ပြည်တွင်းကုန်သွယ်မှုသတင်း

( ၂၇.၁၀.၂၀၂၂ ) ရက်နေ့တွင် ကလေးမြို့နယ် ၊ မြို့သာရပ်ကွက်မှ ဆန်စက်အသင်း ဥက္ကဌဦးဆွေဝင်း ရွှေတော်ဝင်ဆန်စက်သို့ သွားရောက်၍ ကလေးခရိုင်ရုံးမှ ဒေါ်စန္ဒာမွန် (ဒု-ဉီးစီးမှူး) ဒေါ်ဇင်မိုးဝါ(ကြီး/ရေး) တို့တွေ့ဆုံခဲ့ပါသည်။ တွေ့ဆုံဆွေးနွေးရာ ၁၀/၂၀၂၂လ အတွင်းတွင် စပါးကြိတ်ခွဲမှုအနေဖြင့် ဆန်စက်တစ်ချို့ တစ်ဝက်သာ ကြိတ်ခွဲနိုင်ပြီး ဆန်ရောင်းဝယ်မှုများ အနေဖြင့်လည်း အခြားဒေသများသို့ ရောင်းချရမှုများမရှိဘဲ ဒေသတွင်းစားဆန်များသာ ရောင်းချရလျှက်ရှိပါကြောင်း၊ စပါးဈေးဆန်ဈေးနှုန်းများမှာ ယခုလအတွင်းတွင် ဈေးနှုန်းတည်ငြိမ်လျှက်ရှိပါ ကြောင်း၊ ယခင်နှစ် ( ၁၀/၂၀၂၁ ) လတွင် ဧည့်စပါး ( ၁၆ ) ပြည်တစ်တင်းလျှင် ( ၈၉၀၀)ကျပ်၊ ငစိန်စပါး ( ၁၆ ) ပြည်တစ်တင်းလျှင် ( ၇၈၀၀ ) ကျပ်၊ ဧရာမင်းစပါး ( ၁၆ ) ပြည်တစ်တင်းလျှင် (၁၀၀၀၀) ကျပ်၊ ဧည့်ဆန်( ၂၄ ) ပြည်တစ်အိတ်လျှင် ( ၃၀၀၀၀ ) ကျပ်၊ ငစိန်ဆန် ( ၂၄ ) ပြည်တစ်အိတ်လျှင် ( ၂၈၀၀၀ ) ကျပ်၊ ဧရာမင်းဆန် ( ၂၄ ) ပြည်တစ်အိတ်လျှင် ( ၃၉၀၀၀ ) ကျပ် ပေါက်ဈေးနှုန်းသာရှိခဲ့ပြီး ယခုနှစ်တွင် စပါး၊ဆန်ပေါက်ဈေးနှုန်းများအနေဖြင့် ဧည့်စပါး ( ၁၆ ) ပြည်တစ်တင်းလျှင် ( ၁၀၅၀၀ ) ကျပ်၊ ငစိန်စပါး ( ၁၆ ) ပြည်တစ်တင်းလျှင် (၉၅၀၀) ကျပ်၊ ဧရာမင်းစပါး ( ၁၆ ) ပြည်တစ်တင်းလျှင် ( ၁၃၅၀၀ ) ကျပ်၊ ဆန်ဈေးနှုန်းများမှာ ဧည့်ဆန် ( ၂၄ ) ပြည်တစ်အိတ်လျှင် ( ၄၄၀၀၀ ) ကျပ်၊ ငစိန်ဆန် ( ၂၄ ) ပြည်တစ်အိတ်လျှင် (၄၀၀၀၀) ကျပ်၊ ဧရာမင်းဆန် ( ၂၄ ) ပြည်တစ်အိတ်လျှင် (၅၅၀၀၀) ကျပ် ပေါက်ဈေးနှုန်းများရှိပြီး ယခင်နှစ်နှင့် ယခုနှစ်နှိုင်းယှဉ်ပါက စပါးဈေးနှုန်း၊ ဆန်ဈေးနှုန်းများ ဈေးနှုန်းကွာဟမှုများရှိပါကြောင်း ယခင်နှစ်များက ချင်းတောင်ဒေသ၊ မုံရွာ၊ မန္တလေးမြို့များသို့ ဆန်တင်ပို့မှုများရှိခဲ့သော်လည်း ယခုနှစ်လမ်းအခြေအနေများကြောင့် တင်ပို့ရမှုများမရှိပါကြောင်း ဆန်စက်အသင်းဥက္ကဌ ဦးဆွေဝင်းထံမှသိရှိရပါသည်။
DOCA(စစ်ကိုင်း)

