ပြည်တွင်းကုန်သွယ်မှုသတင်း

     တောင်ငူမြို့၊ ညောင်ပင်ဈေးရှိ အသားငါးဈေးနှုန်းအခြေနေများအား လေ့လာစုံစမ်းခဲ့ရာ ၂၀၂၃ခုနှစ်၊ မတ်လ (စတုတ္ထပတ်) အတွင်း ကြက်သားတစ်ပိဿာလျှင် (ရင်အုပ်သီးသန့်) ၁၀၀၀၀ကျပ်၊ အခြမ်းလိုက်ဈေးအနေဖြင့် တစ်ပိဿာလျှင် ၉၀၀၀ကျပ်၊ ငါးကြင်းတစ်ပိဿာလျှင် ၉၀၀၀ကျပ်၊ ငါးမြင်းတစ်ပိဿာလျှင် ၈၀၀၀ကျပ်၊ ငါးကြင်းဖြူတစ်ပိဿာလျှင် အကောင်လိုက်ဈေး ၁၂၀၀၀ကျပ်၊ အမြီးလွတ်၊ ခေါင်းလွတ်အသားသီးသန့်တစ်ပိဿာလျှင် ၁၄၀၀၀ကျပ်၊ ငါးရံ့တစ်ပိဿာလျှင် ၁၄၀၀၀ ကျပ်၊ ငါးခူတစ်ပိဿာလျှင် ၁၅၀၀၀ကျပ်၊ ငါးဖယ်ခြစ်တစ်ပိဿာလျှင် ၂၀၀၀၀ကျပ်ရှိပါသည်။

  ဝက်သား (ရေလွတ်သား) သုံးထပ်သားတစ်ပိဿာလျှင် ၁၂၀၀၀ကျပ်၊ ပေါင်သားတစ်ပိဿာလျှင် ၁၄၀၀၀ ကျပ်၊ အသားသီးသန့်တစ်ပိဿာလျှင် ၁၈၀၀၀ကျပ်၊ ပုစွန်ဆိတ်တစ်ပိဿာလျှင် ၅၀၀၀ကျပ်၊ ပုစွန်အကြီးတစ်ပိဿာလျှင် ၃၆၀၀၀ကျပ်၊ အလတ်တစ်ပိဿာလျှင် ၃၀၀၀၀ကျပ်နှင့် အသေးတစ်ပိဿာလျှင် ၂၄၀၀၀ကျပ် အသီးသီးရှိပါသည်။ အသားငါးဈေးနှုန်းများအနေဖြင့် ဈေးနှုန်းအတက်/အကျမရှိဘဲ တည်ငြိမ်လျက်ရှိကြောင်း သိရှိရပါသည်။

DOCA(ပဲခူး)

