သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊ ကျုံပျော်ခရိုင်၊ ကျုံပျော်မြို့တွင် ၂၀၂၃ခုနှစ်၊ ဒီဇင်ဘာလ (၁၇) ရက်နေ့၌ MSMEs ဒေသထွက်ကုန်စည်ပြပွဲကျင်းပပြုလုပ်ခဲ့ရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်၊ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းနှင့်ဝန်ကြီးများ ကျုံပျော်ခရိုင်အတွင်းရှိ ဌာနဆိုင်ရာများ၊ မြို့မိမြို့ဖများတက်ရောက်ခဲ့ပါသည်။
မွန်ပြည်နယ်၊ စားသုံးသူရေးရာဦးစီးဌာန၊ ပေါင်မြို့နယ်တာဝန်ခံနှင့် ဝန်ထမ်းများသည် ၁၅.၁၂.၂၀၂၃ ရက်နေ့တွင် ပေါင်မြို့နယ် အခြေခံပညာမူလတန်းကျောင်း၌ စားသုံးသူကာကွယ်ရေး အသိပညာပေး ဟောပြောဆွေးနွေးပွဲ ပြုလုပ်ခဲ့ကြောင်း သိရှိရပါသည်။
မွန်ပြည်နယ်၊ စားသုံးသူရေးရာဦးစီးဌာန ကျိုက်ထိုမြို့နယ် တာဝန်ခံနှင့် ဝန်ထမ်းများသည် ၂၀.၁၂.၂၀၂၃ ရက်နေ့တွင် မိတ်ဖက်ဌာနများနှင့် ပူးပေါင်း၍ ကျိုက်ထိုမြို့နယ်ရှိ ကုန်စုံဆိုင်များတွင် ရောင်းချနေသော အသင့်သောက်အချိုရည်များအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။
ပဲခူးတိုင်းဒေသကြီး ၊ ကဝမြို့နယ် ၊ အုန်းနှဲကျေးရွာ၌ ၁၃.၁၂.၂၀၂၃ ရက်နေ့၊ နံနက် (၉: ၀၀) မှ နေ့လယ် (၁၅: ၀၀) နာရီထိ ဥရောပသမဂ္ဂနိုင်ငံများသို့ ပဲပင်ပေါက်ဖောက်ရန်အတွက် မြန်မာပဲများ တင်ပို့ရာတွင် သတ်မှတ်အရည်အသွေးနှင့် ကိုက်ညီစေရန်အတွက် ကောင်းမွန်သော စိုက်ပျိုးရေးနည်း စနစ်များဖြင့် စိုက်ပျိုးနိုင်ရန် ပဲစိုက်တောင်သူများအား နည်းစနစ်ဆိုင်ရာသင်တန်း ဖွင့်လှစ်ခဲ့ကြောင်း သိရှိရပါသည်။
စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် မြန်အောင်မြို့နယ် ၊မြို့မတဲကြီး ကုန်းအုပ်စုရှိ အုပ်ချုပ်ရေးမှူးရုံး၌ ကျေးရွာနေပြည်သူ(၃၀)ဦးအား (၁၁.၁၂.၂၀၂၃)နေ့၊ နေ့လယ် (၁၄:၀၀)နာရီတွင် စားသုံးသူကာကွယ်ရေး အသိပညာပေးဟောပြောခြင်းများကို ဆောင်ရွက်ခဲ့ပါသည်။
