ပြည်တွင်းကုန်သွယ်မှုသတင်း

‌     အောင်လံကုန်စည်ဒိုင်တွင် နှမ်းဈေးကွက်အနေဖြင့် ယခင်အပတ်(၁၅-၃-၂၀၂၃)ရက်နေ့တွင် နှမ်းနက်(စမုံ)(၄၅)ပိဿာဝင်(၁)အိတ်လျှင် ကျပ်(၂၅၀၀၀၀)ဖြစ်ခဲ့ပြီး ယခုအပတ် (၂၁-၃-၂၀၂၃) ရက်နေ့တွင်လည်း ကျပ် (၂၅၀၀၀၀)ဖြစ်နေကြောင်း၊ နှမ်းဖြူတစ်အိတ်လျှင် ယခင်အပတ်တွင် ကျပ်(၂၆၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၂၆၀၀၀၀)ဖြစ်နေကြောင်း၊ နှမ်းပြာတစ်အိတ်လျှင် ယခင်အပတ်တွင် ကျပ်(၂၃၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၂၃၀၀၀၀)ဖြစ်နေကြောင်း၊ နှမ်းနီတစ်အိတ်လျှင် ယခင်အပတ်တွင် ကျပ် (၂၆၀၀၀၀) ဖြစ်ခဲ့ပြီး ယခုအပတ်တွင်လည်း ကျပ်(၂၆၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမဏအနေဖြင့် (၄၅) ပိဿာဝင်အိတ်ဖြင့် နှမ်းနက်(စမုံ)(၃၈၀)အိတ်၊ နှမ်းပြာ(၁၇၀)အိတ်၊ နှမ်းဖြူ(၈၅)အိတ်နှင့် နှမ်းနီ(၁၂၅)အိတ်တို့ အရောင်းအဝယ်ရှိခဲ့ကြောင်း ကုန်သည်များထံမှ သိရှိရပါသည်။

  ပဲမျိုးစုံဈေးကွက်တွင် ပဲစင်းငုံ(နီ)(၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၇၀၂၀၀)ဖြစ်ခဲ့ပြီး ယခုအပတ်တွင် ကျပ်(၇၅၅၀၀)ဖြစ်၍ ကျပ်(၅၃၀၀)ဈေးမြှင့်ခဲ့ကြောင်း၊ မတ်ပဲတစ်တင်းလျှင် ယခင်အပတ်တွင် ကျပ်(၆၂၀၀၀)ဖြစ်ခဲ့ပြီး ယခုအပတ်တွင် ကျပ်(၆၄၅၀၀)ဖြစ်၍ ကျပ်(၂၅၀၀)ဈေးမြှင့်ခဲ့ကြောင်း၊ ကုလားပဲ (HL) တစ်တင်းနှင့် ကုလားပဲ(မြကြေး)တစ်တင်းလျှင်  ယခင်အပတ်တွင် ကျပ်(၇၁၅၀၀)ဖြစ်ခဲ့ပြီး ယခုအပတ်တွင် ကျပ်(၇၄၅၀၀)ဖြစ်၍ ကျပ်(၃၀၀၀)စီဈေးမြှင့်ခဲ့ကြောင်း၊ ဘိုကိတ်ပြာတစ်တင်းလျှင် ယခင်အပတ်တွင် ကျပ်(၄၄၀၀၀) ဖြစ်ခဲ့ပြီး ယခုအပတ်တွင် ကျပ်(၄၅၀၀၀)ဖြစ်၍ ကျပ်(၁၀၀၀)ဈေးမြှင့်ခဲ့ကြောင်း၊ ပဲကြီးတစ်တင်းလျှင် ယခင်အပတ် တွင် ကျပ်(၈၁၀၀၀)ဖြစ်ခဲ့ပြီး ယခုအပတ်တွင် ကျပ်(၈၃၀၀၀)ဖြစ်၍ ကျပ်(၂၀၀၀)စသည်ဖြင့် အသီးသီးဈေးမြှင့်ခဲ့ပါသည်။  အရောင်းအဝယ်ပမာဏအနေဖြင့် (၃၀) ပိဿာဝင်အိတ်ဖြင့် ပဲစင်းငုံ(နီ)(၂၂၀၀)အိတ်၊ မတ်ပဲ(၃၀၀)အိတ်၊ ကုလားပဲ (HL) (၁၃၅၀)အိတ်၊ ကုလားပဲ(မြကြေး)(၉၀၀)အိတ်၊ ဘိုကိတ်ပြာ(၁၈၀)အိတ်နှင့် ပဲကြီး(၄၈၀)အိတ်တို့ အရောင်းအဝယ်ရှိခဲ့ကြောင်း သိရှိရပါသည်။

