ရှမ်းပြည်နယ်(တောင်ပိုင်း)မှ ထွက်ရှိသောဟင်းသီးဟင်းရွက်၏ (၇၀)ရာခိုင်နှုန်းကို မြန်မာတစ်နိုင်ငံလုံးတွင် ဖြန့်ဖြူးရောင်းချလျက်ရှိရာ ဇူလိုင်လပထမပတ်တွင် ရန်ကုန်၊ မန္တလေး၊ မော်လမြိုင်၊ နေပြည်တော်၊ ပြည် ၊ သာစည်၊ ပဲခူး၊ မုံရွာ၊ စစ်တွေ ၊ တပ်ကုန်း မြို့များသို့ ပြောင်း တစ်ပိဿာလျှင် အမြင့်ဆုံးလက်ကားဈေး (၅၄၀)ကျပ် (၁၂)ဘီး ကား (၃၀)စီးဖြင့် (၅၈၈)တန်ကို ကျပ်သိန်းပေါင်း (၃၁၇၅၂၀)၊ ကြက်သွန်ဖြူ တစ်ပိဿာလျှင် (၂၀၀၀)ကျပ် (၁၀)ဘီးကား (၃၃)စီးဖြင့် (၅၅၂)တန်ကို ကျပ်သိန်းပေါင်း (၁၁၀၄၀၀၀)၊ အာလူး တစ်ပိဿာ (၇၀၀)ကျပ် (၁၂)ဘီးကား (၄၉)စီးဖြင့် (၉၆၀)တန်ကို ကျပ်သိန်းပေါင်း(၆၇၂၀၀၀)၊ ဂေါ်ဖီထုပ် တစ်ပိဿာလျှင် အမြင့်ဆုံးဈေး (၅၅၀) ကျပ် (၁၀)ဘီးကား (၈၃)စီးဖြင့်(၁၀၈၄)တန်ကို ကျပ်သိန်းပေါင်း(၅၉၆၂၀၀)၊ ပန်းမုံလာတစ်ပိဿာလျှင် အမြင့်ဆုံးဈေး (၆၅၀)ကျပ်(၁၀)ဘီးကား (၂၈)စီးဖြင့် (၆၅၄)တန်ကို ကျပ်သိန်းပေါင်း(၄၂၅၁၀၀)၊ ချင်းတစ်ပိဿာလျှင် အမြင့်ဆုံးဈေး (၇၈၀)ကျပ် (၁၂)ဘီးကား(၁၈)စီးဖြင့် (၃၅၃)တန်ကို ကျပ်သိန်းပေါင်း (၂၇၅၃၄၀)၊ နနွင်း တစ်ပိဿာလျှင် အမြင့်ဆုံးဈေး(၂၂၀၀)ကျပ် (၆)ဘီးကား(၇)စီးဖြင့် (၆၁၂)တန်ကို ကျပ်သိန်းပေါင်း (၁၃၄၆၄၀၀)၊ ချင်းခြောက် တစ်ပိဿာလျှင် အမြင့်ဆုံးဈေး (၂၂၀၀)ကျပ် (၆)ဘီးကား (၁၁)စီးဖြင့် (၁၃၅)တန်ကို ကျပ်သိန်းပေါင်း (၂၉၇၀၀၀)၊ ရွှေပဲ တစ်ပိဿာလျှင် အမြင့်ဆုံးဈေး (၅၅၀၀)ကျပ်ဖြင့် (၁၁၉)တန်ကို ကျပ်သိန်းပေါင်း (၆၅၄၅၀၀)၊ မုန်ညှင်းဖြူ တစ်ပိဿာလျှင် အမြင့်ဆုံးဈေး (၆၀၀) ကျပ်ဖြင့် (၁၅၈)တန်ကို ကျပ်သိန်းပေါင်း (၉၄၈၀၀)၊ ခရမ်းသီး တစ်ပိဿာလျှင် အမြင့်ဆုံးဈေး (၇၀၀)ကျပ်ဖြင့် (၁၂၂)တန်ကို ကျပ်သိန်းပေါင်း (၈၅၄၀၀)၊ ခရမ်းချဉ်သီးတစ်ပိဿာလျှင် အမြင့်ဆုံးဈေး (၁၈၀၀) ကျပ်ဖြင့် (၁၇၁)တန်ကို ကျပ်သိန်းပေါင်း (၃၀၇၈၀၀)၊ မုန်လာဉနီ တစ်ပိဿာလျှင် အမြင့်ဆုံးဈေး (၇၅၀)ကျပ် (၁၅၂)တန်ကို ကျပ်သိန်းပေါင်း (၁၁၄၀၀၀)ဖြင့်အရောင်းအဝယ်ဖြစ်ခဲ့တယ်လို့ အောင်ပန်းကုန်စည်ဒိုင်မှသတင်းရရှိပါတယ်။
ဇူလိုင်လပထမပတ်တွင် အောင်ပန်းဈေးကွက်သို့ အာလူး၊ ကြက်သွန်ဖြူစသော ကုန်မာများသာ ပုံမှန်ဝင်ရောက်မှုရှိနေပြီး အခြားကုန်စိမ်းသီးနှံများမှာထင်သလောက်ဝင်ရောက်မှုမရှိကြောင်း၊ မိုးတွင်းကာလဖြစ်သော်လည်းမိုးဦးနည်းနေသဖြင့်ကုန်စိမ်းများဝင်ရောက်မှုနည်းနေပြီးဈေးမာလျက်ရှိသည်။ ခရမ်းချဉ်မှာလည်း ထွက်ရှိမှု နည်းနေပြီး ဒေသတွင်းနှင့် ရန်ကုန်၊ မန္တလေး၊ မုံရွာ၊ နေပြည်တော်၊ တပ်ကုန်းစသော မြို့များသို့ စီးဆင်းမှုရှိနေသဖြင့် ထွက်သလောက်အဆွဲရှိနေပြီး လက်ကားဈေး (၁)ပိဿာ (၁၄၀၀-၁၈၀၀)ကျပ်အထိပေါက်ဈေးရှိနေသည်။ အောင်ပန်းဈေးကွက်တွင် ဂေါ်ဖီ၊ ပန်းမုံလာ၊ ခရမ်းချဉ်အပါအဝင် ကုန်စုံကားများတစ်ရက်လျှင် (၁၅)စီးခန့်နှင့် အာလူး၊ ကြက်သွန်ဖြူ၊ ချင်း စသော ကုန်မာ ကားများ တစ်ရက်လျှင် (၁၀)စီးခန့်သာ စီးဆင်းမှုရှိကြောင်းသိရှိရပါသည်။ ယခုကာလသည် Covid-19 ရောဂါအခြေအနေကြောင့် ဆန်နှင့် ဆေးပစ္စည်း ဈေးနှုန်းများ အနည်းငယ်ဈေးတက်နေကြောင်း အောင်ပန်းဈေးကွက်မှသတင်းရရှိပါတယ်။
စားသုံးသူရေးရာဦးစီးဌာန(ရှမ်းပြည်နယ်)