သတင်းနှင့် လှုပ်ရှားမှုများ
တနင်္သာရီတိုင်းဒေသကြီး၊ စားသုံးသူရေးရာဦးစီးဌာန၊ကော့သောင်းခရိုင်ဦးစီးမှူးသည် ၂၀၂၂ခုနှစ်၊ အောက်တိုဘာလ ၁၉ ရက်နေ့ နံနက်(၉:၃၀) အချိန်နှင့် နေ့လယ် (၁၃:၃၀)အချိန်တို့ တွင် ကော့သောင်းမြို့ အ.ထ.က (၁၀)မိုင်ကျောင်းနှင့် အ.လ.က(ခွဲ)(၇)မိုင်ကျောင်းတို့တွင် ပြန်ကြားရေး နှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာနတို့နှင့်ပူးပေါင်း၍ စားသုံးသူကာကွယ်ရေးဆိုင်ရာ အသိပညာပေးဟောပြောပွဲကိုကျင်းပခဲ့ကြောင်း သိရှိရပါသည်။
ရှမ်းပြည်နယ်(အရှေ့ပိုင်း)၊ စားသုံးသူရေးရာဦးစီး ဌာန၊ တာချီလိတ်ခရိုင်ဦးစီးမှူးရုံးမှ ဝန်ထမ်းများသည် ၂၀၂၂ခုနှစ်၊ အောက်တိုဘာလ(၁၈)ရက်နေ့၊ နံနက်(၁၀:၀၀)အချိန်တွင် အသေးစားစက်မှု လက်မှုဦးစီးဌာနမှ ဝန်ထမ်းများနှင့်ပူးပေါင်း၍ တာချီလိတ်မြို့နယ်၊ တော်ကော့ရပ်ကွက်အတွင်းရှိ ဂျုံခေါက်ဆွဲလုပ်ငန်း(၃)ခုတို့ကို ထုတ်ကုန်များလုံခြုံစိတ်ချရမှုရှိစေရန်အတွက် စစ်ဆေးခြင်းများ ဆောင်ရွက်ခဲ့ပါသည်။
မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၁၈.၁၀.၂၀၂၂ ရက်နေ့တွင် မော်လမြိုင်မြို့၊ လှိုင်ဈေး၊ တောင်ပေါ်တန်း၊ ကော့လှာကျေးရွာတို့တွင် ကုမ္ပဏီများမှ ဖြန့်ဖြူးရောင်းချခဲ့သော စားအုန်းဆီများအား ဈေးကွက်အတွင်း လက်လီ/လက်ကား ဖြန့်ဖြူးရောင်းချခြင်းကို ကြပ်မတ်ဆောင်ရွက်ခဲ့ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးသည် ၁၆.၁၀.၂၀၂၂ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ အစည်းအဝေးခန်းမ၌ ဝန်ထမ်းများနှင့် တွေ့ဆုံ၍ လမ်းညွှန်မှာကြားခဲ့ပါသည်။
မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုခရိုင်ဦးစီးမှူးနှင့် ကျိုက်ထိုမြို့နယ်တာဝန်ခံတို့သည် ၁၇.၁၀.၂၀၂၂ ရက်နေ့ (၁၀:၀၀) နာရီတွင် ကျိုက်ထိုမြို့၊ ရွှေဥဩရပ်ကွက်၊ မြို့ပတ်လမ်းပေါ်ရှိ မှူးနဒီ ဆိုင်ကယ်အရောင်းကုမ္ပဏီပြခန်းသို့သွားရောက်၍ လုပ်ငန်းရှင်နှင့်တွေ့ဆုံဆွေးနွေးခဲ့ပါသည်။