      မြေပဲလုံးဆံ(နီ)တစ်ပိဿာလျှင် ယခင်အပတ်တွင် ကျပ်(၇၀၀၀)ဖြစ်ခဲ့ပြီး ယခုအပတ်တွင် ကျပ်(၇၀၇၅)ဖြစ်၍ ကျပ်(၇၅)ဈေးမြှင့်ခဲ့ကြောင်း၊ မြေပဲလုံးဆံ(ဖြူ)တစ်ပိဿာလျှင်  ယခင်အပတ်တွင် ကျပ်(၅၉၀၀)ဖြစ်ခဲ့ပြီး ယခုအပတ်တွင် ကျပ်(၆၁၀၀)ဖြစ်၍ ကျပ်(၂၀၀) ဈေးမြှင့်ခဲ့ကြောင်း၊ မြေပဲတောင့်အစို(၁)တင်းလျှင် ယခင်အပတ်တွင် ကျပ်(၂၂၀၀၀)ဖြစ်ခဲ့ပြီး ယခုအပတ်တွင် ကျပ်(၂၃၀၀၀)ဖြစ်၍ ကျပ်(၁၀၀၀) စသည်ဖြင့် အသီးသီးဈေးမြှင့်ခဲ့ပါသည်။ အရောင်းအဝယ်ပမာဏအနေဖြင့် (၃၀)ပိဿာဝင်အိတ်ဖြင့် မြေပဲလုံးဆံ(နီ)(၃၂၀)အိတ်၊ မြေပဲလုံးဆံ(ဖြူ)(၄၅၀)အိတ်နှင့် မြေပဲတောင့်အစိုတင်း(၃၂၀၀)ခန့် အရောင်းအဝယ်ရှိခဲ့ကြောင်း သိရှိခဲ့ရပါသည်။

  ဝါသီးနှံဈေးကွက်တွင်လည်း (၁)ပိဿာလျှင် ယခင်အပတ်တွင်ကျပ်(၃၂၀၀)ဖြစ်ခဲ့ပြီး ယခုအပတ်တွင် ကျပ်(၃၁၀၀)ဖြစ်၍ ကျပ်(၁၀၀)ဈေးလျော့ခဲ့ပြီး ဝါပိဿာချိန်(၂၂၀၀၀)ခန့်အရောင်းအဝယ်ရှိခဲ့ပါကြောင်း၊ နှမ်းသီးနှံ၊ ပဲမျိုးစုံနှင့် ဝါသီးနှံတို့အား မန္တလေးမြို့သို့တင်ပို့ရောင်းချလျက်ရှိပါကြောင်းနှင့် ဘိုကိတ်ပြာကို ရန်ကုန်မြို့သို့တင်ပို့ရပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

      မုံရွာမြို့တွင် စားဖိုဆောင်သီးနှံဖြစ်သော ငရုတ်သီးကို ဒေသတွင်း လက်လီ/လက်ကားသမားများဖြင့်သာ အရောင်းအဝယ်ပုံမှန်ဖြစ်လျက်ရှိပါသည်။ ငရုတ်သီးခြောက်ကို မုံရွာမြို့ရှိ ပွဲရုံများမှ တစ်ဆင့်ဈေးများ၊ ကုန်စုံဆိုင်များ၊ ကျေးရွာများသို့ လက်လီ/လက်ကားရောင်းချကြောင်း သိရှိရပါသည်။ မုံရွာမြို့တွင်စိုက်ပျိုးသော မိုးမျှော်ငရုတ်သီးခြောက်ဈေးမှာ ယခင်ဖေဖော်ဝါရီလတွင် ပွဲရုံလက်ကားဈေး တစ်ပိဿာလျှင် ကျပ် ၁၈၀၀၀၊ လက်လီဈေးမှာ တစ်ပိဿာလျှင် ကျပ် ၂၀၀၀၀-၂၁၀၀၀မှ  ယခု မတ်လစတုတ္ထအပတ်တွင် ပွဲရုံလက်ကားဈေး တစ်ပိဿာလျှင် ကျပ် ၁၄၀၀၀၊ လက်လီဈေးမှာ တစ်ပိဿာလျှင် ကျပ် ၁၅၀၀၀-၁၆၀၀၀ အထိ ဈေးနှုန်းကျဆင်းပြီး  အရောင်းအဝယ်ဖြစ်လျက်ရှိကြောင်း ငရုတ်စိုက်တောင်သူများထံမှ သိရပါသည်။  

