ကုန်သွယ်မှုသတင်းများ
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ် နေရာအနှံ့အပြားတွင် မန်ကျည်းပင်များ အလေ့ကျပေါက်ရောက်ပြီး ဒေသခံပြည်သူများက မန်ကျည်းသီးမှည့်ချိန်တွင် ခူးဆွတ်ကာ ရောင်းချကြောင်း၊ မန်ကျည်းသီးမှည့်တွင် အစေ့ပါမန်ကျည်းသီးမှည့်နှင့် အစေ့လွတ်မန်ကျည်းသီးမှည့်ဟူ၍ နှစ်မျိုးရှိပြီး ဈေးကွက်အတွင်း အစေ့လွတ်မန်ကျည်းသီးမှည့်ကို လူကြိုက်များ၍ အရောင်းအဝယ်ပိုဖြစ်ကြောင်း သိရသည်။
စက်သုံးဆီ တင်သွင်း/သိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ စက်သုံးဆီ လက်ကားရည်ညွှန်းစျေးနှုန်းများအား နေ့စဉ်ထုတ်ပြန်ပေးလျက်ရှိရာ တနင်္သာရီတိုင်းဒေသကြီး အတွင်းရှိ စက်သုံးဆီအရောင်းဆိုင်များ၏ နေ့စဥ်ဆီရောင်းချမှု၊ ဆီဘောင်ကားရောက်ရှိမှု အခြေ အနေများကို သက်ဆိုင်ရာဌာနများမှ ကြပ်မတ်စိစစ်ဆောင်ရွက်လျက် ရှိပါသည်။
နွေအကုန် မိုးအကူးရာသီကြားကာလများတွင် တနင်္သာရီတိုင်းဒေသကြီးရှိ ဥယျာဥ်ခြံမြေများမှ ရာသီပေါ်သီးပင်များဖြစ်ကြသည့် ဒညင်း၊ ဒူးရင်း၊ မင်းဂွတ်၊ ကြက်မောက်များသည် ယခုဇွန်လ အတွင်း လှိုင်လှိုင်ထွက်ရှိ ပေါများလာကြပါသည်။
တနင်္သာရီတိုင်းဒေသကြီး၊ ထားဝယ်မြို့ရှိ သစ်သီးဆိုင်များ၊ စျေးများတွင် ရောင်းချလျက်ရှိသော ယိုးဒယားကြက်မောက် (အကျွတ်သီး) တစ်ကီလိုဂရမ်လျှင် ၆၀,၀၀ ကျပ်ဖြင့် ရောင်းချလျက်ရှိကြောင်း သိရှိရပါသည်။
DOCA (တနင်္သာရီ)
တနင်္သာရီတိုင်းဒေသကြီးသည် ဥယျာဥ်ခြံသီးနှံများနှင့် နှစ်ရှည်ပင်သီးနှံများ များစွာထွက်ရှိ စိုက်ပျိုးလျက်ရှိရာ ယခုရာသီပေါ် သီးပင်တစ်မျိုးဖြစ်သည့် အသီးမှာဘုရင်ဟု တင်စားကြသည့် လူကြိုက်များသော ဒူးရင်းသီးများမှာ ပေါများစွာ ထွက်ရှိလျက်ရှိပါသည်။
တနင်္သာရီတိုင်းဒေသကြီးရှိ ဥယျာဥ်ခြံများတွင် အလေ့ကျပေါက်ရောက်လျက်ရှိသည့်အပြင် စီးပွားဖြစ်စိုက်ပျိုးဖြစ်ထွန်းလျက်ရှိသော မင်းဂွတ်ပင်များသည် ယခုဇွန်လအတွင်း အသီးများ ရင့်မှည့်၍ လှိုင်လှိုင်ထွက်ရှိလာပြီဖြစ်ရာ ဇွန်လပထမအပတ်အတွင်း မင်းဂွတ်သီး အကြီးတစ်လုံးလျှင် ၃၀၀ ကျပ်နှုန်းဖြင့် ရောင်းချလျက်ရှိပြီး ယခင် မေလ ပထမအပတ်အတွင်း စျေးနှုန်းများနှင့်နှိုင်းယှဥ်ပါက မင်းဂွတ်သီးအကြီးတစ်လုံးလျှင် ၁၀၀/၁၅၀ ခန့် စျေးနှုန်းကျဆင်းလျက်ရှိကြောင်း ထားဝယ်မြို့ စည်ပင်သာယာစျေးကြီးအရှေ့တွင် ထားဝယ်မြို့အနီးနားရှိ ကျေးရွာမျ
