ပြည်တွင်းကုန်သွယ်မှုသတင်း

         ၂၀၂၂ ခုနှစ် ဒီဇင်ဘာလ ပထမပတ်အတွင်း မုံရွာမြို့နယ်တွက် အခြေခံစားကုန်များဖြစ်သော ရွှေဘိုပေါ်ဆန်းဆန်တစ်ပြည်(၃၅၀၀)ကျပ်၊ ဧရာမင်းဆန်တစ်ပြည်အဟောင်း (၂၅၀၀)ကျပ်နှင့် ဧရာမင်းဆန်တစ်ပြည်အသစ်(၂၀၀၀)ကျပ်ဖြင့်အရောင်းအဝယ် ဖြစ်လျက်ရှိပါသည်။ စားအုန်းဆီ တစ်ပိဿာလျှင်(၅၈၀၀)ကျပ်၊ မြေပဲဆီတစ်ပိဿာလျှင်(၉၅၀၀) ကျပ်၊ နှမ်းဆီ တစ်ပိဿာလျှင် (၉၅၀၀) ကျပ်တို့ဖြင့် အရောင်းအဝယ်ဖြစ် လျက်ရှိပါသည်။ ကြက်သွန်နီ လက်လီ တစ်ပိဿာလျှင် (၄၀၀၀)ကျပ်မှ (၅၀၀၀) ကျပ်ထိ၊ ကြက်သွန်ဖြူလက်လီ(ဗမာ) တစ်ပိဿာ လျှင် (၆၀၀၀)ကျပ်မှ (၆၅၀၀) ကျပ်ထိ၊ ကြက်သွန်ဖြူ (ရှမ်း)တစ်ပိဿာလျှင် (၅၅၀၀)ကျပ်မှ (၆၀၀၀)ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၅၀၀၀)ကျပ်မှ(၅၅၀၀)ကျပ်ထိ၊ ချင်းတက်တစ်ပိဿာလျှင် (၁၅၀၀)ကျပ်မှ (၁၇၀၀)ကျပ်ထိ၊ ငရုတ်ခြောက်အမျိုးအစားအလိုက်  (၁၆၀၀၀)  ကျပ်မှ (၁၇၀၀၀)ကျပ်ထိ၊ အာလူး (၂၄၀၀)ကျပ်မှ (၂၅၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၂၂၀၀)ကျပ်မှ (၂၅၀၀)ကျပ်တို့ဖြင့်အရောင်းအဝယ်ဖြစ်လျက်ပါသည်။

        ကြက်ဥလက်လီဈေးနှုန်းမှ ကြီး တစ်လုံး(၂၅၀)ကျပ်၊ သေးတစ်လုံး(၂၀၀)ကျပ်၊ ဘဲဥ(ကြီး) တစ်လုံး (၃၀၀)ကျပ်၊ သေးတစ်လုံး(၂၅၀)ကျပ်ရှိသည်။ မုံရွာမြို့၏ သား/ ငါးဈေးနှုန်းမှ ကြက်သား (CP) တစ်ပိဿာ( ၁၀၀၀၀)ကျပ်မှ  (၁၁၀၀၀)ကျပ်ထိ ၊ ကြက်သား(ဗမာ) တစ်ပိဿာလျှင် (၁၃၀၀၀) ကျပ်၊ ဝက်သားတစ်ပိဿာ(၁၅၀၀၀)ကျပ်မှ (၁၆၀၀၀) ကျပ်ထိ၊ အမဲသားတစ်ပိဿာ (၁၅၀၀၀) ကျပ်မှ (၁၆၀၀၀)ကျပ်ထိ၊ ငါးမြစ်ချင်းတစ်ပိဿာလျှင်(၇၀၀၀)ကျပ်၊ ငါးကြင်း တစ်ပိဿာလျှင် (၇၀၀၀) ကျပ် တို့ဖြင့်အရောင်းအဝယ်ဖြစ်နေကြောင်းသိရပါသည်။

         နိုဝင်ဘာလ ပထမပတ်တွင် အခြေခံစားကုန်များဖြစ်သည့် ဆန်များသည် အောက်တိုဘာ လပထမထက် အနည်းငယ်ဈေးကျလျှက်ရှိပြီး ကြက်သွန်နီဈေး၊ အာလူးဈေးနှုန်းများနှင့်  သား/ငါး ဈေးနှုန်းများလည်း ယခင်လပထမပတ်ထက် ဈေးအနည်းငယ်တက်ကြောင်း  သိရှိရပါသည်။

DOCA(စစ်ကိုင်း)       

      စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ကလေး၊ ကသာ၊ ကန့်ဘလူနှင့် ရွှေဘိုခရိုင်များအနေဖြင့် ယခင်လနှင့် ယခုလနှိုင်းယှဉ်ပါက ရွှေဘိုခရိုင်တွင် ပေါ်ဆန်းစပါး၊ ကသာခရိုင်တွင် ဆင်းဧကရီ-၃ စပါး၊ မုံရွာခရိုင်တွင် ဧရာမင်းစပါးဈေးနှုန်းများ အနည်းငယ်တက်နေပြီး၊ ကသာခရိုင်တွင် ဧရာမင်းစပါးဈေး အနည်းငယ်ကျနေပြီး၊ ကလေးခရိုင်နှင့် ကန့်ဘလူခရိုင်တို့တွင် ဈေးအေးနေပါသည်။

      စစ်ကိုင်းတိုင်းဒေသကြီးအတွင်း နိုဝင်ဘာလ(နောက်ဆုံး)ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၂၄၅၀၀၀၀)၊ ပေါ်ဆန်း (ဆန်) ၂၄  ပြည်ပါ တစ်အိတ်လျှင်ကျပ်  ၈၅၀၀၀၊ ဧရာမင်း(စပါး)တင်း ၁၀၀လျှင် ၁၄၅၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ် ကျပ် ၆၅၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၂၃၀၀၀၀၀၊ ပေါ်ဆန်း (ဆန်) တစ်အိတ်လျှင်ကျပ် ၈၀၀၀၀၊  ဧရာမင်း (စပါး) တင်း၁၀၀ လျှင် ၁၃၀၀၀၀၀၊ ဧရာမင်း (ဆန်)၂၄ ပြည် ပါ တစ်အိတ်  ၅၈၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

        ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၁၀၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၄၄၀၀၀၊ ငစိန်(စပါး) တင်း ၁၀၀ လျှင် ၉၅၀၀၀၀ ၊ ငစိန်(ဆန်)၂၄ပြည်ပါ တစ် အိတ်မှာ ၄၀၀၀၀၊ ဧရာမင်း (စပါး)တင်း ၁၀၀ လျှင် ကျပ် ၁၃၅၀၀၀၀၊ ဧရာမင်း(ဆန်)၂၄ပြည်ပါ တစ်အိတ် မှာကျပ် ၅၅၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

        ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၉၀၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၄၀၀၀၀၊ ဆင်းဧကရီ(၃)(စပါး) တင်း ၁၀၀ လျှင် ကျပ် ၈၅၀၀၀၀၊ ဆင်းဧကရီ-၃ဆန် ၂၄ပြည်တစ်အိတ်မှာကျပ် ၃၆၀၀၀၊ ဧရာမင်း (စပါး) တင်း ၁၀၀ လျှင် ကျပ် ၁၀၀၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၅၀၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

       မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၄၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၆၄၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၂၂၀၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၉၀၀၀၀၊ မနောသုခ (စပါး)ဟောင်း တင်း ၁၀၀လျှင် ကျပ် ၁၂၀၀၀၀၀၊ မနောသုခ (ဆန်)ဟောင်း၂၄ ပြည် တစ်အိတ်လျှင် ကျပ်၄၄၀၀၀၊  မနောသုခ (စပါး)သစ် တင်း ၁၀၀လျှင် ကျပ် ၁၀၀၀၀၀၀၊ မနောသုခ(ဆန်)သစ် ၂၄ ပြည် တစ်အိတ်လျှင် ကျပ်၄၀၀၀၀ ဖြင့် အရောင်းအဝယ် ဖြစ်နေ ကြောင်း သိရပါသည်။

       ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၂၀၀၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၆၅၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၂၀၀၀၀၀၀၊ ပေါ်ဆန်း (ဆန်) ၂၄ပြည် တစ်အိတ်လျှင် ကျပ် ၆၅၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

