ပြည်တွင်းကုန်သွယ်မှုသတင်း

       ကန့်ဘလူမြို့တွင်ရောင်းချနေသော သစ်သီးဝလံများမှာ ကန့်ဘလူမြို့နယ်၊ ကျွန်းလှမြို့နယ်၊ ကသာမြို့၊ မြစ်ကြီးနားမြို့နှင့် မန္တလေးမြို့ရှိသစ်သီးပွဲရုံများမှ အသီးသီး ဝင်ရောက်လျက်ရှိသည်။

     ၂၀၂၄ခုနှစ်၊ မေလ တတိယပတ်တွင် ဖြစ်ပေါ်လျက်ရှိသော သစ်သီးဝလံဈေးနှုန်းများမှာ ကသာမြို့မှ ထွက်ရှိသော လိုင်ချီးသီး (၁)တွဲလျှင် (၂၀၀၀)ကျပ်၊ စပျစ်သီး(အလုံးကြီး) (၁)ပိဿာ လျှင် (၁၄၀၀၀)ကျပ်၊ စပျစ်သီး(အလုံးသေး) (၁)ပိဿာလျှင် (၁၂၀၀၀)ကျပ်၊ ဖီးကြမ်းငှက်ပျောသီး (၁)ဖီးလျှင် (၁၅၀၀)ကျပ်၊ မြစ်ကြီးနားမှထွက်ရှိသောခွန်စိမ်း (ရိုးရိုး) (၁)ဖီးလျှင် (၂၀၀၀)ကျပ်၊ ပန်းသီး(အိတ်စွပ်) (၁)လုံးလျှင် (၂၀၀၀)ကျပ်၊ ပန်းသီး(ရိုးရိုး) (၁)လုံးလျှင် (၁၀၀၀)ကျပ်၊ ကျောက်စိမ်းဖရဲသီး(၁)လုံးလျှင် (၃၀၀၀)ကျပ်၊ ပန်းသစ်တော်သီး (၁)လုံးလျှင် (၃၀၀၀)ကျပ်၊ မက်မန်းသီး (၁)ပိဿာလျှင် (၅၀၀၀)ကျပ်၊ သခွားမွှေး (၁)လုံးလျှင် (၂၅၀၀)ကျပ်၊ ဆန်းကစ်လိမ္မော်သီး(၁)လုံး လျှင် (၁၀၀၀)ကျပ်၊ စိန်တလုံးသရက်သီး (၁)လုံးလျှင် (၅၀၀)ကျပ်ဖြင့် ရောင်းချရသောကြောင့် ယခင်အပတ်နှင့်နှိုင်းယှဉ်ပါက ယခင်အပတ်ထက် စပျစ်သီး(အလုံးကြီး) (၁)ပိဿာလျှင် (၁၀၀၀) ကျပ်၊ ပန်းသစ်တော်သီး (၁)လုံးလျှင် (၅၀၀)ကျပ် ဈေးနှုန်းမြင့်တက်ကာ  ကျန်သစ်သီးဈေးနှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိကြောင်း ကန့်ဘလူမြို့တွင် ရောင်းချလျက်ရှိ သောသစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏ မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မဈေးတွင် ငါးမျိုးစုံရောင်းချလျက်ရှိပြီး မေလ တတိယပတ်အတွင်းဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကြီးအကောင်လိုက် တစ်ပိဿာလျှင် (၁၄၀၀၀)ကျပ်၊ တီလားဗီးယားအကောင်သေး တစ်ပိဿာလျှင် (၆၀၀၀)ကျပ်၊ တီလားဗီးယားအကောင်ကြီး တစ်ပိဿာလျှင် (၈၀၀၀)ကျပ်၊ ငါးကြင်း တစ်ပိဿာ လျှင် (၉၅၀၀)ကျပ်၊ ငါးဖယ် တစ်ပိဿာလျှင် (၁၂၀၀၀)ကျပ်၊ ငါးမုတ် တစ်ပိဿာလျှင် (၇၀၀၀) ကျပ်၊ ငါးမြင်း တစ်ပိဿာလျှင် (၇၀၀၀)ကျပ်၊ ငါးဘတ် တစ်ပိဿာလျှင် (၂၀၀၀၀)ကျပ်၊ ငါးဂျောင်း တစ်ပိဿာလျှင် (၁၂၀၀၀)ကျပ်၊ ငါးအုံတုံ တစ်ပိဿာလျှင် (၁၁၀၀၀)ကျပ်၊ ငါးအုံတုံခုတ်သား တစ်ပိဿာလျှင်  (၁၈၀၀၀)ကျပ်၊ ငါးမြင်းခုတ်သား တစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သား တစ်ပိဿာလျှင် (၁၄၀၀၀)ကျပ်၊ ငါးဖယ်ခြစ် တစ်ပိဿာလျှင် (၂၀၀၀၀)ကျပ်၊  ပုစွန်ထုပ် တစ်ပိဿာလျှင် (၄၅၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။ငါးဈေးနှုန်းများအား မေလဒုတိယပတ်နှင့် နှိုင်းယှဉ်ပါက  ငါးဈေးနှုန်းများ တည်ငြိမ်လျက်ရှိပြီး ပုံမှန်အတိုင်း အရောင်းအဝယ်ဖြစ်လျက်ရှိကြောင်း ကန့်ဘလူမြို့မဈေးအတွင်း ရောင်းချလျက်ရှိသော ငါးဒိုင်များမှ သတင်းရရှိပါသည်။

