ပြည်တွင်းကုန်သွယ်မှုသတင်း

        စားဖိုဆောင်သီးနှံတစ်ခုဖြစ်သည့် ကြက်သွန်ဖြူကို  မုံရွာမြို့နယ်အတွင်း၌လည်း တပိုင်တနိုင် စိုက်ပျိုးလျက်ရှိကြပြီး၊  ယခင်နှစ်စိုက်ပျိုးချိန်တွင် ထွက်ရှိမှုနည်းပါးနေခြင်း၊ ဒေသထွက်များ လှိုင်လှိုင်မပေါ်သေးခြင်းကြောင့် ကြက်သွန်ဖြူကို အောင်ပန်း၊ ကလောတို့မှ သယ်ယူကာ ရောင်းချ လျက်ရှိကြောင်း၊ လက်ရှိ ဈေးကွက်အတွင်းဖြစ်ပေါ်နေသော ဈေးနှုန်းများမှာ ယခုဖေဖော်ဝါရီလ ဒုတိယပတ်တွင် ကြက်သွန်ဖြူ ရှမ်းစ တစ်ပိဿာလျှင် (၇၀၀၀)ကျပ်၊ ကြက်သွန်ဖြူ (ကြူကုတ်) တစ်ပိဿာလျှင် ကျပ် (၅၀၀၀)၊ ယခင် ဇန်နဝါရီလဒုတိယပတ်တွင် ကြက်သွန်ဖြူ ရှမ်းစ တစ်ပိဿာ လျှင် ကျပ်(၆၀၀၀)၊ ကြက်သွန်ဖြူ (ကြူကုတ်) တစ်ပိဿာလျှင် ကျပ် (၄၅၀၀) ဖြင့်ရောင်းချလျက်ရှိကြောင်း၊  ယခုဖေဖော်ဝါရီလ ဒုတိယပတ်နှင့်  ယခင် ဇန်နဝါရီလ ဒုတိယပတ် နှိုင်းယှဉ်မည်ဆိုလျှင် ရှမ်းစတစ်ပိသာလျှင် ကျပ် (၁၀၀၀)ခန့်၊ (ကြူကုတ်) တစ်ပိဿာလျှင် (၅၀၀)ကျပ် ဈေးနှုန်းမြင့်တက် လျက်ရှိကြောင်း မုံရွာမြို့၊မြသလ္လာဈေးတွင်ရောင်းချနေသော ကုန်သည်ပွဲစားများထံမှ သိရှိရပါသည်။

DOCA(စစ်ကိုင်း)

       စီးပွားရေးနှင့် ကူးသန်း‌ရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘို ခရိုင်အနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ်တင်ပြလျက်ရှိပါသည်။

      ရွှေဘိုမြို့သို့ ကြက်သွန်နီများ  နေ့စဉ် ပိဿာ ၂၀၀၀၀မှ ၃၅၀၀၀ကြားခန့် ဝင်ရောက်လျက်ရှိပြီး ဖေဖော်ဝါရီလ ဒုတိယပတ်တွင် လက်လီအကြီး တစ်ပိဿာလျှင် ၁၈၀၀ ကျပ်၊ အလတ်တစ်ပိဿာလျှင် ၁၅၀၀ကျပ်၊ အသေးတစ်ပိဿာလျှင် ၁၀၀၀ကျပ်ဖြင့် အရောင်းအဝယ် ဖြစ်နေ ကြောင်း သိရသည်။

    ကြက်သွန်နီ ဈေးနှုန်းများမှာ ဖေဖော်ဝါရီလ ပထမဆုံးပတ်တွင် လက်လီ အကြီး တစ်ပိဿာလျှင် ၂၃၀၀ကျပ်၊ အလတ်တစ်ပိဿာလျှင် ၁၈၀၀ကျပ်၊ အသေးတစ်ပိဿာလျှင် ၁၃၀၀ကျပ်ဖြင့် အရောင်းအဝယ်ဖြစ်ခဲ့သဖြင့် ယခုအပတ်နှင့်နှိုင်းယှဉ်ပါက၊ ဈေးနှုန်းကျဆင်းလျက်ရှိပြီး၊ ကြက်သွန်နီဈေးနှုန်းကျဆင်းရခြင်းမှာ ဒေသတွင်းမှ ကြက်သွန်နီများ လှိုင်လှိုင်ဝင်ရောက်လာ‌ခြင်းကြောင့်ဖြစ်ကြောင်း၊ ရွှေဘိုမြို့ စည်ပင်သာယာဈေးအတွင်းရှိ ကြက်သွန်နီ ပွဲရုံများမှ သတင်းရရှိသည်။