DOCA(စစ်ကိုင်း)                                    

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် စားအုန်းဆီ ကမ္ဘာ့ဈေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံနှင့် အင်ဒိုနီးရှားနိုင်ငံတို့တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကား ရည်ညွှန်းဈေးနှုန်းကို ထုတ်ပြန်ပေးလျက်ရှိပါသည်။

     ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့်ဈေးနှုန်းဖြစ်ပေါ်မှုများအရ ၂၀၂၃ ခုနှစ်၊ မတ်လ ၂၈ ရက်နေ့ မှ ဧပြီလ ၂ ရက်နေ့ အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ၄၄၄၀ ကျပ်ဖြစ်ကြောင်း ထုတ်ပြန်ကြေညာထားပါသည်။

     ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူ ဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။

     အဆိုပါ အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန ၏ Website: www.doca.gov.mm၊  Facebook Page  နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။

    မကွေးတိုင်းဒေသကြီး၊ မြို့သစ်မြို့နယ်၊ သဲကန်ကျေးရွာသည် အိမ်ခြေ(၁၄၀)ခန့်ရှိပြီး တောင်သူများအနေဖြင့် နှစ်စဉ် စပါး၊ ကြက်သွန် နီနှင့် ကုလားပဲတို့ကို အဓိကစိုက်ပျိုးကြကြောင်း၊ တောင်သူ(၉၀)ဦးက ကုလားပဲဧက(၄၀)ခန့်စိုက်ပျိုးထားရှိပြီး ကုလားပဲ(HL)နှင့် ပဲလုံးကြီး(တာပွန်)မျိုးများစိုက်ပျိုးထားကြောင်း သိရပါသည်။

     ကုလားပဲစိုက်တောင်သူ ဒေါ်ညွန့်ရီအား မေးမြန်းမှုအရ ကုလားပဲ(၄)ဧကစိုက်ပျိုးထားသော်လည်း ယခုနှစ်တွင် ရာသီဥတုမမှန်ခြင်း၊ ပိုးမွှားကျရောက်မှုများပြားခြင်းတို့ကြောင့် ယခင်နှစ်ကထက်အထွက်နှုန်းလျော့နည်းကြောင်း၊ ဒီဇင်ဘာလတွင် စတင်စိုက်ပျိုးပြီး (၁)ဧကလျှင် မျိုး(၁)တင်းခွဲခန့်ကုန်ကျပါကြောင်း၊ မြေပြုပြင်ချိန်မှစ၍ ရိတ်သိမ်းပြီးသည်အထိ သွင်းအားစုအပါအဝင် ကျပ်(၂၀၀၀၀၀)ခန့်ကုန်ကျကြောင်း၊ စိုက်ပျိုးပြီး (၃)လအကြာတွင် စတင်ရိတ်သိမ်းပြီး (၁)ဧကလျှင် (၆)တင်းနှုန်းထွက်ရှိကာ သီးနှံပေါ်ချိန်ဖြစ်သော ယခု ၂၀၂၃ခုနှစ်၊ မတ်လ (စတုတ္ထ) ပတ်တွင် (၁)တင်းလျှင် ကျပ်(၆၈၀၀၀)ရရှိပါကြောင်း၊ (၁)ဧကဝင်ငွေမှာ ကျပ်(၄၀၀၀၀၀)ရရှိသဖြင့် အကျိုးအမြတ်အနေဖြင့် ကျပ်(၂၀၀၀၀၀)ရရှိကြောင်း၊ ဈေးကွက်အနေဖြင့် ထွက်ရှိသောကုလားပဲများကို တောင်တွင်းကြီးမြို့ရှိ ပွဲရုံများနှင့် မကွေးမြို့ရှိပွဲရုံများသို့ တင်ပို့ရောင်းချပါကြောင်း ကုလားပဲစိုက်တောင်သူ ဒေါ်ညွန့်ရီး၏ပြောကြားချက်အရ သိရှိရပါသည်။

DOCA(မကွေး)

    တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။