တောင်ငူမြို့နယ်၊ စပါးကြွယ်ကျေးရွာတွင် တစ်နိုင်တစ်ပိုင်စီးပွားရေးလုပ်ငန်းအဖြစ် မီးသွေးလုပ်ငန်းကိုလုပ်ကိုင်ကြပါသည်။ မီးသွေးပြုလုပ်ရာတွင် ပျဉ်းကတိုး၊ အင်၊ ရေမနေ၊ ပိတောက် စသည့်သစ်များဖြင့်လုပ်ကိုင်ကြသော်လည်း စပါးကြွယ်ကျေးရွာရှိ မီးသွေးလုပ်ငန်းလုပ်သူများသည် မိမိတို့၏ လက်တစ်ကမ်းတွင်ရှိသည့်မန်ကျည်းပင်ဖြင့် လွယ်ကူစွာပြုလုပ်ကြပါသည်။
လူတို့နေ့စဉ် စားဝတ်နေရေးအတွက် ချက်ပြုတ်စားသောက်ရာတွင် ခေတ်မီတိုးတက်သောကာလ၌ လွယ်ကူလျင်မြန်စေရန် လျှပ်စစ်ဓာတ်အားကိုအသုံးပြုကြသော်လည်း ရာသီဥတုဖောက်ပြန်၍ လျှပ်စစ်ဓာတ်အားမရရှိသည့်အခါ ထင်းနှင့်မီးသွေးကိုအသုံးပြုရပါသည်။
ပွင့်လင်းရာသီတွင် မီးသွေးပြုလုပ်ရန်အဆင်ပြေသော်လည်း မိုးရာသီတွင် လမ်းမြင့်၊ ကုန်းခြောက်သည့်နေရာများ၌ ပြုလုပ်ရသဖြင့် အခက်အခဲရှိပါသည်။ ထို့ကြောင့် မီးသွေးမှာ မိုးတွင်းကာလတွင် ပွင့်လင်းရာသီထက် ဈေးအနည်းငယ်မြင့်ပါသည်။
ပွင့်လင်းရာသီတွင် မီးသွေးတစ်အိတ်လျှင် ၁၀၀၀၀ကျပ်မှ ၁၂၀၀၀ကျပ်အထိရှိသော်လည်း မိုးရာသီတွင် မီးသွေးတစ်အိတ်လျှင် ၁၃၀၀၀ကျပ်မှ ၁၅၀၀၀ကျပ်တို့အထိရောင်းချရကြောင်း သိရပါသည်။
DOCA(ပဲခူး)