ပြည်တွင်းကုန်သွယ်မှုသတင်း

      တောင်ငူခရိုင်၊ အုတ်တွင်းမြို့နယ်သည် စစ်တောင်းမြစ်ဝှမ်း ရေတော်မိုးတော်ဒေသဖြစ်၍ မိုးစပါး၊ ပဲမျိုးစုံနှင့် ဆီထွက်သီးနှံများ အောင်မြင်စွာစိုက်ပျိုးဖြစ်ထွန်းလျက်ရှိသကဲ့သို့ ပဲခူးရိုးမတောင်ပေါ်ရှိ ဆည်ကြီးများ၊ လျှပ်စစ်မြစ်ရေတင်စီမံကိန်းများကြောင့်လည်း နွေစပါးများအောင်မြင်ဖြစ်ထွန်းလျက်ရှိပါသည်။

          ၂၀၂၄ခုနှစ်၊ မေလ ၁၄ရက်နေ့တွင် အုတ်တွင်းမြို့နယ်၊ ဥယျာဉ်တော်ကျေးရွာအုပ်စု၊ သစ်လေးပင်(တောင်)ကွင်းတွင် ခပေါင်းဆည်ရေသောက်မှ မျိုးစေ့ချကိရိယာဖြင့် ထိုင်းနှံကောက် ကောင်းအဆင့် နွေစပါးစိုက်ပျိုးသော တောင်သူလယ်သမားကြီး ဦးမြင့်သိန်း၏ ဧရိယာ (၁.၈၀)ဧကမှ စံကွက်အဖြစ် (၀.၁၀)ဧကအား ရိတ်သိမ်းဆောင်ရွက်ခဲ့ရာ ၁၃၅တင်းနှုန်းထွက်ရှိသဖြင့် ပန်းတိုင်အထွက်နှုန်းထက် ကျော်လွန်ကြောင်းသိရှိရပါသည်။

         စံကွက်ရိတ်သိမ်းပွဲသို့ စိုက်ပျိုးရေးဦးစီးဌာန(ရုံးချုပ်)၊ စပါးသီးနှံဌာနခွဲ ညွှန်ကြားရေးမှူးနှင့် စိုက်ပျိုးရေးဦးစီးဌာန၊ ပဲခူးတိုင်းဒေသကြီးဦးစီးမှူး၊ တောင်ငူခရိုင်ဦးစီးမှူး၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးနှင့် အုတ်တွင်းမြို့နယ်၊  စိုက်ပျိုးရေးလုပ်ငန်းကြီးကြပ်မှုကော်မတီဝင်များနှင့် တောင်သူများတက်ရောက်ခဲ့ကြကြောင်းသိရှိရပါသည်။

DOCA(ပဲခူး)

       တောင်ငူမြို့ ညောင်ပင်ဈေးရှိ သားငါးဆိုင်များတွင် ၂၀၂၄ခုနှစ်၊ မေလလယ်ပိုင်းတွင် ရောင်းချသောဈေးနှုန်းများမှာ ကြက်သား (အိမ်မွေးကြက်) မှာ တစ်ပိဿာလျှင် အကောင်လိုက်ဈေး ၂၀၀၀၀ကျပ်၊ အခြမ်းလိုက်ဈေးမှာ တစ်ပိဿာလျှင် ၂၅၀၀၀ကျပ်ဖြင့် ဈေးနှုန်းတည်ငြိမ်နေပြီး စီပီကြက်မှာ ဧပြီလလယ်ပိုင်းတွင် တစ်ပိဿာလျှင် အကောင်လိုက်ဈေး ၁၀၀၀၀ကျပ်၊ အခြမ်းလိုက်ဈေး ၁၄၀၀၀ကျပ်ရှိခဲ့ရာမှ မေလ၊ ဒုတိယအပတ်တွင် အကောင်လိုက်ဈေး ၁၂၀၀၀ကျပ်၊ အခြမ်းလိုက်ဈေး ၁၅၀၀၀ကျပ်ဖြင့် ဈေးနှုန်းအနည်းငယ်မြင့်တက်လာခဲ့ပါသည်။ ဝက်သားမှာ တစ်ပိဿာလျှင် မေလ၊ ဒုတိယအပတ်တွင် သုံးထပ်သား ၁၅၀၀၀ကျပ်၊ ပေါင်သား ၁၇၀၀၀ကျပ်ဖြင့် ဈေးနှုန်းတည်ငြိမ်နေပါသည်။ 

