တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။
၅.၂.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
ကလေးမြို့နယ်တွင် ငြုတ်သီးပင်များကို ၂၀၂၂ခုနှစ်၊ အောက်တိုဘာလတွင် ပျိုးထောင်ကာ နိုဝင်ဘာလတွင် စတင်စိုက်ပျိုးပြီး ၂၀၂၃ ခုနှစ်၊ ဇန်နဝါရီလတွင် သီးညှပ်ငြုတ်သီးများ စတင်သီးပြီး ဖေဖော်ဝါရီလတွင် ငြုတ်သီးများ လှိုင်လှိုင်ကောက်ယူရမည်ဖြစ်ပါသည်။ ယခင်နှစ်များက ငြုတ် တစ်ပိဿာလျင် ဖောက်သည်ဈေး ( ၁၅၀၀ - ၂၀၀၀ ) ကျပ် ဝန်းကျင်သာ ဈေးနှုန်းရှိခဲ့ပြီး ယခုနှစ်တွင် ကလေးမြို့မှ ငြုတ်သီးများ လှိုင်လှိုင်မပေါ်သေးသည့်အတွက် ငြုတ်သီးဈေးကွက်မှာ ဖောက်သည်ဈေး တစ်ပိဿာ ( ၇၀၀၀ - ၈၀၀၀ ) ကျပ် ဈေးနှုန်းသို့ ရောက်ရှိခဲ့ပြီး လက်လီဈေးကွက်တွင် တစ်ပိဿာလျင် ( ၁၀၀၀၀ ) ကျပ် ဈေးနှုန်းမြှင့်တက်မှုများ ဖြစ်ပေါ်ခဲ့ပါသည်။
ထိုကဲ့သို့ ဈေးနှုန်းမြှင့်တက်ရခြင်းမှာ ဒေသထွက် ငြုတ်သီးများ လှိုင်လှိုင်မပေါ်သေးသည့် ကာလတွင် မုံရွာ၊ မန္တလေးမြို့များမှ မှာယူရောင်းချလျက်ရှိရာ မုံရွာ - ကလေး ကားလမ်းများ ( ၁၉.၁.၂၀၂၃ ) မှ ( ၂၇.၁.၂၀၂၃ ) ရက်နေ့ထိ လမ်းပိတ်ဆို့မှုများ ဖြစ်ပေါ်နေသည့်အတွက် ဒေသတွင်း လိုအပ်ချက်များအရ ငြုတ်သီးဈေးနှုန်းများ မြှင့်တက်ရခြင်းဖြစ်ပါကြောင်း ဈေးကွက်အတွင်းမှ လေ့လာသိရှိရပါသည်။
DOCA(စစ်ကိုင်း)
စစ်ကိုင်းတိုင်းဒေသကြီး မုံရွာမြို့ရှိဈေးများတွင် ယခုရက်သတ္တပတ်အတွင်း ရွှေဘိုပေါ်ဆန်း ဆန်(ဟောင်း)(တစ်အိတ်)လျှင် ၉၀၀၀၀ကျပ်၊ ရွှေဘိုပေါ်ဆန်း(သစ်)(တစ်အိတ်)လျှင် ၆၅၀၀၀ကျပ်၊ ဧရာမင်း(ဆန်)(ဟောင်း)(တစ်အိတ်) လျှင် ၆၅၀၀၀ကျပ်၊ဧရာမင်း(ဆန်)(သစ်)(တစ်အိတ်)လျှင် ၆၀၀၀၀ ကျပ်၊ ငစိန်ဆန်(ဟောင်း) (တစ်အိတ်) လျှင် ၄၈၀၀၀ ကျပ်၊ ငစိန်ဆန်(သစ်) (တစ်အိတ်) လျှင် ၄၀၀၀၀ ကျပ်၊ ပဲဆီ(တစ်ပိဿာ)လျှင် ၁၁၉၅၀-၁၂၀၀၀ ကျပ်၊ နှမ်းဆီ (တစ်ပိဿာ)လျှင် ၁၁၀၀၀ ကျပ်၊ နေကြာ ဆီ(တစ်ပိဿာ)လျှင်၁၂၀၀၀ကျပ်၊ စားအုန်းဆီ(တစ်ပိဿာ)လျှင်၆၄၀၀-၆၄၅၀ကျပ်၊ ဆား(တစ်ပိဿာ) လျှင် ၆၀၀-၇၀၀ ကျပ်၊ ငရုတ်ခြောက် (တစ်ပိဿာ) ၁၈၀၀၀ မှ ၁၉၀၀၀ ကျပ်၊ ကြက်သွန်နီ(အသစ်) (တစ်ပိဿာ) ၂၂၀၀ မှ ၂၆၀၀ ကျပ်၊ ကြက်သွန်ဖြူ(ရှမ်းစ) (တစ်ပိဿာ) ၄၂၀၀ မှ ၄၅၀၀ ကျပ်၊ ကြက် သွန်ဖြူ (ကြူကုတ်) (တစ်ပိဿာ) ၅၃၀၀ မှ ၅၅၀၀ ကျပ်၊ အားလူး(တစ်ပိဿာ) ၂၄၀၀ မှ၂၆၀၀ ကျပ်၊ မန်ကျည်းသီးမှည့် (တစ်ပိဿာ) လျှင် ၄၃၀၀-၄၅၀၀ ကျပ်၊ နနွင်းတက် (တစ်ပိဿာ) လျှင် ၅၂၀၀-၅၃၀၀ ကျပ်၊ ခရမ်းချဉ်သီး (တစ်ပိဿာ) ၂၀၀၀ကျပ်၊ ဂေါ်ဖီထုတ်(တစ်ထုတ်)၈၀၀ကျပ်၊ ပဲသီး (ပဲထောင့်ရှည်)(တစ်စီး) ၅၀၀ ကျပ်၊ ကြက်သား(တစ်ပိဿာ)လျှင် ၁၀၀၀၀-၁၂၀၀၀ ကျပ်၊ ဝက်သား (တစ်ပိဿာ)လျှင် ၁၅၀၀၀-၁၆၀၀၀ ကျပ်၊ အမဲသား(တစ်ပိဿာ)လျှင် ၁၆၀၀၀-၁၇၀၀၀ကျပ်၊ ဆိတ်သား (တစ်ပိဿာ)လျှင် ၂၄၀၀၀-၂၆၀၀၀ ကျပ်၊ ငါးမြစ်ချင်း (တစ်ပိဿာ)လျှင် ၇၅၀၀-၈၀၀၀ကျပ်၊ ကြက်ဥ (၁)လုံးလျှင် ၂၅၀ ကျပ်၊ ဘဲဥ (၁)လုံး လျှင် ၃၀၀ ကျပ်၊ ဖရဲသီး (ကျောက်စိမ်း) (၁)လုံးလျှင် ၁၀၀၀ မှ ၁၂၀၀ ကျပ်အတွင်း အသီသီး ဈေးရှိကြောင်း သိရသည်။
ယခင်ပတ်နှင့်နှိုင်းယှဉ်ပါက ဆန်ဈေးနှုန်းများ ဈေးအနည်းငယ်တက်နေပါကြောင်း၊ ဆန် ဈေးနှုန်းတက်ရခြင်းမှာ ဆန်(အဟောင်း)များ လက်ကျန်မရှိသလောက် နည်းပါးလာခြင်း၊ စပါးထွက်ပေပြီး ယခုအချိန်သည် သိုလှောင်ထားရန် ရည်ရွယ်သူများက ဝယ်ယူသည့် အချိန်ဖြစ်ခြင်းကြောင့် စပါး/ဆန်ဈေးနှုန်းများ တက်ရခြင်း ဖြစ်ကြောင်း သိရှိရပါသည်။ ကြက်သွန်ဖြူ (ရှမ်းစ)ဈေး အနည်းငယ် တက်နေပြီး၊ မန်ကျည်းမှည့်ဈေး အနည်ငယ်ကျဆင်းနေပါသည်။ ကြက်သွန်နီ(သစ်) ဈေးနှုန်းများ အရည်အသွေးပေါ်မူတည်၍ ဈေးနှုန်းပြောင်းလဲမှု ရှိပါသည်။ ယခုအချိန်တွင် စားအုန်းဆီရည်ညွှန်း ဈေးပေါ် မူတည်၍ ဈေးနှုန်းအပြောင်းအလဲရှိပါကြောင်း ချင်းတွင်းရတနာဈေးရှိ လက်လီလက်ကား ရောင်း ဝယ်ဖောက်ကား ရောင်းချနေသော ကုန်သည်များထံမှ သိရှိရသည်။
DOCA(စစ်ကိုင်း)
