ပြည်တွင်းကုန်သွယ်မှုသတင်း

မြင်းခြံမြို့၊ အမှတ်(၇)ရပ်ကွက်ရှိ လေဆာအမှတ်တံဆိပ် သဘာဝမြေဩဇာလုပ်ငန်းမှ ထုတ်လုပ် ရောင်းချလျက်ရှိသည့် သဘာဝမြေဩဇာများကို မြေကြီး၊ ထုံး၊ တောင်ပုလုမြေဖြူ၊ ဆေးရွက်ကြီးအမှုန့် (ဆေးချေးမှုန့်)၊ အရိုးမှုန့်၊ နွားချေး၊ ကြက်ချေး စသည့် ကုန်ကြမ်းများဖြင့် ထုတ်လုပ်ခြင်းဖြစ်ပြီး ထည့်သွင်းသည့် ပါဝင်ပစ္စည်းအချိုးအစားအပေါ်မူတည်၍ အမျိုးအစား၊ ဈေးနှုန်းများ ကွဲပြားခြားနားပါ ကြောင်း၊ အမျိုးအစားများအနေဖြင့် အဖြူရောင်တစ်မျိုးတည်းကို သဘာဝမြေဩဇာဟူ၍လည်းကောင်း၊ အဖြူရောင်၊အစိမ်းရောင်၊ပန်းရောင် ရောစပ်ထားခြင်းကို (၃)ရောင်စပ်မြေဩဇာဟူ၍လည်းကောင်း၊ အဖြူရောင်၊အစိမ်းရောင်၊ပန်းရောင်၊အနက်ရောင် ရောစပ်ထားခြင်းကို (၄)ရောင်စပ်မြေဩဇာဟူ၍ လည်းကောင်း အမျိုးအစား(၃)မျိုး ခွဲခြားထုတ်လုပ်ပါကြောင်း၊ (၄)ရောင်စပ်မြေဩဇာတွင်ပါဝင်သော အနက်ရောင်သည် မဂ္ဂနီစီယမ်ဖြစ်ပြီး (၄)ရောင်စပ်မြေဩဇာသည် ဈေးနှုန်းအမြင့်ဆုံးဖြစ်ကြောင်း၊ မြင်းခြံမြို့နယ်၊ ကူရွာကျေးရွာတွင် ကိုယ်ပိုင်အလုပ်ရုံရှိသကဲ့သို့ တောင်သာမြို့နယ်၊ နန်းမြင့်ကျေးရွာ၊ တမံကြီးကျေးရွာတို့ရှိ အခြားအလုပ်ရုံများမှ ထွက်ရှိသည့် သဘာဝမြေဩဇာများကို ဝယ်ယူကာ သတ်မှတ်အချိုးအစားအတိုင်း ပြုပြင်ထုတ်လုပ်ရောင်းချခြင်းများလည်း ရှိကြောင်းသိရှိရသည်။

သဘာဝမြေဩဇာ(50kg)တစ်အိတ်လျှင် (၇၀၀၀)ကျပ်မှ (၁၂၀၀၀)ကျပ်အထိ အမျိုးအစား အလိုက် ဈေးနှုန်းခွဲခြားရောင်းချရကြောင်း၊ ဈေးကွက်အနေဖြင့် ရန်ကုန်(ဘုရင့်နောင်)၊ မော်လမြိုင်၊ မော်ကျွန်း၊ ရေကြည်၊ ဝါးခယ်မစသည့်မြို့များသို့ တိုက်ရိုက်တင်ပို့ရောင်းချခြင်းများရှိသကဲ့သို့ ရန်ကုန် (ဘုရင့်နောင်)ပွဲရုံမှ တဆင့်တင်ပို့ခြင်းများလည်းရှိကြောင်း၊ ရောင်းအားအမြင့်ဆုံး ကာလများမှာ ဧပြီလ မှဇူလိုင်လအထိဖြစ်ပြီး ယခုအချိန်တွင် တင်ပို့ရောင်းချရမှုမရှိသေးဘဲ လုပ်သားဦးရေအနည်းငယ်ဖြင့် ကုန်ချောထုတ်လုပ်သိုလှောင်ထားခြင်းသာရှိကြောင်း၊ ရောင်းအား အကောင်းဆုံးလများတွင် တစ်ရက် လျှင်(50kg)အိတ်ရေ(၂၀၀၀)မှ(၃၀၀၀)ထိ ရောင်းချရပါကြောင်း လေဆာအမှတ်တံဆိပ် သဘာဝ မြေဩဇာ ထုတ်လုပ်ရောင်းချသူလုပ်ငန်းရှင်၏ ပြောကြားချက်အရ သိရှိရသည်။