         ငါးကြင်းမှာ ဧပြီလလယ်ပိုင်းတွင် တစ်ပိဿာလျှင် အကောင်လိုက်ဈေး ၈၀၀၀ကျပ်၊ အခြမ်းလိုက်ဈေး ၁၂၀၀၀ကျပ်ရှိခဲ့ရာမှ မေလ၊ ဒုတိယအပတ်တွင် တစ်ပိဿာလျှင် အကောင်လိုက်ဈေး ၁၀၀၀၀ကျပ်၊ အခြမ်းလိုက်ဈေး ၁၄၀၀၀ကျပ်၊ ငါးကြင်းဖြူမှာ  ဧပြီလလယ်ပိုင်းတွင် တစ်ပိဿာလျှင် အကောင်လိုက်ဈေး ၁၆၀၀၀ကျပ် အခြမ်းလိုက်ဈေး ၁၈၀၀၀ကျပ်ရှိခဲ့ရာမှ မေလ၊ ဒုတိယအပတ်တွင် တစ်ပိဿာလျှင် အကောင်လိုက်ဈေး ၁၈၀၀၀ကျပ်၊ အခြမ်းလိုက်ဈေး ၂၂၀၀၀ကျပ်ဖြင့် ဈေးနှုန်းအနည်းငယ်မြင့်တက်လာခဲ့ပါသည်။

        ငါးရံ့မှာ ဧပြီလလယ်ပိုင်းတွင် တစ်ပိဿာလျှင် ၁၈၀၀၀ကျပ်ရှိခဲ့ရာမှ မေလ၊ ဒုတိယအပတ်တွင် တစ်ပိဿာလျှင် ၂၀၀၀၀ ကျပ်၊ ငါးခူမှာ ဧပြီလလယ်ပိုင်းတွင် တစ်ပိဿာလျှင် ၁၈၀၀၀ကျပ်မှ ၂၀၀၀၀ကျပ်ရှိခဲ့ရာမှ မေလ၊ ဒုတိယအပတ်တွင် တစ်ပိဿာလျှင် ၂၀၀၀၀ကျပ်မှ ၂၂၀၀၀ကျပ်ဖြင့် ဈေးနှုန်းအနည်းငယ်မြင့်တက်လာခဲ့ပါသည်။

      ပုစွန်ဆိတ်မှာ တစ်ပိဿာလျှင် ၁၂၀၀၀ကျပ်၊ ပုစွန်ကြီးမှာ ဧပြီလလယ်တွင် တစ်ပိဿာလျှင် ၂၈၀၀၀ကျပ်မှ ယခုမေလ၊ ဒုတိယအပတ်အထိ ၃၅၀၀၀ကျပ်ဖြင့် တည်ငြိမ်နေကြောင်း ညောင်ပင်ဈေးရှိ သားငါးအရောင်းဆိုင်များမှသိရှိရပါသည်။

DOCA(ပဲခူး)

     မော်လမြိုင်မြို့ ကုန်စည်ဒိုင်၌ မေလ တတိယအပတ်တွင် ဖြစ်ပေါ်လျက်ရှိသော ကြက်သွန်နီဈေးနှုန်းများမှာ မြစ်သားကြက်သွန်နီ(အကြီး) ၁ပိဿာလျှင် ၃၀၀၀ ကျပ်၊ မြစ်သားကြက်သွန်နီ(အလတ်) ၁ပိဿာလျှင် ၂၉၀၀ ကျပ်၊ မြစ်သားကြက်သွန်နီ (အသေး) ၁ပိဿာလျှင် ၂၇၀၀ ကျပ်၊ မုံရွာကြက်သွန်နီ(အကြီး) ၁ပိဿာလျှင် ၂၆၀၀ ကျပ်၊ မုံရွာကြက်သွန်နီ(အလတ်) ၁ပိဿာလျှင် ၂၅၀၀ ကျပ်၊ မုံရွာကြက်သွန်နီ(အသေး) ၁ပိဿာလျှင် ၂၀၀၀ ကျပ် အရောင်းအဝယ်ဖြစ်လျက်ရှိရာ ယခင်လနှင့် နှိုင်းယှဉ်ပါက ဈေးနှုန်းအနည်းငယ် ကျဆင်းလျက်ရှိကြောင်း သိရှိရပါသည်။