      ယခု နိုဝင်ဘာလအတွင်း စစ်ကိုင်းတိုင်းဒေသကြီးမှ အခြားတိုင်း ဒေသကြီးများသို့ ဆန်စီးထွက်မှု မှာ ရန်ကုန်သို့ အိတ်ရေ ၁၃၀၅၀၀၊ မန္တလေး သို့ အိတ်ရေ ၁၉၄၇၀၀၊ မကွေး သို့ အိတ်ရေ ၄၀၀၀၊ နေပြည်တော်သို့ အိတ်ရေ ၃၇၀၀၀၊ ရှမ်း (တောင်)သို့ အိတ်ရေ ၃၃၅၀၀၊ ရှမ်း (မြောက်)သို့အိတ်ရေ ၃၃၅၀၀၊ စုစုပေါင်းအိတ်ရေ (၄၄၃၂၀၀)အိတ်၊ တန်အားဖြင့် (၂၁၆၆၀) စီးထွက်ခဲ့ပြီး၊ ယခင် အောက်တိုဘာ လအတွင်း စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန် သို့ အိတ်ရေ ၁၆၁၅၀၀၊ မန္တလေး သို့ အိတ်ရေ ၂၂၃၉၀၀၊ မကွေး သို့ အိတ်ရေ ၄၀၀၀၊ နေပြည်တော်သို့ အိတ်ရေ ၄၈၀၀၀၊ ရှမ်း (တောင်)သို့ အိတ်ရေ ၃၇၀၀၀၊ ရှမ်း (မြောက်)သို့အိတ်ရေ ၃၆၅၀၀၊ စုစုပေါင်း အိတ်ရေ (၅၁၀၉၀၀)အိတ်၊ တန်အားဖြင့် (၂၅၅၄၅)စီးထွက်ခဲ့သည့်အတွက် ယခင်လနှင့် နှိုင်းယှဉ်လျှင် ယခုလတွင် အိတ်ရေ (၆၇၇၀၀) တန်အားဖြင့် (၃၃၈၅) လျော့နည်း စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)                

     ရှမ်းပြည်နယ်(မြောက်ပိုင်း)၊ လားရှိုးမြို့တွင် နိုဝင်ဘာလ စတုတ္ထပတ်အတွင်း ဓာတ်မြေဩဇာဈေးနှုန်း မြင့်တက်လျှက်ရှိပြီး လူသုံးများသည့်တံဆိပ်များနှင့် ဈေးနှုန်းများမှာ ရွှေတောင်ပုလဲ ၅၀ ကီလိုဂရမ် တစ်အိတ်လျှင် ၁၂၀၀၀၀ကျပ်၊ အာမိုပုလဲ(ဓာတ်စာ) ၅၀ကီလိုဂရမ် တစ်အိတ်လျှင် ၇၇၀၀၀ကျပ်၊ လှည်းယဉ် (၁၀:၁၀:၅) ကီလိုဂရမ် တစ်အိတ်လျှင် ၈၃၀၀၀ကျပ် ဖြင့်အသီးသီးမြင့် တက်လျက်ရှိသည်။

         ပိုးသတ်ဆေးဈေးနှုန်းမှာလည်း အလားတူမြင့်တက်လျက်ရှိရာ ဌက်ကြီးတောင် ၁၀၀စီစီတစ်ဘူးလျှင် ၁၈၀၀၀ကျပ်၊ အလန်း(၁၅) WP ၁၀၀ဂရမ်တစ်ဘူးလျှင် ၁၄၀၀၀ကျပ်၊ ဖို့စ်တင်းအီးစီ (၁၀၀)စီစီတစ်ဘူးလျှင် ၄၅၀၀ကျပ်၊ ကပ္ပတိန် (၁၀၀) ဂရမ် တစ်ဘူးလျှင် ၉၀၀၀ကျပ်ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(ရှမ်း)

