ပြည်တွင်းကုန်သွယ်မှုသတင်း

        စစ်ကိုင်းတိုင်းဒေသကြီး ၊ ကန့်ဘလူခရိုင်၊ ကျွန်းလှမြို့၊ ပိတောက်မြိုင်ဈေးတွင် ဟင်းသီးဟင်းရွက် အမျိုးမျိုးဖြစ်သော  ရုံးပတီသီး၊ မုံလာထုတ်(ခေါ်)ဂေါ်ဖီထုတ်၊ ပန်းဂေါ်ဖီ၊ ဂေါ်ရခါးသီး၊ ခါကြက်ဥ၊ ဘိုစားပဲသီး၊ ရွှေပဲသီး၊ ပဲသီးတောင့်ရှည်၊ ကြက်ဟင်းခါးသီး၊ ကင်းမုံသီး ၊ မျှစ်စိမ်း၊ မျှစ်ပြုတ်၊ ရွှေဖရုံသီး၊ ဘူးသီး၊ ကန်ဇွန်းရွက်၊ ချဉ်ပေါင်ရွက်နှင့် ပဲလင်းမြွေသီး(ခေါ်)ဗုံလုံသီး တို့ကို ရောင်းချနေကြောင်း သိရှိရပါသည်။

          ၂၀၂၅ ခုနှစ်၊ ဩဂုတ်လ(ဒုတိယပတ်)တွင် ကျွန်းလှမြို့၊ သစ်ရာမြိုင်ဈေး၌ ဖြစ်ပေါ်နေသော ဟင်းသီးဟင်းရွက်အမျိုးမျိုး၏ ဈေးနှုန်းအနေဖြင့် ဂေါ်ရခါးသီး တစ်လုံးလျှင်(၈၀၀/၇၀၀)ကျပ်၊ မုံလာထုတ် တစ်ထုတ်လျှင်(၅၅၀၀)ကျပ်၊ ပန်းဂေါ်ဖီ တစ်ပွင့်လျှင်(၄၅၀၀)ကျပ်၊ ခါကြက်ဥ(တရုတ်)တစ်ပိဿာလျှင် (၁၆၀၀၀)ကျပ်၊ ခါကြက်ဥ(ဗမာ)တစ်ပိဿာလျှင်(၁၀၀၀၀)ကျပ်၊ ချဉ်ပေါင်ရွက် တစ်ပိဿာ(၁၅၀၀)ကျပ်၊ ကန်ဇွန်းရွက် တစ်စီးလျှင်(၂၀၀)ကျပ်၊ ကြက်ဟင်းခါးသီး တစ်ပြည်လျှင်(၅၀၀၀)ကျပ်၊ ရွှေဖရုံသီး တစ်ပိဿာလျှင်(၃၀၀၀)ကျပ်၊ ဘူးသီး တစ်လုံးလျှင် (၂၅၀၀)ကျပ် ကင်းမုံသီး တစ်ပြည်လျှင် (၃၂၀၀၀)ကျပ်၊ ပဲလင်းမြွေသီး တစ်တောင့်လျှင်(၇၀၀/ ၈၀၀/၅၀၀)ကျပ်၊ ရွှေပဲသီး တစ်ပိဿာလျှင် (၁၅၀၀၀)ကျပ် မုံညှင်းထုတ် တစ်ပိဿာလျှင်(၁၂၀၀၀)ကျပ်၊ ခရမ်းသီး တစ်ပိဿာလျှင်(၄၀၀၀)ကျပ်၊ ရုံးပတီသီး တစ်ပိဿာလျှင်(၂၈၀၀)ကျပ်၊ ပဲသီးတောင့်ရှည်(၅)တောင့်ပါ တစ်စည်းလျှင်(၄၀၀)ကျပ်၊ မျှစ်စိမ်း တစ်ပိဿာလျှင်(၂၅၀၀)ကျပ်၊ မျှစ်ပြုတ် တစ်ပိဿာလျှင်(၃၀၀၀)ကျပ်၊ငရုပ်သီးစိမ်း တစ်ပိဿာ လျှင်(၃၅၀၀)ကျပ်၊ ကုလားအော် ငရုပ်သီးစိမ်း တစ်ပြည်လျှင်(၁၀၀၀၀)ကျပ် နှင့် ဘိုစားပဲသီး တစ်ပိဿာလျှင်(၁၆၀၀၀)ကျပ်ဈေးနှုန်းတို့ဖြင့် အရောင်းအဝယ် ဖြစ်နေကြောင်း သိရပါသည်။

DOCA(စစ်ကိုင်း)

