ပြည်တွင်းကုန်သွယ်မှုသတင်း

     မြေပဲဆန်များသည် ယခု မတ်လ (တတိယပတ်) တွင် ဈေးငြိမ်နေပြီး မြေပဲလုံးဆံဈေးအနည်းငယ်ကျလာခဲ့ပါသည်။ ပြည်ဈေးကွက်သို့ ကံမ၊ မင်းတုန်း၊ ပေါက်ခေါင်းနှင့် ရွှေတောင်ဘက်မှ ဆောင်းမြေပဲများဝင်ရောက်မှုရှိပြီး တစ်နေ့လျှင် အဝင် အိတ်(၆၀၀/၇၀၀)အိတ်ခန့်ဝင်ရောက်လျက်ရှိပါသည်။ မြေပဲလုံးဆံကို နယ်ဘက်မှအဝယ်ရှိသကဲ့သို့ ရန်ကုန်ဘက်မှလည်းအဝယ်ရှိသဖြင့် တစ်နေ့လျှင် အိတ်(၅၀၀/၆၀၀)ခန့်အရောင်းအဝယ်ဖြစ်လျက်ရှိပါသည်။ မြေပဲဆီဆံကို မြို့တွင်းဆီစက်သမားများက ဝယ်ယူမှုရှိ၍ အရောင်းအဝယ်ဖြစ်သည့်အပြင် လုံးဆန်(အဖြူ)ကို မြဝတီမှတစ်ဆင့် ယိုးဒယားသို့တင်ပို့ပြီး လုံးဆံ(အနီ)ကို မြို့တွင်းရှိ ပဲကြော်သမားများကအဝယ်ရှိသဖြင့် အရောင်းအဝယ်ဖြစ်လျက်ရှိပါသည်။ ယခုအပတ်၌ မြေပဲဆန်ဈေးမှာ ဆီဆံ(အဖြူ)တစ်ပိဿာလျှင် (၅၈၀၀) ကျပ်၊ ဆီဆံ(အနီ)တစ်ပိဿာလျှင် (၆၈၀၀)ကျပ်ဖြင့် ယခင်အပတ်ကအတိုင်းဈေးငြိမ်နေပြီး လုံးဆံ(အဖြူ)တစ်ပိဿာလျှင် (၆၂၀၀)ကျပ်၊ လုံးဆံ(အနီ)တစ်ပိဿာလျှင် (၇၀၀၀)ကျပ်ဖြင့် ယခင်အပတ်ထက် ဈေးများအနည်းငယ်ကျဆင်းလာသော်လည်း အရောင်းအဝယ်ဖြစ်လျက်ရှိပါကြောင်း သိရှိရပါသည်။

DOCA(ပဲခူး)