DOCA(စစ်ကိုင်း)

    ကယားပြည်နယ်၊ လွိုင်ကော်မြို့၌ ၂၀၂၃ ခုနှစ်၊ ဖေဖော်ဝါရီလဒုတိယပတ်အတွင်း ဖြစ်ပေါ် နေသော ဒေသဆန်ဈေးနှုန်းများမှာ တရုတ်မွှေးဆန်တစ်ပြည်လျှင်(၂၈၀၀)ကျပ်နှင့်(၂၄)ပြည် တစ်အိတ်လျှင်(၆၅၀၀၀)ကျပ်၊ ပုလဲသွယ်ဆန်တစ်ပြည်လျှင်(၂၈၀၀)ကျပ်နှင့် (၂၄)ပြည်တစ်အိတ် လျှင်(၆၅၀၀၀)ကျပ်၊ ရွှေအဆန်တစ်ပြည်လျှင်(၂၈၀၀)ကျပ်နှင့် (၂၄)ပြည်တစ်အိတ်လျှင် (၆၅၀၀၀) ကျပ်၊ ထိုင်းမွှေးဆန်တစ်ပြည်လျှင်(၃၀၀၀)ကျပ်နှင့်(၂၄)ပြည်တစ်အိတ်လျှင်(၇၀၀၀၀)ကျပ် တို့ဖြင့် လည်းကောင်း၊ အခြားဒေသမှတင်သွင်းလာသည့် ဆန်ဈေးနှုန်းများမှာ ဇီယာဆန်တစ်ပြည်လျှင် (၂၅၀၀)ကျပ်နှင့်(၂၄)ပြည် တစ်အိတ်လျှင်(၆၀၀၀၀)ကျပ်၊ ပေါ်ဆန်းဇလပ်ဆန်တစ်ပြည်လျှင် (၂၅၀၀)ကျပ်နှင့် (၂၄)ပြည်တစ်အိတ်လျှင်(၆၀၀၀၀)ကျပ်၊ ပေါ်ဆန်းကျော်ဆန်တစ်ပြည်လျှင် (၃၂၀၀)ကျပ်နှင့်(၂၄)ပြည်တစ်အိတ်လျှင်(၇၃၀၀၀)ကျပ်၊ ဧရာမင်းဆန်တစ်ပြည်လျှင်(၃၂၀၀)ကျပ် နှင့် (၂၄)ပြည် တစ်အိတ်လျှင်(၇၅၀၀၀)ကျပ်၊ ပေါ်ဆန်းမွှေး(ဖျာပုံ၊ရန်ကုန်)တစ်ပြည်လျှင်(၃၇၀၀)ကျပ်နှင့် (၂၄)ပြည်တစ်အိတ်လျှင်(၈၅၀၀၀)ကျပ်၊ ရွှေဘိုပေါ်ဆန်းမွှေးတစ်ပြည်လျှင်(၄၀၀၀)ကျပ်နှင့် (၂၄)ပြည်တစ်အိတ်လျှင်(၉၆၀၀၀)ကျပ် တို့ဖြင့်အရောင်းအဝယ်ဖြစ်လျက်ရှိပါကြောင်း ဆန်ရောင်းဝယ်သူတစ်ဦးထံမှ သိရှိရပါသည်။

DOCA(ကယား)

     လွိုင်ကော်မြို့ပေါ်ရှိ ရေနီကန်ကျေးရွာနှင့် လောဓမ္မရပ်ကွက်တို့တွင် စတော်ဘယ်ရီသီးများကို တနိုင်တပိုင်စိုက်ပျိုးလျက်ရှိသော်လည်း ရှမ်းပြည်နယ်တောင်ကြီးဘက်မှလည်းမှာယူ၍ စတော်ဘယ်ရီသီးများကို ရောင်းချလျက်ရှိပါသည်။

