သတင်းနှင့် လှုပ်ရှားမှုများ

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ပုဂ္ဂလိကကဏ္ဍဖွံ့ဖြိုးတိုးတက်ရေးအသင်းအဖွဲ့များ အားကောင်းခိုင်မာလာစေရေးအတွက် ချိတ်ဆက်ဆောင်ရွက်လျက်ရှိရာ (၂၃-၈-၂၀၂၄)ရက်နေ့၊ နေ့လယ်(၁၅:၀၀)နာရီအချိန်တွင် ရွှေဘိုခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ရွှေဘိုမြို့နယ်တာဝန်ခံတို့သည် ရွှေဘိုခရိုင်နှင့် မြို့နယ်ဆီကုန်သည်နှင့် ဆီလုပ်ငန်းရှင်များအသင်းဥက္ကဋ္ဌနှင့် အသင်းဝင်များအား တွေ့ဆုံဆွေးနွေးခဲ့ပါသည်။

    မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့် ဝန်ထမ်းများအဖွဲ့ သည် ဘေးကင်းလုံခြုံမှုရှိသော ကုန်စည်များကို ထုတ်လုပ်ရောင်းချနိုင်စေရန် ရည်ရွယ်၍ (၂၁.၈.၂၀၂၄)ရက်နေ့၊ နံနက်(၁၀:၀၀)နာရီအချိန်တွင်  ပခုက္ကူမြိုု့ပေါ်ရှိ"သန့်စင်" မြေပဲဆုံဆီ၊ “ဌေးရတနာ” နံကင်းမုန့်၊ “မေမေ”နှင့်  “ခိုင်ခိုင်မော်” ကိတ်မုန့်လုပ်ငန်းရှင်များသို့ သွားရောက် အသိပညာပေး ဆွေးနွေးခဲ့ကြောင်း သိရသည်။