၂၀၂၂ခုနှစ်တွင် အောင်လံမြို့နယ်၌ နှမ်းစမုံနက် (ခေါ်) သိပ္ပံနှမ်းနက်စိုက်ဧကမှာ (၅၈၈၀၉) ဧကဖြစ်ပြီး (၁)ဧကလျှင် (၅.၅)တင်းခန့်ထွက်ရှိကာ (၄၅)ပိဿာဝင် (၁)အိတ်လျှင် ပျမ်းမျှအားဖြင့် ကျပ်(၂၈၀၀၀၀)ခန့်ရရှိ၍ (၁)ဧကကုန်ကျစရိတ်မှာ ကျပ်(၃၅၀၀၀၀)ခန့်ဖြစ်သောကြောင့် (၁)ဧကလျှင် အသားတင်အကျိုးအမြတ်မှာ ကျပ်(၁၁၀၀၀၀)ခန့်အကျိုးအမြတ်ရရှိခဲ့ပါသည်။ ၂၀၂၂ခုနှစ် ဩဂုတ်လ၌ စတင်ထွက်ရှိလာသော သိပ္ပံနှမ်းနက်များသည် အောင်လံဈေးကွက်တွင် (၄၅)ပိဿာဝင် (၁)အိတ်လျှင် ကျပ်(၂၁၀၀၀၀)မှ ကျပ်(၂၇၀၀၀၀)အထိ အရည်အသွေးအလိုက် ဈေးကောင်းပေး၍ ဝယ်ယူလျက်ရှိခဲ့ပြီး မန္တလေးဝယ်လက်မှာ ရသလောက်ဝယ်ယူမှုရှိကာ ရန်ကုန်ဝယ်လက်များမှာမူ ပုံမှန်သာဝယ်ယူကြပါသည်။ စက်တင်ဘာလအတွင်း နှမ်းပိုမိုအဝင်ကောင်း၍ ဈေးကောင်းရလာကာ ကျပ်(၂၇၀၀၀၀)မှ ကျပ်(၃၇၀၀၀၀)ဖြင့် မန္တလေးဝယ်လက်မှာ ဝယ်ယူမှုအားကောင်းလာသော်လည်း ရန်ကုန်ဝယ်လက်မှာမူ ပုံမှန်အနေအထားဖြင့်သာဝယ်ယူခဲ့ပါသည်။ အောက်တိုဘာလအတွင်း နှမ်းဈေးနှုန်းမှာ (၄၅)ပိဿာဝင် (၁)အိတ်လျှင် ကျပ်(၂၆၅၀၀၀)မှ ကျပ်(၃၁၀၀၀၀)အထိ ဈေးနှုန်းသိသိသာသာကျဆင်းလာခဲ့ပြီး နိုဝင်ဘာလများနှင့် ဒီဇင်ဘာလများတွင် ကျပ်(၂၃၅၀၀၀)မှ ကျပ်(၂၆၅၀၀၀)အထိဈေးလျော့ကျလာမှုအပေါ် တောင်သူများ၏ အရောင်းထိန်းထားမှုများကြောင့် ဈေးအကျရပ်ခဲ့ပြီး ရန်ကုန်ဝယ်လက်မှာ ပိုမိုဝယ်ယူပြီး မန္တလေးဝယ်လက်မှာ ပုံမှန်ဝယ်ယူမှုသာရှိခဲ့ပါသည်။ ယခု ၂၀၂၃ခုနှစ်၊ ဇွန်လတွင် နှမ်းစမုံနက် (ခေါ်) သိပ္ပံနှမ်းနက်ဈေးမှာ (၄၅)ပိဿာဝင် (၁)အိတ်လျှင် ကျပ်(၂၉၀၀၀၀)မှ ကျပ်(၃၁၀၀၀၀)ဈေးနှုန်းတို့ဖြင့် ပြန်လည် ဈေးနှုန်းများမြင့်လာခဲ့ပါသည်။
(၂၀၂၃-၂၀၂၄)ခုနှစ်၊ မိုးနှမ်းစိုက်ပျိုးရာသီတွင် နှမ်းလျာထားစိုက်ဧက (၅၈၈၀၉) ဧကဖြစ်ပြီး ဇွန်လ၊ တတိယအပတ်၌ ဧက(၄၀၀၀၀)ခန့်စိုက်ပျိုးပြီးစီးပြီးဖြစ်ကြောင်းကိုလည်း စိုက်ပျိုးရေးဦးစီးဌာနမှသိရှိရပါသည်။
DOCA(မကွေး)