စားသုံးသူရေးရာဦးစီးဌာန၊မုံရွာခရိုင်ဦးစီးရုံးမှခရိုင်ဦးစီးမှူး၊ဒုခရိုင်ဦးစီးမှူးနှင့် စစ်ဆေး ရေး အရာရှိ(၂)ဦးတို့သည် မုံရွာမြို့၊ စက်မှုဇုံရပ်ကွက်ရှိ “မြို့ညွန့်အောင်” ဝါကြိတ်စက် လုပ်ငန်းအားသွားရောက်ကွင်းဆင်းစစ်ဆေးခဲ့ပါသည်။ ထိုသို့စစ်ဆေးရာတွင် စက်ရုံ၏ကုန်ကြမ်း ရရှိမှု၊ ထုတ်လုပ်မှု၊ဈေးကွက်အခြေအနေ၊ လက်ရှိရင်ဆိုင်နေရသော အခက်အခဲများ မေးမြန်းဆွေးနွေးခဲ့ရာ လုပ်ငန်းရှင်က ယခုကာလသည် ဝါအသစ်များပေါ်ချိန်ဖြစ်၍ ချင်းတွင်းမြစ် တစ်ဖက်ကမ်းရှိ ယင်းမာပင်ခရိုင်အတွင်းရှိမြို့နယ်များမှ လာရောက်ရောင်းချကြကြောင်း လက်ရှိဈေးနှန်းများအနေဖြင့်ဝါတစ်ပိဿာလျှင် (၂၇၀၀-၂၈၀၀)ကျပ်၊ဝါဂွမ်း တစ်ပိဿာ (၆၇၀၀)ကျပ်၊ဝါစေ့ဆီတစ်ပိဿာလျှင်(၆၄၀၀)ကျပ်၊ဝါကြိတ်ဖတ်တစ်ပိဿာလျှင်(၁၀၅၀)ကျပ်နှင့်ဝါစေ့တစ်ပိဿာလျှင် (၁၁၅၀)-၁၂၀၀)ကျပ် ရှိပြီး ကြိတ်ခွဲရရှိသော ဝါဂွမ်းကို မန္တလေးမြို့ရှိ (CYT) စက်ရုံသို့တင်ပို့ရောင်းချကြောင်း ဆွေးနွေးသိရှိခဲ့ရပါသည်။
DOCA(စစ်ကိုင်း)
တမူးနယ်စပ်ကုန်သွယ်ရေးစခန်းအနေဖြင့် ၂၀၂၂-၂၀၂၃ ဘဏ္ဍာနှစ်အတွက် ကုန်သွယ်မှုလျာ ထားချက်မှာပို့ကုန်ပမာဏ အမေရိကန်ဒေါ်လာသန်းပေါင်း(၇၀.၀၀၀)၊ သွင်းကုန်ပမာဏ အမေရိကန် ဒေါ်လာသန်းပေါင်း(၃.၀၀၀)၊ စုစုပေါင်း ကုန်သွယ်မှုပမာဏ ကျပ်သန်း(၇၃.၀၀၀)ဖြစ်ပါသည်။ တမူးနယ်စပ်ကုန်သွယ်ရေးစခန်းမှ အိန္ဒိယနိုင်ငံသို့ကုန်သွယ်မှုအနေဖြင့် ၂၀၂၂ခုနှစ်၊ ဧပြီလမှ ဒီဇင်ဘာဘာလအထိ (၉)လတာကာလအတွင်း ပို့ကုန်ပမာဏ အမေရိကန်ဒေါ်လာသန်း(၇.၈၅၀)၊ သွင်းကုန်ပမာဏအမေရိကန်ဒေါ်လာသန်း(၄.၁၉၁)၊ စုစုပေါင်းကုန်သွယ်မှုပမာဏ(၁၂.၀၄၁) ဆောင်ရွက်နိုင်ခဲ့ပါသည်။ ဇန်နဝါရီလ(၂၇)ရက်နေ့အထိ ပို့ကုန်ပမာဏ အမေရိကန်ဒေါ်လာသန်း(၀.၇၁၄)၊ သွင်းကုန် ပမာဏ အမေရိကန်ဒေါ်လာသန်း(၀.၈၇၉) စုစုပေါင်းကုန်သွယ်မှုပမာဏ အမေရိကန်ဒေါ်လာသန်း (၁.၅၉၃)ဆောင်ရွက်နိုင်ခဲ့သည့်အတွက် (၁၀)လတာကာလအတွင်း စုစုပေါင်းပို့ကုန်ပမာဏ အမေရိကန်ဒေါ်လာသန်း(၈.၅၆၄)၊ သွင်းကုန်ပမာဏအမေရိကန်ဒေါ်လာသန်း(၅.၀၇၀)၊ ကုန်သွယ်မှုပမာဏ အမေရိကန်ဒေါ်လာသန်း (၁၃.၆၃၄)ဖြစ်၍ (၁)နှစ်စာလျာထားချက်အပေါ်(၁၈.၆၇၇)%ဆောင်ရွက်နိုင်ခဲ့ပြီး၊ ဧပြီလမှဇန်နဝါရီလ (၂၇)ရက်နေ့အထိ (၁၀)လတာ လျာထားချက်အပေါ် (၂၄.၄၇၈)% ဆောင်ရွက်နိုင်ခဲ့ပြီးဖြစ်ကြောင်း တမူးနယ်စပ်ကုန်သွယ်ရေးစခန်း၏ စာရင်းများအရ သိရပါသည်။