    ဂမုန်းပန်းပင်သည် နွေရာသီ ၊ဆောင်းရာသီများတွင် အပင်ကိုမြင်တွေ့ဖို့ ခဲယဉ်းလှပြီး ဂမုန်းပန်းဥများသာ မြေကြီးထဲ၌နှစ်ပေါင်းမြောက်များစွာ ရှင်သန်လျက်ရှိပါသည်။ ယခုလမိုးရာသီ ရောက်မှသာ ဂမုန်းဥများမှအရွက်၊ရိုးတံများ ထွက်လာပြီး ပန်းပွင့်မှသာ ဂမုန်းပန်းပင်ကို မြင်တွေ့ နိုင်မည်ဖြစ်ပါသည်။ ဂမုန်းပန်းသည် ရိုးတံမှထွက်၍ ပန်းပွင့်များစွာပါသော ပန်းခိုင်အဖြစ် ပွင့် လန်းပါသည်။ ဂမုန်းပန်း၏အဓိပ္ပာယ်သည် “မျှော်လင့်ခြင်းကြီးစွာဖြင့် စောင့်နေရတဲ့ချစ်သူပါ” ဟူ၍ဖြစ်သည်။ တစ်နှစ်ပတ်လုံးမြေကြီးထဲတွင် ပန်းဥများရှင်သန်နေဆဲဖြစ်ပြီး မိုးသံကြားတာနဲ့ ပွင့်လန်းသောပန်းဖြစ်သည်။ ဂမုန်းပန်းရနံ့သည် ချိုချိုအေးအေးရနံ့သင်းသင်းမွှေးပြီး လှပသော ပန်းမျိုးနွယ်ဖြစ်သည်။အဖြူရောင်၊ပန်းရောင်၊အနီရောင်စသည်ဖြင့်ရောင်စုံပွင့်လန်းကြသည်။ ကျောင်းဆရာမလေးများ၏ ဆံကေသာဆံထုံးထက်ဝယ် အဖြူရောင်ဂမုန်းပန်းလေးတစ်ပွင့် ပန်ဆင်ထားလျှင် လှပကျော့ရှင်းပြီး ကျက်သရေရှိ၍ အမြင်တင့်တယ်လှပါသည်။ အလှပန်းအိုး နှင့်ဘုရားပန်းအိုးများတွင် အလှတင်လှူကြပါသည်။ အချို့ကလည်း အပင်ပေါ်မှာဘဲ အမြင်တင့် စွာ ကိုယ်ရံကြီးဂမုန်း၊ lucky ဂမုန်း၊ ဆင်စွယ်ဂမုန်း၊ ရှင်သီဝလိဂမုန်း၊ စီးပွားဂမုန်း မျိုးစုံရှိပါ သည်။ တချို့ဂမုန်းပင်ကို အိမ်တွင်းမှာမစိုက်ကောင်းဟု အယူရှိ၍မစိုက်ကြသလို အိမ်တော် မင်္ဂလာစီးပွားတက်ဂမုန်းမျိုးကိုတော့စိုက်ပျိုးလေ့ရှိပါသည်။စီးပွားဂမုန်းပင်မျိုးနွယ်ဝင် အပင်များ၊ အလှဂမုန်းပန်းပင်များ ရောင်းအားကောင်းလျက်ရှိပြီး တစ်ပင်လျှင် (၁၀၀၀၀ မှ ၃၀၀၀၀) ကျပ် အထိရောင်းဝယ်လျက်ရှိပြီး ပန်းပွင့်သော အလှဂမုန်းပန်းဥများကို မျိုးဥထုပ် အဖြစ်ရောင်းချသလို တစ်ဥတစ်ပင်လျှင်လည်း(၃၀၀၀,၅၀၀၀)ကျပ်ဖြင့်ရောင်းချလျက်ရှိကြောင်း ပန်းပျိုးပင်အရောင်း ဆိုင် မှသိရှိရသည်။

DOCA (မန္တလေး)

        ကျွန်းလှမြို့၊ သစ်ရာမြိုင်ဈေးအတွင်း ကုန်စိမ်းသီးနှံအစုံဖြစ်သည် ပန်းဂေါ်ဖီ၊ ‌ဂေါ်ဖီထုတ်၊ ‌ရွှေပဲသီး၊ မုံညှင်းထုတ်၊ ပန်းငရုပ်ပွသီး၊ တိုင်ထောင်ဘို စားပဲသီး၊ ဂေါ်ရခါးသီး နှင့် ခါကြက်ဥတို့ကို ရောင်းချလျက် ရှိရာ ‌ရွှေပဲသီးကို မိမိတို့ဒေသထွက်နှင့် မန္တလေးမြို့ ၊ ရှမ်းပြည်နယ်တို့မှ မှာယူရောင်းချကြောင်း သိရသည်။

