ပဲခူးတိုင်းဒေသကြီး၊ ပြည်ခရိုင်၊ ပြည်မြို့ရှိ စားသုံးသူရေးရာဉီးစီးဌာန အစည်းအဝေးခန်းမ၌ (၂၉.၆.၂၀၂၁) နံနက်(၁၀:၀၀)အချိန်တွင် ဆန်စပါးကဏ္ဍဖွံ့ဖြိုးတိုးတက်ရေးအလုပ်ရုံဆွေးနွေးပွဲကို ကျင်းပခဲ့ပါသည်။ အဆိုပါဆွေးနွေးပွဲသို့ ပြည်ခရိုင်စီမံအုပ်ချုပ်ရေးအဖွဲ့မှ ဥက္ကဌ၊ စားသုံးသူရေးရာဦးစီးဌာန၊ တိုင်းဒေသကြီးဉီးစီးမှူး၊စိုက်ပျိုးရေးဉီးစီးဌာနမှ ဒုတိယတိုင်းဒေသကြီးဉီးစီးမှူး၊ ပြည်ခရိုင် စက်မှုကြီးကြပ်ရေးနှင့်စစ်ဆေးရေးဉီးစီးဌာနမှ ခရိုင်ဉီးစီးမှူး၊ ပြည်ခရိုင်လယ်ယာမြေစီမံခန့်ခွဲရေးနှင့် စာရင်းအင်းဉီးစီးဌာနမှ ခရိုင်ဦးစီးမှူး၊ ဆန်စပါး လုပ်ငန်းရှင်နှင့်တောင်သူ (၂၈)ဦီးတက်ရောက်ခဲ့ပါသည်။
အဆိုပါ ဆန်စပါးကဏ္ဍဖွံ့ဖြိုးတိုးတက်ရေးအလုပ်ရုံဆွေးနွေးပွဲတွင် ပြည်ခရိုင်စီမံအုပ်ချုပ်ရေးအဖွဲ့ ဥက္ကဌမှ အဖွင့်အမှာစကားပြောကြားပြီး တက်ရောက်လာကြသော ဌာနဆိုင်ရာအကြီးအကဲများမှ ဆန်စပါးကဏ္ဍဖွံ့ဖြိုးတိုးတက်ရေးအတွက် (၁) မျိုးစပါး(သန့်စင်၊ သန်မာ၊ ကောင်းမွန်သော)များ ရာသီချိန်အမီရရှိရေး၊ (၂) သွင်းအားစု (စိုက်စရိတ်၊ မြေဩဇာ၊ ပိုးသတ်ဆေး၊ လုပ်သားခ)များ လွယ်ကူစွာရရှိနိုင်ရန် အစီအမံချမှတ်နိုင်ရေး၊ (၃) ဈေးကွက်တည်ငြိမ်စွာရောင်းဝယ်နိုင်ရေး။ (၄)သယ်ယူပို့ဆောင်ရေး လွယ်ကူချောမွေ့ရေး အစီအမံ ရေးဆွဲနိုင်ရေး၊ (၅) ငွေကြေးစီးဆင်းမှုမှ လွယ်ကူချောမွေ့ ရေးအစီအမံတင်ပြနိုင်ရေးစသည့် အချက် (၅)ချက်ကို ဝိုင်းဝန်းဆွေးနွေးဖေါ်ထုတ်ခဲ့ကြောင်းသိရှိရပါသည်။
အေးမျိုးရွှေ
ပြည်