DOCA(စစ်ကိုင်း)

     မင်းဂွတ်သီးသည် အသီးစသီးချိန်တွင် အခွံမှာ အစိမ်းရောင်ဖြစ်ပြီး မှည့်ခါနီးအချိန်တွင် အခွံမှာ အနီရောင်ဖြစ်လာပါသည်။ ထိုမှတစ်ဆင့် တဖြည်းဖြည်းခရမ်းရောင်သန်းလာလျှင် မှည့်ပြီဟုယူဆနိုင်ပါသည်။ မင်းဂွတ်သီးကောင်းတစ်လုံး၏ အပြင်သားမှာ ခရမ်းပုတ်ရောင်ရှိပြီး အတွင်းသားမှာ ဖြူစွတ်စွတ်ဖြစ်ပါသည်။

     မင်းဂွတ်သီး၏ အာနိသင်ကောင်းကျိုးတွေ့ရှိချက်ကြောင့် စီးပွားရေးသမားများသည် မင်းဂွတ်သီးဖျော်ရည်နှင့် မင်းဂွတ်သီးဆေးတောင့်များကို စီးပွားဖြစ်ထုတ်လုပ်ရောင်းချကြပါသည်။ မင်းဂွတ်သီးကို ကျောက်ကြီးနှင့် မုံရွာတို့ဘက်မှ ပြည်ဈေးကွက်အတွင်းသို့ ဝင်ရောက်မှုရှိပြီး အရောင်းအဝယ်အနေဖြင့် ၂၀၂၄ခုနှစ်၊ မေလ ဒုတိယပတ်တွင် ပြည်ဈေးကွက်၌ ဖြစ်ပေါ်နေသော မင်းဂွတ်သီးဈေးနှုန်းမှာ အကြီးတစ်လုံးလျှင် ၆၀၀ကျပ်၊ အသေးတစ်လုံးလျှင် (၃၀၀-၄၀၀) ကျပ်တို့ဖြင့်ရောင်းချနေကြောင်းသိရှိရပါသည်။

DOCA(ပဲခူး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါ ဆောင်ရွက်လျက်ရှိရာ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကန့်ဘလူမြို့ မြို့မစည်ပင်သာယာဈေးကွက်အတွင်းသို့ ဒေသထွက်ခရမ်းချဥ်သီးတချို့နှင့် ရှမ်းပြည်နယ် အောင်ပန်းတို့မှထွက်ရှိသော ခရမ်းချဥ်သီးများကို မန္တလေးတိုင်းဒေသကြီးမှ မှာယူရောင်းချပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

    ခရမ်းချဥ်သီးများသည် ယခုအချိန်အခါကာလဖြစ်သည့် မိုးရာသီတွင် ဒေသထွက် ခရမ်းချဥ်သီးများ ဈေးကွက်အတွင်းသို့ ဝင်ရောက်မှုနည်းပါလာသည့်အတွက် ရှမ်းပြည်နယ် အောင်ပန်းဒေသထွက် ခရမ်းချဥ်သီးများကို မန္တလေးမြို့မှ မှာယူရောင်းချရပါသည်။ အောင်ပန်းဒေသထွက် ခရမ်းချဥ်သီးများမှာ ရာသီမရွေး ဝယ်ယူစားသုံးနိုင်ပြီး အခွံလည်းထူ၍ အချည်အရသာနည်းသည့်အပြင် အလုံးအရွယ်အစား လှခြင်း၊ အထားခံခြင်းတို့ကြောင့် လူအများက ကြိုက်နှစ်သက်ကြပါသည်။ ကန့်ဘလူဒေသထွက် ခရမ်းချဥ်သီးများသည့် မိုးဦးကျစ မိုးစရွာလာလျှင် အသီးများ အထားမခံဘဲ ပုပ်လွယ်ပြီး ဈေးကွက်သို့ ဝင်ရောက်မှုနည်းကာ လူကြိုက်လည်းနည်းပါးကြောင်း၊ ယခုမေလ ဒုတိယအပတ်မှစ၍ ခရမ်းချဥ်သီးဈေးနှုန်းများ ထက်ဝက်မြင့်တက်လျက်ရှိလာကြောင်း သိရှိရပါသည်။