     ကြက်သွန်ဖြူဈေးနှုန်းများမှာ ကြူကုတ် ၁ပိဿာလျှင် ၁၂၀၀၀ ကျပ်၊ ထူးလေး ၁ပိဿာလျှင် ၉၂၀၀ ကျပ်၊ ထူးငါး ၁ပိဿာလျှင် ၉၇၀၀ ကျပ်၊ ဂျင်း(ဥမ) ၁ပိဿာလျှင် ၈၇၀၀ ကျပ် အရောင်းအဝယ်ဖြစ်လျက်ရှိရာ ယခင်လနှင့် နှိုင်းယှဉ်ပါက ကြူကုတ် ၁၀၀၀ ကျပ်၊ ဂျင်း ၃၀၀ ကျပ် ဈေးနှုန်းများကျဆင်းလျက်ရှိပြီး ထူးလေးနှင့်ထူးငါးမှာ ဈေးနှုန်းအနည်းငယ်မြင့်တက်လျက်ရှိကြောင်း သိရှိရပါသည်။

DOCA(မွန်)

     တောင်ငူမြို့၊ ညောင်ပင်လေးဈေးရှိ ဟင်းသီးဟင်းရွက်ဈေးတွင် ၂၀၂၄ခုနှစ်၊ မေလ၊ ဒုတိယအပတ်တွင် ငရုတ်သီးစိမ်း (မိုးထောင်သီး)မှာ တစ်ပိဿာလျှင် ၅၀၀၀ကျပ်မှ ၅၅၀၀ကျပ်ဖြင့် ဈေးနှုန်းတည်ငြိမ်နေပြီး ငရုတ်သီးစိမ်း (ကျောက်စိမ်း) မှာ ယခင်ဧပြီလတွင် တစ်ပိဿာလျှင် ၂၀၀၀ကျပ်မှ ၂၅၀၀ကျပ်ရှိခဲ့ရာမှ ယခမေလ၊ ဒုတိယအပတ်တွင် တစ်ပိဿာလျှင် ၅၀၀၀ကျပ်မှ ၅၅၀၀ကျပ်အထိ၊ ငရုတ်သီးစိမ်း(ကုလားအော်သီးမှာ) ဧပြီလတွင် တစ်ပိဿာလျှင် ၆၅၀၀ကျပ်မှ ၇၀၀၀ကျပ်ရှိခဲ့ရာမှ ယခုမေလ၊ ဒုတိယအပတ်တွင် တစ်ပိဿာလျှင် ၁၈၀၀၀ကျပ်မှ ၂၀၀၀၀ကျပ်ဖြင့် ဈေးနှုန်းမြင့်တက်လာခဲ့ပါသည်။

        ခရမ်းသီး (အဖြူ)မှာ ဧပြီလတွင် တစ်ပိဿာလျှင် ၉၀၀ကျပ်မှ ၁၀၀၀ကျပ်ရှိခဲ့ရာမှ မေလ၊ ဒုတိယအပတ်တွင် တစ်ပိဿာလျှင် ၂၀၀၀ကျပ်မှ ၂၅၀၀ကျပ်အထိ၊ ခရမ်းသီး(အညို)မှာ  ဧပြီလတွင် တစ်ပိဿာလျှင်  ၁၂၀၀ကျပ်မှ ၁၅၀၀ကျပ်ရှိခဲ့ရာမှ ယခုမေလ၊ ဒုတိယအပတ်တွင် တစ်ပိဿာလျှင် ၂၅၀၀ကျပ်မှ ၃၀၀၀ကျပ်ဖြင့် ဈေးနှုန်းမြင့်တက်လာခဲ့ပါသည်။

