စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များ ဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေခြင်းတို့အတွက်ပူးပေါင်း ဆောင်ရွက်လျက်ရှိပါသည်။ ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန် စာရင်းတို့ကိုလည်း အပတ်စဉ်၊ လစဉ်တင်ပြလျက်ရာ ၂၀၂၃ခုနှစ်၊မေလ(စတုတ္ထပတ်)အတွင်း အရောင်းအဝယ်ဖြစ်သည့် သီးနှံနှင့်ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ် မေးမြန်းခဲ့ပါသည်။
မေလ၊ စတုတ္ထပတ်အတွင်း ရွှေဘိုဈေးကွက်သို့ နွေနှမ်း(နှမ်းနက်နှင့်နှမ်းညို)များ စတင်ဝင်ရောက်လာပြီး အရောင်းအဝယ်ဖြစ်သည့်ဈေးနှုန်းမှာ နှမ်းနက်တစ်တင်းလျှင် (၁၁၁၀၀ဝိ/-)ပေါက်ဈေးရှိပြီး အရောင်းအဝယ်ဖြစ်မှုမှာ တစ်ပတ်အတွင်း (၁၅၀)တင်း/(၄)တန်ဖြစ်ကြောင်း၊ နှမ်းညို တစ်တင်းလျှင် (၉၆၇၀ဝိ/-) ပေါက်ဈေး ရှိပြီး အရောင်းအဝယ်ဖြစ်မှုမှာ တစ်ပတ်အတွင်း (၁၅၀)တင်း /(၄)တန်ဖြစ်ကြောင်း၊ ယခင်နှစ်ကာလတူ၌ နှမ်းနက် တစ်တင်းလျှင် (၇၀၀၀ဝိ/-)နှင့် နှမ်းညို တစ်တင်းလျှင် (၅၀၀၀ဝိ/-)ဖြင့် အရောင်းအဝယ်ဖြစ်ခဲ့သဖြင့် ယခင်နှစ်နှင့်ယခုနှစ် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခုနှစ်၌ နှမ်းနက်တစ်တင်းလျှင် (၄၁၀၀ဝိ/-)နှင့် နှမ်းညိုတစ်တင်းလျှင် (၄၆၇၀ဝိ/-) ဈေးပိုခဲ့ပြီး နွေးနှမ်းမှာ ယခုအပတ်မှစတင်ဝင်ရောက်လာသဖြင့် ယခင်အပတ်တွင် အရောင်းအဝယ်ဖြစ်ခြင်းမရှိကြောင်း သတင်းရရှိပါသည်။
DOCA(စစ်ကိုင်း)