ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာန၊ မအူပင်ခရိုင်ဦးမှူးရုံးမှ ဒု-ခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းများသည် ခရိုင်ကျန်းမာရေးဦးစီးဌာန၊ ခရိုင်စည်ပင်သာယာရေးအဖွဲ့တို့နှင့်ပူးပေါင်း၍ (၂၅-၅-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် မအူပင်မြို့၊ မြို့မဈေးအတွင်းရှိ အလှကုန်အရောင်းဆိုင်(၅)ဆိုင်သို့သွားရောက်၍ ကောင်းမွန်သော အလှကုန်များရောင်းချမှုနှင့် ကုန်အညွှန်းအမှတ်အသားပြည်စုံစွာပါဝင်မှုရှိ/မရှိကို ဈေးကွက်စောင့်ကြည့်စစ်ဆေးခဲ့ကြပါသည်။
ကွင်းဆင်းစစ်ဆေးဆောင်ရွက်ရာတွင် မအူပင်ခရိုင်၊ စားသုံးသူရေးရာဦးစီးဌာနမှ ဒု-ခရိုင် ဦးစီးမှူး ဦးအောင်ဇော်ဦးက မအူပင်မြို့၊ မြို့မဈေးကွက်အတွင်း ရောင်းချနေသောဆေးဝါးများ၊ စိုက်ပျိုးရေးသုံးမျိုးစေ့နှင့် ဓာတ်မြေဩဇာများ၊ စားသောက်ကုန်များ၊ အလှကုန်များကို ကုန်အညွှန်းအမှတ်အသားဖော်ပြချက်နှင့်ပတ်သက်၍ လစဉ် ဈေးကွက်စောင့်ကြည့် စစ်ဆေးလျက်ရှိကြောင်း၊ ယခုအခါ အလှကုန်ပစ္စည်များ၏ အညွှန်းအမှတ်အသားဖော်ပြချက် (label) တွင် အလှကုန်ပစ္စည်းဓာတုများနှင့် ဆိုးကျိုးများ၊ အလှကုန်ပစ္စည်း၏ဘေးထွက်ဆိုးကျိုးများ၊ အသားအရေအတွက်အန္တရာယ်ရှိသောအလှကုန်များနှင့်ပတ်သက်၍ သိရှိနားလည်ဖတ်ရှုရွေးချယ်ဝယ်ယူအသုံးပြုနိုင်စေရန် သက်ဆိုင်ရာဌာနတို့၏သတ်မှတ်ထားသည့် မြန်မာဘာသာဖော်ပြချက်ပါဝင်သောအလှကုန်များကိုရောင်းချရန် လုပ်ငန်းရှင်များကလည်း သတ်မှတ်ချက်များကိုလိုက်နာဆောင်ရွက်ရန်၊ မြန်မာနိုင်ငံအစားအသောက်နှင့်ဆေးဝါးကွပ်ကဲရေးဦးစီးဌာန၏ထောက်ခံချက်၊ ခွင့်ပြုချက်ပါဝင်သောအလှကုန်နှင့် စားသုံးသူရေးရာဦးစီးဌာန၏ထုတ်ပြန်ထားသော ကုန်အညွှန်းအမှတ်အသားဖော်ပြခြင်းဆိုင်ရာ သက်မှတ်ချက်များပါဝင်သောအလှကုန်များကိုသာရောင်းချရန်၊ စားသုံးသူဘေးအန္တရာယ်ဖြစ်စေမည့်ကုန်ပစ္စည်းများကို ရောင်းချခြင်းမပြုရန် ပြောကြားခဲ့ပြီး စားသုံးသူကာကွယ်ရေးဥပဒေ ၂၀၁၉ပါ ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များပါဝင်မှုမရှိသော ကုန်ပစ္စည်းများရောင်းချပါက စားသုံးသူကာကွယ်ရေးဥပဒေအရလည်း အရေးယူခံရနိုင်ကြောင်း ရှင်းလင်းပြောကြားခဲ့ပြီး စစ်ဆေးခဲ့ကြောင်း သိရှိရပါသည်။
DOCA(ဧရာဝတီ)