စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏လမ်းညွှန်မှုဖြင့် မြို့နယ်တာဝန်ခံနှင့်ဝန်ထမ်းများသည် ၂၀၂၃ခုနှစ်၊ ဇူလိုင်လ ၁၄ရက်နေ့တွင် မိတ္ထီလာမြို့နယ်နှင့် သာစည်မြို့နယ်ရှိ မြို့မစျေးအတွင်းသို့သွားရောက်၍ မြို့နယ်စည်ပင်သာယာရေးအဖွဲ့နှင့်ပူးပေါင်းကာ စားသုံးဆီရောင်းချနေသောဆိုင်များကို ကွင်းဆင်းစစ်ဆေးခဲ့ပါသည်။
စားသုံးဆီအမျိုးမျိုးသည် လူတိုင်းနေ့စဉ်စားသုံးနေသော အစားအစာတစ်မျိုးမျိုးတွင် ပါဝင်နေသဖြင့် ၎င်းအစားအစာများမှတစ်ဆင့် လုံခြုံစိတ်ချရမှုမရှိပါက ကျန်းမာရေးချို့ယွင်းမှုများဖြစ်ပေါ်နိုင်သောကြောင့် ကုန်စည်များဘေးအန္တရာယ်ကင်းရှင်းရေးနှင့် ကုန်အညွှန်းအမှတ်အသားဆိုင်ရာသတ်မှတ်ချက်များနှင့်အညီ စားသုံးသူများနှင့်စီးပွားရေးလုပ်ငန်းရှင်တို့အကြား သတိပေးချက်တစ်ခုဖြစ်စေနိုင်ရန်နှင့် စားသုံးသူများအတွက်လည်း ဘေးအန္တရာယ်ကင်းရှင်းသောကုန်စည်ကိုသာ ဝယ်ယူရရှိစေရန်ရည်ရွယ်၍ ကွင်းဆင်းစစ်ဆေးခဲ့ပါသည်။
ထို့နောက် ရမည်းသင်းခရိုင်၊ ရမည်းသင်းမြို့နယ်နှင့် ပျော်ဘွယ်မြို့နယ်အတွင်းရှိ စားသုံးဆီအမျိုးမျိုးရောင်းချနေသောဆိုင် (၁၅) ဆိုင်အား ကွင်းဆင်းစစ်ဆေးရာတွင် ဘူး (Packing) ဖြင့် ရောင်းချသော Goody၊ Louts၊ Family၊ DD၊ Diamond၊ Good Choice၊ Meizan၊ Duck နှင့် Brinto ကုန်အမှတ်တံဆိပ်ပါ ဆီများကိုရောင်းချနေသည်ကိုတွေ့ရှိရကြောင်း၊ အဆိုပါစားသုံးဆီများတွင် ကုန်အညွှန်းအမှတ်အသားများကို ဥပဒေနှင့်အညီ ပြည့်စုံစွာဖော်ပြထားခြင်းရှိကြောင်းစစ်ဆေးတွေ့ရှိရ၍ စားသုံးဆီရောင်းချနေသော အရောင်းဆိုင်ရှင်များအနေဖြင့် ဌာန၏ညွှန်ကြားချက်များကို လိုက်နာဆောင်ရွက်သွားမည်ဖြစ်ကြောင်း သိရှိရပါသည်။
DOCA(မန္တလေး)