ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်၊ အထွေထွေအုပ်ချုပ်ရေးဦးစီးဌာနခန်းမ၌ (၄-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ကိုဗစ်ချေးငွေရယူထားသော လုပ်ငန်းရှင်များနှင့်တွေ့ဆုံဆွေးနွေးအသိပေးခြင်း အခမ်းအနားပြုလုပ်ခဲ့ရာ မြို့နယ်စီမံအုပ်ချုပ်ရေးဥက္ကဋ္ဌနှင့်အဖွဲ့ဝင်များ၊ မြန်မာ့စီးပွားရေးဘဏ်တာဝန်ရှိသူများ၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ကိုဗစ်ချေးငွေရယူထားသော စီးပွားရေးလုပ်ငန်းရှင်များတက်ရောက်ခဲ့ကြပါသည်။
အဆိုပါအခမ်းအနားတွင် မြို့နယ်စီမံအုပ်ချုပ်ရေးကောင်စီဥက္ကဋ္ဌက ကိုဗစ်ချေးငွေ (၃) နှစ်ပြည့်သည့် လုပ်ငန်းရှင်များ၏ သတ်မှတ်ရက်များကိုအသိပေးခဲ့ပြီးနောက် သတ်မှတ်ကာလအတွင်း ချေးငွေများကိုအကြေဆပ်ရန်နှင့် သတ်မှတ်ကာလထက် (၃) လကျော်လွန်ပါက ဥပဒေအရ အရေးယူမှုများရှိလာမည်ဖြစ်သဖြင့် ကြိတင်အသိပေးရခြင်းဖြစ်ကြောင်း ပြောကြားခဲ့ပါသည်။ စားသုံးသူရေးရာဦးစီးဌာန၊ မြို့နယ်တာဝန်ခံကလည်း ချေးငွေပေးဆပ်မှုများရှိပါက မိမိဌာနသို့ ချိတ်ဆက်သတင်းပေးပို့ကြပါရန် လုပ်ငန်းရှင်များနှင့်မေတ္တာရပ်ခံညှိနှိုင်းခဲ့ပြီးနောက် ဆန်စက်/ဆန်ပွဲရုံလုပ်ငန်းရှင်များကို ဆန်စပါးဈေးကွက်အခြေအနေနှင့် လက်ကျန်များမေးမြန်းခဲ့ကာ စားသုံးသူကာကွယ်ရေးဥပဒေ ၂၀၁၉ အခန်း(၁၀)ပါ စီးပွားရေးလုပ်ငန်းရှင်၏တာဝန်များအကြောင်းကို ဆွေးနွေးပြောကြားခဲ့ကြောင်းသိရှိရပါသည်။
DOCA(ပဲခူး)