    ရွှေဘိုမြို့၊ အမှတ်(၁၀)ရပ်ကွက်ရှိ ကုန်းဘောင်ဈေးတွင် ၂၀၂၃ခုနှစ်၊ မတ်လ (နောက်ဆုံးပတ်)တွင်ဖြစ်ပေါ်ခဲ့သော သစ်သီးဝလံဈေးနှုန်းများမှာ ပုပ္ပားမြို့နှင့် မတ္တရာမြို့မှထွက်ရှိသည့် မာလကာသီးတစ်လုံးလျှင် (၂၀၀)ကျပ်မှ(၃၀၀)ကျပ်ထိ၊ တောင်ကြီးမြို့နှင့်  ပြင်ဦးလွင်မြို့မှထွက်ရှိသည့် ထောပတ်သီးတစ်လုံးလျှင် (၃၀၀)ကျပ်မှ (၇၀၀)ကျပ်ထိ၊ ဒေသတွင်းနှင့် ပြင်ဦးလွင်မြို့မှ စတော်ဘယ်ရီသီးတစ်ပိဿာလျှင် (၅၀၀၀)ကျပ်မှ (၆၀၀၀)ကျပ်ထိ၊ ပန်းသီးတစ်လုံးလျှင် (၅၀၀)ကျပ်မှ (၁၅၀၀)ကျပ်ထိ၊ ပန်းသစ်တော်သီးတစ်လုံးလျှင် (၃၀၀၀)ကျပ်၊  မန္တလေးပွဲရုံများမှ မှာယူရောင်းချသည့် ပျားလိမ္မော်တစ်ပိဿာလျှင် (၆၀၀၀)ကျပ်၊ ရွှေလိမ္မော်တစ်ပိဿာလျှင် (၇၀၀၀)ကျပ်၊  ရမည်းသင်းမြို့မှထွက်ရှိသည့် စပျစ်သီး(အဝိုင်းသီး)တစ်ပိဿာလျှင် (၅၅၀၀)ကျပ်၊ အချွန်းသီးတစ်ပိဿာလျှင် (၆၅၀၀)ကျပ်၊ ဆားတောင်မြို့နှင့် ရွှေပန်းကုန်းရွာမှထွက်ရှိသည့် ငှက်ပျောသီးဖီးကြမ်းတစ်ဖီးလျှင် (၈၀၀)ကျပ်၊ ဝက်လက်မြို့၊ ရွှေကျင်ရွာမှထွက်ရှိသည့် ဖရဲသီးတစ်လုံးလျှင် (၁၅၀၀)ကျပ်မှ (၂၅၀၀)ကျပ်ထိ၊ သခွားသီးတစ်လုံးလျှင် (၅၀၀)ကျပ်မှ (၈၀၀)ကျပ်ထိ၊ ဒေသတွင်းမှထွက်ရှိသည့် သင်္ဘောသီးတစ်လုံးလျှင် (၆၀၀)ကျပ်မှ (၁၀၀၀)ကျပ်ထိ၊ ဗန်းမော်မြို့မှ မှာယူရောင်းချသည့် သစ်ကြားသီးတစ်လုံးလျှင် (၁၀၀)ကျပ်ဖြင့် အသီးသီးအရောင်းအဝယ်ဖြစ်နေကြောင်း ကုန်းဘောင်ဈေးအတွင်းရောင်းချသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

    မုံရွာမြို့၊ ချင်းတွင်းရတနာစျေး၌  ရောင်းချနေသော ပုစွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုစွန်၊ ငါးခြောက်စျေးနှုန်းများမှာ ဝင်ရောက်သည့်ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

     ယခု မတ်လ (စတုတ္ထပတ်) တွင် ရောင်းချနေသောဈေးနှုန်းများမှာ ပုစွန်ခြောက် (၁)ပိဿာလျှင် ကျပ်(၇၀၀၀၀)မှ ကျပ်(၉၀၀၀၀)ထိ၊ ငါးရံ့ခြောက်(၁)ပိဿာလျှင် ကျပ်(၅၅၀၀၀မှ ၇၀၀၀၀)ထိ၊ ငါးပုတ်လုံးခြောက်(၁)ပိဿာလျှင် ကျပ်(၁၅၀၀၀မှ ၁၇၀၀၀)ထိ၊  ငါးပုတ်သင်(၁)ပိဿာလျှင် ကျပ်(၁၄၀၀၀မှ ၁၇၀၀၀)ထိ၊ အာဗြဲခြောက်(၁)ပိဿာလျှင် ကျပ်(၂၀၀၀၀မှ ၂၂၀၀၀)ထိ၊ ငါးကျည်းခြောက်(၁)ပိဿာလျှင် ကျပ်(၃၀၀၀၀မှ ၄၀၀၀၀)ထိ၊ ငါးနီတူခြောက်(၁)ပိဿာလျှင် ကျပ်(၁၀၀၀၀မှ ၁၂၀၀၀)ထိ၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၀၀၀)ထိရှိကြောင်း ချင်းတွင်းရတနာဈေးတွင် ရောင်းချနေသော ငါးခြောက်ကုန်သည်များထံမှ သိရပါသည်။

DOCA(စစ်ကိုင်း)