၂၀၂၂-ခုနှစ် အောက်တိုဘာလ နောက်ဆုံးပတ်အတွင်း ကသာမြို့နယ်၊ သီရိခေမာဈေးအတွင်း ရောင်းချလျက်ရှိသော အခြေခံစားသောက်ကုန်ပစ္စည်းများမှာ ဧရာမင်းဆန်တစ်ပြည်(၂၆၀၀)ကျပ်၊ မှော်ဘီဆန်တစ်ပြည် (၂၀၀၀)ကျပ်နှင့် ချင်း-၃ဆန်တစ်ပြည် (၁၈၀၀)ကျပ်၊ စားသုံးဆီဈေးနှုန်းမှာ မြေပဲ ဆီတစ်ပိဿာ (၁၃၀၀၀)ကျပ်နှင့် စားအုန်းဆီတစ်ပိဿာ(၉၀၀၀)ကျပ် ရှိကြောင်း သိရသည်။
စားဖိုဆောင်သီးနှံ လက်လီဈေးနှုန်းများမှာ ကြက်သွန်နီ(ကြီး) တစ်ပိဿာ (၄၂၀၀)ကျပ်၊ (လတ်) (၄၀၀၀)ကျပ်နှင့် (သေး)တစ်ပိဿာ(၃၇၀၀)ကျပ်၊ ကြက်သွန်ဖြူ(ကြီး) တစ်ပိဿာ(၅၀၀၀)ကျပ်၊ (သေး) တစ်ပိဿာ(၃၈၀၀)ကျပ်၊ အာလူးတစ်ပိဿာ(၂၈၀၀)ကျပ်၊ ခရမ်းချဉ်သီးတစ်ပိဿာ(၄၀၀၀)ကျပ်၊ ကုလားပဲတစ်ပိဿာ(၅၂၀၀)ကျပ်၊ ပဲနီလေးတစ်ပိဿာ(၇၀၀၀)ကျပ်ဖြင့် ရောင်းချလျက်ရှိသည်။ အသား /ငါး ဈေးနှုန်းများမှာ ကြက်သား(CP) တစ်ပိဿာ (၁၀၀၀၀)ကျပ်၊ ဝက်သားတစ်ပိသာ (၁၆၀၀၀) ကျပ်၊ အမဲသားတစ်ပိဿာ(၁၅၀၀၀)ကျပ်၊ ဆိတ်သားတစ်ပိဿာ (၂၄၀၀၀)ကျပ်နှင့် ငါးကြင်းတစ်ပိဿာ (၇၀၀၀)ကျပ်ရှိပြီး ကသာမြို့ဈေးအတွင်း ရောင်းချလျက်ရှိသော အခြေခံစားသောက်ကုန်ဈေးနှုန်းများ မှာ အောက်တိုဘာလတတိယပတ်နှင့် ဈေးနှုန်းနှိုင်းယှဉ်ကြည့်ပါက နောက်ဆုံးပတ်၌ ဈေးနှုန်းအတက်/ အကျဘဲ တည်ငြိမ်လျက်ရှိကြောင်း သိရှိရသည်။
DOCA(စစ်ကိုင်း)