         ၂၀၂၅ ခုနှစ်၊ ယခု ဩဂုတ်လ ပထမပတ်အတွင်း ကျွန်းလှမြို့၊ သစ်ရာမြိုင်ဈေးအတွင်း‌ ရောင်းချလျက်ရှိသော  ‌ရွှေပဲသီးဈေးနှုန်းမှာ  ရွှေပဲသီး တစ်ပိဿာလျှင်(၁၂၀၀၀)ကျပ်၊ ၅၀ကျပ်သားလျှင်(၆၀၀၀) ကျပ် ဈေးနှုန်းများဖြင့်လည်းကောင်း ဘိုစားပဲသီး ဈေးနှုန်းမှာ ဘိုစားပဲသီး အပြား တစ်ပိဿာလျှင် (၈၀၀၀)ကျပ်၊ ၅၀ကျပ်သားလျှင်(၄၀၀၀)ကျပ် နှင့် ဘိုစားပဲသီး အလုံး လက်လီ တစ်ပိဿာလျှင်(၆၀၀၀) ကျပ်၊ (၅၀)ကျပ်သားလျှင်(၃၀၀၀)ကျပ် ဈေးနှုန်းတို့ဖြင့် ရောင်းချလျက်ရှိခဲ့ပြီး ယခု ဩဂုတ်လ ဒုတိယပတ် အတွင်း ကျွန်းလှမြို့၊ သစ်ရာမြိုင်ဈေး၌ ရောင်းချလျက်ရှိသော  ‌ရွှေပဲသီးဈေးနှုန်းမှာ  ရွှေပဲသီး တစ်ပိဿာ လျှင်(၁၅၀၀၀)ကျပ်၊ ၅၀ကျပ်သားလျှင်(၇၅၀၀)ကျပ် ဈေးနှုန်းများဖြင့် လည်းကောင်း ဘိုစားပဲသီး ဈေးနှုန်း များမှာ ဘိုစားပဲသီး အပြား တစ်ပိဿာလျှင်(၁၅၀၀၀)ကျပ်၊ ၅၀ကျပ်သားလျှင်(၇၅၀၀)ကျပ် နှင့် ဘိုစားပဲ သီး အလုံး လက်လီ တစ်ပိဿာလျှင်(၁၀၀၀၀)ကျပ်၊ (၅၀)ကျပ်သားလျှင်(၅၀၀၀)ကျပ်ဈေးနှုန်းတို့ဖြင့် ရောင်းချနေသောကြောင့် ယခင်အပတ်ထက် ရွှေပဲသီး တစ်ပိဿာလျှင်(၃၀၀၀)ကျပ်၊ ဘိုစားပဲသီး အပြား တစ်ပိဿာလျှင်(၇၀၀၀)ကျပ်နှင့် ဘိုစားပဲသီး အလုံး တစ်ပိဿာလျှင်(၄၀၀၀)ကျပ် ကားလမ်းအခက်အခဲများကြောင့် သီးနှံမျိုးစုံ အဝင်နည်းကာ ဈေးနှုန်းမြင့်တက်ပြီး အရောင်းအဝယ်ဖြစ်လျက်ကြောင်း ကုန်စိမ်းသီးနှံအစုံ ရောင်းချသူထံမှ သိရပါသည်။

DOCA(စစ်ကိုင်း)

      မုံရွာမြို့ ပတ်ဝန်းကျင်ရှိ ကျေးရွာများမှာ သာစည်ဈေးအတွင်းသို့ ရာသီစာ အသီးအရွက်များအပြင် ဗုံလုံးသီးနှင့် ပဲတောင့်ရှည်များလည်း လာရောက်ရောင်းချကြပါသည်။ ဗုံလုံသီး(ခေါ်)ပဲလင်းမြွှေသီးများကို ပုစွန်ဖြင့်အစာသွပ်၍လည်းကောင်း၊ ကြက်ဥဖြင့်ရောမွှေ၍ ကြောက်ချက်၍သော်လည်းကောင်း၊ ဝက်သားဖြင့် ရောက်ချက်၍လည်းကောင်း စားသုံးနိုင်ကြပါသည်။ ပဲတောင့်ရှည်သည် လူတိုင်းကြိုက်ကြသည့် အသီးတစ်မျိူးလည်းဖြစ်ပြီး အကြော်၊ အတို့၊ အမြုပ်၊ သီးစုံပဲဟင်း စသည်တို့ဖြင့် အမျိုးမျိုး စားသုံးကြသည်။

