သတင်းနှင့် လှုပ်ရှားမှုများ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ၂၀၁၉ ခုနှစ်၊ မတ်လ(၁၅)ရက်နေ့တွင် ပြည်ထောင်စုလွှတ်တော်ဥပဒေအမှတ်(၉)ဖြင့် အတည်ပြုပြဌာန်း ခဲ့သည့် စားသုံးသူကာကွယ်ရေးဥပဒေအရ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူများနစ်နာဆုံးရှုံးမှုများ ဖြစ်ပေါ်တိုင်ကြားလာပါက ဥပဒေနှင့်အညီ ညှိနှိုင်းဖြေရှင်း အရေးယူဆောင်ရွက်လျက်ရှိပါသည်။
၂၈-၁-၂၀၂၅ နေ့ (အင်္ဂါနေ့)၊ မွန်းလွဲ(၁၃:၀၀)နာရီအချိန်၌ မြင်းခြံမြို့၊ အမှတ်(၂) အခြေခံပညာ အထက်တန်းကျောင်းခန်းမတွင် ပြည်ထောင်စုနေ့အကြိုဟောပြောပွဲနှင့် စားသုံးသူကာကွယ်ရေး ဥပဒေအကြောင်း သိကောင်းစရာများ ဟောပြောပွဲ ကျင်းပဆောင်ရွက် ခဲ့ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မြင်းခြံ ခရိုင်ဦးစီးမှူနှင့်ဝန်ထမ်းများသည် မြို့နယ်ပြန်ကြားရေးနှင့်ပြည်သူ့ ဆက်ဆံရေးဦးစီးဌာနနှင့် ပူးပေါင်း၍ (၂၈.၁.၂၀၂၅)ရက်နေ့၊ နံနက် ၀၉:၃၀ နာရီအချိန်တွင် မြင်းခြံမြို့ရှိ အမှတ်(၃)အခြေခံပညာ အထက်တန်းကျောင်း၌ (၇၈)ကြိမ်မြောက် ပြည်ထောင်စုနေ့အကြို အသိပညာပေးဟောပြောပွဲတွင် စားသုံးသူကာကွယ်ရေးနှင့်ပတ်သက်၍ အသိပညာပေးဆောင် ရွက်ခဲ့ပါသည်။
စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးသည် စားသုံးသူကာကွယ်ရေး လုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးကိစ္စရပ်များကိုလည်း ဆောင်ရွက် လျက်ရှိရာ စားသုံးသူရေးရာဦးစီးဌာနမှ ဝန်ထမ်းများသည် (၂၇-၁-၂၀၂၅)ရက်နေ့၊ နံနက်(၀၈:၃၀)နာရီအချိန်တွင် မြင်းခြံမြို့ရှိ စားအုန်းဆီလက်လီ/လက်ကား ရောင်းချနေသော ဆိုင်များအား သွားရောက်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။
မြန်မာနိုင်ငံ၏ အလယ်ပိုင်း၊အပူပိုင်းဒေသ မိုးနည်းရပ်ဝန်းတွင် ပါဝင်သော မြင်းခြံမြို့သည် ဧရာဝတီမြစ်ကမ်းဘေးတွင် တည်ရှိပြီး ဆည်ရေသောက်အသင့်အတင့်ရှိသဖြင့် ကြက်သွန်နီ၊ ဆီထွက်သီးနှံများ၊ ပြောင်းနှင့်ပဲမျိုးစုံစိုက်ပျိုးလျက်ရှိရာ ပဲပုပ်သီးနှံကိုလည်း အားထားစိုက်ပျိုး လျက်ရှိပါသည်။