   ယခုဖေဖော်ဝါရီလဒုတိယပတ်တွင် ဈေးကွက်အတွင်းဖြစ်ပေါ်နေသော စတော်ဘယ်ရီသီးဈေးနှုန်းမှာ တစ်ပိဿာလျှင်(၉၅၀၀)(၁၀၀၀၀) ကျပ်ဖြင့် ရောင်းချလျှက်ရှိပြီး ယခင်ဇန်နဝါရီလ ဒုတိယပတ်တွင် စတော်ဘယ်ရီသီးဈေးနှုန်းမှာ တစ်ပိဿာလျှင်(၁၃၀၀၀) (၁၄၀၀၀)ကျပ်ဖြင့် ရောင်းချလျှက်ရှိရာ  ယခုဖေဖော်ဝါရီလဒုတိယပတ်နှင့် ယခင်ဇန်နဝါရီလ ဒုတိယပတ်နှိုင်းယှဉ်လျှင် စတော်ဘယ်ရီသီး တစ်ပိဿာဈေးနှုန်းမှာ(၃၅၀၀)(၄၀၀၀)ကျပ်ခန့်ကျဆင်းလာကြောင်း၊ ဈေးနှုန်းကျဆင်းလာရခြင်းမှာ ဈေးကွက်အတွင်းသို့ စတော်ဘယ်ရီသီးများ အများအပြား ဝင်ရောက်လာသောကြောင့်ဖြစ်သည်ဟု  သီရိမင်္ဂလာဈေးအတွင်းရှိ စတော်ဘယ်ရီသီးများရောင်းချသူတစ်ဦးထံမှ သိရပါသည်။

DOCA(ကယား)

   အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်စမုံ(၄၅)ပိဿာ(၁)အိတ်လျှင် ယခင်အပတ် (၁.၂.၂၀၂၃)ရက်နေ့တွင်ကျပ်(၂၉၀၀၀၀)ဖြစ်ပြီး ယခုအပတ်(၇.၂.၂၀၂၃)ရက်နေ့တွင် ကျပ်(၂၈၀၀၀၀) ဖြစ်၍ ကျပ်(၁၀၀၀၀)ဈေးလျော့ခဲ့ကြောင်း၊ နှမ်းဖြူ(၁)အိတ်လျှင် ယခင်အပတ်တွင် ကျပ်(၂၆၀၀၀၀) ဖြစ်ပြီး ယခုအပတ်တွင်လည်း ကျပ်(၂၆၀၀၀၀)၊ နှမ်းပြာ(၁)အိတ်လျှင် ယခင်အပတ်တွင် ကျပ်(၂၄၀၀၀၀) ဖြစ်ပြီး ယခုအပတ်တွင်လည်း ကျပ်(၂၄၀၀၀၀)၊ နှမ်းနီ(၁)အိတ်လျှင် ယခင်အပတ်တွင် ကျပ်(၂၅၀၀၀၀) ဖြစ်ပြီး ယခုအပတ်တွင်လည်း ကျပ်(၂၅၀၀၀၀)ဖြစ်၍ ဈေးနှုန်းပြောင်းလဲခြင်းမရှိဘဲ အရောင်းအဝယ်ပမာဏအနေဖြင့် (၄၅)ပိဿာဝင်အိတ်ဖြင့် နှမ်းနက်(စမုံ) (၅၈၀)အိတ်၊ နှမ်းပြာ(၁၄၀)အိတ်၊ နှမ်းနီ (၉၀) အိတ်နှင့် နှမ်းဖြူ(၆၅)အိတ်တို့ အရောင်းအဝယ်ရှိခဲ့ကြောင်း ကုန်သည်များထံမှ သိရှိရပါသည်။

