ပြည်တွင်းကုန်သွယ်မှုသတင်း

ပဲခူးတိုင်းဒေသကြီး၊ သာယာဝတီခရီုင်၊ လက်ပံတန်းမြို့နယ်တွင် ၂၀၂၃ ခုနှစ်၊ နွေစပါးများကို စတင်ရိတ်သိမ်းနေပြီဖြစ်ပါသည်။ လက်ပံတန်းမြို့နယ်အနေဖြင့် နွေစပါးစိုက်ဧက (၁၂၈၇၀၃) ဧက စိုက်ပျိုးထားရှိရာ ကုန်ကျစရိတ်မှာ ၆၀၀၀၀၀-/ ကျပ်နီးပါးခန့်ရှိကြောင်း၊ စိုက်ပျိုးသောစပါးမျိုးများမှာ ရတနာတိုး၊ ရက်၉၀ စပါးမျိုးများကို အများဆုံးစိုက်ပျိုးကြောင်း၊ ၂၀၂၃ ခုနှစ် နွေစပါးပေါက်ဈေးမှာ ၅၀ပေါင် တင်း ၁၀၀လျှင် ၁၅၀၀၀၀၀-/ကျပ်ဈေးဖြင့် အရောင်းအဝယ်ဖြစ်လျက်ရှိကြောင်း၊ နွေဆန်သစ် တစ်အိတ်လျှင် ၅၄၀၀၀၀-/ ကျပ်ရှိပြီး စပါးဟောင်းဈေးနှုန်းမှာ ပေါင် ၅၀ တင်း ၁၀၀ လျှင် ၁၆၅၀၀၀၀-/ ကျပ်ရှိကာ ဆန်ဟောင်းဈေးနှုန်း တစ်အိတ်လျှင် ၆၅၀၀၀-/ ကျပ် ဈေးရှိကြောင်း သိရှိရသည်။

DOCA (ပဲခူး)

  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

     မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်ရှိ ရေမျက်ကျေးရွာ၌ နွေကာလတွင် ရေသွင်း၍စိုက်ပျိုးသော ငရုတ်များ အထွက်နှုန်းကောင်းကာဈေးကောင်းရရှိနေကြောင်း သိရပါသည်။

    ဆောင်းသီးနှံအနေဖြင့် ကုလားပဲ၊ နေကြာ၊ ကြက်သွန်နီ၊ ပဲတီးစိမ်း၊ ငရုတ်နှင့် ပန်းအမျိုးမျိုးတို့ကို စိုက်ပျိုးကြပြီး နွေရာသီကာလတွင် စပါး၊ နှမ်း၊ ကြက်သွန်နီနှင့် ငရုတ်တို့ကို ရေသွင်း၍ စိုက်ပျိုးကြကြောင်း၊ စိုက်ပျိုးရာတွင်ငရုတ်မျိုးစေ့များကို ပြာ၊ သဲတို့နှင့်ရောပြီး ညီညာစွာခပ်ပါးပါး ကြဲပေးရကြောင်း၊ ပျိုးပင်သက်တမ်း ရက်(၄၀)သားအရွယ်တွင် မြေပြင်စိုက်ခင်းထဲသို့ (၃)ပေခြား၍ အတန်းလိုက်စိုက်ပျိုးရကြောင်း၊ ငရုတ်ပင်သည် အစိုဓာတ်ကို ကြိုက်နှစ်သက်ပြီး ရေဝပ်ဒဏ်မခံနိုင်သည့်အတွက် ရေကို(၂)ရက်ခြားတစ်ခါသွင်း၍ ရေမဝပ်စေရန် ဂရုစိုက်ရကြောင်း၊ ရေများလျှင် အပွင့် အဖူးများ ကြွေတတ်၍ ဂရုစိုက်မှုအပေါ်မူတည်ပြီး အပင်ကြီးထွားမှုနှင့် အထွက်နှုန်း ကောင်းမွန်မှုရှိကြောင်း၊ တစ်ပတ်လျှင် (၁)ကြိမ်ခူးဆွတ်ရပြီး ခူးဆွတ်ရန်အတွက် တစ်ကြိမ်ခူးလျှင် အလုပ်သမား (၄)ဦး ခေါ်ယူရကြောင်း၊ ယခုနွေရာသီကာလတွင် မြေအောက်ရေဖြင့် ရေသွင်းစိုက်ပျိုးပြီး ငရုတ်သီး များ ထွက်ရှိချိန်တွင် (၁)ပိဿာလျှင် ကျပ်(၃၆၀၀)မှ ကျပ်(၄၀၀၀)ထိ ရောင်းချရ၍ ဈေးကောင်းရရှိနေပါကြောင်း ရေမျက်ကျေးရွာနေ ငရုတ်စိုက်တောင်သူတစ်ဦးထံမှ သိရပါသည်။

     စားဖိုဆောင်သီးနှံဖြစ်သည့် ငရုတ်ကို မင်းဘူး(စကု)မြို့နယ်အတွင်း ယခုနှစ်တွင် ငရုတ်စိုက် သီးနှံဧက (၁၅၂)ဧကထိ စိုက်ပျိုးထားကြောင်းလည်း မင်းဘူးမြို့နယ်စိုက်ပျိုးရေးဦးစီးဌာနမှ သိရှိရပါသည်။

DOCA(မကွေး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၁၇/၂၀၂၃ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

   တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။