    ရွှေတောင်မြို့နယ်၊ ဆည်ကြီးကုန်းအုပ်စု၊ ကြက်ဖြူတောင်ကျေးရွာတွင် ရုံးပတီသီးများကိုစိုက်ပျိုးထားရှိပြီး ရုံးပတီသီးမျိုးမှာ ကျောက်စိမ်းမျိုးဖြစ်၍ စိုက်ပျိုးသည့်ဧကမှာ (၀.၂၅)ဧကစိုက်ပျိုးကြောင်း၊ ရုံးပတီသီးကို နတ်တော်လတွင်စတင်စိုက်ပျိုးပြီး တပေါင်းလတွင် အသီးများစတင်ခူးဆွတ်ရပါကြောင်း၊ ရုံးပတီပင်ကိုစိုက်ပျိုးရာတွင် သင့်တင့်သောမြေတွင် ဖြစ်ထွန်း၍ စီးပွားဖြစ်စိုက်ပျိုးမည်ဆိုပါက မြေဩဇာများကျွေးပေးရန်လိုအပ်ပါကြောင်း၊ ရုံးပတီပင်သည် ပူနွေးသောရာသီဥတုကိုကြိုက်နှစ်သက်၍ အေးသောရာသီဥတုကိုကြိုက်နှစ်သက်မှုမရှိပါကြောင်း၊ ရုံးပတီပင်စိုက်ပျိုးရာတွင် မြောင်းအရှည်အတောင်(၈၀)ခန့်ရှိပြီး တစ်မြောင်းနှင့်တစ်မြောင်းလျှင် (၂)တောင်ခြား၍စိုက်ပျိုးပြီး မြောင်းတစ်မြောင်းတွင် အပင်(၁၀၀)ခန့်စိုက်ပျိုးနိုင်ပါသည်။ ရုံးပတီသီးကို ပန်းပွင့်ပြီး တစ်ပတ်ခန့်အကြာတွင် ဆွတ်ခူးရပြီး တစ်ရက်ခြားတစ်ခါခူးဆွတ်ပေးရပါကြောင်း၊ ရာသီဥတုပူပြင်းလျှင် အရင့်မြန်သောကြောင့် နေ့စဉ်ခူးဆွတ်ပေးရသည်ဟု သိရှိရပါသည်။ တစ်ခါခူးဆွတ်လျှင် အသီးတောင့်(၃၀၀၀)ခန့်ရရှိပါကြောင်း၊ စိုက်ပျိုးသောမျိုးနည်းစနစ်နှင့် ပြုစုမှုပေါ်မူတည်၍ တစ်ဧကလျှင် ရုံးပတီသီးပိဿာပေါင်း (၁၀၀၀)ခန့်ထွက်ရှိနိုင်ပါကြောင်း၊ ရုံးပတီသီး (၀.၂၅) ဧကအတွက် စိုက်ပျိုးထုတ်လုပ်ကုန်ကျစရိတ်မှာ (၁၇၅၀၀၀) ကျပ်ခန့်ကုန်ကျကြောင်း သိရှိရပါသည်။

DOCA(ပဲခူး)

     ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်အတွင်း ယခုနှစ်၌ သံပရာစိုက်တောင်သူများမှာ  ဈေးကောင်းရလျက်ရှိပါသည်။ ဇီးကုန်းမြို့နယ်တွင် သံပရာသီးသီးနှံအား နေရာအနှံ့စိုက်ပျိုးကြပြီး မယင်းအုပ်စု၊ မယင်းကျေးရွာတွင် ဧက (၅၀) ခန့်ဖြင့် အများဆုံးစိုက်ပျိုးလျက်ရှိပါသည် ။ လွန်ခဲ့သော နှစ်ပေါင်း (၄၀၀) ခန့်မှစတင်ကာ စီးပွားဖြစ်စိုက်ပျိုးနေသောခြံစိုက်တောင်သူများဖြစ်ပြီး ဝက်ကော်ချောင်းအား အမှီပြု၍ သံပရာခြံလုပ်ငန်း၊ မိရိုးဖလာခမောက်ချုပ်လုပ်ငန်း၊ ဒေသတွင်း ကိုယ်ပိုင်လုပ်ငန်းများဖြင့် မိသားစုဝင်ငွေပိုလျှံပြီး အဆင်ပြေနေကြောင်း စိုက်ပျိုးရေး၊ မွေးမြူရေးနှင့် ကုန်ထုတ်လုပ်ငန်းများဖွံ့ဖြိုးတိုးတက်စေရေးအတွက် ကျေးရွာများသို့ ကွင်းဆင်းဟောပြောရာတွင် ဒေသခံတောင်သူများ၏ပြောကြားချက်အရ သိရှိရပါသည် ။

