)ပိဿာလျှင်ကျပ်(၃၅၀၀ မှ ၄၀၀၀)၊ မြေပဲဆံ(၁)ပိဿာလျှင် ကျပ်(၆၀၀၀ မှ ၇၀၀၀)၊ ကုလားပဲခြမ်း(၁)ပြည်လျှင် ကျပ်(၅၆၀၀ မှ ၅၈၀၀)၊ ဆား(၁)ပိဿာလျှင် ကျပ်(၅၀၀ မှ ၅၅၀) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။         

DOCA(မကွေး)

        မြန်မာနိုင်ငံသည် ဆီထွက်သီးနှံထုတ်လုပ်မှုအကြီးမားဆုံး နိုင်ငံထဲတွင် တစ်နိုင်ငံဖြစ်ပါသည်။ ဆီထွက်သီးနှံစိုက်ပျိုးခြင်းသည် မြန်မာနိုင်ငံ၏ လယ်ယာစိုက်ပျိုးရေးကဏ္ဍတွင် နှံစားသီးနှံနှင့် ပဲမျိုးစုံစိုက်ပျိုးပြီးနောက် အများဆုံးစိုက်ပျိုးခြင်းဖြစ်သည်။ မြန်မာနိုင်ငံထွက် အများဆုံးစိုက်ပျိုးသော ဆီထွက်သီးနှံများမှာ မြေပဲ၊ နှမ်း၊ နေကြာ၊ မုံညင်းတို့ဖြစ်ပြီး မန္တလေး၊ စစ်ကိုင်း၊ မကွေးတိုင်းဒေသကြီး တို့တွင် ကျယ်ပြန့်စွာ စိုက်ပျိုးကြသည်။

          မကွေးတိုင်းဒေသကြီး၊ ဆိပ်ဖြူမြို့နယ်တွင် (နွေနှမ်း)များကို ကြက်သွန်နီ၊ မြေပဲ၊ ကုလားပဲ၊ ပဲယင်းစိုက်ခင်းများ ရိတ်သိမ်းပြီး မြေလွတ်များတွင် သီးထပ်၊ သီးညှပ်အဖြစ် နှမ်းဖြူ၊ နှမ်းနက်၊ နှမ်းနီ စိုက်ပျိုးကြပြီး စိုက်ပျိုးမြေများမှာ မြစ်ရိုးတစ်လျှောက် မြေသား မြေမာများတွင် အများဆုံး စိုက်ပျိုးကြသည်။ ၂၀၂၂-၂၀၂၃ ခုနှစ်တွင် ဆိပ်ဖြူမြို့တွင် (နွေနှမ်း)စိုက်ဧက (၁၀၀၀)ဝန်းကျင်ခန့် စိုက်ပျိုး ထားရှိပြီး ဆိပ်ဖြူမြို့အနောက်ပိုင်းရပ်ကွက်နှင့်ရွာသစ်ရပ်ကွက်တွင် (နွေနှမ်း)စိုက်တောင်သူ (၅၀)ဦးဖြင့် စိုက်ဧက(၃၀)ခန့် စိုက်ပျိုးထားရှိကြောင်း၊ ယခင်က(နွေနှမ်း)စိုက်ပျိုးမှုကို အဓိကသီးနှံအဖြစ် စိုက်ပျိုးခဲ့ကြသော်လည်း ယခုအခါတွင် တောင်သူများ စိုက်ပျိုးစရိတ်များပြီး အကျိုးအမြတ်နည်းပါးခြင်း ကြောင့် စိုက်ဧကများ လျော့နည်းသွားကြောင်း၊ (နွေနှမ်း)စိုက်တောင်သူ ဒေါ်သီတာထံမှ သိရှိခဲ့ရပါသည်။

       တစ်ဧက(၄)သိန်းခန့် ကုန်ကျကြောင်း၊ တစ်ဧက အထွက်တင်းမှာ (၁၀)တင်းခန့် ထွက်ရှိပြီး၊ တစ်တင်းလျှင်ကျပ်(၆)သောင်းဖြင့် ဒေသပေါက်ဈေးဖြင့် ရောင်းချခဲ့ရပြီး အကျိုးအမြတ်ရရှိခဲ့ကြောင်း သိရှိခဲ့ရသည်။ နှမ်းဖြူ ရှစ်မြှောင့်ပတ်လည် ဂွသီးမျိုးကို တောင်သူများစိုက်ပျိုးကြောင်း၊ တစ်ဧကလျှင် နှမ်း(၂)ပြည်ခန့် ကျဲပက်ရပြီး သွင်းအားစုဝယ်ယူခ၊ အလုပ်သမားခ၊ စက်ဆီဝယ်ယူခ စုစုပေါင်း ကျပ် လေးသိန်းခန့် ကုန်ကျကြောင်း၊ အထွက်တင်းပေါင်းမှာ (၈)တင်းမှ (၁၀)တင်းထွက်ရှိပြီး ယခင်နှစ် နှမ်းဖြူတစ်တင်းလျှင် ဒေသပေါက်ဈေးကျပ်(၆၀၀၀၀)ဖြင့် ရောင်းချခဲ့ရ၍ အကျိုးအမြတ်ရရှိခဲ့ကြောင်း သိရှိရသည်။

      နှမ်းဈေးနှုန်းများအနေဖြင့် ယခင်နှစ်တွင် နှမ်းဖြူတစ်တင်းကျပ်(၆၀၀၀၀)၊ နှမ်းနက်(ရိုးရိုး) ကျပ်(၅၅၀၀၀)၊ နှမ်းနက်စမုံကျပ်(၆၀၀၀၀)၊ နှမ်းညိုတစ်တင်းကျပ်(၅၃၀၀၀)နှင့် နှမ်းနီတစ်တင်း ကျပ် (၅၄၀၀၀) ဈေးအသီးသီးဖြင့် ရောင်းချခဲ့ရပြီး ယခုလက်ရှိပထမပတ်တွင် နှမ်းဖြူ တစ်တင်း ကျပ် (၁၀၃၀၀၀)၊ နှမ်းနက်(ရိုးရိုး) ကျပ်(၈၀၀၀၀)၊ နှမ်းနက်စမုံကျပ်(၈၀၀၀၀)၊ နှမ်းညိုတစ်တင်း ကျပ် (၇၀၀၀၀)နှင့် နှမ်းနီတစ်တင်းကျပ်(၈၇၀၀၀)ဖြင့် အရောင်းအဝယ်ဖြစ်လျက်ရှိပါသည်။ သီးနှံပေါ်ချိန် ဇွန်လ နှမ်းဈေးကွက်အနေဖြင့် ယခုလက်ရှိပေါက်ဈေးအတိုင်း ဈေးနှုန်းကျဆင်းခြင်းမရှိဘဲ ရောင်းချရမည်ဆိုလျှင် စိုက်တောင်သူများ အကျိုးအမြတ်ရရှိမည်ဖြစ်ကြောင်း သိရှိရပါသည်။

          နွေနှမ်းသီးနှံစိုက်ပျိုးခြင်းဖြင့် မိသားစုစားသုံးဆီဖူလုံမှုရရှိသည့်အပြင် ဈေးကွက်ခိုင်မာမှုရှိ၍ အကျိုးအမြတ်ရရှိခြင်းကြောင့် နွေနှမ်းများကို ယခင်နှစ်ထက် တိုး၍ စိုက်ပျိုးလျက်ရှိသည်ကို တွေ့ရှိရပါသည်။

DOCA(မကွေး)

   ၁၇.၄.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

      ၁၅.၄.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

   ၁၃.၄.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-