ကလေးမြို့ပေါ်တွင် အောက်တိုဘာလအတွင်း၌ ဈေးနှုန်းများမှာ ဧည့်မထစပါး ( ၁ ) တင်းလျှင် ( ၁၀၅၀၀ ) ကျပ်၊ ငစိန်စပါး ( ၁ ) တင်းလျှင် ( ၉၅၀၀ ) ကျပ်၊ ဧရာမင်းစပါး ( ၁ ) တင်းလျှင် ( ၁၃၅၀၀ ) ကျပ်၊ ဧည့်မထဆန် ( ၂၄ ) ပြည် ( ၁ ) အိတ်လျှင် ( ၄၄၀၀၀ ) ကျပ်၊ ငစိန်ဆန် ( ၂၄ ) ပြည် ( ၁ ) အိတ်လျှင် ( ၄၀၀၀၀ ) ကျပ်၊ ဧရာမင်းဆန် ( ၂၄ ) ပြည် ( ၁ ) အိတ်လျှင် ( ၅၅၀၀၀ ) ကျပ်၊ ပဲဆီ ( ၁ ) ပိဿာလျှင် ( ၁၂၀၀၀ ) ကျပ်၊ နှမ်းဆီ ( ၁ ) ပိဿာလျှင် ( ၁၀၀၀၀ ) ကျပ်၊ နေကြာဆီ ( ၁ ) ပိဿာလျှင် ( ၁၁၀၀၀ ) ကျပ်၊ စားအုန်းဆီ တစ်ပိဿာလျှင် ( ၈၅၀၀ ) ကျပ်၊ ကြက်သွန်နီ ( ဒေသထွက် ) တစ်ပိဿာလျှင် ( ၄၂၀၀ ) ကျပ်၊ ကြက်သွန်နီ ( မုံရွာ ) တစ်ပိဿာလျှင် ( ၄၂၀၀ ) ကျပ်၊ ကြက်သွန်ဖြူ ( ရှမ်း ) တစ်ပိဿာလျှင် ( ၄၀၀၀ ) ကျပ်၊ ကြက်သွန်ဖြူ ( ကြူကုတ် ) တစ်ပိဿာလျှင် ( ၆၀၀၀ ) ကျပ်၊ ဂျင်းတက် တစ်ပိဿာလျှင် ( ၁၈၀၀ ) ကျပ်၊ ဆားတစ်ပိဿာလျှင် ( ၇၀၀ ) ကျပ်၊ ကုလားပဲ တစ်ပိဿာလျှင် ( ၅၅၀၀ ) ကျပ်၊ ငရုတ်ခြောက်ရှည် တစ်ပိဿာလျှင် ( ၂၂၀၀၀ ) ကျပ်၊ ငရုတ်ခြောက်ပု တစ်ပိဿာလျှင် ( ၂၅၀၀၀ ) ကျပ်၊ အာလူး တစ်ပိဿာလျှင် ( ၃၀၀၀ ) ကျပ်၊ မန်ကျည်းသီး ( အစေ့လွတ် ) တစ်ပိဿာလျှင် ( ၆၀၀၀ ) ကျပ်၊ ကြက်သား တစ်ပိဿာလျှင် ( ၁၁၀၀၀ ) ကျပ်၊ ဝက်သား တစ်ပိဿာလျှင် ( ၁၄၀၀၀ ) ကျပ်၊ အမဲသား တစ်ပိဿာလျှင် ( ၁၅၀၀၀ ) ကျပ်၊ ဆိတ်သား တစ်ပိဿာလျှင် ( ၂၄၀၀၀ ) ကျပ်၊ ငါးကြင်း တစ်ပိဿာလျှင် ( ၁၂၀၀၀ ) ကျပ် ပေါက်ဈေးနှုန်းများဖြင့် ဈေးကွက်အတွင်း ရောင်းချလျက်ရှိပါသည်။
ယခုလအတွင်းတွင် အခြေခံစားသောက်ကုန်ဈေးနှုန်းများမှာ ထူးခြားမြှင့်တက်မှုများ မရှိဘဲ ဈေးနှုန်းတည်ငြိမ်လျက်ရှိပါကြောင်းနှင့် ယခင်လနှင့် ယခုလ နှိုင်းယှဉ်မည်ဆိုပါက နှမ်းဆီ တစ်ပိဿာလျှင် ( ၁၀၀၀ ) ကျပ်၊ ငရုတ်ခြောက်(ရှည်) တစ်ပိဿာလျှင် ( ၆၀၀၀ ) ကျပ်၊ ငရုတ်ခြောက်(ပု) တစ်ပိဿာလျှင် ( ၃၀၀၀ ) ကျပ် ဈေးနှုန်းများဖြင့် အနည်းငယ်ဈေးနှုန်း မြှင့်တက်ခဲ့ကြောင်း ဈေးကွက်အတွင်းမှ စုံစမ်းသိရှိရပါသည်။
DOCA(စစ်ကိုင်း)