     ကန့်ဘလူမြို့၏ ခရမ်းချဥ်သီးဈေးနှုန်းအနေဖြင့် ယခင်ဧပြီလကုန်နှင့် မေလဆန်း ပထမအပတ်အထိ ထိုင်ဝမ်ခရမ်းချဥ်သီးဈေးမှာ တစ်ပိဿာလျှင် အလုံးအရွယ်အစားအလိုက် (၅၀၀/၇၀၀/၈၀၀/ ၁၀၀၀)ကျပ်ဈေးနှုန်းဖြစ်ခဲ့ပြီး ယခုမေလ ဒုတိယအပတ်နှင့် တတိယအပတ်တို့တွင် ထိုင်ဝမ် ခရမ်းချဥ်သီးဈေးမှာ တစ်ပိဿာလျှင် အလုံးအရွယ်အစားအလိုက် (၁၂၀၀/၁၅၀၀/၁၈၀၀/၂၀၀၀)ကျပ်အထိ ဈေးနှုန်းမြင့်တက်လာပြီး အရောင်းအဝယ်ဖြစ်နေကြောင်း၊ ခရမ်းချဥ်သီး တစ်ပိဿာလျှင် (၁၀၀၀) ကျပ်ခန့် အထိ ဈေးနှုန်းမြင့်တက်ကြောင်း ကန့်ဘလူမြို့ ကုန်စိမ်းသီးနှံ အရောင်းအဝယ်လုပ်နေသူများထံမှ သိရှိရပါသည်။

DOCA(စစ်ကိုင်း)

     ကန့်ဘလူ၊ ကျွန်းလှတို့တွင် ၂၀၂၄ ခုနှစ်၊ မေလတတိယပတ်အတွင်း အရောင်းအဝယ်ဖြစ်နေသော အခြေခံစားသောက်ကုန်ဈေးနှုန်းများဖြစ်သော ရွှေဘိုပေါ်ဆန်း (အသစ်)တစ်ပြည် ကျပ် ၅၅၀၀၊ ဧရာမင်း (အသစ်)တစ်ပြည် ကျပ်၅၀၀၀ အရောင်းအဝယ်ဖြစ်လျက်ရှိသည်။ ကြက်သွန်နီ လက်လီဈေး အကြီး/အသေး နှင့် အမျိုးအစားပေါ်မူတည်၍ တစ်ပိဿာ ကျပ်၂၇၀၀/၂၅၀၀၊ ကြက်သွန်ဖြူ လက်လီဈေးမှာ(ဗမာ)အကြီး /အသေးပါ်မူတည်၍ တစ်ပိဿာ ကျပ်၁၀၀၀၀ မှ ကျပ်၁၄၀၀၀ အထိ အစားစားရှိပါသည်။ ကြက်သွန်ဖြူ (ကြူကုတ်) တစ်ပိဿာ ကျပ် ၁၂၀၀၀ ၊ ချင်း တစ်ပိဿာ ကျပ်၁၀၀၀၀၊ အာလူး အသေး/အကြီး ပေါ်မူတည်၍ အမျိုးအစားအလိုက် တစ်ပိဿာ ကျပ်၂၅၀၀/၂၇၀၀၊ ငရုပ်သီးခြောက် တစ်ပိဿာ ကျပ်၁၀၀၀၀၊ ကုလားပဲဆံ တစ်ပိဿာလျှင် ကျပ်၆၅၀၀၊  ကုလားပဲဆံ တစ်ပြည်လျှင် ကျပ် ၈၅၀၀၊ စွန်တာနီပဲ လုံးကြား  တစ်ပြည် ကျပ်၅၂၀၀ဖြင့် အရောင်းအဝယ် ဖြစ်လျက်ရှိသည်။

