ပြည်တွင်းကုန်သွယ်မှုသတင်း

      ရန်ကုန်အရှေ့ပိုင်းခရိုင်၊ အထက်ပုဇွန်တောင်လမ်း၊ မင်္ဂလာတောင်ညွန့်မြို့နယ်ရှိ ကြက်/ ဘဲဈေးဒိုင်မှ စားသုံးသူပြည်သူများ လွယ်ကူစွာဝယ်ယူစားသုံးနိုင်ရန်အတွက် ပြည်နယ်နှင့် တိုင်းများသို့ ကြက်/ဘဲများကို နေ့စဉ် လက်လီ/လက်ကားဖြန့်ဖြူးရောင်းချလျက်ရှိကြောင်းသိရှိရပါသည်။

      စားသုံးသူရေးရာဦးစီးဌာန၊ ရန်ကုန်အ‌ရှေ့ပိုင်းခရိုင်ရုံးမှ ဝန်ထမ်းများသည် ၇-၂-၂၀၂၃ ရက်နေ့တွင် မင်္ဂလာတောင်ညွန့်မြို့နယ်ရှိ ကြက်/ဘဲ‌ဈေးဒိုင်သို့သွားရောက်၍ ဈေးကွက်/ဈေးနှုန်းစုံစမ်းခြင်းများပြုလုပ်ခဲ့ရာ ရန်ကုန်တိုင်းဒေသကြီးအတွင်းရှိ မြို့နယ်များအပြင် ဧရာဝတီတိုင်းဒေသကြီးမှလည်းကောင်း၊ အခြားတိုင်းနှင့် ပြည်နယ်များမှလည်းကောင်း၊ ရန်ကုန်ကြက်/ဘဲဈေးဒိုင်သို့ အဆက်မပြတ်ဝင်ရောက်နေခြင်းကြောင့် ယခင်လများနည်းတူ ဈေးနှုန်းများမှာ တည်ငြိမ်လျက်ရှိပါသည်။

     ထိုသို့ ပြန်လည်ရောင်းချလျက်ရှိသော ကြက်/ဘဲဈေးနှုန်းများမှာ အိမ်မွေးကြက် ၁ ပိဿာလျှင် (၁၂၀၀ဝိ-၁၃၀၀ဝိ) ကျပ်၊ အသားတိုးကြက် ၁ ပိဿာလျှင် (၆၀၀ဝိ-၆၁၀ဝိ) ကျပ်၊ မွေးမြူရေးကြက် (အထီး/အမ) ၁ ပိဿာလျှင် (၆၅၀ဝိ-၈၅၀ဝိ) ကျပ်၊ တောဘဲ-ဓါတ်ဘဲ ၁ ပိဿာလျှင် (၇၅၀ဝိ-၇၆၀ဝိ) နှင့် ချယ်ရီဘယ်ရီဘဲ ၁ ပိဿာလျှင် (၉၀၀ဝိ/-) ကျပ်တို့ဖြင့် အသီးသီးရောင်းချလျက်ရှိပါကြောင်းသိရှိရပါသည်။

DOCA(ရန်ကုန်)

       အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ဖေဖေါ်ဝါရီလ(၁)ရက်နေ့မှ ဖေဖေါ်ဝါရီလ(၇)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက်ရောင်းချနေကြောင်း သိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်တစ်ပိဿာလျှင် ကျပ် (၁၅၀၀ မှ ၂၂၀၀ )အတွင်း၊ ဂေါ်ဖီထုပ်တစ်ထုပ်လျှင် ကျပ် (၅၀၀ မှ ၁၅၀၀) အတွင်း၊ ပန်းဂေါ်ဖီတစ်ထုပ်လျှင် ကျပ် (၅၀၀ မှ ၁၄၀၀) အတွင်း၊ အာလူးတစ်ပိဿာလျှင် ကျပ် (၂၃၀၀ မှ ၂၅၀၀) အတွင်း၊ မုန်လာဥနီတစ်ပိဿာလျှင် ကျပ် (၁၂၀၀ မှ ၁၈၀၀) အတွင်း ရွှေဖရုံသီးတစ်လုံးလျှင် ကျပ် (၁၀၀၀ မှ ၅၀၀၀) အတွင်း၊ ဘူးသီးတစ်လုံးလျှင် ကျပ် (၈၀၀ မှ ၁၅၀၀) အတွင်း၊ မုန်ညှင်းထုပ်တစ်ပိဿာလျှင် ကျပ် (၁၅၀၀ မှ ၂၄၀၀) အတွင်း၊ ကြက်သွန်နီ(ဆိပ်ဖြူ)တစ်ပိဿာလျှင် ကျပ် (၂၀၀၀ မှ ၂၃၀၀) အတွင်း၊ ကြက်သွန်ဖြူ(ရှမ်း)တစ်ပိဿာလျှင် ကျပ် (၅၀၀၀ မှ ၆၀၀၀) အတွင်း၊ ကြက်သွန်ဖြူ (ကြူကုတ်) တစ်ပိဿာလျှင် ကျပ် (၃၆၀၀ မှ ၃၈၀၀) အတွင်း၊ ချင်းတစ်ပိဿာလျှင် ကျပ် (၁၂၀၀ မှ ၁၅၀၀) အတွင်း၊ ဆလပ်ရွက် တစ်စီးလျှင် ကျပ် (၁၅၀ မှ ၂၅၀) အတွင်း၊ ချဉ်ပေါင်ရွက်တစ်စီးလျှင် ကျပ် (၆၅ မှ ၁၂၀) အတွင်း၊ ခရမ်းသီး  (ရှည်) တစ်ပိဿာလျှင် ကျပ် (၈၀၀ မှ ၁၅၀၀) အတွင်း၊ သံပရာသီးတစ်လုံးလျှင် ကျပ် (၄၀ မှ ၁၂၀) အတွင်း၊ ငရုတ်သီးစိမ်း (ကျောက်စိမ်း) တစ်ပိဿာလျှင် ကျပ် (၁၅၀၀ မှ ၂၄၀၀) အတွင်း၊ ဖရဲသီး (အကြီး၊ အလတ်၊ အသေး)တစ်လုံးလျှင် ကျပ် (၁၂၀၀ မှ ၅၀၀၀) အတွင်းဖြစ်ကြောင်းသိရှိရပါသည်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း သံပရာသီးအလုံးပေါင်း (၆၈၉၀၀)လုံးကျော်၊ ခရမ်းသီး (ရှည်) ပိဿာပေါင်း (၃၇၆၂၀)ပိဿာကျော်၊ ဘူးသီးအလုံးပေါင်း (၄၄၅၀)လုံးကျော်၊ ရွှေဖရုံသီးအလုံးပေါင်း (၁၅၈၀)လုံးကျော်၊ ဂေါ်ဖီထုပ်ပေါင်း (၃၁၀၀၀)ထုပ်ကျော်၊ ပန်းဂေါ်ဖီထုပ်ပေါင်း (၁၄၅၀၀)ထုပ်ကျော်၊ မုန်ညှင်းထုပ်ပိဿာပေါင်း (၉၃၁၅)ပိဿာကျော်၊ ဖရဲသီးလုံးပေါင်း (၉၆၀၀)လုံးကျော်  အသီးသီးကုန်အဝင်ရှိကြောင်းသိရပါသည်။

DOCA(ရန်ကုန်)

      စားဖိုဆောင်သီးနှံတစ်မျိုးဖြစ်သည့် ပိန်းဥကို  လင်ဖုံလေး အထက်ရွာနှင့် လင်ဖုံလေး အောက်ရွာတို့တွင် အများဆုံးစိုက်ပျိုးရောင်းချလျက်ရှိပြီး ရှမ်းပြည်နယ် ပင်လောင်းဘက်မှလည်း မှာယူရောင်းချကြပါသည်။

       ယခုဖေဖော်ဝါရီလ ဒုတိယပတ်တွင် ဈေးကွက်အတွင်းဖြစ်ပေါ်နေသော ပိန်းဥတစ်ပိဿာဈေးနှုန်းမှာ (၁၀၀၀)ကျပ်ဈေးဖြင့် အရောင်းအဝယ်ဖြစ်လျက်ရှိပြီး ယခင်ဇန်နဝါရီလဒုတိယပတ် တွင် ပိန်းဥတစ်ပိဿာဈေးနှုန်းမှာ (၁၅၀၀)ကျပ်ဖြင့်ရောင်းချခဲ့ရာ ယခုဖေဖော်ဝါရီလဒုတိယပတ်နှင့် ယခင်ဇန်နဝါရီလဒုတိယပတ် ဈေးနှုန်းနှိုင်းယှဉ်ကြည့်လျှင် ပိန်းဥတစ်ပိဿာဈေးနှုန်းမှာ (၅၀၀) ကျပ်ခန့်ကျဆင်းသွားကြောင်း နောင်ယားဈေးရှိ ပိန်းဥရောင်းချသော ဈေးသည်တစ်ဦးထံမှသိရပါသည်။

