ပြည်တွင်းကုန်သွယ်မှုသတင်း

       မကွေးမြို့ပေါ်ရှိဈေးများသို့ ပန်းဂေါ်ဖီ၊ ဂေါ်ဖီထုပ်၊ ခရမ်းချဉ်းသီး၊ ချင်းတက်၊ နနွင်းတက်၊ ငရုတ်သီးခြောက်၊ ကြက်သွန်ဖြူများမှာ မန္တ‌လေးတိုင်းဒေသကြီး၊ ပြင်ဦးလွင်နှင့်ရှမ်းပြည်နယ်၊ အောင်ပန်းမြို့တို့မှဝင်ရောက်လျက်ရှိပြီး သံပရာသီး၊ သံပယိုသီး၊ ရှောက်သီးနှင့် ကြက်သွန်နီများကို မင်းဘူး(စကု)မြို့နယ်၊ ပွင့်ဖြူမြို့နယ်၊ ဆင်ဖြူကျွန်းမြို့နှင့် ဆိပ်ဖြူမြို့တို့မှ မှာယူရောင်းချလျက်ရှိကြောင်း မကွေးမြို့ပေါ်ရှိ ပွဲရုံများထံမှ သိရှိရပါသည်။

      မတ်လ(စတုတ္ထ)ပတ်အတွင်း မကွေးမြို့ပေါ်ရှိ စျေးများ၌ ရောင်းချလျက်ရှိသော ဈေးနှုန်းများမှာ ပန်းဂေါ်ဖီပွင့်(၁)ပွင့်လျှင် ကျပ်(၁၀၀မှ ၁၅၀၀)အတွင်း၊ ဂေါ်ဖီထုတ် (၁)ထုတ်လျှင် ကျပ် (၁၀၀၀)၊ ခရမ်းချဉ်းသီး(၁)ပိဿာလျှင် ကျပ်(၁၀၀၀မှ ၁၅၀၀)အတွင်း၊ ချင်းတက်(၁)ပိဿာလျှင် ကျပ်(၂၈၀၀)၊ နနွင်းတက်(၁)ပိဿာလျှင် ကျပ်(၆၀၀၀)၊ သံပရာသီး(၁)လုံးလျှင် ကျပ်(၂၀၀)၊ သံပယိုသီး (၁)လုံးလျှင် ကျပ်(၁၅၀)၊ ရှောက်သီး(၁)လုံးလျှင် ကျပ်(၃၀၀)၊ ကြက်သွန်နီ(အသစ်) (၁)ပိဿာလျှင် ကျပ် (၁၂၀၀ မှ ၁၅၀၀) အတွင်း၊ ကြက်သွန်ဖြူ(ကြူကုတ်)(၁)ပိဿာလျှင် ကျပ် (၄၅၀၀မှ ၅၀၀၀) အတွင်း၊ ငရုတ်သီးခြောက်အရှည်(၁)ပိဿာလျှင် ကျပ်(၁၈၀၀၀)၊ ငရုတ်သီးခြောက်အပု(၁)ပိဿာလျှင် ကျပ်(၁၉၀၀၀)၊ အာလူး(၁)ပိဿာလျှင် ကျပ်(၂၈၀၀မှ ၃၂၀၀)အတွင်း၊ မန်ကျည်းသီးမှည့်(၁)ပိဿာ လျှင် ကျပ်(၄၅၀၀)၊ (CP)ကြက်သား(၁)ပိဿာလျှင် ကျပ်(၁၄၀၀၀)၊ ဗမာကြက်သား(၁)ပိဿာလျှင် ကျပ်(၁၇၀၀၀)၊ ဝက်သား(၁)ပိဿာလျှင် ကျပ်(၁၈၀၀၀)၊ အမဲသား(၁)ပိဿာလျှင် ကျပ်(၁၆၀၀၀)၊ ဆိတ်သား(၁)ပိဿာလျှင် ကျပ်(၂၂၀၀၀မှ ၂၄၀၀၀)အတွင်း၊ ငါးမြစ်ချင်း(အလတ်)(၁)ပိဿာလျှင် ကျပ်(၇၀၀၀)၊ ကြက်ဥ(၁)လုံးလျှင် ကျပ်(၂၂၀မှ ၂၅၀)အတွင်းနှင့် ဘဲဥ(၁)လုံးလျှင် ကျပ်(၂၈၀မှ ၃၂၀) အတွင်း အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)

ကယားပြည်နယ်၊ သစ်သီးဝလံဈေးကွက်အတွင်း ဝင်ရောက်လာနေသော နာနတ်သီးကို လွိုင်ကော်မြို့၊ သီရိမင်္ဂလာဈေးတွင်လည်းကောင်း၊ နောင်ယားဈေးတွင်လည်ကောင်း၊ ပျံကျဈေးတို့ တွင်လည်းကောင်း များစွာရောင်းချလျက်ရှိပါသည်။

