ပြည်ပကုန်သွယ်မှုသတင်းများ

စားအုန်းဆီထုတ်လုပ်မှု အထွက်နှုန်း သိသိသာသာကျဆင်းလာမည်ဟု ဧပြီလအတွင်း ခန့်မှန်းချက်များကြောင့်  အနာဂတ်မလေးရှားစားအုန်းဆီဈေးနှုန်းသည် မေလ ၉ ရက်နေ့တွင် ရက်သတ္တသုံးပတ်အတွင်း ၄ ရာခိုင်နှုန်းကျော် အမြင့်မားဆုံးဖြင့် တစ်ဟုန်ထိုးမြှင့်တက်လာခဲ့သည်။

ထိုင်းနိုင်ငံ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ၂၀၂၂ ခုနှစ်၌ ရရှိခဲ့သော ပထဝီကုန်အညွှန်း အမှတ်အသားထုတ်ကုန် ရောင်းချရမှုတန်ဖိုး ဘတ်ငွေ ၄၈ ဘီလီယံထက် ပိုမိုလျက် ၂၀၂၃ ခုနှစ်တွင် ဘတ်ငွေ ၅ဝ ဘီလီယံသို့ တိုးတက်ရရှိမည်ဟု ခန့်မှန်းထားပါသည်။ ပထဝီကုန်အညွှန်းအမှတ်အသား (GI) ဆိုသည်မှာ ဖွံ့ဖြိုးပြီးနိုင်ငံများတွင် ဈေးကွက်တန်ဖိုး ပိုမိုရရှိစေရန် ထုတ်ကုန်တစ်ခုအား နိုင်ငံတစ်ခု၊ ဒေသတစ်ခု သို့မဟုတ် နေရာဌာနတစ်ခုတွင် ထုတ်လုပ်ပြီး ထူးခြားသော ဝိသေသလက္ခဏာများ သို့မဟုတ် အရည်အသွေးများကို ပိုင်ဆိုင်ကြောင်း အသိအမှတ်ပြု လက်မှတ်ထုတ်ပေးခြင်း ဖြစ်ပါသည်။ လက်ရှိကာလ၌ ထိုင်းနိုင်ငံတွင် GI မှတ်ပုံ

စင်ကာပူဈေးကွက်၌ သံသတ္တုရိုင်းဈေးနှုန်းမှာ မေလ ၈ ရက်၊ တနင်္လာနေ့တွင် ကျဆင်းခဲ့ပြီး ဩစတေးလျနှင့် ဘရာဇီးတို့မှ တင်ပို့ရောင်းချမှု အားကောင်းလာမှုနှင့်အတူ ထိပ်တန်းသံမဏိ ထုတ်လုပ်သူတရုတ်၏ ဝယ်လိုအား နှေးကွေးနေသဖြင့် တစ်တန်လျှင် ဒေါ်လာ ၁၀၀ အောက်ထိ ရောက်ရှိခဲ့သည်။

သံမဏိထုတ်လုပ်ရာ၌ အသုံးပြုသည့်ကုန်ကြမ်းအား အရောင်းအဝယ်အများဆုံးဖြစ်သည့် ဇွန်လအတွက် ကြိုတင်ချုပ်ဆိုသော စာချုပ်များ၏ စင်ကာပူအိတ်ချိန်းတွင် ဖြစ်ပေါ်သည့် ဈေးနှုန်းမှာ တစ်တန်လျှင် ၉၇.၀၅ ဒေါ်လာအထိ ၁.၇ ရာခိုင်နှုန်း ကျဆင်းခဲ့သည်။

၂၀၂၃ ခုနှစ်၊ အရှေ့တောင်အာရှနိုင်ငံများ အားကစားပြိုင်ပွဲ ကျင်းပရာ ကမ္ဘောဒီးယားနိုင်ငံ၊ ဖနွမ်းပင်မြို့ရှိ Morodok Techo အားကစားရုံ၏ ပရိဝုဏ်အတွင်း ဆိုင်ခန်းငယ်များ၌ ဈေးကွက်အသစ်များ ရှာဖွေမြှင့်တင်ရန် ရည်ရွယ်ချက်ဖြင့် ဒေသထွက်စိုက်ပျိုးရေးနှင့် စက်မှုထုတ်ကုန်အမျိုးအမည်ပေါင်း ၂၀၀ ကျော်ကို ခင်းကျင်းပြသလျက်ရှိကြောင်း သိရှိရပါသည်။

ဗီယက်နမ်နိုင်ငံ၌ ပထမဦးဆုံး တည်ဆောက်ခဲ့သော နိုင်ငံ၏ အလယ်ပိုင်းဒေသ၊ ကွမ်ညိုင်ပြည်နယ်ရှိ Dung Quat Oil Refinery စက်ရုံ၏ ရေနံသန့်စင်ချက်လုပ်နိုင်စွမ်းကို တစ်ရက်လျှင် ရေနံစည်ပေါင်း ၁၄၈၀၀၀ မှ ၁၇၁၀၀၀ သို့ အဆင့်မြှင့်တင်နိုင်ရန် ရင်းနှီးမြှုပ်နှံမှုတန်ဖိုး အမေရိကန် ဒေါ်လာ ၁.၂၆ ဘီလီယံ ကျခံဆောင်ရွက်မည်ဖြစ်ကြောင်း သိရှိရပါသည်။