ရွှေဘိုခရိုင်အတွင်းရှိ မြို့နယ်များ၌ အောက်တိုဘာလ ‌နောက်ဆုံးပတ်တွင် စပါး /ဆန် ဈေးနှုန်းမှာ တည်ငြိမ်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ အောက်တိုဘာလ တတိယပတ်တွင် ရန်ကုန်သို့ အိတ်ရေ ၃၄၅၀၀ ၊ မန္တလေးသို့ အိတ်ရေ၄၆၀၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း(တောင်)သို့ အိတ်ရေ ၁၀၀၀၀၊ ရှမ်း(မြောက်)သို့ အိတ်ရေ ၉၅၀၀၊ ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၁၃၀၀၀၊ တန်အားဖြင့် ၅၆၅၀တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြား တိုင်းဒေသ ကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၇၀၀၀၊ မန္တလေးသို့ အိတ်ရေ ၄၇၆၀၀၊ နေပြည်တော်သို့ အိတ်ရေ၁၂၀၀၀ ၊ ရှမ်း(တောင်)သို့ အိတ်ရေ၉၅၀၀ ၊ ရှမ်း(မြောက်)သို့ အိတ်ရေ ၉၅၀၀၊ပခုက္ကူသို့ အိတ်ရေ ၁၀၀၀ ၊ စုစုပေါင်းအိတ်ရေ ၁၁၆၆၀၀ ၊ တန်အားဖြင့် ၅၈၃၀တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်လျင် ယခုအပတ်အတွင်း အိတ်ရေ ၃၆၀၀၊ တန်အားဖြင့် ၁၈၀တန် ပို၍ စီးထွက်ခဲ့ပါသည်။
ရွှေဘိုမြို့၏ အောက်တိုဘာလ နောက်ဆုံးပတ်တွင် ဖြစ်ပေါ်နေသော စပါး/ဆန် ဈေးနှုန်း များမှာ ရွှေဘိုပေါ်ဆန်းစပါး တင်း၁၀၀လျှင် ကျပ်၂၃၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၈၅၀၀၀၊ ဧရာမင်းစပါး တင်း၁၀၀လျင် ကျပ်၁၄၅၀၀၀၀၊ ဧရာမင်းဆန် ၂၄ပြည်ပါတစ်အိတ်လျှင် ကျပ် ၆၅၀၀၀၊ ၂၀၂၁-၂၀၂၂ခုနှစ်ထွက် နွေစပါး ရွှေဝါထွန်းစပါး တင်း၁၀၀လျှင် ကျပ် ၁၁၀၀၀၀၀၊ ‌ရွှေဝါထွန်းဆန် ၂၄ပြည်ပါ တစ်အိတ်လျှင် ကျပ် ၄၃၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။
DOCA(စစ်ကိုင်း)

    မကွေးမြို့၊ မြို့မစျေး၌  ရောင်းချနေသော ပုဇွန်ခြောက်၊ ငါးခြောက်များမှာ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုဇွန်၊ ငါးခြောက်စျေးနှုန်းများမှာ ဝင်ရောက်သည့် ဒေသအ‌ပေါ်မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

      ပုဇွန်ခြောက် (၁)ပိဿာလျှင် ကျပ်(၇၀၀၀၀)မှ ကျပ်(၈၀၀၀၀)အတွင်း၊ ငါးရံ့ခြောက် (၁)ပိဿာ လျှင် ကျပ်(၅၅၀၀၀မှ ၆၀၀၀၀)အတွင်း ၊ ငါးပုတ်လုံးခြောက်(၁)ပိဿာလျှင် ကျပ်(၁၄၀၀၀မှ ၁၆၀၀၀ိ) အတွင်း ၊ ရွှေဒင်္ဂါးခြောက် (၁)ပိဿာလျှင် ကျပ်(၁၄၀၀၀မှ ၁၆၀၀၀)အတွင်း အာပြဲခြောက်(၁)ပိဿာလျှင် ကျပ်(၂၂၀၀၀မှ ၂၄၀၀၀)အတွင်း၊ ငါးကျည်းခြောက်(၁)ပိဿာလျှင် ကျပ်(၃၀၀၀၀မှ ၃၂၀၀၀)အတွင်း၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၄၀၀၀မှ ၁၆၀၀၀)အတွင်းရှိကြောင်း စျေးကွက်အတွင်း ကွင်းဆင်းစုံစမ်းမေးမြန်းမှုအရ သိရပါသည်။

DOCA(မကွေး)