မကွေးတိုင်းဒေသကြီး၊ တောင်တွင်းကြီးမြို့နယ်မှ၊ မိရိုးဖလာ နှီးဝါးလုပ်ငန်းလုပ်ကိုင်ကြသူများအနေဖြင့် ဝါးထရံ၊ ဝါးဖျာ၊ ဝါးခမောက်၊ ဝါးကုလားထိုင်၊ ဝါးခြင်းတောင်းအမျိုးမျိုး ရက်လုပ်ရောင်းချခြင်း ဖြင့် မိသားစုစီးပွားရေး အဆင်ပြေလျက်ရှိကြောင်းသိရပါသည်။
ဝါးခြင်းတောင်းရက်လုပ်ရာတွင် အဓိကကုန်ကြမ်းဖြစ်သည့်ဝါးကို တောင်တွင်းကြီးမြို့ပေါ်ရှိ ဝါးဆိုင်များမှ အလွယ်တကူဝယ်ယူရရှိပြီး ဝါးတစ်လုံးကို ကျပ်(၁၀၀၀)ဝန်းကျင်ခန့် ပေးဝယ်ယူရပါသည်။ တောင်းရက်လုပ်ပြီးစီးမှုအနေဖြင့် တစ်နေ့လျှင် တောင်းအသေး(၄)လုံး၊ တောင်းအလတ် (၃) လုံး၊ အကြီး (၂)လုံး ရက်လုပ်ပြီးစီးပြီး ပုတ်တစ်လုံးကို တနေ့ကုန်ရက်လုပ်ရသည်ဟု သိရပါသည်။
ဝါးတစ်လုံးကို လိုအပ်သလိုခွဲခြမ်းစိတ်ဖျာ၍ တောင်းရက်လုပ်ရာမှာ တောင်းအသေး(၃)လုံး၊ အလတ်(၂)လုံး၊ အကြီး(၁)လုံးရရှိပြီး ပုတ်တစ်လုံးရရှိဖို့ ဝါးသုံးလုံးခန့် အသုံးပြုရပါသည်။ ဈေးနှုန်းအနေဖြင့် တောင်းအသေး(၁)လုံးကို ကျပ်(၃၅၀၀)၊ တောင်းအလတ်(၁)လုံးကို ကျပ်(၅၀၀၀)၊ တောင်းအကြီး(၁)လုံးကို ကျပ်(၇၀၀၀)၊ ပုတ်အသေး(၁)လုံးကို ကျပ်(၁၃၀၀၀)၊ ပုတ်အလတ် (၁)လုံးကို ကျပ်(၁၄၀၀၀)၊ ပုတ်အကြီး(၁)လုံးကို ကျပ်(၁၅၀၀၀) ဖြင့်ရက်လုပ်ပေးရကြောင်း ဝါးခြင်းတောင်းရက်လုပ်ခြင်းလုပ်ငန်း လုပ်ကိုင်သည့် ဦးနိုင်ဦးထံမှသိရှိရပါသည်။
ပဲကြော်၊ ပဲလှော်လုပ်ငန်းရှင်များ၊ ဆီစက်လုပ်ငန်းရှင်များနှင့် ဝါကြိတ်ဖတ်လုပ်ငန်းရှင် လုပ်ငန်းလုပ်ကိုင်သူများအနေဖြင့် အဓိကအသုံးပြုပြီး ယခုကာလမှာ စပါးသီးနှံပေါ်ချိန်ဖြစ်သည့်အတွက် တောင်းများ၊ ပုတ်များအား အော်ဒါမှာယူမှုများ ဆက်တိုက်ရှိနေပြီး လက်မလည်အောင်ဆောင်ရွက်နေရကြောင်း သိရှိရပါသည်။
DOCA(မကွေး)

       ကယားပြည်နယ်တွင် ပုစွန်ခြောက်ကို ထားဝယ်၊ မြိတ် တို့မှအများအပြားတင်သွင်း ရောင်းချပါသည်။ ပုစွန်ခြောက်ကိုနွေရာသီတွင် ပုံမှန်ဈေးနှင့်ဝယ်ယူရပြီး မိုးရာသီတွင် အခြောက်လှန်းရန် ခက်ခဲသော‌ကြောင့် ဈေးပိုပေး၍ဝယ်ယူရသည်။ယခင်က ပုစွန်ခြောက်ဈေးနှုန်းမှာ ရေချို(ရှယ်) တစ်ပိဿာလျှင် ၄၂၀၀၀ကျပ်၊ ရေချို(အလတ်စား)တစ်ပိဿာလျှင်၃၇၀၀၀ကျပ်၊ ရိုးရိုးပုံမှန် တစ်ပိဿာ လျှင်၃၃၀၀၀-၃၂၀၀၀ ရှိ၍ အရောင်းအဝယ်ဖြစ်ပါသည်။ ယခုအခါပုစွန်ခြောက်ဈေးနှုန်းမှာ ရေချို(ရှယ်) တစ်ပိဿာလျှင် ၅၀၀၀၀ကျပ်၊ ရေချို(အလတ်စား)တစ်ပိဿာလျှင်၄၅၀၀၀ကျပ်၊ ရိုးရိုးပုံမှန်တစ်ပိဿာလျှင် ၄၀၀၀၀-၃၈၀၀၀ကျပ် ရှိ၍ အရောင်းအဝယ်ဖြစ်နေပါသည်။ ဈေးနှုန်းမြင့် တက်လာရခြင်း  အကြောင်းအရင်းမှာ စက်သုံးဆီဈေးနှုန်းမြင့်တတ်လာ၍ သယ်ယူစရိတ်မြင့်မား လာခြင်းကြောင့်ဖြစ်သည်ဟု ပုစွန်ခြောက်ရောင်းဝယ်ရေးလုပ်ငန်းရှင်တစ်ဦးထံမှ သိရပါသည်။

DOCA(ကယား)