       တစ်ဧကလျှင် အပင် (၂၀၀-၃၀၀) ခန့်စိုက်ပျိုးနိုင်ပြီး ဒေသမျိုးများကိုသာစိုက်ပျိုးကြောင်း သိရှိရပါသည်။ သံပရာသီးကို ရန်ကုန်၊  ပြည်ဒိုင်များမှ ကျေးရွာအရောက် လာရောက်ဝယ်ယူကြပြီး နွေရာသီတွင် ခူးဆွတ်ကြကာ တစ်ဧကလျှင် တစ်ကြိမ်ခူးသည့်အလုံးရေ ငါးသောင်းခန့်နှင့် ၁လုံးလျှင် ရောင်းရငွေ (၃၀-၃၅) ကျပ်နှုန်းရရှိသောကြောင့် တစ်နှစ်ဝင်‌ငွေမှာ ၄၅သိန်းခန့်ရရှိကြောင်း၊ နွေရာသီရေတင်စရိတ်နှင့် မိုးရာသီအပင်သစ်စိုက်ပျိုးခ၊ ပေါင်းရှင်း၊ မြေသြဇာကျွေးခြင်းအတွက် နှစ်ပတ်လည်လုပ်သားခမှာ ၅သိန်းခန့်ကုန်ကျပြီး တစ်ဧကအကျိုးအမြတ်မှာ သိန်း ၄၀ခန့်ရရှိသဖြင့် တောင်သူများအကျိုးဖြစ်ထွန်းလျက်ရှိကြောင်း သိရှိရပါသည်။

DOCA(ပဲခူး)

    မုံရွာကုန်စည်ဒိုင်တွင် ပဲအမျိုးအစားအလိုက် ဈေးနှုန်းများမှာ ယခင်နှစ်၏ကာလတူဈေးထက် ယခုနှစ်၌ ပဲမျိုးစုံ၊ အစေ့ထုတ်ပြောင်းနှင့် နှမ်းမျိုးစုံဈေးနှုန်းများ ဈေးပိုကောင်းလျက်ရှိပါကြောင်း မုံရွာကုန်စည်ဒိုင်၏ဈေးနှုန်းသတင်းများအရ သိရပါသည်။

မတ်ပဲ

      ယခင်နှစ် မတ်လ (စတုတ္ထပတ်) တွင် ပဲတစ်တင်းလျှင် ကျပ်၄၇၂၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၅၅၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းခန့်ပိုမိုခဲ့ပါသည်။ တစ်ရက်လျှင် အိတ်ရေ ၂၅ အိတ်မှ ၃၀ အိတ်ခန့် အရောင်းအဝယ်ဖြစ်နေကြောင်း သိရပါသည်။

ပဲစင်းငုံ

      ယခင်နှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၄၄၃၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၇၄၅၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်သုံးသောင်းကျော်ပိုမိုခဲ့သည်။ တစ်ရက်လျှင် အိတ်ရေ ၂၅ အိတ်မှ ၃၀ အိတ်ခန့်အရောင်းအဝယ်ဖြစ်နေကြောင်း သိရပါသည်။

ပဲတီစိမ်း

       ယခင်နှစ်၏ မတ်လ (စတုတ္ထပတ်)တွင် ပဲတစ်တင်းလျှင် ကျပ်၃၆၀၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၆၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်သုံးသောင်းပိုမိုခဲ့သည်။ တစ်ရက်လျှင် အိတ်ရေ  ၂၅အိတ်မှ ၃၀အိတ်ခန့် အရောင်းအဝယ်ဖြစ်နေကြောင်း သိရပါသည်။

ကုလားပဲ

      ယခင်နှစ်၏ မတ်လ (စတုတ္ထပတ်) တွင် ကုလားပဲဖြူလုံးကြီးတစ်တင်းလျှင် ကျပ်၄၃၅၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၉၀၀၀၊ 929  တစ်တင်းလျှင် ကျပ်၄၁၈၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၈၅၀၀၊ ထိုင်ဝမ်တစ်တင်းလျှင် ကျပ်၄၁၅၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၈၃၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းခွဲကျော်ပိုမိုခဲ့သည်။ တစ်ရက်လျှင် အိတ်ရေ ၄၀အိတ်မှ ၅၀အိတ်ခန့် အရောင်းအဝယ်ဖြစ်နေကြောင်း သိရပါသည်။