       ပဲမျိုးစုံဈေးကွက်တွင် ကုလားပဲ(HL) (၂၀)ပိဿာ(၁)အိတ်လျှင် ယခင်အပတ်တွင် ကျပ်(၆၄၀၀၀)ဖြစ်ပြီး ယခုအပတ်တွင်လည်း ကျပ်(၆၄၀၀၀)ဖြစ်၍ ဈေးနှုန်းပြောင်းလဲခြင်းမရှိဘဲ ဘိုကိတ်ပြာ (ဆောင်းသစ်) (၁)အိတ်လျှင် ယခင်အပတ်တွင် ကျပ်(၄၃၅၀၀)ဖြစ်ပြီး ယခုအပတ်တွင် ကျပ်(၄၈၀၀၀) ဖြစ်၍ ကျပ်(၄၅၀၀)ဈေးမြင့်ခဲ့ကြောင်း၊ ပဲတီစိမ်းမှာ (၁)အိတ်လျှင် ယခင်အပတ်တွင် ကျပ်(၅၆၀၀၀) ဖြစ်ပြီး ယခုအပတ်တွင် ကျပ်(၅၇၀၀၀)ဖြစ်၍ ကျပ်(၁၀၀၀)ဈေးမြင့်ခဲ့ကြောင်း၊ ပဲစဉ်းငုံနီ (၁)အိတ်လျှင် ယခင်အပတ်တွင် ကျပ်(၆၀၂၀၀)ဖြစ်ပြီး ယခုအပတ်တွင် ကျပ်(၆၀၈၀၀)ဖြစ်၍ ကျပ်(၆၀၀)ဈေးမြင့်ခဲ့ ကြောင်း၊ မတ်ပဲ(၁)အိတ်လျှင် ယခင်အပတ်တွင် ကျပ်(၅၆၀၀၀)ဖြစ်ပြီး ယခုအပတ်တွင် ကျပ်(၅၉၀၀၀) ဖြစ်၍ ကျပ်(၃၀၀၀)စသည်ဖြင့် အသီးသီးဈေးမြင့်ခဲ့ပြီး အရောင်းအဝယ် ပမာဏအနေဖြင့် ပဲတီစိမ်း (၇၀၀)အိတ်၊ ပဲစဉ်းငုံနီ(၁၁၀၀)အိတ်၊ မတ်ပဲ(၉၀)အိတ်၊ ကုလားပဲ(HL)(၂၂၀) အိတ်၊ ဘိုကိတ်(ပြာ)(၂၀၀) အိတ်တို့ အရောင်းအဝယ်ရှိခဲ့ကြောင်းသိရှိရပါသည်။

       မြေပဲလုံးဆံ(နီ)မှာ (၁)ပိဿာလျှင် ယခင်အပတ်တွင် ကျပ်(၆၅၀၀)ဖြစ်ပြီး ယခုအပတ်တွင် ကျပ်(၇၀၀၀)ဖြစ်၍ ကျပ်(၅၀၀)ဈေးမြင့်ခဲ့ကြောင်း၊  မြေပဲလုံးဆံ(ဖြူ) (၁)ပိဿာလျှင် ယခင်အပတ်တွင် ကျပ်(၅၈၀၀)ဖြစ်ပြီး ယခုအပတ်တွင် ကျပ်(၆၃၀၀)ဖြစ်၍ ကျပ်(၅၀၀)ဈေးမြင့်ခဲ့ကြောင်း၊ မြေပဲတောင့် (အစို)(၁)တင်းလျှင် ယခင်အပတ်တွင် ကျပ်(၂၂၀၀၀)ဖြစ်ပြီး ယခုအပတ်တွင်လည်း ကျပ်(၂၂၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် မြေပဲလုံးဆံ(ဖြူ) (၃၀)ပိဿာဝင် (၂၅၀) အိတ်၊ မြေပဲလုံးဆံနီ (၁၀၀)အိတ်နှင့် မြေပဲတောင့်(အစို) (၈၀၀)တင်းခန့် အရောင်းအဝယ်ရှိခဲ့ကြောင်း သိရှိရပါသည်။

       ဝါသီးနှံဈေးကွက်မှာ (၁)ပိဿာလျှင် ယခင်အပတ်တွင် ကျပ်(၃၀၀၀)ဖြစ်ပြီး ယခုအပတ်တွင် ကျပ် (၃၁၀၀)ဖြစ်၍ ကျပ်(၁၀၀)ဈေးမြင့်တက်ခဲ့ပြီး ဝါပိဿာချိန် (၂၅၀၀၀)ပိဿာခန့် အရောင်းအဝယ်ရှိခဲ့ကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)