    မြန်မာနိုင်ငံစက်သုံးဆီတင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက တိုင်းဒေသကြီး/ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းများကို နေ့စဉ် ထုတ်ပြန်ပေးလျက်ရှိပါသည်။

  ရွှေဘိုမြို့တွင် စက်သုံးဆီဆိုင် (၁၉)ဆိုင် ပုံမှန်ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ မတ်လ (တတိယပတ်)တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၀၂၅)ကျပ်၊ ဓာတ်ဆီ(95)တစ်လီတာလျှင် (၂၁၁၀)ကျပ်၊ ဒီဇယ်(ရိုးရိုး)တစ်လီတာလျှင် (၂၀၇၀)ကျပ်၊ ဒီဇယ်(ပရီမီယမ်)တစ်လီတာလျှင် (၂၁၅၀)ကျပ်ဖြင့် ရောင်းချလျက်ရှိကြောင်း သိရပါသည်။

    ယခု မတ်လ (နောက်ဆုံးပတ်)တွင် စက်သုံးဆီဈေးနှုန်းများမှာ ဓာတ်ဆီ(92)တစ်လီတာလျှင် (၂၂၂၀)ကျပ်၊ ဓာတ်ဆီ(95)တစ်လီတာလျှင် (၂၃၀၀)ကျပ်၊ ဒီဇယ်(ရိုးရိုး)တစ်လီတာလျှင် (၂၁၉၀)ကျပ်၊ ဒီဇယ်(ပရီမီယမ်)တစ်လီတာလျှင် (၂၂၆၀)ကျပ်ဖြင့် ရောင်းချနေသောကြောင့် ယခင်အပတ်နှင့်နှိုင်းယှဉ်လျှင် ဓာတ်ဆီ(92)တစ်လီတာလျှင် (၁၉၅)ကျပ်၊ ဓာတ်ဆီ(95) တစ်လီတာလျှင် (၁၉၀)ကျပ်၊ ဒီဇယ်(ရိုးရိုး)တစ်လီတာလျှင် (၁၂၀)ကျပ်၊ ဒီဇယ်(ပရီမီယမ်)တစ်လီတာလျှင် (၁၁၀)ကျပ်ဖြင့် ဈေးနှုန်းအသီးသီးအနည်းငယ်မြင့်တက်လျက်ရှိကြောင်း စက်သုံးဆီဆိုင်များမှ သတင်းရရှိပါသည်။

DOCA(စစ်ကိုင်း)

    အစားအစာများကို ချက်ပြုတ်/ကြော်လှော်ရာတွင် လျှပ်စစ်မီး၊ ထင်း၊ မီးသွေးများအား အသုံးပြု၍ချက်ပြုတ်ကြရာ လျှပ်စစ်မီးနှင့်ချက်ပြုတ်ရာတွင် လျင်မြန်စွာကျက်၍ မြန်ဆန်ခြင်း၊ သန့်ရှင်းခြင်း၊ အချိန်ပိုခြင်း၊ မီးသွေးနှင့်ချက်ပြုတ်ရာတွင် အသားများနူးအိ၍ အရသာရှိခြင်း၊ ချက်ပြုတ်ရာတွင် အချိန်ပေးရခြင်း၊ မီးသွေးဖြင့်ချက်ရ၍ ထမင်းအိုး၊ ဟင်းအိုးများညစ်ပေ၍ တိုက်ချွတ်ရခြင်းတို့ရှိ၍ ချက်ပြုတ်သူတချို့မှာ လျှပ်စစ်မီးနှင့်ချက်ပြုတ်ရာတွင် နှစ်ခြိုက်ကြပြီး တချို့မှာ မီးသွေးနှင့်ချက်ပြုတ်ရခြင်းကို နှစ်ခြိုက်ကြကြောင်း သိရှိရပါသည်။