     ခရမ်းချဉ်သီး (ရှမ်းပြည်သီး)မှာ ဧပြီလတွင် တစ်ပိဿာလျှင် ၁၃၀၀ကျပ်မှ ၁၅၀၀ကျပ်ရှိခဲ့ရာမှ ယခုမေလ၊ ဒုတိယအပတ်တွင် တစ်ပိဿာလျှင် ၂၅၀၀ကျပ်ဖြင့် ဈေးနှုန်းမြင့်တက်ပြီး ခရမ်းချဉ်သီး (ဒေသသီး)မှာ တစ်ပိဿာလျှင် ၁၅၀၀ကျပ်မှ ၂၀၀၀ကျပ်အထိဖြင့် ဈေးနှုန်းတည်ငြိမ်နေပါသည်။

        ဂေါ်ဖီမှာ ဧပြီလတွင် တစ်ပိဿာလျှင် ၈၀၀ကျပ်မှ ၁၀၀၀ကျပ်ရှိခဲ့ရာမှ ယခုမေလတွင် တစ်ပိဿာလျှင် ၁၅၀၀ကျပ်မှ ၂၀၀၀ကျပ်၊ မုံညင်းဖြူမှာ ဧပြီလတွင် တစ်ပိဿာလျှင် ၁၈၀၀ကျပ်မှ ၂၀၀၀ကျပ်ရှိခဲ့ရာမှ ယခုမေလ၊ ဒုတိယအပတ်တွင် တစ်ပိဿာလျှင် ၃၅၀၀ကျပ်မှ ၄၀၀၀ကျပ်အထိ၊ မုံလာဥဖြူမှာ ဧပြီလတွင် တစ်ပိဿာလျှင် ၁၈၀၀ကျပ်မှ ၂၀၀၀ကျပ်အထိရှိခဲ့ရာမှ ယခုမေလ၊ ဒုတိယအပတ်တွင် တစ်ပိဿာလျှင် ၂၅၀၀ကျပ်အထိဈေးနှုန်းမြင့်တက်လာပြီး မုံလာဥနီမှာ တစ်ပိဿာလျှင် ၂၅၀၀ကျပ်မှ ၄၀၀၀ကျပ်အထိဖြင့် ဈေးနှုန်းတည်ငြိမ်နေကြောင်း တောင်ငူမြို့၊ ညောင်ပင်လေးဈေးရှိ ဟင်းသီးဟင်းရွက်အရောင်းဆိုင်များမှသိရှိရပါသည်။

DOCA(ပဲခူး)

    မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်တွင် ပဲမျိုးစုံသီးနှံဖြစ်သည့် မတ်ပဲ၊ ပဲတီစိမ်း၊ ပဲစဉ်းငုံနီ၊ ပဲကြီး၊ ကုလားပဲ၊ ဘိုကိတ်ပြာ၊ မြေပဲနှင့် နှမ်းသီးနှံ၊ ဝါသီးနှံတို့ နေ့စဉ်ဈေးနှုန်းနှင့် အရောင်းအဝယ်များ ဖြစ်ပေါ်လျက်ရှိရာ ၂၀၂၄ခုနှစ်၊ မေလ(ဒုတိယပတ်) အတွင်းတွင် မတ်ပဲ (၁)တင်းလျှင် အနိမ့်ဈေး ကျပ်(၉၈၀၀၀)၊ အမြင့်ဈေးကျပ်(၉၈၅၀၀)ဈေးနှုန်းဖြင့် (၁)တင်းခွဲဝင် အိတ်(၁၃၀)ကို လည်းကောင်း၊ ပဲစဉ်း ငုံနီမှာ (၁)တင်းလျှင် အနိမ့်ဈေးကျပ်(၁၂၉၀၀၀)၊ အမြင့်ဈေးကျပ်(၁၃၁၀၀၀) ဈေးနှုန်းဖြင့် (၁)တင်း ခွဲဝင် အိတ်(၉၀၀)ကိုလည်းကောင်း၊ ပဲကြီး (၁)တင်းလျှင် အနိမ့်ဈေးကျပ် (၈၂၀၀၀) အမြင့်ဈေး ကျပ်(၈၉၀၀၀)ဈေးနှုန်းဖြင့် (၁)တင်းခွဲဝင် အိတ်(၁၂၀)ကို လည်းကောင်း၊ ဘိုကိတ်ပြာ (၁)တင်းလျှင် ကျပ်(၆၂၀၀၀)ဈေးနှုန်းဖြင့် (၁)တင်းခွဲဝင် အိတ်(၁၀၀) ကိုလည်းကောင်း၊ ကုလားပဲ (HL) (၁)တင်းလျှင် အနိမ့်ဈေးကျပ် (၈၁၅၀၀) အမြင့်ဈေးကျပ်(၈၂၅၀၀)ဈေးနှုန်းဖြင့် (၁)တင်းခွဲဝင် အိတ်(၄၅၀)ကို လည်းကောင်း၊ ကုလားပဲ(မြကြေး)(၁)တင်းလျှင် အနိမ့်ဈေးကျပ် (၈၄၀၀၀) အမြင့်ဈေး ကျပ်(၈၇၀၀၀) ဈေးနှုန်း ဖြင့် (၁)တင်းခွဲဝင် အိတ်(၃၅၀)ကို လည်းကောင်း၊ မြေပဲလုံးဆံ(ဖြူ)(၁)ပိဿာလျှင် ယခုတစ်ပတ်အတွင်း ကျပ်(၆၈၀၀-၆၉၀၀)ဈေးနှုန်းဖြင့် (၃၀)ပိဿာဝင်အိတ်(၃၀၀)ကိုလည်းကောင်း အသီးသီးအရောင်းအဝယ်ဖြစ်ပေါ်လျက်ရှိပါသည်။

    နှမ်းသီးနှံအနေဖြင့် နှမ်းနက်(စမုံ) (၄၅)ပိဿာပါ (၁)အိတ်လျှင် အနိမ့်ဈေးကျပ်(၃၅၀၀၀၀) အမြင့် ဈေးကျပ် (၃၈၀၀၀၀)၊ နှမ်းပြာ (၄၅)ပိဿာပါ (၁)အိတ်လျှင် ကျပ် (၃၄၀၀၀၀)၊ နှမ်းနီ(၄၅)ပိဿာပါ (၁)အိတ် လျှင် ကျပ်(၃၄၀၀၀၀-)၊ နှမ်းဖြူ(၄၅)ပိဿာပါ (၁)အိတ်လျှင် ကျပ် (၃၅၀၀၀၀) အသီးသီးဈေးနှုန်းများ ဖြစ်ပေါ်လျက်ရှိပြီး နှမ်းနက်(စမုံ) (၄၅)ပိဿာဝင်အိတ် (၄၈၀)၊ နှမ်းပြာ (၄၅)ပိဿာဝင် အိတ်(၈၀)၊ နှမ်းနီ(၄၅)ပိဿာဝင် အိတ်(၉၀)၊ နှမ်းဖြူ (၄၅)ပိဿာဝင် အိတ်(၅၅)ကိုလည်းကောင်း၊ ဝါသီးနှံမှာ ယခုတစ်ပတ်အတွင်းတွင် (၁)ပိဿာလျှင် ကျပ်(၂၇၀၀မှ ၂၈၀၀)ဈေးနှုန်းရှိပြီး ဝါပိဿာချိန် (၁၁၀၀၀) ပိဿာ အရောင်းအဝယ်ဖြစ်ခဲ့ပါကြောင်း နှမ်းသီးနှံဈေးနှုန်းမှာ အတက်အကျမရှိပဲ ပဲမျိုးစုံသီးနှံနှင့် ဝါသီးနှံတို့မှာ ဈေးနှုန်းတည်ငြိမ်လျက်ရှိပါကြောင်းနှင့် မေလ(ပထမပတ်)နှင့်နှိုင်းယှဥ်ပါက ယခုမေလ (ဒုတိယပတ်)တွင် အရောင်းအဝယ်မှာ အနည်းငယ်မြင့်တက်လာပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)