စွန်တာနီ/ပြာ

      ယခင်နှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၄၁၆၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်)တွင် ပဲတစ်တင်းလျှင် ကျပ်၄၅၅၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်လေးထောင်ခန့်ပိုမိုခဲ့ပါသည်။ တစ်ရက်လျှင် အိတ်ရေ ၂၅အိတ်မှ ၃၀အိတ်ခန့် အရောင်းအဝယ်ဖြစ်နေကြောင်း သိရပါသည်။

ထောပတ်ပဲ

      ယခင်နှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၃၉၅၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၇၉၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် လေးသောင်းခန့်ပိုမိုခဲ့ပါသည်။ တစ်ရက်လျှင် အိတ်ရေ ၂၀အိတ်မှ ၂၅အိတ်ခန့် အရောင်းအဝယ်ဖြစ်နေကြောင်း သိရပါသည်။

အစေ့ထုတ်ပြောင်း

     ယခင်နှစ်၏ မတ်လ (စတုတ္ထပတ်) တွင် ပြောင်းတစ်တင်းလျှင် ကျပ်၁၇၄၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပြောင်းတစ်တင်းလျှင် ကျပ်၁၉၉၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်ထောင့်ငါးရာပိုမိုခဲ့ပါသည်။ တစ်ရက်လျှင် အိတ်ရေ ၂၀အိတ်မှ ၃၀အိတ်ခန့် အရောင်အဝယ်ဖြစ်နေကြောင်း သိရပါသည်။

မြေပဲဆံသီးနှံ

    ယခင်နှစ်၏ မတ်လ (စတုတ္ထပတ်) တွင် မြေပဲဆံနီတစ်ပိဿာလျှင် ကျပ်၃၄၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်)တွင် တစ်ပိဿာလျှင် ကျပ်၇၀၅၀၊ မြေပဲဆံဖြူတစ်ပိဿာလျှင် ကျပ် ၃၇၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် တစ်ပိဿာလျှင် ကျပ်၆၄၀၀ဖြစ်၍ တစ်ပိဿာလျှင် ကျပ်နှစ်ထောင်ကျော်မှ သုံးထောင်ကျော်အထိပိုမိုခဲ့သည်။ တစ်ရက်လျှင် အိတ်ရေ ၂၀အိတ်မှ ၃၀အိတ်ခန့် အရောင်းအဝယ်ဖြစ်နေကြောင်း သိရပါသည်။

နှမ်းမျိုးစုံသီးနှံ

     ယခင်နှစ်၏ မတ်လ (စတုတ္ထပတ်) တွင် နှမ်းနက်တစ်တင်းလျှင် ကျပ်၇၆၀၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် တစ်တင်းလျှင် ကျပ်၉၆၀၀၀၊ နှမ်းဖြူတစ်တင်းလျှင် ကျပ်၅၈၀၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် တစ်တင်းလျှင် ကျပ်၁၀၆၀၀၀၊ နှမ်းညိုတစ်တင်းလျှင် ကျပ် ၅၂၀၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် တစ်တင်းလျှင် ကျပ်၈၃၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းမှ ငါးသောင်းခန့်အထိပိုမိုခဲ့သည်။ တစ်ရက်လျှင် အိတ်ရေ ၃၀အိတ်မှ ၄၀အိတ်ခန့် အရောင်းအဝယ်ဖြစ်နေကြောင်း မုံရွာကုန်စည်ဒိုင်၏ဈေးနှုန်များစာရင်း အရ သိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၏ ဆန်ပိုဒေသများဖြစ်သော ကလေး၊ ကသာ၊ ကန့်ဘလူနှင့် ရွှေဘိုခရိုင်များအနေဖြင့် ရွှေဘိုခရိုင်နှင့် ကသာခရိုင်တို့တွင် စပါးဈေး အနည်းငယ်တက်နေပါကြောင်း၊ ကန့်ဘလူခရိုင်တွင် ဧရာမင်းဆန်ဈေးအနည်းငယ်တက်နေပါကြောင်းနှင့် ကျန်ခရိုင်များတွင် ဈေးအေးနေကြောင်း သိရ ပါသည်။