အများဆုံးပို့ကုန်များအနေဖြင့် ကွမ်းသီး၊ မက်မန်းသီး၊ မြေပဲဆံ၊ ကြက်သွန်နီ၊ နန့်ဖာလုံ ကုန်စုံ၊ ငရုတ်ကောင်းနှင့် စီးကရက်(အမျိုးမျိုး)တို့ဖြစ်ပြီး သွင်းကုန်များအနေဖြင့် ဓါတ်မြေဩဇာနှင့် ဆံပင်တို့ ဖြစ်ကြောင်း သိရပါသည်။
တမူးကုန်သွယ်ရေးစခန်းအနေဖြင့် ကုန်သွယ်ရေးဦးစီးဌာန(ရုံးချုပ်)၏ ညွှန်ကြားချက်များနှင့်အညီ ကုန်သွယ်မှုတွင် ကြုံတွေနေရသော အခက်အခဲများအား ကုန်သွယ်ရေးဦးစီးဌာန(ရုံးချုပ်)တို့ အချိန်နှင့်တပြေးညီတင်ပြခြင်း၊ ဒေသအာဏာပိုင်အဖွဲ့အစည်းများ၊ ဆက်စပ်ဌာနဆိုင်ရာများ၊ OSS ဌာနဆိုင်ရာများ၊ ကုန်သည်အသင်းအဖွဲ့များ၊ ကုမ္ပဏီလုပ်ငန်းများနှင့် ပေါင်းစပ်ညှိနှိုင်း ဆောင်ရွက်ပေးခြင်းများဖြင့် ကုန်သွယ်မှု လျင်မြန်ချောမွေ့စေရေးနှင့်ကုန်သွယ်မှုလျာထားချက် ပြည့်မှီစေရေး ဆောင်ရွက်လျက်ရှိကြောင်း သိရှိရပါသည်။
DOCA(စစ်ကိုင်း)
တနင်္သာရီတိုင်းဒေသကြီးသည် ရော်ဘာ၊ ကွမ်းသီးများကို အဓိကထားစိုက်ပျိုးလျက်ရှိသည့် တိုင်းဒေသကြီးဖြစ်ပါသည်။ ရော်ဘာစိုက်ပျိုးသည့်ဧရိယာမှာ (၃၄၉၁၂၁)ဧက၊ အစေးလှီးဧရိယာမှာ (၁၉၃၂၇၅)ဧက၊ အထွက်နှုန်းမှာ (၄၉၉.၉၉)ပေါင်ရှိပြီး တစ်နှစ်စာပျမ်းမျှအထွက်တန်မှာ (၄၃၈၃၄) မက်ထရစ်တန်ရှိကြောင်းသိရှိရပါသည်။
မှိုင်းခံရော်ဘာတွင် RSS-1၊ RSS-2၊ RSS-3၊ RSS-4၊ RSS-5 ဟူ၍ အဆင့်သတ်မှတ်ချက်(၅ )မျိုးရှိပါသည်။ ယခုလက်ရှိ၌ တနင်္သာရီတိုင်းဒေသကြီးအတွင်းတွင် RSS-3 နှင့် RSS-5 ( ၂ ) မျိုးသာ အဓိကအရောင်းအဝယ်ဖြစ်လျက်ရှိပါသည်။
ယခုအပတ်တွင် ရော်ဘာစျေးနှုန်းမှာ RSS-3 တစ်ပေါင်လျှင် ၁၄၅၀ ကျပ်နှုန်း၊ RSS-5 တစ်ပေါင်လျှင် ၁၃၅ဝ ကျပ်နှုန်းပေါက်ဈေးရှိပြီး RSS-3 သည် RSS-5 ထက် အပြစ်အနာ အဆာကင်းသောကြောင့် ဈေးကောင်းပိုရလျက်ရှိကြောင်းသိရှိရပါသည်။ တနင်္သာရီတိုင်းဒေသကြီး