ချောင်းဆုံမြို့နယ်၊ ကော့မုပွန်ကျေးရွာ တောင်သူအချို့မှာ ပဲမှိုတစ်ပိုင်တစ်နိုင်စိုက်ပျိုးခြင်းဖြင့် ဝင်ငွေများရရှိကြောင်း သိရှိရပါသည်။ တန်ခူးလတွင် မတ်ပဲပင်များကိုရိတ်သိမ်း၍ အသီးများကိုခြွေပြီး ရရှိလာသောအရိုးနှင့်အပင်များကို စုပုံထားရှိကာ မိုးရာသီတွင် မိုးများများရွာသွန်းခြင်းကြောင့် အစိုဓာတ်ဖြင့် ပဲပင်မှ မှိုအစို့အညှောက်ပေါက်လာပြီး ပဲမှိုများရရှိသည်။
အဆိုပါ ပဲမှိုများကို (၂) ရက်တစ်ကြိမ်ခူးဆွတ်ပြီး တစ်ခါခူးလျှင် (၃) ပိဿာရရှိကြောင်း၊ မော်လမြိုင်မြို့နယ်အတွင်းရှိ ဈေးများတွင် တစ်ပိဿာလျှင် (၈၀၀၀) ကျပ်နှုန်းဖြင့် ရောင်းချလျက်ရှိသည်။ အဆိုပါ ပဲမှိုစိုက်ခြင်းလုပ်ငန်းသည် တစ်နေ့လျှင် ဝင်ငွေ ကျပ် (၂၀၀၀၀) ကျော်ခန့်ရရှိပြီး အလုပ်အကိုင်မပျက်ဝင်ငွေများရရှိသဖြင့် တောင်သူများအနေဖြင့် တွက်ချေကိုက်လျက်ရှိကြောင်း သိရှိရသည်။
DOCA(မွန်)