အများပြည်သူသို့သက်သာသောဈေးနှုန်းဖြင့် အခြေခံစားကုန်များရောင်းချသော အခွန်လွတ်ဈေး ကို(၈.၇.၂၀၂၃)ရက်နေ့တွင်မော်လမြိုင်မြို့၊သံလွင်ဈေး၌ ဖွင့်လှစ်ရောင်းချရာသို့ ပြည်နယ်ဝန်ကြီးချုပ်နှင့် အစိုးရအဖွဲ့ဝင် ဝန်ကြီးများ၊ ဌာနဆိုင်ရာများမှ လာရောက်လှည့်လည်ကြည့်ရှုခဲ့ကြသည်။ အဆိုပါ အခွန်လွတ်ဈေးကို အပတ်စဉ် စနေ၊ တနင်္ဂနွေနေ့တိုင်း နံနက် (၇) နာရီမှ (၉) နာရီထိဖွင့်လှစ်ရောင်းချ သွားမည်ဖြစ်ကြောင်း သိရှိရသည်။
ရောင်းချသောဈေးနှုန်းများမှာ ဧည့်မထ (၂၅ မှတ်) တစ်ပြည် ၂၆၀၀ ကျပ်၊ ဧည့်မထ (၅ မှတ်) (၂၄၀၀) ကျပ်၊ စားဆီ တစ်ပိဿာ (၄၆၀၀) ကျပ်၊ ကြက်သွန်နီ (၂၀၀၀) ကျပ်၊ ကြက်သား တစ်ပိဿာ (၈၀၀၀) ကျပ်၊ ဝက်သား တစ်ပိဿာ (၁၃၅၀၀) ကျပ်၊ ကြက်ဥ တစ်လုံး (၂၄၀) ကျပ်၊ ဆား (၃၀) ကျပ်သားတစ်ထုပ် (၁၅၀) ကျပ်၊ ငါးမြစ်ချင်းတစ်ပိဿာ (၄၃၀၀)ကျပ်၊ ငါးတန် တစ်ပိဿာ (၃၃၀၀) ကျပ်၊ တီလားဗီးယား တစ်ပိဿာ (၃၅၀၀) ကျပ်၊ ငါးမုတ် တစ်ပိဿာ (၄၀၀၀) ကျပ်၊ ဂေါ်ဖီထုပ် တစ်ပိဿာ (၁၅၀၀) ကျပ်၊ ခရမ်းချဉ်သီး တစ်ပိဿာ (၁၆၀၀) ကျပ်၊ မုန်လာဥနီတစ်ပိဿာ (၃၀၀၀) ကျပ်၊ ပဲတောင့်ရှည် တစ်ပိဿာ (၁၀၀၀) ကျပ်၊ မုန်ညှင်း တစ်ပိဿာ (၂၀၀၀) ကျပ်၊ သခွားသီး တစ်ပိဿာ (၁၀၀၀) ကျပ်၊ ဗိုလ်စားပဲသီး တစ်ပိဿာ (၂၀၀၀) ကျပ်၊ ရွှေဖရုံသီး တစ်ပိဿာ (၁၄၀၀) ကျပ်၊ ငရုတ်သီးစိမ်း တစ်ပိဿာ (၂၅၀၀) ကျပ်၊ ချဉ်ပေါင်ရွက် တစ်စည်း (၅၀) ကျပ်ဖြင့် ရောင်းချခဲ့ကြောင်း သိရှိရပါသည်။
DOCA(မွန်)