ထားဝယ်တွင် ရော်ဘာစျေးနှုန်းအနေဖြင့် တောင်သူများတွက်ခြေကိုက်လျက်ရှိသောကြောင့် ရော်ဘာအစေးခြစ်လုပ်ငန်းများကို လုပ်ကိုင်လျက်ရှိပြီး ယခင်အပတ်နှင့်နှိုင်းယှဉ်ပါက စျေးနှုန်းမြင့်တက်လျက်ရှိ၍ ရော်ဘာကို ကော့သောင်းနှင့် ထိုင်းဖက်သို့ အများဆုံးတင်ပို့လျက်ရှိကြောင်းသိရှိရပြီး ယခုအခါသယ်ယူပို့ဆောင်ခမှာ ထားဝယ်မှကော့သောင်းသို့ (ကားခ) တစ်တန်လျှင် (၁၈၀၀၀၀−၂၀၀၀၀၀)ကျပ်နှုန်းရှိကြောင်းစုံစမ်းသိရှိရပါသည်။
DOCA(တနင်္သာရီ)
စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ကလေး၊ ကသာ၊ ကန့်ဘလူနှင့်ရွှေဘို ခရိုင်များအနေဖြင့် ကလေးခရိုင်နှင့် မုံရွာခရိုင်တို့တွင် စပါး/ဆန်ဈေး အနည်းငယ်တက်နေပြီး၊ ကျန်ခရိုင် များတွင် ဈေးအေးနေကြောင်း သိရပါသည်။ စပါး/ဆန်ဈေးနှုန်းတက် ရခြင်းမှာ စပါး၊ ဆန်(အဟောင်း)များ လက်ကျန်မရှိသလောက် နည်းပါးလာခြင်း၊ စပါးထွက်ပေါ်ပြီး ယခု အချိန်သည် သိုလှောင်ထားရန် ရည်ရွယ် သူများက ဝယ်ယူသည့် အချိန်ဖြစ်ခြင်းကြောင့် စပါး/ဆန်ဈေးနှုန်းများ တက်ရခြင်း ဖြစ်ကြောင်း သိရှိရ ပါသည်။
စစ်ကိုင်းတိုင်းဒေသကြီးအတွင်း ဒီဇင်ဘာလ(နောက်ဆုံး)ပတ်တွင် ဖြစ်ပေါ်နေသော စပါး/ဆန် ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) (ဟောင်း) တင်း၁၀၀လျှင် ကျပ်(၂၆၀၀၀၀၀)၊ ပေါ်ဆန်း (ဆန်) (ဟောင်း) ၂၄ ပြည်ပါ တစ်အိတ်လျှင်ကျပ် ၉၀၀၀၀၊ ရွှေဘိုပေါ်ဆန်း(စပါး) (သစ်) တင်း ၁၀၀လျှင် ကျပ်(၂၀၀၀၀၀၀)၊ ပေါ်ဆန်း(ဆန်)(သစ်)၊ ၂၄ ပြည်ပါ တစ်အိတ်လျှင်ကျပ် ၆၅၀၀၀၊ ဧရာမင်း (ဆန်) (ဟောင်း) ၂၄ ပြည်ပါ တစ်အိတ် ကျပ် ၆၅၀၀၀၊ ဧရာမင်း(စပါး)(သစ်) တင်း ၁၀၀လျှင် ၁၅၀၀၀၀၀၊ ဧရာမင်း (ဆန်) (သစ်) ၂၄ ပြည်ပါ တစ် အိတ် ကျပ် ၆၀၀၀၀၊ ရေဦးမြို့မှ ပေါ်ဆန်း (စပါး)(သစ်) တင်း ၁၀၀လျှင် ကျပ် ၁၈၅၀၀၀၀၊ ပေါ်ဆန်း (ဆန်) (သစ်) တစ်အိတ်လျှင်ကျပ် ၆၃၀၀၀၊ ဧရာမင်း (စပါး)(သစ်) တင်း ၁၀၀ လျှင် ၁၄၀၀၀၀၀၊ ဧရာမင်း (ဆန်)(သစ်)၂၄ ပြည် ပါ တစ်အိတ် ၅၆၀၀၀ ကျပ်များဖြင့် အရောင်း အဝယ်ဖြစ်နေကြောင်း သိရပါသည်။