DOCA(ကယား)

    နေ့စဉ် ဟင်းလျာထဲတွင်မပါမဖြစ်သော စားဖိုဆောင်သီးနှံတစ်မျိုးဖြစ်သည့် ခရမ်းချဉ်သီးကို မိုင်းလုံးရပ်ကွက်၊ ရွာတန်းရှည်ရပ်ကွက်နှင့် လင်ဖုံလေးကျေးရွာတို့တွင် အများဆုံးစိုက်ပျိုး လျက်ရှိပါသည်။

      ယခု ဖေဖော်ဝါရီလ ဒုတိယပတ်တွင် ဈေးကွက်အတွင်းဖြစ်ပေါ်နေသော ခရမ်းချဉ်သီးဈေးနှုန်းမှာတစ်ပိဿာလျှင် (၂၅၀၀)ကျပ်ဈေးဖြင့် အရောင်းအဝယ်ဖြစ်လျက်ရှိပြီး ယခင် ဇန်နဝါရီလဒုတိယပတ်တွင် ခရမ်းချဉ်သီးဈေးနှုန်းမှာ တစ်ပိဿာလျှင် (၂၀၀၀)ကျပ်ဖြင့်ရောင်းချခဲ့ရာ ယခင်ဇန်နဝါရီလဒုတိယပတ်နှင့် ယခုဖေဖော်ဝါရီလ ဒုတိယပတ်ဈေးနှုန်းနှိုင်းယှဉ်ကြည့်လျှင် ခရမ်းချဉ်သီးတစ်ပိဿာလျှင် (၅၀၀)ကျပ်ခန့်မြင့်တက်လာကြောင်း နောင်ယားဈေးရှိ ခရမ်းချဉ်သီးရောင်းချသော ဈေးသည်တစ်ဦးထံမှသိရပါသည်။

DOCA(ကယား)

      မိတ္ထီလာခရိုင်၊ မလှိုင်မြို့နယ်တွင် အိမ်ခြံဝန်းအတွင်း အလေ့ကျပေါက်သော မန်ကျည်းပင်မှ ဝင်ငွေရလျက်ရှိပါသည်။ ယခုနှစ်တွင် အသီးနှုန်းကောင်း၍ အထွက်နှုန်းကောင်းကြောင်း သိရပါသည်။ မန်ကျည်းသီးမှည့်သည် ဟင်းလျာများချက်ပြုတ်ရာတွင်လည်း အသုံးပြုကြသည့်အပြင် မြန်မာတိုင်းရင်းဆေးဖော်စပ်ရာတွင်လည်း အသုံးဝင်သောဒေသထွက်ကုန်တစ်မျိုးဖြစ်ပါသည်။ မန်ကျည်းသီးမှည့်ကို ဇန်နဝါရီလဆန်းပိုင်းတွင် စတင်ခူးဆွတ်ရာ လုပ်ငန်းရှင်များက အပင်ပြတ် ဝယ်ယူ၍လည်းကောင်း၊ အပင်ရှင်ကိုယ်တိုင်မှ လည်းကောင်းခူးဆွတ်၍ မိတ္ထီလာမြို့ပေါ်ပွဲရုံများတွင် အများဆုံးတင်ပို့ရောင်းချကြပါသည်။ ယခင် မန်ကျည်းမှည့်အသစ်မပေါ်မီဈေးကွက်တွင် မန်ကျည်းမှည့် အသားတစ်ပိဿာလျှင် (၆၀၀၀)ကျပ်ရှိခဲ့သော်လည်း ယခု မန်ကျည်းသစ်ပေါ်ချိန်တွင် မန်ကျည်းမှည့်အသား တစ်ပိဿာလျှင် (၄၀၀၀)ကျပ်ဈေးဖြင့် အရောင်းအဝယ်ဖြစ်လျက်ရှိရာ ယခင်ဈေးနှုန်းနှင့် နှိုင်းယှဥ်လျှင် မန်ကျည်းမှည့်အသားတစ်ပိဿာလျှင် (၂၀၀၀)ကျပ်ခန့်ကျဆင်းလျက်ရှိကြောင်း ဈေးနှုန်းကျဆင်းလာရခြင်းမှာ မန်ကျည်းမှည့်အသစ်ပေါ်ချိန်ဖြစ်၍ ဈေးကွက်တွင်   မန်ကျည်းမှည့်သစ်များ လှိုင်လှိုင်ဝင်ရောက်လာခြင်းကြောင့်ဖြစ်ကြောင်း သိရပါသည်။

DOCA(မန္တလေး)