      စစ်ကိုင်းတိုင်းဒေသကြီးအတွင်း  ၂၀၂၃ခုနှစ်၊ မတ်လ(စတုတ္ထပတ်)တွင်ဖြစ်ပေါ်နေသော စပါး/ဆန်ဈေးနှန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း(စပါး)(သစ်)တင်း၁၀၀လျှင် ကျပ်(၂၁၅၀၀၀၀)၊ ပေါ်ဆန်း(ဆန်)(သစ်)၂၄ပြည်ပါတစ်အိတ်လျှင် (၈၀၀၀၀)ကျပ်၊ ဧရာမင်း(စပါး)(သစ်)တင်း၁၀၀လျှင် ကျပ်(၁၇၀၀၀၀၀)၊  ဧရာမင်း(ဆန်)(သစ်) ၂၄ ပြည်ပါတစ်အိတ်လျှင် ကျပ် ၆၅၀၀၀ တို့ဖြင့် အရောင်းအဝယ်ဖြစ်နေကြောင်း သိရပါသည်။

      ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်) တင်း၁၀၀လျှင် ကျပ်၂၁၀၀၀၀၀၊ ပေါ်ဆန်း(ဆန်)(သစ်)တစ်အိတ်လျှင် ကျပ်၇၀၀၀၀၊  ဧရာမင်း(စပါး)(သစ်) တင်း၁၀၀လျှင် ၁၆၀၀၀၀၀၊ ဧရာမင်း (ဆန်)(သစ်)၂၄ပြည်ပါတစ်အိတ်လျှင်  ၆၀၀၀၀ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

    ကလေးခရိုင်၊ ကလေးမြို့နယ်မှ ဧည့်မထ(စပါး)(သစ်)တင်း၁၀၀လျှင် ကျပ်၁၄၀၀၀၀၀၊ ဧည့်မထ(ဆန်)(သစ်)‌၂၄ပြည်ပါတစ်အိတ်လျှင် ကျပ်၅၀၀၀၀၊ ငစိန်(စပါး)(သစ်)တင်း၁၀၀လျှင် ကျပ်၁၃၀၀၀၀၀၊ ငစိန် (ဆန်)(သစ်)၂၄ပြည်ပါတစ်အိတ်လျှင် ကျပ်၄၅၀၀၀၊ ဧရာမင်း(စပါး)(သစ်)တင်း၁၀၀လျှင် ကျပ် ၁၆၀၀၀၀၀၊ ဧရာမင်း(ဆန်)(သစ်)၂၄ပြည်ပါတစ်အိတ်လျှင် ကျပ်၆၀၀၀၀ဖြင့် အရောင်းအဝယ်ဖြစ်နေကြောင်း သိရပါသည်။

      ကသာခရိုင်၊ အင်းတော်မြို့နယ်မှ မှော်ဘီ(၂)(စပါး)(သစ်)တင်း၁၀၀လျှင် ကျပ်၁၂၅၀၀၀၀၊ မှော်ဘီ(၂)(သစ်)ဆန်၂၄ပြည်ပါတစ်အိတ်လျှင် ကျပ်၆၀၀၀၀၊ ဆင်းဧကရီ(၃)(စပါး)(သစ်)တင်း၁၀၀လျှင် ကျပ်၁၂၅၀၀၀၀၊ ဆင်းဧကရီ-၃(သစ်)ဆန်၂၄ပြည်ပါတစ်အိတ်လျှင် ကျပ်၆၀၀၀၀၊ ဧရာမင်း(စပါး) (သစ်)တင်း ၁၀၀လျှင် ကျပ်၁၅၅၀၀၀၀၊ ဧရာမင်း(ဆန်)(သစ်)၂၄ ပြည်ပါဆန်တစ်အိတ်လျှင် ကျပ်၇၅၀၀၀တို့ ဖြင့် အရောင်းအဝယ်ဖြစ်နေကြောင်း သိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း၁၀၀လျှင် ကျပ် ၁၈၀၀၀၀၀၊  ဧရာမင်း(ဆန်)(သစ်)၂၄ပြည်ပါတစ်အိတ်လျှင် ကျပ်၇၀၀၀၀၊ ပေါ်ဆန်း(စပါး)(သစ်)တင်း၁၀၀လျှင် ကျပ်၂၁၀၀၀၀၀၊  ဧရာမင်း(ဆန်)(သစ်)၂၄ပြည်ပါတစ်အိတ်လျှင် ကျပ်၇၅၀၀၀၊ မနောသုခ(စပါး)(သစ်)တင်း၁၀၀လျှင် ကျပ် ၁၃၀၀၀၀၀၊ မနောသုခ(ဆန်)(သစ်)၂၄ပြည်ပါတစ်အိတ်လျှင် ကျပ်၅၆၀၀၀ တို့ဖြင့် အရောင်းအဝယ်ဖြစ်နေကြောင်း သိရပါသည်။

      ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)(သစ်)တင်း၁၀၀လျှင် ကျပ်၁၆၀၀၀၀၀၊  ဧရာ မင်း(ဆန်)(သစ်)၂၄ပြည်ပါတစ်အိတ်လျှင် ကျပ်၇၀၀၀၀၊ ပေါ်ဆန်း(စပါး)(သစ်)တင်း၁၀၀လျှင် ကျပ် ၂၀၀၀၀၀၀၊ ပေါ်ဆန်း(ဆန်)(သစ်)၂၄ပြည်ပါတစ်အိတ်လျှင် ကျပ်၇၀၀၀၀ တို့ဖြင့် အရောင်းအဝယ်ဖြစ်နေကြောင်း သိရပါသည်။

       စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ မတ်လ (စတုတ္တပတ်)တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၈၀၀၀အိတ်၊ မန္တလေးသို့ အိတ်ရေ ၆၀၂၀၀အိတ်၊ မကွေးသို့ အိတ်ရေ ၆၀၀အိတ်၊ နေပြည်တော်သို့ အိတ်ရေ ၁၀၀၀၀အိတ်၊ ရှမ်း(တောင်)သို့ အိတ်ရေ ၉၀၀၀အိတ်၊ ရှမ်း(မြောက်)သို့ အိတ်ရေ ၉၀၀၀အိတ်၊ ကချင်သို့ အိတ်ရေ ၁၀၀၀၀အိတ်၊ စုစုပေါင်းအိတ်ရေ (၁၃၆၈၀၀)အိတ်၊ တန်အားဖြင့် (၆၈၄၀)တန်စီးထွက်ခဲ့ပြီး ယခု မတ်လ (စတုတ္ထပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၀၀၀၀အိတ်၊ မန္တလေးသို့ အိတ်ရေ ၇၉၂၈၀အိတ်၊ မကွေးသို့ အိတ်ရေ ၆၀၀အိတ်၊ နေပြည်တော်သို့ အိတ်ရေ ၁၀၀၀၀အိတ်၊ ရှမ်း(တောင်)သို့ အိတ်ရေ ၈၅၀၀အိတ်၊ ရှမ်း(မြောက်)သို့ အိတ်ရေ ၈၅၀၀အိတ်၊ ကချင်သို့ အိတ်ရေ ၁၅၀၀၀အိတ်၊ စုစုပေါင်းအိတ်ရေ (၁၆၁၈၈၀)အိတ်၊ တန်အားဖြင့် (၈၀၉၄)တန်စီးထွက်ခဲ့သည့်အတွက် ယခင်ပတ်နှင့်နှိုင်းယှဉ်လျှင် ယခုပတ်တွင် အိတ်ရေ (၂၅၀၈၀)အိတ်၊ တန်အားဖြင့် (၁၂၅၄)တန်ပိုမိုစီးထွက်ခဲ့ပါကြောင်း သိရှိရပါသည်။  

DOCA(စစ်ကိုင်း)