ကလေးခရိုင်၊ ကလေးမြို့နယ်မှ ဧည့်မထ(စပါး)(ဟောင်း) တင်း၁၀၀ လျှင် ၁၂၅၀၀၀၀၊ ဧည့်မထ (ဆန်)(ဟောင်း) ၂၄ ပြည်ပါတစ်အိတ်မှာ ကျပ် ၅၀၀၀၀၊ ဧည့်မထ(စပါး)(သစ်) တင်း၁၀၀ လျှင် ၁၁၀၀၀၀၀၊ ဧည့်မထ(ဆန်)(သစ်) ၂၄ ပြည်ပါ တစ်အိတ်မှာ ကျပ် ၄၅၀၀၀၊ ငစိန်(စပါး)(ဟောင်း)တင်း ၁၀၀ လျှင် ၁၁၀၀၀၀၀ ၊ ငစိန်(ဆန်)(ဟောင်း)၂၄ပြည်ပါ တစ် အိတ်မှာ ၄၈၀၀၀၊ ငစိန်(စပါး)(သစ်)တင်း ၁၀၀ လျှင် ၁၁၀၀၀၀၀ ၊ ငစိန်(ဆန်)(သစ်)၂၄ပြည်ပါ တစ် အိတ်မှာ ၄၈၀၀၀၊ ဧရာမင်း (စပါး)(ဟောင်း) တင်း ၁၀၀ လျှင် ကျပ် ၁၅၀၀၀၀၀၊ ဧရာမင်း(ဆန်)(ဟောင်း)၂၄ပြည်ပါ တစ်အိတ် မှာကျပ် ၆၅၀၀၀၊ ဧရာမင်း (စပါး)(သစ်) တင်း ၁၀၀ လျှင် ကျပ် ၁၃၀၀၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ် ၅၅၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။
ကသာခရိုင်၊ အင်းတော်မြို့နယ်မှ မှော်ဘီ(၂)(စပါး)(သစ်) တင်း ၁၀၀ လျှင် ကျပ်၁၀၀၀၀၀၀၊ မှော်ဘီ(၂)(သစ်) ဆန် ၂၄ပြည် တစ်အိတ် လျှင် ကျပ် ၅၀၀၀၀၊ ဆင်းဧကရီ(၃)(စပါး) (သစ်) တင်း၁၀၀ လျှင် ကျပ် ၈၅၀၀၀၀၊ ဆင်းဧကရီ-၃(သစ်) ဆန် ၂၄ပြည်တစ်အိတ်မှာကျပ် ၄၀၀၀၀၊ ဧရာမင်း (စပါး) (သစ်)တင်း ၁၀၀ လျှင် ကျပ် ၁၂၀၀၀၀၀၊ ဧရာမင်း(ဆန်)(သစ်) ၂၄ ပြည်ဆန်တစ်အိတ်လျှင် ကျပ် ၅၅၀၀၀ ဖြင့် အရောင်း အဝယ်ဖြစ်နေကြောင်း သိရပါသည်။
မုံရွာခရိုင်၊ မုံရွာမြို့တွင် ဧရာမင်း(စပါး)(ဟောင်း) တင်း ၁၀၀ လျှင် ကျပ် ၁၈၀၀၀၀၀၊ ဧရာမင်း (ဆန်)(ဟောင်း) ၂၄ပြည် တစ်အိတ်မှာ ကျပ် ၇၀၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၁၇၀၀၀၀၀၊ ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၆၈၀၀၀၊ ပေါ်ဆန်း(စပါး) (ဟောင်း)တင်း ၁၀၀လျှင် ကျပ် ၂၃၀၀၀၀၀၊ ပေါ်ဆန်း(ဆန်)(ဟောင်း) ၂၄ပြည် တစ်အိတ်လျှင် ကျပ် ၈၅၀၀၀၊ ပေါ်ဆန်း (စပါး) (သစ်) တင်း ၁၀၀ လျှင် ကျပ် ၂၁၀၀၀၀၀၊ ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၇၀၀၀၀၊ မနောသုခ (စပါး)(ဟောင်း)တင်း ၁၀၀လျှင် ကျပ် ၁၂၀၀၀၀၀၊ မနောသုခ (ဆန်)(ဟောင်း)၂၄ ပြည် တစ်အိတ်လျှင် ကျပ်၄၄၀၀၀၊ မနောသုခ(စပါး)(သစ်) တင်း ၁၀၀လျှင် ကျပ် ၁၁၅၀၀၀၀၊ မနောသုခ (ဆန်)(သစ်)၂၄ ပြည် တစ်အိတ်လျှင် ကျပ်၄၁၀၀၀ ဖြင့် အရောင်းအဝယ် ဖြစ်နေကြောင်း သိရပါ သည်။
ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)(သစ်)တင်း ၁၀၀ လျှင် ကျပ် ၁၄၀၀၀၀၀၊ ဧရာ မင်း(ဆန်)(သစ်)၂၄ပြည် တစ်အိတ်မှာ ကျပ် ၆၀၀၀၀၊ ပေါ်ဆန်း(စပါး)(သစ်) တင်း ၁၀၀လျှင် ကျပ် ၂၀၀၀၀၀၀၊ ပေါ်ဆန်း (ဆန်)(သစ်) ၂၄ပြည် တစ်အိတ်လျှင် ကျပ် ၇၀၀၀၀ ဖြင့် အရောင်းအဝယ် ဖြစ်နေ ကြောင်း သိရပါသည်။
စစ်ကိုင်းတိုင်းဒေသကြီးမှအခြားတိုင်းဒေသကြီးများသို့ ဆန်စီးထွက်မှုမှာ ဇန်နဝါရီလ(စတုတ္တ)ပတ် တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၄၀၀၀၊ မန္တလေး သို့ အိတ်ရေ ၇၀၀၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၁၅၀၀၊ ရှမ်း (တောင်)သို့ အိတ်ရေ ၁၀၅၀၀၊ ရှမ်း(မြောက်)သို့အိတ်ရေ ၁၀၅၀၀၊ ကချင်သို့ အိတ်ရေ ၂၀၀၀၊ စုစု ပေါင်းအိတ်ရေ (၁၄၉၅၀၀)အိတ်၊ တန်အားဖြင့် (၇၄၇၅)စီးထွက်ခဲ့ပြီး၊ ယခုဇန်နဝါရီလ (နောက်ဆုံး) ပတ် တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၉၀၀၀၊ မန္တလေး သို့ အိတ်ရေ ၇၈၅၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၃၀၀၀၊ ရှမ်း (တောင်)သို့ အိတ်ရေ ၁၀၅၀၀၊ ရှမ်း(မြောက်)သို့အိတ်ရေ ၁၀၅၀၀၊ ကချင်သို့ အိတ်ရေ ၈၀၀၀၊ စုစုပေါင်းအိတ်ရေ (၁၆၀၅၀၀)အိတ်၊ တန်အားဖြင့် (၈၀၂၅)စီးထွက်ခဲ့သည့်အတွက် ယခင်ပတ်နှင့် နှိုင်းယှဉ် လျှင် ယခုပတ်တွင် အိတ်ရေ (၁၁၀၀၀) တန်အားဖြင့် (၅၅၀) ပိုမိုစီးထွက်ခဲ့ပါကြောင်း သိရှိရပါသည်။
DOCA(စစ်ကိုင်း)
စပါးစိုက်ပျိုးသူတောင်သူများ၏ လူနေမှုဘဝမြှင့်တင်မှုကို အထောက်အကူပြုနိုင်ရန်၊ ဒေသတွင်း ဝမ်းစာဖူလုံရေးအတွက် အထွက်နှုန်းကောင်းသောစပါးမျိုးများ စိုက်ပျိုးထုတ်လုပ်နိုင်ရေး ခေတ်မီစက်ကိရိယာများဖြင့် ဆောင်ရွက်နိုင်ရန်၊ ခိုင်မာမှုရှိသော စပါးဈေးကွက်ဖြစ်ပေါ်စေရန်၊ စပါးသီးနှံစိုက်ပျိုးထုတ်လုပ်သည့် တောင်သူများအား ပွဲစား၊ ကုန်သည်များ၏ ဈေးနှုန်းထိန်းချုပ်မှုမခံရစေဘဲ ထိုက်သင့်သည့်ဈေးနှုန်းများရရှိစေရန်၊ စိုက်ပျိုးထုတ်လုပ်ရာတွင် ဖြစ်ပေါ်လာသောအခက်အခဲများ၊ လိုအပ်ချက်များကို သက်ဆိုင်သည့်အဖွဲ့အစည်းများနှင့် ချိတ်ဆက်ပေးနိုင်ရန်၊ အသင်းဝင်တစ်ဦးချင်းသော်လည်းကောင်း၊ အများနှင့်သော်လည်းကောင်း ဖြစ်ပေါ်လာသောပြဿနာများကို ဥပဒေနှင့်အညီ တရားမျှတစွာ ဝိုင်းဝန်းကူညီဖြေရှင်းပေးနိုင်ရန်ရည်ရွယ်၍ ထားဝယ်ခရိုင် စပါးစိုက်ပျိုးထုတ်လုပ်သူများနှင့် လယ်ယာဝန်ဆောင်မှုအသင်း(ယာယီ)ကို (၂၇-၁-၂၀၂၃)ရက်နေ့တွင်လည်းကောင်း၊ မြိတ်ခရိုင် စပါးစိုက်ပျိုးထုတ်လုပ်သူများနှင့် လယ်ယာဝန်ဆောင်မှု အသင်း(ယာယီ)ကို (၁၀-၁-၂၀၂၃) ရက်နေ့တွင်လည်းကောင်း ဖွဲ့စည်းခဲ့ပြီးဖြစ်ကြောင်းသိရှိရပါသည်။
DOCA(တနင်္သာရီ)
တနင်္သာရီတိုင်းဒေသကြီးသည် ကွမ်းသီးပင်များကို အများဆုံးစိုက်ပျိုးသောတိုင်းဒေသကြီးဖြစ်ပါသည်၊၊ ကွမ်းသီးတွင် ကွမ်းသီးအလုံးစျေးနှင့် ကွမ်းသီးခွဲခြမ်းစျေးဟူ၍ စျေးနှုန်း (၂)မျိုးရှိပါ သည်။ တနင်္သာရီတိုင်းဒေသကြီးတွင် ကွမ်းသီးအလုံးတစ်ပိဿာလျှင် (၄၀၀ဝိ/-)ကျပ်နှုန်းရှိပြီး ကွမ်းသီးခွဲခြမ်းတစ်ပိဿာလျှင် (၄၀၀ဝိ/-)ကျပ်နှုန်းပေါက်ဈေးရှိကြောင်းသိရှိရပြီး၊ ရန်ကုန်တိုင်းဒေသကြီးတွင် ကွမ်းသီးခွဲခြမ်းတစ်ပိဿာလျှင် (၄၄၀ဝိ/-)ကျပ်နှုန်းပေါက်စျေးရှိကြောင်းသိရှိရပါသည်။
ယခုအချိန်သည် ကွမ်းသီးအများဆုံးထွက်ရှိနေပြီး ကွမ်းသီးလုပ်ငန်းများကို ပုံမှန်လုပ်ကိုင်လျက်ရှိရာ ယခင်အပတ်နှင့် ယခုအပတ်စျေးနှုန်းနှိုင်းယှဉ်လျှင် ဈေးနှုန်းတည်ငြိမ်လျက်ရှိကြောင်း သိရှိရပါသည်၊၊ တနင်္သာရီတိုင်းဒေသကြီးအတွင်းရှိ မြို့နယ်များ၊ ကျေးရွာများမှထွက်ရှိသော ဒေသထွက်ကွမ်းသီးများကို ရန်ကုန်မြို့သို့တင်ပို့လျက်ရှိရာ ၂၀၂၃ ခုနှစ် ဖေဖော်ဝါရီလ(၁)ရက်နေ့အထိ ၁၂၉၀၂၂၁၇ ပိဿာတင်ပို့ခဲ့ရာ ထားဝယ်မှ ရန်ကုန်သို့ သယ်ယူပို့ဆောင်ခမှာ တစ်ပိဿာလျှင် (၁၀ဝိ/-)ကျပ်နှုန်းရှိကြောင်း ကုန်သည်တစ်ဦးထံမှသိရှိရပါသည်။
DOCA(တနင်္သာရီ)
