သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် ၁၈.၇.၂၀၂၂ ရက်နေ့ (၁၁:၁၅) အချိန်တွင် မင်္ဂလာတောင်ညွှန့်မြို့နယ်၊ မင်္ဂလာဈေးတွင် ဖွင့်လှစ်ရောင်းချလျက်ရှိသော အလှကုန်ဆိုင်များသို့ Mistine အလှကုန်ပစ္စည်းများတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားခြင်းနှင့် FDA ၏ ထောက်ခံချက်များ ပါရှိ/မရှိ ဈေးတာဝန်ခံများနှင့်အတူ ကွင်းဆင်းစစ်ဆေးမှုများ ဆောင်ရွက်ခဲ့ကြောင်း သိရှိရပါသည်။
ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့၊ မြို့ပေါ်ရပ်ကွက်ရှိ ကုန်မျိုးစုံဆိုင်နှင့် စတိုးဆိုင်များအား (၁၄.၇.၂၀၂၂)ရက်နေ့ နေ့လည် (၀၁:၀၀)နာရီအချိန်တွင် စားသုံးသူရေးရာဦးစီးဌာန၊ မြို့နယ်တာဝန်ခံနှင့်အဖွဲ့သည် ကုန်မျိုးစုံဆိုင်များအား ဈေးကွက်စောင့်ကြည့်စစ်ဆေး ခြင်းများဆောင်ရွက် ခဲ့ပါသည်။
၂၀၂၂ ခုနှစ်၊ ဇူလိုင်လ(၁၅) ရက်နေ့၊ နံနက် (၁၀:၀၀)နာရီအချိန်တွင် စားသုံးသူရေးရာ ဦးစီးဌာန၊ လွိုင်လင်ခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် လွိုင်လင်မြို့၊ ရပ်ကွက် (၂)ရှိ အခြေခံပညာအထက်တန်းကျောင်း(၂)သို့ စားသုံးသူအကာအကွယ်ပေးရေးဆိုင်ရာ အသိပညာပေး ဟောပြောပွဲ ကျင်းပခြင်းနှင့် ကျောင်းမုန့်ဈေးတန်းစစ်ဆေးခြင်းများ ဆောင်ရွက်ခဲ့ပါသည်။
မွန်ပြည်နယ်၊ စားသုံးသူရေးရာဦးစီးဌာန၊သထုံခရိုင်၊ ဒုတိယခရိုင်ဦးစီးမှူး ဦးအောင်ကျော်မင်းနှင့်ဝန်ထမ်းများသည် (၂၁.၇.၂၀၂၂) ရက်နေ့၊ နံနက် (၁၀:၀၀) နာရီက သထုံမြို့နယ်၊ အ.မ.က(လွန်) ပန်းတိမ်ရွာ၊ နောင်ကုလားကျေးရွာအုပ်စု၌ စားသုံးသူကာကွယ်ရေး အသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့ပါသည်။
မွန်ပြည်နယ်၊ ကျိုက်မရောမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်စားသုံးသူရေးရာဦးစီးဌာနတို့ပူးပေါင်း၍ ၁၈.၇.၂၀၂၂ ရက်နေ့ နံနက် (၁၁:၀၀) နာရီက ကျိုက်မရောမြို့နယ်၊ အ.လ.က (အထရံကျောင်း)၌ စားသုံးသူကာကွယ်ရေးအသိပညာပေးဟောပြောကြောင်း သိရပါသည်။