    ကန့်ဘလူ၊ ကျွန်းလှတို့၏ အသီးအရွက်ဈေးနှုန်းများမှာ ခရမ်းချဉ်သီး(ထိုင်ဝမ်) တစ်ပိဿာ ကျပ်၁၅၀၀/၁၈၀၀ ၊ ခရမ်းသီး တစ်ပိဿာ ကျပ်၁၅၀၀၊ ငရုပ်သီးစိမ်း တစ်ပိဿာ ကျပ်၃၅၀၀၊ ပန်းဂေါ်ဖီ အသေး/ အကြီး ပေါ်မူတည်၍ တစ်ပွင့် ကျပ်၂၀၀၀/၂၅၀၀ ၊ ဂေါ်ဖီထုတ် အသေး/အကြီးပေါ်မူတည်၍ တစ်ထုတ် ကျပ် ၈၀၀/၁၀၀၀/၁၂၀၀ ၊ ခါကြက်ဥ ဗမာ တစ်ပိဿာ ကျပ်(၃၀၀၀)၊ ခါကြက်ဥ တရုတ် တစ်ပိဿာ (၆၀၀၀)ကျပ်၊ ပဲသီးတောင့်ရှည် တစ်စည်းလျှင် ကျပ်၂၀၀၊ ကန်ဇွန်းရွက် တစ်စည်း ကျပ်၁၀၀၊ ချဉ်ပေါင်ရွက် တစ်ပုံ ကျပ်၂၀၀၊ ဆူးပုပ်ရွက် တစ်စည်း ကျပ်(၁၀၀)၊ မန်ကျီးရွက်နု တစ်ပုံ  ကျပ် ၂၀၀၊ သံပုရာသီး တစ်လုံး ကျပ်၂၀၀/၂၅၀ တို့ဖြင့် အရောင်းအဝယ်ဖြစ်လျက် ရှိသည်။

    ကန့်ဘလူ၊ ကျွန်းလှတို့၏ အသား/ငါးဈေးနှုန်းများမှာ ကြက်သား(ဗမာ/cp) တစ်ပိဿာ ကျပ်၁၈၀၀၀/ ၂၀၀၀၀၊ ဝက်သား တစ်ပိဿာ ကျပ်၁၈၀၀၀၊ အမဲသား တစ်ပိဿာ ကျပ်၁၆၀၀၀၊ ငါးကြင်း အကောင်လိုက် တစ်ပိဿာ  ကျပ်၉၅၀၀၊ ငါးကြင်းခုတ်သား တစ်ပိဿာ ကျပ်၁၄၀၀၀၊ တီလားဗီးယားငါး အကောင်သေး တစ်ပိဿာ ကျပ်၆၀၀၀၊ အကြီး တစ်ပိဿာ ကျပ်၈၀၀၀၊ ကြက်ဥ တစ်လုံး ကျပ် ၂၅၀/၃၀၀၊ ဘဲဥ တစ်လုံး ကျပ်၄၀၀ တို့ဖြင့် အရောင်းအဝယ်ဖြစ်လျက်ရှိသည်။

    ကန့်ဘလူ၊ ကျွန်းလှတို့၏ စားသုံးဆီဈေးနှုန်းများမှာ မြေပဲဆီသန့် တစ်ပိဿာ ကျပ်၁၅၀၀၀၊ စားအုန်းဆီ တစ်ပိဿာ ကျပ်၆၀၀၀ဖြင့် အရောင်းအဝယ်ဖြစ်နေကြောင်း သိရှိရသည်။

    ၂၀၂၄ ခုနှစ်၊ မေလ တတိယပတ်အတွင်း အခြေခံစားကုန်ဈေးနှုန်းများအား ယခင် ၂၀၂၄ ခုနှစ်၊ မေလ ဒုတိယအပတ် ဈေးနှုန်းများနှင့် နှိုင်းယှဉ်ကြည့်ပါက အခြားအခြေခံစားကုန်ဈေးနှုန်းများဖြစ်သည့် ဆန်၊ဆီ၊ ဆားဈေးနှုန်းများနှင့် အသားဈေး၊ ငါးဈေးများ ကြက်သွန် ၊ခရမ်းချဉ်သီးဈေးများ ထူးခြားစွာပြောင်းလဲမှုမရှိဘဲ တည်ငြိမ်လျက်ရှိကြောင်း ကန့်ဘလူမြို့ မြို့မစည်ပင်သာယာဈေးရောင်းချသူများထံမှ သိရသည်။

DOCA(စစ်ကိုင်း)