       မီးသွေးကို ဟင်းများချက်ပြုတ်ရာတွင်လည်းကောင်း၊ မုန့်များဖုတ်ရာတွင်လည်းကောင်း၊ လက်ဘက်ရည်ဆိုင်များတွင်လည်းကောင်း၊ အဝတ်အစားများမီးကြွေထိုးရာတွင်လည်းကောင်း၊ ထင်းအစားထိုးမီးသွေးလောင်စာတောင့်များပြုလုပ်ရာတွင်လည်းကောင်း အသုံးပြုကြပါသည်။ မြန် မာနိုင်ငံအထက်ပိုင်းဖြစ်သည့် ကောလင်း၊ ကသာ၊ ဝန်းသိုစသည့် မြို့များတွင်လည်း မီးသွေးထွက်ရှိကြောင်း၊ ရွှေဘိုမြို့နယ်ရှိ (၁၃)မိုင်ကျေးရွာတွင်လည်း မီးသွေးလည်းထွက်ရှိကြောင်း၊ ခင်ဦးမြို့နယ်ရှိ ရွာများဖြစ်သော ကုန်းကြီးကျေးရွာ၊ ဝက်သဲကျေးရွာ၊ တမာကျေးရွာ၊ သမင်ကျကျေးရွာ၊ ရုံးပင်ရွာ စသည့်ရွာများမှလည်း မီးသွေးထွက်ရှိကြောင်း၊ ယခုရောင်းချသည့်မီးသွေးမှာ ရုံးပင်ရွာမှ ထွက်ရှိကြောင်း၊ ရုံးပင်မီးသွေးသည် ပြာမကျခြင်း၊ မီးသွေးမပေါက်ခြင်း၊ မီးသွေးသားမာ၍ ရုံးပင်မီးသွေးကို အသုံးများကြောင်း သိရှိရပါသည်။

      ရုံးပင်ရွာမှ မီးသွေးကို ကားဖြင့် အိမ်အရောက်လာရောက်၍ ပို့ကြောင်း၊ (၁)တင်းခွဲဝင် မီးသွေး (၁) အိတ်လျှင် (၅၅၀ဝိ/-)ကျပ်ဖြင့်ဝယ်ရပြီး (၆၀၀ဝိ/-)ကျပ်ဖြင့်ပြန်ရောင်းရကြောင်း၊ မီးသွေးပေါသည့်ပေါ်မူတည်၍ မီးသွေးအိတ်(၁)လုံးလျှင် (၅၀ဝိ/-)ကျပ်မှ (၁၀၀ဝိ/)ကျပ်ထိအမြတ်ရရှိကြောင်း၊  ယခုအချိန်တွင် အမြတ်များများမယူဘဲ ရောင်းချချကြောင်း သိရှိရပါသည်။

    မီးသွေးရောင်းချရာတွင် (၁) တင်းခွဲဝင်အိတ်ဖြင့်သော်လည်းကောင်း၊ မီးသွေးကို အခဲ၊ အလတ်ကွဲ၊ အကြေဟူ၍(၃)မျိုးခွဲ၍ ရောင်းချကြောင်း၊ မီးသွေး (၁) တင်းခွဲဝင်အိတ်လျှင် (၁) ပြည်ဝင်အိတ်ဖြင့်ထုတ်၍ ရောင်းချရာ (၂၄) ထုပ်ရကြောင်း၊ မီးသွေးအခဲ (၁) ပြည်ဝင်အိတ် (၁) ထုပ်လျှင် (၃၀ဝိ/-) ကျပ်၊ မီးသွေးအလတ်ကွဲ (၁) ပြည်ဝင် အိတ်(၁)ထုပ်လျှင် (၂၀ဝိ/) ကျပ်၊ မီးသွေးအကြေအိတ်ကြီး (၁)တင်းခွဲဝင် (၁)အိတ်လျှင် (၁၅၀ဝိ/-) ကျပ်ဖြစ်ပြီး မီးသွေးအကြေများကို   လောင်စာတောင့်ပြုလုပ်သောသူများကဝယ်ယူကြောင်း မီးသွေရောင်းချသည့်လုပ်ငန်းရှင်အား ဆက်သွယ်မေးမြန်းမှုအရ သိရှိရပါသည်။

DOCA(စစ်ကိုင်း)