          နာနတ်သီးကို ရှမ်းပြည်နယ်၊ ဆိုက်ခေါင်မြို့မှ မှာယူရောင်းချလျက်ရှိပြီး ယခု ၂၀၂၃ခုနှစ်၊ မတ်လ (စတုတ္ထပတ်) အတွင်း၌ ဈေးကွက်တွင်ဖြစ်ပေါ်နေသော နာနတ်သီးဈေးနှုန်းမှာ နာနတ်သီးအကြီးတစ်လုံးလျှင် (၈၀၀) ကျပ်၊ နာနတ်သီးအသေးတစ်လုံးလျှင် (၅၀၀) ကျပ်ဖြင့် ရောင်းချလျက်ရှိကြောင်း နောင်ယားဈေ အတွင်းရှိ နာနတ်သီးရောင်းချသူတစ်ဦးထံမှ သိရှိရပါသည်။

DOCA(ကယား)

     ကယားပြည်နယ်တွင် ကုန်စည်များပုံမှန်လည်ပတ်လျက်ရှိလာသဖြင့် အခြားဒေသများမှ ပြည်နယ်အတွင်းသို့ ၂၀၂၃ခုနှစ်၊ မတ်လ (ဒုတိယပတ်)၌ ဆန်တင်သွင်းမှုမှာ (၁၆၂၀) အိတ်/ (၈၁) တန်၊ ဆီတင်သွင်းမှုမှာ (၇၀) ပုံး၊ ကြက်သွန်နီတင်သွင်းမှုမှာ (၄၀၀) အိတ်၊ ငရုတ်သီးတင်သွင်းမှုမှာ (၆၀) အိတ် အချိုရည်ကား(၂)စီးး၊ ကြက်ဥ (၃၆၆၀) ကဒ်၊ ကုန်မျိုးစုံ (၂၁) စီးတင်သွင်းခဲ့ပြီး ကယားပြည်နယ်မှ အခြားပြည်နယ်သို့ ဆန်တင်ပို့မှုမှာ (၁၂၀) အိတ် (၆) တန်၊ ပဲစင်းငုံတင်ပို့မှုမှာ (၈၃၆) အိတ်/(၄၁.၈) တန်၊ နှမ်းတင်ပို့မှုမှာ (၃၇၀) အိတ်/(၂၄.၆၆) တန်၊ ပြောင်းတင်ပို့မှုမှာ (၆၉၅) အိတ်/(၃၄.၀၄) တန်၊ ငှက်ပျောသီးကား(၆)စီး၊ မန်ကျည်းသီးကား(၆)စီးတင်ပို့နိုင်ခဲ့ကြောင်း၊ တတိယပတ်တွင် အခြားဒေသများမှ ပြည်နယ်အတွင်းသို့ ဆန်တင်သွင်းမှုမှာ (၇၁၅) အိတ်/(၃၀.၇၅) တန်၊ ကုန်မျိုးစုံ(၆)စီး၊ ကြက်ဥ (၉၁)ဖာ၊ ကုန်စည်များဝင်ရောက်မှုမှာ လျော့နည်းလာကြောင်း ပြည်နယ်မှ အခြားမြို့သို့တင်ပို့မှုမှာ ပြောင်း (၆၀၀) အိတ်/ (၂၉.၃၉) တန်၊ ငှက်ပျောကား (၁) စီးတင်ပို့နိုင်ကြောင်း ယခင်ပတ်နှင့်ယခုပတ်နှိုင်းယှဉ်ရာ ကုန်စည်များတင်သွင်း/တင်ပို့မှုမှာ လျော့နည်းလာကြောင်း မြို့ဦးဂိတ်စာရင်းများအရ သိရှိရပါသည်။

DOCA(ကယား)

     ကယားပြည်နယ်တွင် ဂေါ်ဖီထုပ်ကို လွိုင်ကော်မြို့နယ်အတွင်းရှိ လင်ဖုံလေးကျေးရွာနှင့် ကုန်းသာကျေးရွာများတွင် အဓိကစိုက်ပျိုးလျက်ရှိပြီး ရှမ်းပြည်နယ် ပင်လောင်း၊ တီဂျစ် ၊ နောင်တရားဒေသတို့မှလည် းမှာယူရောင်းချလျက်ရှိပါသည်။

  ယခုလက်ရှိဖြစ်ပေါ်နေသော ပန်းဂေါ်ဖီပွင့်ဈေးနှုန်းမှာ ပန်းဂေါ်ဖီပွင့်(ဖြူ)အကြီးတစ်ပွင့်လျှင် (၇၀၀)ကျပ်၊ အလတ်တစ်ပွင့်လျှင် (၅၀၀)ကျပ်၊အသေးတစ်ပွင့်လျှင် (၃၅၀)ကျပ်နှင့် ပန်းဂေါ်ဖီပွင့်(စိမ်း)အကြီးတစ်ပွင့်လျှင် (၆၀၀)ကျပ်၊ အလတ်တစ်ပွင့်လျှင် (၄၀၀)ကျပ်နှင့် အပွင့်သေးတစ်ပွင့်လျှင် (၂၅၀)ကျပ်ထိရောင်းချလျှက်ရှိရား ဈေးကွက်အတွင်း အရောင်းသွက်နေကြောင်း နောင်တယားမြို့မှလာရောက်ရောင်းချသော ပင်ရင်းဈေးသည်တစ်ဦးထံမှ သိရှိရပါသည်။

DOCA(ကယား)

    တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။