ကုန်သွယ်မှုသတင်းများ
ကျွန်းလှမြို့၊ သစ်ရာမြိုင်ဈေးတွင် ရာသီပေါ်သီးနှံ များ၊ အခြားဒေသမှဝင်ရောက်သည့် စားသောက်ကုန်ပစ္စည်းများကို ရောင်းချပေးလျက်ရှိရာ ယခုအခါ တွင် ရာသီစာ သခွပ်ပွင့်ခြောက် များကို ရွှေဘိုမြို့နယ်တို့မှ မှာယူရောင်းချလျက်ရှိကြောင်း သိရသည်။
ပြည်ဈေးကွက်အတွင်းရောင်းချနေသော နံနံပင်များကို ပြည်ဒေသတစ်ဝိုက်မြို့နယ်များဖြစ်သော ရွှေတောင်နှင့် မှော်ဇာမြို့နယ်တို့မှ ဝင်ရောက်လျှက်ရှိကြောင်းသိရှိရပါသည်။ ယခုမေလကုန်တွင် မိုးရွာသွန်းမှုများသောကြောင့် နံနံပင်များရေမြုပ်သဖြင့် နံနံပင်ခင်းများ အထွက်နှုန်းနည်းနေကြောင်း သိရှိရပါသည်။ ယခင်က နံနံပင် တစ်ပိဿာလျှင် (၂၀၀၀)ကျပ်ခန့် ဝယ်ယူခဲ့ရသော်လည်း ယခုလကုန်ရက်ပိုင်တွင် နံနံပင် တစ်ပိဿာလျှင် (၈၀၀၀)ကျပ်ဖြင့် ဈေးမြင့် ဝယ်ယူနေရကြောင်း သိရှိရပါသည်။
ကျွန်းလှမြို့၊ သစ်ရာမြိုင်ဈေးတွင် ငရုပ်သီးခြောက်၊ အာလူး၊ ကြက်သွန်နီ နှင့် ကြက်သွန်ဖြူ တို့ကို ကန့်ဘလူဒေသထွက်နှင့် ရှမ်းပြည်နယ် အောင်ပန်းမြို့၊ မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက်ရှိကြောင်း သိရှိရပါ သည်။
မိုးရာသီအချိန်တွင်သာ ရရှိလာသည့် တညင်းသီးဖြစ်ပါသည်။ တညင်းသီးအား အတို့အမြုပ် အဖြစ်၎င်း၊ ဆားရည်စိမ်ပြီး၎င်း စားသောက်လေ့ရှိပါသည်။ တညင်းသီးပင်များအား မြစ်ကြီးနား၊ ကရင်ပြည်နယ်၊ ပဲခူးတိုင်း၊ ရွှေကျင်၊ သံတောင်၊ ထားဝယ်ဒေသများတွင် အများအပြားစိုက်ပျိုး ကြပါသည်။
ပြည်ဈေးကွက်တွင် ယခင်ဧပြီလဆန်းက မန်ကျည်းရွက်များအဝင်များလျက်ရှိပြီး ဈေးနှုန်းမှာ ၁၀ကျပ်သားလျှင် (၆၀၀-၇၀၀)ကျပ်နှုန်းခန့် ရှိခဲ့သည်။ ယခုမေလကုန်တွင် ပြည်မြို့အနီးတစ်ဝိုက်ရှိ မှော်ဇာ၊ ဇီးအုပ်၊ နတ်တလင်းရွာများနှင့် ရွှေတောင်မြို့ရှိကျေးရွာများမှ ဝင်ရောက်မှုရှိပြီး ယခုမေလကုန်မှာ မိုးပိုသဖြင့် မန်ကျည်းရွက်များ အရင့်ဘက်များသည့်အတွက် ရှားပါးသွားခြင်းဖြစ်ကြောင်း သိရပါသည်။ ယခုကာလတွင် နှစ်ရက်ခြား တစ်ကြိမ်သာဝင်၍ အချိန် (၁၀)ခန့်သာ အဝင်ရှိသည်။ ဈေးနှုန်းမှာ မန်ကျည်းရွက်နု (၁၀)သားလျှင
