တောင်ငူမြို့တွင် အခြေခံလူတန်းစားများအတွက် သက်သာသောနှုန်းထားဖြင့် စားအုန်းဆီများ ဝယ်ယူရရှိနိုင်ရန်အတွက် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း၏ အစီအစဉ်ဖြင့် ပဲခူးခရိုင်ဆီကုန်သည်အသင်းမှ ဆီအရောင်းဈေးကားသည် တောင်ငူမြို့သို့လာရောက်၍ အခြေခံ လူတန်းစားများရာရပ်ကွက်များနှင့် အခြေခံလူတန်းစားအများစုရှိရာ ဈေးများတွင် စားသုံးဆီ များကို သက်သာသောဈေးနှုန်းဖြင့် ရောင်းချပေးလျက်ရှိပါသည်။
၂၀၂၃ခုနှစ်၊ဇွန်လ ၁၂ ရက်နေ့ ညနေပိုင်းတွင် ပဲခူးခရိုင်၊ဆီကုန်သည်အသင်းမှ ဈေးကားသည် တောင်ငူမြို့အမှတ်(၁၈)ရပ်ကွက်ရှိ စားသုံးသူပြည်သူများနှင့် မြန်မာ့မီးရထားမှ ဝန်ထမ်းမိသားစုများ အား တောင်ငူဘူတာရှေ့၌ စားသုံးဆီ ၅၅၀ ပိဿာအားလည်းကောင်း၊ ဇွန်လ ၆ ရက်နေ့ နံနက်ပိုင်းတွင် တောင်ငူမြို့ အမှတ် ၂ ရပ်ကွက်ရှိ စားသုံးသူပြည်သူများအား မိုးသောက်ကြွယ်ဘုရား ပရဝုဏ်အတွင်း၌ စားသုံးဆီပိဿာ ၅၅၀ ပိဿာအားလည်းကောင်း လူတစ်ဦးလျှင် တစ်ပိဿာနှုန်း၊ တစ်ပိဿာလျှင် (၅၀ ကျပ်သားဘူးခွံ ၂ ဘူးအပါ) ၄၇၀၀ ကျပ်နှုန်းဖြင့် ရောင်းချပေးခဲ့ပါသည်။
ပဲခူးခရိုင်မှ ဆီအရောင်းဈေးကားသည် တောင်ငူမြို့ အခြေခံလူတန်းစားများသို့ ဆီပိဿာ ၃၃၀၀ ကို ရောင်းချပေးခဲ့ပြီးဖြစ်ကြောင်း၊ စားသုံးဆီတင်သွင်းသိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ထုတ်ပြန်သည့် ရည်ညွှန်းဈေးပေါ်အခြေခံ၍ ဈေးနှုန်းမှာ အနည်းငယ် အပြောင်းအလဲရှိကြောင်း သိရပါသည်။
DOCA(ပဲခူး)