DOCA(မန္တလေး)

 မတ်လပထမပတ်အတွင်း မန္တလေးကုန်စိမ်းစျေးကွက်သို့ ပဲစိမ်းမျိုးစုံစျေးကွက်တွင် ထောပတ် ပဲစိမ်း၊ပဲကြီး၊ စားတော်ပဲစိမ်း၊ပဲလိပ်ပြာ၊ ပဲစင်းငုံ၊ ပဲစာဥ၊နွေပဲသီးတို့နှင့်အတူ ရွှေပဲသီးများ ဝင်ရောက်မှု များပြား လျက်ရှိပါတယ်။ လက်ကားရောင်းချသည့် ၄၁လမ်းဈေးနှင့် သီရိမာလာဈေးတို့တွင် မန္တ‌လေး တိုင်းဒေသကြီး၊ ပြင်ဦးလွင်မြို့၊ စစ်ကိုင်းတိုင်းဒေသကြီးနှင့် ရှမ်းပြည်နယ်ဒေသတို့မှ ထွက်ရှိသော ကုန်စိမ်းဝင်ရောက်မှုများပြီး ကျန်ဒေသများမှလည်း ကုန်စိမ်းအနည်းငယ် ဝင်ရောက်ကြောင်း သိရ ပါတယ်။ ၂၀၂၅ ခုနှစ် မတ်လပထမပတ်အတွင်း ပေါက်စျေးအနေဖြင့် ရွှေပဲသီးတောင့်တစ်ပိဿာလျှင် လက္ကားစျေး  ၅၀၀၀ ကျပ်နှင့် ၆‌၀၀၀ ကျပ်၊ လက်လီစျေး ၇၀၀၀ ကျပ်နှင့် ၈၀၀၀ ကျပ်၊ ‌ရွှေပဲသီး အရွက်(၁၀ စည်းပါ)တစ်စည်းလျှင် လက္ကားစျေး ၈၀၀၀ ကျပ်နှင့် ၈၅၀၀ ကျပ်၊ လက်လီစျေး ၉၀၀၀ ကျပ်နှင့် ၁၀၀၀၀ ကျပ်ဖြင့် အသီးသီး ရောင်းချလျက်ရှိကြောင်း သိရပါတယ်။ ၂၀၂၅ ခုနှစ် မတ်လ ပထမပတ်အတွင်း ကုန်စိမ်းစျေးကွက်တွင် ရွှေပဲသီးမှာ အရောင်းသွက်လျက်ရှိကြောင်း ဈေးသည် တစ်ဦးထံမှ သိရပါတယ်။

DOCA(မန္တလေး)