    မုံရွာမြို့၊ သာစည်ဈေးတွင်  ၂၀၂၅ ခုနှစ်၊ ဩဂုတ်လ ဒုတိယပတ်တွင် ဖြစ်ပေါ်နေသော  ဗုံလုံသီး (ခေါ်) ပဲလင်းမြွှေသီး ဈေးနှုန်းများမှာ ဗုံလုံသီး(ခေါ်) ပဲလင်းမြွေသီး အကြီးတစ်တောင့်လျှင် (၁၀၀၀)ကျပ်၊ ဗုံလုံသီး(ခေါ်) ပဲလင်းမြွေသီး အလတ် တစ်တောင့်လျှင် (၉၀၀)ကျပ် နှင့် ဗုံလုံသီး(ခေါ်) ပဲလင်းမြွေသီး အသေး တစ်တောင့်လျှင်(၈၀၀)ကျပ် ဖြစ်ပြီး ပဲတောင့်ရှည်စျေးနှုန်းမှာ တစ်ပိဿာလျှင် ၃၀၀၀- ၃၅၀၀ ကျပ်ထိ ရောင်းချလျက်ရှိကြောင်း ကုန်စိမ်းရောင်းသူများထံမှ သိရှိရပါသည်။

DOCA(စစ်ကိုင်း)

    အေးမြကြည်လင်ခြင်းကိုကိုယ်စားပြုသော ကြာပန်းလေးသည် ဇူလိုင်လ၏ရာသီပန်းဖြစ် သည်။ မြန်မာလို သီတင်းကျွတ်လ၏ရာသီပန်းသည် ကြာပန်းဖြစ်သည်။ လမြတ်ဝါဆိုလမှစ၍ ကြီးမြတ်သောကြာပန်း မျိုးစုံပွင့်လန်းသည့်ရာသီဖြစ်သည်။ ကြာပန်း၏ အဓိပ္ပာယ်သည် “ချစ်ခြင်းမေတ္တာ၊ အသစ်ပြန်လည်စတင်ခြင်းနှင့် မျှော်လင့်ခြင်း” တို့ကို ကိုယ်စားပြုပါသည်။ ကြာမျိုးစုံအနက် ကုမုဒြာကြာသည် မြေပြင်မှစိုက်၍ ရှင်သန်သောပန်းဖြစ်ပြီး ညအခါ လရောင်ဖြာမှသာ ပွင့်သောပန်းမို့ ညဧကရီပန်းဟူ၍လည်း တင်စားခေါ်ကြသည်။ ရေတွင် ပေါက်သောကြာပန်းမျိုးနွယ် မဟုတ်ဘဲ မြေစိုက်ကြာပန်းမျိုးနွယ်ဖြစ်သည်။ နဂါးမောက်ပင် အနွယ်သေးပင်နှင့် ဆင်တူပါသည်။ ကုမုဒြာကြာပန်းသည် အဖြူရောင်၊ ပန်းရောင်ဟူ၍ ရှိသည်။ လပြည့်ဝန်းကျင်ကာလ လထွက်ချိန်တွင်ပွင့်သောပန်းဖြစ်ပြီး နံနက်နေထွက်ချိန်တွင်ညှိုးသွား ပါသည်။ ကုမုဒြာကြာပန်း၏ ရနံ့က လူတွေ၏စိတ်ကိုဖမ်းစားနိုင်စွမ်းရှိပြီး ညအခါလသာသာမှ သာ ကြည့်ရှုခံစားနိုင်သည်။ ကုမုဒြာကြာပန်းပင်များကို အလှပန်းပင်အဖြစ် နှစ်သက်မြတ်နိုးစွာ စိုက်ပျိုးမှုများရှိလာပါသည်။ အခြားသောတွေ့နေမြင်နေကျ ပန်းပင်များ နှင့်မတူ တမူထူးခြားစွာ ညမှသာပွင့်သောပန်းမို့ စိတ်ဝင်စားမှုရှိလာကြသည်။ ရှမ်းပြည်နယ်၊ ပြင်ဦးလွင်ဒေသနှင့် မိုးကုတ် ဒေသများဖြစ်သော အေးပြီး မိုးများသောဒေသများတွင် ပိုမိုဖြစ်ထွန်းပါသည်။ ပန်းပျိုးပင် ဈေးကွက်တွင် ကုမုဒြာကြာ ပန်းပျိုးပင် တစ်ပင်လျှင် (၅၀၀၀,၁၀၀၀၀) ကျပ်ဖြင့် ရောင်းချလျက် ရှိကြောင်း သိရှိရပါသည်။

DOCA (မန္တလေး)