 စျေးကွက်အတွင်းသို့ ကန်စွန်းဥဝင်ရောက်မှုမှာ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး နှင့်ရှမ်းပြည်နယ်တို့မှအဝင်များပြီး၊ကျန်ဒေသများမှလည်းဝင်ရောက်ကြောင်းသိရပါတယ်။ မန္တလေး တိုင်းဒေသကြီးအတွင်း အမရပူရ၊ ပုသိမ်ကြီး၊ မတ္တရာ၊ ကျောက်ဆည်၊ စဉ့်ကိုင်၊ မြစ်သားမြို့နယ် တို့တွင် ကန်စွန်းဥကို အများအပြားစိုက်ပျိုးလျက်ရှိပြီး၊ ကန်စွန်းဥအတွင်းသားမှာ ငချိတ်ရောင်၊ အဖြူရောင်၊ ခရမ်းရောင်၊ ပန်းရောင်၊ လိမ္မော်ရောင်နှင့်အဝါနုရောင်တို့မှာ စျေးကွက် အတွင်းသို့ အများဆုံးတွေ့ရပါတယ်။ ကန်စွန်းဥအား ပြုတ်စား၊ မီးဖုတ်စား၊ ကြော်စား၊ ပေါင်းစား၊ ယိုထိုးစား၊ ပူတင်းဖုတ်စား၊ အသီးခြောက်လုပ်စား၊ ဟင်းခတ်မှုန့်ပြုလုပ်၍ စားသုံးကြကြောင်း သိရပါတယ်။ ကန်စွန်းဥသည် အဟာရဓါတ်ကြွယ်ဝခြင်း၊ ဓါတ်တိုးဆန့်ကျင်အာနိသင်လည်းကြွယ်ဝခြင်း၊ သွေးတွင်း သကြား ဓါတ်ထိန်းညှိပေးခြင်း၊ ဦးနှောက်လုပ်ဆောင်မှု ကောင်းမွန်ခြင်း၊ ကိုယ်ခံအား ကောင်းခြင်း၊ အမြင်အာရုံကောင်းမွန်စေခြင်း၊ ကိုယ်အလေးချိန်ကျစေခြင်း၊ လေးဖက်နာကြောင့် နာကျင်မှုကို သက်သာစေခြင်း၊ အစာအိမ်အနာကိုသက်သာစေခြင်းနှင့် ရေဓါတ်ဆုံးရှုံးမှုကို ကာကွယ်ပေးခြင်း စသည့်အကျိုးကျေးဇူးများလည်း ရရှိကြောင်းသိရပါတယ်။ ၂၀၂၅ ခုနှစ် မတ်လ ပထမပတ်တွင် စျေးကွက် အတွင်းရောင်းချသည့်ကန်စွန်းဥလက္ကား တစ်ပိဿာစျေးနှုန်း ၂၅၀ဝိ/-မှ ၂၇၀ဝိ/-ထိ လက်လီ တစ်ပိဿာ စျေးနှုန်းများ ၂၈၀ဝိ/-မှ ၃၀၀ဝိ/-ထိ ရောင်းချလျက်ရှိကြောင်း သိရပါတယ်။ ကန်စွန်းဥမှာ လတ်ဆပ်မှုနှင့်အလုံးအရွယ်အစားပေါ်မူတည်၍ စျေးနှုန်းကွားခြားမှုရှိကြောင်းသိရပါတယ်။ ဈေးနှုန်း ချိုသာပြီး အရသာရှိသော ကန်စွန်းဥမှာ  မန္တလေးစျေးကွက်တွင် အရောင်းသွက်သည့် သီးနှံတစ်မျိုး ဖြစ်ကြောင်း ကန်စွန်းဥများ ရောင်းချသူတစ်ဦးထံမှ သိရပါတယ်။

DOCA(မန္တလေး)

           စစ်ကိုင်းတိုင်းဒေသကြီး၊ ကန့်ဘလူခရိုင်၌ ကွမ်းသီးပင်များကို နေအိမ်ခြံဝင်းများ၌ မိသားစုအပိုဝင်ငွေရရှိသည့်အတွက် တစ်နိုင်တစ်ပိုင်စိုက်ပျိုးကြကြောင်း ၊ ကွမ်းသီးများကို ကန့်ဘလူခရိုင် အတွင်းမှလည်းကောင်း၊ ဘိတ်ဒေသမှလည်းကောင်းဝယ်ယူပြီး ကွမ်းသီးစိတ်များပြုလုပ်၍ ပြန်လည်ရောင်းချလျက်ရှိကြောင်း သိရသည်။

            ၂၀၂၅ ခုနှစ်၊ မတ်လ ပထမပတ်တွင် ကန့်ဘလူခရိုင်၏ ကွမ်းသီးစိတ်ဈေးနှုန်းများမှာ အရည်အသွေးပေါ်မူတည်၍ ကွမ်းသီးစိတ် လက်ကားဈေး(ရှယ်)တစ်ပိဿာလျှင် (၂၄၅၀၀)ကျပ်၊ လက်လီ ဈေး(ရှယ်)တစ်ပိဿာလျှင်(၂၅၀၀၀)ကျပ်၊ ကွမ်းသီးစိတ်(လတ်)တစ်ပိဿာလျှင် (၂၀၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခင်ပတ် ဈေးနှုန်းများနှင့်နှိုင်းယှဉ်ပါက ယခုပတ်အတွင်း ကွမ်းသီးစိတ်ဈေးနှုန်းများ ဆက်လက်မြင့်တက်လာကြောင်း၊ ဈေးကွက်အနေဖြင့် ကန့်ဘလူမြို့ပေါ် ရှိဆိုင်များနှင့်ကျေးရွာများ၊ ကျွန်းလှမြို့နယ်သို့ လက်လီ/ လက္ကားဖြန့်ဖြူးလျက်ရှိကြောင်း  ကန့်ဘလူမြို့၊ အမှတ်(၃)ရပ်ကွက်ရှိ ကွမ်းသီးစိတ်ရောင်းဝယ်ရေး လုပ်ငန်းရှင်၏ပြောပြချက်အရ သိရှိရပါသည်။

DOCA(စစ်ကိုင်း)

          တပေါင်းလရာသီချိန်ဖြစ်၍ ငှက်ပျောသီးများစျေးကွက်အတွင်း ဝင်ရောက်မှုများပြီး အရောင်း သွက်ရှိကြောင်း သိရပါတယ်။ မန္တလေးတိုင်းဒေသကြီးအတွင်း အမရပူရ၊ ပုသိမ်ကြီး၊ မတ္တရာ၊ ကျောက်ဆည်၊စဉ့်ကိုင်၊ မြစ်သားမြို့နယ်တို့တွင် ငှက်ပျောသီးအများအပြားစိုက်ပျိုးကြောင်း သိရပါ တယ်။ ဖီးကြမ်း၊  သီးမွှေး၊  ရခိုင်၊ ငှက်ပျောချဉ်နှင့်ရွှေနီငှက်ပျောသီးတို့မှာ စျေးကွက်အတွင်း အများ ဆုံး တွေ့ရှိရ ပါတယ်။ ငှက်ပျောသီး သီးနှံကို အဟာရဓါတ်စာ၊ဖျော်ရည်နှင့် စားသောက်ကုန်တို့တွင်  ထည့်သွင်းသုံးစွဲခြင်း၊ ဘုရားပွဲနှင့်မိရိုးဖလာကန်တော့ပွဲများတွင်  သုံးစွဲကြောင်း သိရပါတယ်။ မတ္တရာ မြို့နယ်ထွက်သည့်ငှက်ပျောသီးမှာ အခွံထူပြီး၊အရသာမှာ အချိုဓါတ်အနည်း ငယ်လျော့ ကြောင်းနှင့် ကျောက်ဆည်မှထွက်သည့်ငှက်ပျောသီးမှာ အခွံပါးပြီး၊အချိုဓါတ်များကြောင်း သိရပါတယ်။ ဖီးကြမ်း၊ သီးမွှေးနှင့် ရခိုင်ငှက်ပျောသီးများကို  ဘုရားပွဲနှင့်  မိရိုးဖလာပွဲများတွင် သုံးစွဲမှုများပြီး၊ ကန်တော့ပွဲ တစ်ပွဲတွင် အုန်းသီးတစ်လုံးနှင့်သုံးစွဲသည့်ငှက်ပျောခိုင်အရေအတွက်အလိုက်၊ အလုံးအရွယ်အစား အလိုက် စျေးနှုန်းအမျိုးမျိုး ရောင်းချကြောင်း သိရပါတယ်။ ၂၀၂၅ ခုနှစ်မတ်လပထမပတ်အတွင်း စျေးကွက်အတွင်း ရောင်းချသည့် ငှက်ပျောဖီးစျေးနှုန်းများအနေဖြင့် တစ်ဖီးလျင်ဖီးကြမ်း(အစိမ်း) ၂၀၀ဝိ/- နှင့် ၃၅၀ဝိ/- စျေး၊ဖီးကြမ်း (အမှည့်) ၁၅၀ဝိ/- နှင့် ၃၀၀ဝိ/- စျေး၊သီးမွှေးငှက်ပျောသီးမှာ ၁၅၀ဝိ/-နှင့် ၂၅၀ဝိ/-စျေး၊(တောင်ငူသီး) ၄၀၀ဝိ/-နှင့် ၅၅၀ဝိ/-စျေး၊ ရခိုင်ငှက်ပျောသီးနှင့်ငှက်ပျော ချဉ်သီးမှာ ၁၅၀ဝ/-နှင့်၂၀၀ဝိ/-စျေး၊ ရွှေနီငှက်ပျောသီး(တောင်ငူသီး)မှာ၅၀၀ဝိ/-နှင့်၈၀၀ဝိ/-စျေး အသီးသီးဖြစ်ပေါ်လျက်ကြောင်း သိရပါတယ်။ တပေါင်းလရာသီချိန်အတွင်း ကန်တော့ပွဲတွင် သုံးစွဲ သည့်ငှက်ပျောဖီးအရေတွက်အလိုက် စျေးကွာခြားမှုရှိပြီး တစ်ပွဲလျှင် ၁၀၀၀ဝိ/-၊ ၁၅၀၀ဝိ/- နှင့် ၂၅၀၀ဝိ/-တို့ဖြင့် အရောင်းသွက်လျက်ရှိကြောင်း သိရပါတယ်။ 

DOCA(မန္တလေး)